Morgunblaðið - 24.05.1995, Blaðsíða 14
14 MIÐVIKUDAGUR 24. MAÍ 1995
MORGUNBLAÐIÐ
VIÐSKIPTI
Þórsbrunnur hf. gerir samning um dreifingu á íslensku vatni um öll Bandaríkin
átöppunarverksmiðju
Samþykkt að auka hlutafé um 120 milljónir
Morgunblaðið/Sverrir
EINAR Pálmarsson, sljórnarmaður í Þórsbrunni, Ragnar Atli Guðmundsson, forstjóri, Sigurður
Gísli Pálmason, stjórnarformaður, Ingibjörg Sólrún Gísladóttir, borgarstjóri, og Hreinn Loftsson,
lögmaður Vífilfells, kynntu áform um byggingu nýrrar átöppunarverksmiðju fyrir vatn á blaða-
mannafundi í gær.
ÓRSBRUNNUR hf. hefur
ákveðið að ráðast í
byggingu átöppunar-
verksmiðju fyrir vatn á
svæði Vatnsveitu Reykjavíkur,
vestan við Hólmsá. Þar verður í
fyrsta áfanga hægt að tappa á
nálægt 20 milljónum lítra af vatni
sem áætlað er að selja á Banda-
ríkjamarkaði.
Fjárfestingin í verksmiðjunni er
áætluð um 200 milljónir króna og
verður hlutafé félagsins aukið um
120 milljónir króna í tengslum við
þetta verkefni. Þessi ákvörðun var
tekin í kjölfar samnings við eitt
stærsta óháða átöppunarfyrirtæki
Bandaríkjanna um dreifingu á
vatni í öllum fylkjum þar í landi.
Núverandi eignaraðilar, Fjár-
festingarfélagið Þor hf. og Vífil-
fell hf., hafa þegar ákveðið að
taka fullan þátt í hlutafjáraukn-
ingunni til samræmis 80% eignar-
hlut þeirra. Reykjavíkurborg á
hins vegar að taka afstöðu til þess
hvort Vatnsveitan eykur sitt hlut-
afé en hún á fyrir 20% eignarhlut.
Viðræður við
borgaryfirvöld um lóð
Þórsbrunnur hefur allt frá árinu
1990 kannað markaði fyrir vatn í
Bandaríkjunum og náð nokkrum
árangri í miðríkjunum kringum
Chicago. Hefur vatninu verið tapp-
að á í verksmiðju Vífilfells. „Á
þessum tíma höfum við verið að
afla okkur reynslu og læra á
markaðinn," sagði Sigurður Gísli
Pálmason, stjórnarformaður Þórs-
brunns, á fundi með blaða- og
fréttamönnum í gær. Hann skýrði
frá því að í byijun þessa mánaðar
hefðu náðst samningar við fyrir-
tækið Select Beverages um einka-
leyfi á dreifingu í öllum Bandaríkj-
unum. Þetta fyrirtæki dreifir vör-
unni nú þegar í þremur fylkjum
og stendur sjálft að henni en mun
síðan sjá um að útvega dreifiaðila
í öðrum fylkjum í samvinnu við
Þórsbrunn.
„Þetta kallar á það að ráðist
verði í byggingu á vegum félags-
ins á húsi'fyrir átöppun. Við höfum
þegar hafið viðræður við borgaryf-
irvöld um lóð undir þetta hús sem
verður væntanlega einhvers staðar
nálægt starfssvæði Vatnsveitunn-
ar vestan við Hólmsá. Það er fyrir-
hugað að reisa um 1.200 fermetra
hús í fyrsta áfanga og að starfs-
menn verði tuttugu talsins. Af-
kastageta þessarar verksmiðju
verður í fyrsta áfanga allt að 20
milljón lítrar á ári. Síðan er gert
ráð fyrir að verksmiðjan geti
stækkað þegar fram líða stundir
og þörf krefur."
Selja 5 milljónir lítra í ár
Ragnar Atli Guðmundsson, for-
stjóri Þórsbrunns, sagði að fyrir-
tækið hefði náð um 8% markaðs-
hlutdeild á síðasta ári á svæðinu
kringum Chicago og væri þar í
öðru sæti yfir mest selda vatnið í
2 lítra eða minni umbúðum.
