Morgunblaðið - 24.05.1995, Blaðsíða 22

22 MIÐVIKUDAGUR 24. MAÍ 1995
MORGUNBLAÐIÐ
Við borgum
ekki
SÍÐUSTU sýningar á farsanum
Við borgum ekki - Við borgum
ekki eftir Dario Fo verða á
föstudag og laugardag næst-
komandi. Verkið er áttunda
verkefni 98. leikárs 1994-1995.
Efni leiksins er sótt til efna-
hagserfiðleika sem ríktu á
Norður-Ítalíu 1974.
í kjölfar þessa risu upp and-
stöðuhópar verkafólks sem
neituðu að greiða uppsett verð
á matvöru í verslunum. Úr
þessum jarðvegi er efni leiks-
ins, misskilningur og átök
komið.
Sönggleði
og tón-
fegurð
TÓNLIST
Langholtskirkja
SÖNGTÓNLEIKAR
Gradualekór Langholtskirkju flyt-
ur íslensk og erlend söngverk.
Stjórnandi Jón Stefánsson. Laugar-
dagur 20. mai 1995.
GRADUALEKÓR Langholts-
kirkju er eitt nýjasta dæmið um
markvisst tónlistaruppeldi barna og
hefur Jón Stefánsson numið þar ný
lönd og var þó þar æriri vinna að
baki og vel unnin, sem tengist sjálf-
um Kór Langholtskirkju.
Tónleikum Gradualekór Lang-
holtskirkju, en svo nefnist þessi
barnakór, er skipaður vel syngjandi
börnum og unglingum og hófust
þeir á nokkrum íslenskum söngvum;
Ég bið að heilsa og Ó, blessuð vertu
sumarsól, bæði eftir Inga T. Lárus-
son, Þú álfu vorrar, eftir Sigfús
Einarsson, Maístjörnunni, eftir Jón
Ásgeirsson, Máríá, eftir Pál ísólfs-
son, Te Deum, eftir Þorkel Sigur-
bjömsson, Salutaris Marie, eftir Jón
Nordal og tveimur barnagælum eft-
ir Jórunni Viðar og Hjálmar H.
Ragnarsson. Lögin er nokkuð mis-
erfið, bæði er varðar tónskipan og
raddleg tóngæði og þó einfaldari
lögin væri sérlega fallega sungin
bar söngur þeirra í Te Deum Þor-
kels, Salutaris Jóns Nordais og
tveimur barnagælum, fyrri eftir
Jórunni Viðar en seinni eftir Hjálm-
ar H. Ragnarsson, þess merki, að
hér er á ferðinni kór sem kann
ýmislegt fyrir sér.
Barnagæla Hjálmars, við skondið
kvæði Vilborgar Dagbjartsdóttur,
var sérlega vel flutt og það hratt,
að „tónles“-aðferðin, sem Hjálmar
beitir mjög skemmtilega, skilaði
textanum vel. Andstæðan í tón-
myndum kom mjög fram I líðandi
og fagurhljómandi tónun laga, eins
og Ég bið að heilsa, eftir Inga T.,
Máríuversi Páls og Bamagælu Jór-
unnar Viðar. Þjóðlagið Kmmmi
krunkar úti og Þjóðlífsmyndin eftir
Jón Ásgeirrson voru einum of hröð
í flutningi, en þar má segja, að lag-
ferlið, sem er ekki hugsað sam-
kvæmt tónlesaðferðinni, verði einum
of tóngrannt, sé sungið hratt.
Senn kemur vor, eftir Kabalevsky,
var eitt tónfegursta lag tónleikanna.
Sönggleðin leyndi sér ekki í seinni
hluta tónleikanna með þremur vin-
sælum lögum af léttari gerðinni,
þremur negrasálmum og syrpu úr
Söngvaseiði, sem öll voru ágætlega
sungin. í negrasálmunum sungu
Árný Ingvarsdóttir, Ásdís Kristins-
dóttir Lovísa Árnadóttir einsöng, en
auk stjórnandans lék Lára Bryndís
Eggertsdóttir undir á píanó, er sýndi
að söngvararnir ungu eru efnilegt
tónlistarfólk. Fyrir utan góðan söng
setti sönggleði barnanna og glaðlegt
viðmót stjórnandans, Jóns Stefáns-
sonar, skemmtilegan svip á þessa
ágætu tónleika.
Jón Ásgeirsson
LISTIR
EGGERT, Margrét Helga, Hanna María, Magnús og Ari í Við borgum ekki - Við borgum ekki.
