Morgunblaðið - 24.05.1995, Blaðsíða 12
12 MIÐVIKUDAGUR 24. MAÍ 1995
MORGUNBLAÐIÐ
AKUREYRI
*
Iþrótta- og
útivistar-
dagurinn
ÍÞRÓTTA- og útivistardagur-
inn verður á á Akureyri næsta
laugardag, 27. maíj en að hon-
um standa m.a. Iþrótta- og
tómstundaráð, Heilsugæslu-
stöðin, ÍBA, Heilsuefling. og
Krabbameinsfélag Akureyrar
og nágrennis.
Kjörorð dagsins er „Heilsu-
efling hefst hjá þér“ en Heilsu-
efling er samstarfsverkefni
heilbrigðisráðuneytisins og
landlæknisembættisins og
fleiri aðila.
Dagskrá íþrótta- og útivist-
ardagsins á Akureyri fer fram
á fjölmörgum stöðum í bæn-
um, en hann verður settur á
Ráðhústorgi kl. 10.45. með
ávarpi Friðriks Vagns Guð-
jónssonar, yfirlæknis á Heilsu-
gæslustöðinni á Akureyri, en
meðal annarra atriða þar
verða íþróttasýningar af ýmsu
tagi.
Krabbameinshlaupið hefst
við Dynheima kl. 12.00,
ókeypis aðgangur verður í
sundlaugamar, sundlaugar-
diskó verður í Sundlaug Akur-
eyrar frá kl. 20.00 til 22.00
og ýmislegt verður um að vera
á svæðum íþróttafélaganna í
bænum.
Sumarbúðir
í Hamri
FIMM námskeið verða í Sum-
arbúðunum í Hamri nú í
sumar. Það fyrsta byijar 6.
júní næstkomandi en nám-
skeiðin standa ýmist í 9 eða
10 daga. Dagskrá sumarbúð-
anna er samfelld frá 9-16 alla
daga en gæsla er frá kl. 8.00
á morgnana til 17.00 síðdegis.
Boðið er upp á fjölbreytta
íþróttaiðkun og áhersla lögð á
að þátttakendur kynnist sem
flestum íþróttagreinum og
leikjum, en markmiðið er að
vekja áhuga hjá börnunum á
íþróttum.
Innritun fer fram í Hamri
alla daga.
Dagur
aldraðra
MESSAÐ verður í Akureyrar-
kirkju á morgun, uppstigning-
ardag, sem einnig er dagur
aldraðra, kl. 14.00. Séra Sig-
urður Guðmundsson vi'gslu-
biskup prédikar. Kór aldraðra
syngur undir stjórn Sigríðar
Schiöth, sem jafnframt er org-
anisti. Eftir messu býður sókn-
arnefnd Akureyrarkirkju til
kaffidrykkju í Safnaðarheimil-
inu. Bílferðir verða úr Víði-
lundi og frá Hlíð.
Glerárkirkja
GUÐSÞJÓNUSTA verður í
kirkjunni kl. 14.00 á uppstign-
ingardag. Kvenfélagið Bald-
ursbrá annast kaffíveitingar í
safnaðarsal kirkjunnar að at-
höfninni iokinni. Eldri borgar-
ar sérstaklega boðnir vel-
komnir.
Morgunblaðið/Rúnar Þór
Góð veiði við Grímsey
MOKVEIÐI hefur verið hjá Grímseyjarbátum síðustu vikur. Alfreð Garðarsson landar hér úr Haföld-
unni EA sem hann á í félagi við Gylfa Garðarsson. Bátinn keyptu þeir í vetur og gera út á línu.
Flutningur grunnskóla til sveitarfélaga ræddur á Dalvík
Sveitarfélög misjafnlega
í stakk búin fjárhagslega
Dalvík. Morgunblaðið.
GRUNNSKÓLINN yfír til sveitarfé-
laganna var yfírskrift fundar sem
haldinn var í Dalvíkurskóla á mánu-
dagskvöld. Hann var haldinn að til-
stuðlan skólastjóra við utanverðan
Eyjafjörð að vestan, fyrir sveitar-
stjórnarfólk, skólafólk og foreldra á
Dalvík, Ólafsfirði, Hrísey, Svarf-
aðardal og Árskógsströnd.