„Langtímamarkmið fyrirtækisins
er háleitt, þ.e. að ná 5% markaðs-
hlutdeild í öllum fylkjum Banda-
ríkjanna," sagði Ragnar. Hann
skýrði frá því að þetta jafngilti
um 75 milljónum lítra miðað við
heildarsölu ársins 1993. Á síðasta
ári seldi Þórsbrunnur alls um 3,5
milljónir lítra fyrir um 180 milljón-
ir króna og á þessu ári er gert ráð
fyrir að salan verði nálægt 5 millj-
ónum lítra. Hefur Þórsbrunnur þeg-
ar varið um 170 milljónum til mark-
aðssetningar í Bandaríkjunum.
Ein ástæða þess að reisa þarf
sérstaka átöppunarverksmiðju er
ný reglugerð sem tekur gildi í
Bandaríkjunum um næstu áramót.
Þar er að finna nýjar skilgreining-
ar á lindarvatni sem leggja þær
kvaðir á framleiðendur að vatninu
sé tappað á umbúðir mjög nálægt
lindinni. Ef það tekst ekki skaðar
það gæðaímynd vatnsins og það
fellur í verði.
Mikil gæði
íslenska vatnsins
Hreinn Loftsson, lögmaður
Vífílfells, sagði að grundvöllur
þess góða árangurs sem náðst
hefði í Bandaríkjunum byggðist
fyrst og fremst á gæðum íslenska
vatnsins. Vatnið hefði líkað frá-
bærlega vel jafnframt því að gæði
framleiðslunnar hjá Vífilfelli væru
mjög mikil. Þetta tvennt hefði
tryggt pað að mikill áhugi væri
hjá erlenda samstarfsaðilanum að
taka vatnið í dreifingu um öll
Bandaríkin. „Það hefur ekki komið
ein einasta kvörtun frá nokkrum
aðila varðandi þessa framleiðslu,"
sagði Hreinn.
Stjórn Veitustofnana og
Borgarráð ákváðu á síðasta ári
að auka hlut Vatnsveitunnar í
Þórsbrunni í 20% eða um 14,5
milljónir. Jafnframt var ákveðið
að leggja Þórsbrunni til 20,5 millj-
óna króna lán eða samtals 35
milljónir. Þetta framlag átti að
vera í formi lindar og vatnslagn-
ar. Ingibjörg Sólrún Gísladóttir,
borgarstjóri, sagði að það kæmi
nú til skoðunar hjá Vatnsveitunni
hvort lánsfjárheimildinni yrði
breytt í hlutafé þannig að borgin
héldi sínum 20% hlut. Jafnframt
kæmi til skoðunar ósk frá stjórn
Þórsbrunns um að fundin yrði lóð
sem næst lind Vatnsveitunnar við
Hólmsá,. „Þetta er auðvitað við-
kvæmt svæði því þarna er vatns-
verndarsvæði Vatnsveitunnar. Það
verður auðvitað að ganga vel frá
öllum málum vegna vatnsverndar-
innar þannig að ekkert frárennsíi
verði frá þessu húsi.“
í stjórn Þórsbrunns sitja nú auk
Sigurðar Gísla þeir Ragnar Atli
Guðmundsson, Hreinn Loftsson,
Einar Pálmarsson og Helgi Hjör-
var. Framkvæmdastjóri félagsins
er Dröfn Þórisdóttir.
Strengur og Skyggnir
Kaupa rekstur Tölvu-
miðstöðvarinnar
Tap Þörungavinnslunnar hf. 3,6 milljónir í fyrra
Unnið að fjárhagslegri
endurskipulagningu
STRENGUR hf. og Skyggnir hf.
hafa keypt rekstur Tölvumiðstöðv-
arinnar hf., umboðsaðila við-
skiptahugbúnaðarins BOS á ís-
landi.
Strengur er umboðsaðili viðskipta-
hugbúnaðarins Fjölnis. Skyggnir
sem er í eigu Eimskips og Strengs,
mun selja og þjónusta Fjölni ásamt
Streng og vinna að sérverkefnum
á sviði upplýsingavinnslu fyrir
Eimskip.
Fjölnishugbúnaður sem
framtíðarlausn
Með kaupum Strengs og
Skyggnis á Tölvumiðstöðinni, TM,
hefur verið ákveðið að leggja
áherslu á F’jölnishugbúnáð sem
framtíðarlausn TM. Viðskiptavinir
TM fá engu að síður áfram fulla
þjónustu á kerfum sinum eins og
verið hefur samkvæmt skilmálum
þjónustusamnings.
