Morgunblaðið - 22.01.1995, Blaðsíða 34

34 SUNNUDAGUR 22. JANÚAR 1995
MORGUNBLAÐIÐ
Dýraglens
Grettir
BREF
HL BLAÐSINS
Kringlan 1103 Reykjavik • Sími 5691100 • Símbréf 5691329
Aramótin 1994 o g
1995, o g síðasti
bærinn í Dalnum
Frá Jens Guðmundssyni í
Kaldalóni:
MIKIÐ var það dýrðarinnar ijóma-
logn hér á pollinum á Isafirði á gaml-
árskvöld ársins 1994, að ljósgeislar
bæjarins spegluðu sig í haffletinum
og skrautljósadýrð togaranna blasti
við augum í allri sinni magnþrungnu
dýrð, sem óneitanlega heillaði huga
manns og tilveruna kringum mann.
Stærsta fiskiskip landsins skartaði
þar sínum dýrasta skrúða og lifði
þar sín fyrstu jól og nýár í kyrrð
friðarins eftir þungar öldur úthafsins
í myrkum heimi og byljasorta. Það
varð því kærkomin kyrrð yfir skipi
og skipshöfn þá í
land var komið og
friðurinn blasti við.
Á Hauganesi við
Holtahverfi var
haldin feiknamikil
gamlárskvölds-
brenna með slíkum
aragrúa áhorfenda
að ekki sást út yfír
söfnuðinn. Brenndur
var þar m.a. 20
tonna eikarbátur í
allri sinni tignar-
dýrð, ásamt ógrynni
af öðru léttmeti sem
kostafæðu í eldmet-
inu. Var þar sungið,
trallað og spilað af
listilegum harmón-
ikusnillingum, og
flestar syndir feðr-
anna frá liðna árinu
brenndar á þessu
veglega báli, enda veður eins og best
varð á kosið. Allra handa stjörnublys
og flugeldar skutust upp í miðjar
hlíðar, og tugir sólna sveimuðu hér
um loftin með þeim geislandi bjarma
að bjart varð upp í miðjar hlíðar.
Á sjúkrahúsinu hér á ísafirði varð
hér í þennan heim borið fyrsta barn
ársins 1995 hér í bæ morguninn 13.
janúar, reyndist það vera 3.840 gr.
að þyngd og 54 sm að lengd, spræk-
ur piltur og fríður eins og foreldrarn-
ir, Margrét Bjamdís Jensdóttir og
Kristinn Ebernesersson.
En úr Djúpinu gerðust þau stærstu
tíðindi á sl. ári, sem nokkum tímann
hafa þar gerst frá örófi alda að þar
fór í eyði, sem '‘ég kalla „síðasta
bæinn í Dalnum“, Unaðsdalur í Snæ-
fjallahreppi, ein stæsta og kostarík-
asta jörðin í Djúpinu. Þar vom húsa-
kynni fyrir 35-40 kýr, yfir 200 kinda
fjárhús, geysimikil vélageymsla, og
íbúðarhús sem ekki væri undir 13-15
milljóna kr. virði, miðað við kaup-
staðamælikvarða á íbúðum.
Þama bjuggu hjónin Kjartan
Helgason og Stefanía Ingólfsdóttir.
Var Kjartan þama fæddur og upp-
alinn en konan ættuð austan úr
Vopnafirði, kom þangað í blóma lífs-
ins og hitti þar á að lenda í þeirri
lífhöfn, sem góðar vættir visuðu
henni á í sólrisu sinna daga. Þá er
aðeins eftir einn bær í byggð á þeirri
kostaríku strönd, sem Snæfjalla-
ströndin óneitanlega hefur alla sína
daga verið, auk Æðeyjar sem umflot-
in er sæ.
En sveinsstyki sitt
innsiglaði fyrrver-
andi félagsmálaráð-
herra með því að
samþykkja samein-
ingu Nauteyrar-
hrepps við Hólma-
víkurhrepp og Snæ-
fjalla við Isaíjörð, og
mun það löngum í
minni haft að þá er
komið inn ströndina
og yfir miðju Kaldal-
ónsins er maður um
leið kominn norður í
Strandasýslu og
keyrir þar kafla
hennar þar til komið
er innfyrir Isafjarð-
ará, sem skilur að
lönd Reykjarfjarðar-
hrepps hins forna
sem og hins gamla
og góða fyrrverandi Nauteyrar-
hrepps. Og þó hún alla sína daga
hefði afturábak gengið, sómakonan
sú arna, og aldrei litið fram á veg
sinn um ævidagana, hefði hún aldrei
vitlausari hlut tálgað getað saman
með jafn afdrifalegum og háskaleg-
um afleiðingum sem þessi gerð á
eftir að valda byggðarlagi okkar
Djúpmanna.
En nú kúrir hann í einsemd sinni
„síðasti bærinn í Dalnum". Grafar-
þögn og dauðakyrrð ríkir þar, sem
áður var uppljómað ljósum kærleika
og gleði. Við þökkum þeim hjónum
og öllu þeirra fólki fyrir ánægju alla
og hin elskulegustu samskipti frá því
fyrst til hins síaðsta. Biðjum þeim
heilla og gleðilegs nýárs með þökk
fyrir öll liðnu árin.
JENS í KALDALÓNI.
MARGRÉT Bjarndís
Jensdóttir með „nýárs-
barn“ Isfirðinga.
Áskorun til félagsmálayfirvalda
um breytingu á vinnureglum
Frá Karin Elísabetu Hannesdóttur:
FYRIRKOMULAGIÐ í dag byggist
á því að misvitrir félagsráðgjafar
semja greinargerðir fyrir bama-
vemdarnefnd. Skjólstæðingar „fá
að tjá sig“ um greinargerðirnar
þegar búið er að fullvinna þær og
hreinskrifa. Það er sama hversu
vitlaus og röng greinargerðin er,
hún er óbreytanleg úr hendi félags-
ráðgjafans. Með tímanum fymist
yfír „leiðréttingartjáningu" skjól-
stæðinganna, nýir starfsmenn
koma að greinargerðunum og með
tímanum skapast mikið ruglmál
sem aldrei þurfti að vera ef lýðræð-
islegri vinnureglum hefði verið
heitt.
Ég skora á félagsmálayfirvöld
að gefa skjólstæðingum sínum kost
á að leiðrétta greinargerðirnar um
líf sitt áður en þær eru fullunnar
svo leiðréttingamar skili sér svartar
á hvítu.
KARIN ELÍSABET HANNESDÓTTIR,
Hábergi 7, Reykjavík.
Allt efni sem birtist I Morgunblaðinu og Lesbók verður framvegis varðveitt í
uppiýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að iútandi.