Þórunn Bergsdóttir, skólastjóri
Dalvíkurskóla, setti fundinn og fór
nokkrum orðum um tilefni fundarins
og þörf fyrir umræðu um hið nýja
fýrirkomulag á rekstri grunnskól-
anna sem mun taka gildi 1. ágúst
1996. Rögnvaldur Friðbjörnsson
bæjarstjóri flutti ávarp og þá voru
þijú erindi flutt. Frummælendur
voru Trausti Þorsteinsson fræðslu-
stjóri, Guðrún Ebba Ólafsdóttir,
varaformaður Kennarasamband ís-
lands, og Valgarður Hilmarsson
varaformaður, Samtaka sveitarfé-
laga.
I máli þeirra kom m.a. fram að
miklar breytingar munu verða við
flutning grunnskólans til sveitarfé-
laga, haustið 1996 og því mikilsvert
að sveitarfélög, ríkið og kennarafé-
lögin standi saman að þessari breyt-
ingu.
I máli Valgarðs kom reyndar fram
að Samtök sveitarfélaga hafa átt
mjög gott samstarf við kennara-
félögin sem er forsenda þess að
breytingin verði skólanum og þeim
sem þjónustu hans þiggja til góðs.
Ljóst er að sveitarfélög eru misjafn-
lega í stakk búin fjárhagslega til að
Skólanefndir sjá
um eftirlit með
innra starfi skóla
takast á við þetta verkefni en enn
er ekki ljóst hvemig ríkið mun koma
til móts við þau sveitarfélög sem
bera hlutfallslega mestan kostnað
vegna breytingarinnar, t.d. fámenn
og dreifð byggðalög. Þá eru réttinda-
mál kennara ekki fullfrágengin sem
og fyrirkomulag fræðsluskrifstofu.
Aukin áhrif foreldra
Samkvæmt nýjum lögum um
grunnskóla munu skólanefndir fá
aukið hlutverk og vægi sem felst
m.a. í eftirliti með innra starfí skól-
ans, námi og kennslu sem hefur
hingað til ekki verið í verkahring
skólanefnda. Þá er gert ráð fyrir
auknum áhrifum foreldra á skóla-
starfíð með skipan þriggja manna
foreldraráðs í hveijum skóla.
Það sem menn hefur helst greint
á um er fjölgun samræmdra prófa.
Kjarnagreinar verða þijár, íslenska,
stærðfræði og enska og verða sam-
ræmd próf haldin i þeim í lok 4. óg
7. bekkjar. Jafnframt verða sam-
ræmd próf í 10. bekk í fjórum grein-
um, kjarnagreinunum þremur, auk
greinar sem menntamálaráðherra
ákveður hveiju sinni.
Á fundinn mættu um 90 manns
og urðu miklar og góðar umræður
enda tilefnið þarft og benti Þórunn
Bergsdóttir skólastjóri sérstaklega á
þörfína fyrir umræðu í heimahéraði
þar sem ákvarðanir munu vérða
teknar í framtíðinni.
Lionsklúbburinn
Hængur
Börnum at-
vinnulausra
boðið í sum-
arbúðir
LIONSKLÚBBURINN Hængur á
Akureyri hefur ákveðið að bjóða
um það bil 20 styrki til barna sem
áhuga hafa á vikudvöl í sumar-
búðunum KFUM og K að Hóla-
vatni í Eyjafirði. Styrkirnir eru
ætlaðir börnum foreldra/for-
ráðamanna sem misst hafa at-
vinnu á Akureyri á síðustu miss-
erum.
Ólafur Ólafsson formaður
verkefnastjórnar Hængs sagði að
klúbburinn gæfi árlega út auglýs-
ingablaðið Leó og væru tekjur
af því notaðar til margvíslegra
verkefna. Síðastliðin þijú ár
hefði klúbburinn einbeitt sér að
ýmsum hliðum atvinnuleysis og
þannig var Mæðrastyrksnefnd
afhentur styrkur fyrsta árið.
„Síðan var farið að huga að því
hvernig við gætum orðið börnum
að liði og þessi hugmynd kom
fljótt upp,“ sagði Olafur, en þetta
er annað árið sem klúbburinn
styrkir börn atvinnulausra til
sumardvalar á Hólavatni.