í fréttatilkynningu segir að
starfsfólk TM hafí mikla reynslu
við þróun viðskiptahugbúnaðar
ásamt sérþekkingu á framleiðslu-
kerfum. Muni sú reynsla nýtast
áfram og styrkja þróun Fjölnis á
Islandi eftir að starfsmennirnir
hefji störf hjá Skyggni hf.
Skyggnir býður þeim viðskipta-
vinum TM sem óska eftir því að
kaupa Fjölni, sérstök kjör á nýjum
hugbúnaði og yfirfærslu gagna á
milli kerfa. Auk þess munu brýr
á milli þessara kerfa verða smíðað-
ar eftir þörfum.
í fréttatilkynningunni segir að
rekstur TM hafi gengið vel á und-
anfömum árum. Félagið hafi aftur
á móti staðið á ákveðnum tíma-
mótum þar sem það þurfti annað
hvort að fjárfesta í nýjum hugbún-
aði og taka þannig þátt í sívax-
andi samkeppni á íslenska mark-
aðnum, eða ganga til samstarfs
við fyrirtæki sem byði öflugan og
sveigjanlegan viðskiptahugbúnað
með mikla markaðshlutdeild.
Seinni kosturinn hafi orðið fyrir
valinu.
TAP Þörungavinnslunnar hf. á
Reykhólum á síðasta ári nam alls
um 3,6 milljónum að teknu tilliti til
4,3 milljóna niðurfærslu á viðskip-
takröfu vegna viðskipta við Brim
Ocean í Svíþjóð. Árið áður nam tap-
ið um 9,5 milljónum. Þetta kom fram
á aðalfundi Þörungaverksmiðjunnar
sem var haldinn miðvikudaginn 17.
maí á Reykhólum.
Rekstur verksmiðjunnar hefur
gengið illa á undanfömum árum en
nú hefur eitthvað rofað til í rekstrin-
um. Unnið hefur verið að fjárhags-
legri endurskipulagningu verksmiðj-
unnar að undanfömu og hafa náðst
samningar við lánardrottna sem fela
í sér niðurfellingu skulda og breyt-
ingu skulda í hlutafé. Samningarnir
fela í sér að skuldir að fjárhæð 29
milljónir verða felldar niður og 23
milljónum breytt í hlutafé.
Vinnsla þangmjöls hófst síðla
maímánaðar á síðasta ári og stóð til
loka nóvember. Framleiðslán nam
alls um 2.850 tonnum sem er um
850 tonnum meira magn en á árinu
1993. Framleiðsla þaramjöls úr
hrossaþara var alls 381 tonn sem er
um 26 tonna aukning frá árinu áður.
Alls voru seld 2.411 tonn af þang-
mjöli sem er um 950 tonnum minna
en á árinu 1993. Þá voru seld 355
tonn af þaramjöli sem er 23 tonnum
minna en á árinu á undan. Rekstrar-
tekjur drógust því saman úr um 77
milljónum í um 54 milljónir eða um
29% milli ára.
Eigið fé neikvætt um
43 milljónir
í lok ársins var eigið fé neikvætt
um 43 milljónir. Hluthafar í félaginu
voru 73 talsins og áttu þrír meira
en 10% þ.e. Pronova A/S í Noregi
sem átti 40% af hlutafénu, Byggða-
stofnun átti 37,9% og Reykhóla-
hreppur 17,8%.
í aðalstjórn voru kosnir Jón Birgir
Jónsson, formaður og aðrir í stjórn
eru Jenný Stefanía Jónsdóttir,
Skarphéðinn Steinarsson, Stefán
Magnússon og Guðmundur Rafn
Bjarnason. Ríkisendurskoðun var
falið að endurskoða reikninga í ná-
inni framtíð. Framkvæmdastjóri Þör-
ungaverksmiðjunnar er Bjarni Óskar
Halldórsson.
---------------
Windows 95
dagnrí
ágúst
Scattle. Reutcr.
MICROSOFT hyggst markaðssetja
stýrikerfið Windows 95 24. ágúst
og það verður fáanlegt í verzlunum
sama dag að sögn formælanda fyr-
irtækisins, sem vildi ekkert meira
um málið segja í gag.