„Þetta gekk vel í fyrra og því
var ákveðið að halda áfram með
þetta verkefni,“ sagði Ólafur.
Sumarbúðirnar eru ætlaðar
drengjum og stúlkum 8 ára og
eldri, en einnig verður boðið upp
á dvöl fyrir unglinga, 12-15 ára
í ágúst.
Fullur trúnaður er varðandi
umsóknir, en séra Þórhallur
Höskuldsson sóknarprestur í
Akureyrarkirkju tekur við um-
sóknum og þurfa skriflega um-
sóknir að berast til hans fyrir 3.
júní næstkomandi.
„Við erum afskaplega ánægð
með þetta samstarf og þakklát
fyrir þetta framlag Lionsklúbbs-
ins,“ sagði Anna Ingólfsdóttir
sem sér um innritun í sumarbúð-
irnar.
Súðvíkingum boðið
í sumarbúðir
Þá ætla Hængsfélagar einnig
að bjóða 5 börnum frá Súðavík
til dvalar á Hólavatni. Ólafur
sagði að efnt hefði verið til lands-
söfnunar Lionsmanna eftir ham-
farimar þar í vetur og væri þetta
framlag Hængs í þeirri söfnun.
Leitað hefur verið til Flugfélags
Norðurlands scm ætlar að flytja
bömin án endurgjalds til Akur-
eyrar.
Lagt af stað frá Litháen með flotkví í eftirdragi
Tólf daga sigling
yfir hafið framundan
Ibúð á Akureyri til sölu
Til sölu á Brekkunni (Ásvegur 17) 5 herbergja neöri hæð i
tvíbýlishúsi um 170 fm. Stutt í sundlaug, skólana og
bæinn. Mikið endurnýjuð. Nýjar innréttingar og tæki.
íbúðin verður laus frá 1. ágúst. Bein sala.
Upplýsingar í síma 96-26428 eftir kl. 18.00.
„ÞETTA er mikill léttir," sagði Ein-
ar Sveinn Ólafsson, formaður hafn-
arstjómar Akureyrar, eftir að þýsk-
ur dráttarbátur lagði af stað frá
hafnarborginni Klapeida í Litháen
í gærdag með flotkví Akureyrar-
hafnar í eftirdragi.
Flotkvíin var afhent fulltrúum
Akureyrarhafnar í Litháen 2. maí
síðastliðinn og átti að hefja heim-
flutning hennar þá skömmu síðar,
en þá kom í ljós að tryggingafélög
settu fram kröfur um ýmis öryggis-
atriði sem að mati hafnarstjómar
voru óaðgengilegar. Var þvf leitað
eftir samningum um tryggingu
kvíarinnar í heimflutningi við þýskt
tryggingafélag. „Þetta er búið að
vera töluvert ströggl en núna loks-
ins er byijað að draga kvína til
Akureyrar," sagði Einar Sveinn.
Heimflutningur
tekur 12 daga
Hann sagði að samkvæmt upp-
lýsingum frá skipstjóra dráttarbáts-
ins tæki heimflutningurinn ekki
nema um 12 daga og yrði kvíin því
komin til Akureyrar um Hvíta-
sunnuhelgina. „Kvíin er 2.800 tonn
að þyngd, en báturinn er mjög
öflugur og þá er veðurspáin fyrir
næstu 5 daga hagstæð þannig að
við vonum að þetta gangi allt sam-
an vel,“ sagði Einar Sveinn en ekki
má ferðast með kvína í eftirdragi
verði vindhraði meiri en 6 vindstig
og ölduhæð yfír 5 metra.
Vinna við gerð flotkvíarstæðis
gengur samkvæmt áætlun og verð-
ur verkinu lokið 7. júní næstkom-
andi. Búið er að bjóða út síðasta
verkþáttinn vegna flotkvíarinnar,
sem eru festingar en verklok eru
áætluð 1. ágúst næstkomandi. „Það
verður hægt að nota kvína í sumar
þó ekki verði að fullu búið að ganga
frá festingunum," sagði formaður
hafnarstjórnar.
Alls eru 5 menn um borð í flot-
kvínni á heimleiðinni, þar af 4 frá
skipasmíðastöðinni og einn Þjóð-
veiji og þá eru 12 manns í áhöfn
dráttarbátsins.