Samvinna skálda og tónlistarmanna
Ljóð og djass á menn-
ingarhátíð Vesturbæjar
Á SÖGU- og menn-
ingarhátíð Vestur-
bæjar í kvöld verður
flutt Ijóða- og djass-
dagskrá I Hlaðvarp-
anum. Höfundur tón-
listar er Carl Möller
og með honum leika
tónlistarmennimir
Guðmundur Stein-
grímsson og Róbert
Þórhallsson. Skáldin
sem koma fram eru
Nína Björk Árnadótt-
ir, Jóhann Hjálmars-
son, Matthías Jo-
hannessen, Ari Gísli
Bragason, Didda og
Þorri. Una Margrét Jónsdóttir les
ljóð eftir Jón Óskar.
Gömul samvinna og ný
Að sögn Carls Möllers hefur
dagskráin verið flutt áður á Hótel
Borg, í Norræna hús-
inu, hjá lista- og
menningarfélaginu
Dægradvöl í Bessa-
staðahreppi og í
nokkrum skólum.
Flest skáldin og tón-
listarmennimir hófu
reyndar samvinnu um
miðjan áttunda ára-
tuginn, en nú hefur
yngra fólk bæst við.
Að nokkru hefur
verið vikið frá upp-
haflegri dagskrá með
því að bæta við efni
sem tengist Vestur-
bænum.
Lagrænn (Jjass
Carl Möller kvað það forréttindi
að vinna með skáldum. „Lögin em
mín upplifun af ljóðunum sem
mig langar að fólk deili með mér,“
sagði hann og bætti við að hann
„undirstrikaði ákveðna hluti í ljóð-
unum með músík“. Dagskráin er
að sögn hans unnin sem ein heild.
Tónlistina skilgreinir hann sem
„lagrænan djass".
Hópurinn fær að hans dómi til-
valið tækifæri til að koma saman
með þátttöku í Vesturbæjarhátíð-
inni. Hann segir að útgáfa geisla-
disks sé í bigerð hjá hópnum.
Undirtektir hafi verið mjög góðar
og hvatning til að halda áfram á
sömu braut.
Carl Möller hefur aðallega sam-
ið djasstónlist. Hann hefur spilað
á Rúrek-hátíðum og farið sem
fulltrúi íslands til Óslóar og á fleiri
erlendar djasshátíðir og verið
þátttakandi í djassflutningi í
Barbican-miðstöðinni í London.
Ljóða- og djassdagskráin hefst
kl. 22 í kvöld í Hlaðvarpanum við
Vesturgötu.
Carl Möller
Létt lög Mosfellskórsins
ÁRLEGIR vortónleikar Mosfells-
kórsins verða haldnir í Bæjarleik-
húsinu í Mosfellsbæ, i kvöld kl. 21.
Á efnisskrá eru létt og fjörug
lög; Bítlasyrpa, Þetta er yndis-
legt líf, Kvöldsigling o. fl.
Stjórnandi kórsins er Páll
Helgason og spilar hann einnig
undir með aðstoð trommu og
bassaleikara.
Verð aðgöngumiða er 600 kr.
og eru þeir seldir við innganginn.
Sumarnámskeið Eddu
Björgvins og Gísla Rúnars
MIKIL aðsókn hefur verið á nám-
skeið í „Leiklistarstúdíói Eddu
Björgvins og Gfsla Rúnars" frá því
það tók til starfa í Reykjavík í
marsmánuði sl. Þar er tilsögn í
„hagnýtri leiklist" og boðið upp á
ýmiss konar námskeið.
Vegna eftirspurnar hefur verið
ákveðið að stofna til sérstakrar
sumarannar f júní og júlí. Þar verð-
ur boðið upp á byrjendanámskeið í
leiklist, þ.e. fyrir ungmenni á aldrin-
um 13 til 15 ára, en sá aldurshópur
hefur sótt mjög fast að komast á
námskeið hjá Stúdíóinu en aldur-
slágmark hefur fram til þessa verið
16 ár.
Einnig hefur verið afráðið að
bæta við a.m.k. einu sex vikna
mámskeiði fyrir fullorðna.
Nýjar bækur
• Garðyrkjufélag íslands verður
110 ára 26. maí. Félagar nú eru
um 3.500. Núverandi formaðurer
Sigríður Hjartar.
Félagsgjald árið 1995 er kr.
1.800. Innifalið í árgjaldi er: Garð-
yrkjuritið, ársrit um 200 síður,
með fjölmörgum greinum um ýmiss
konar ræktun, kemur út í júníbyij-
un. Fréttabréf, 6-8 sinnum á ári,
árstíðabundnar fréttir. Pöntunar-
listar, vorlaukar, haustlaukar, fræ-
listi. Fræðslufundir í Reykjavík
4-5 á vetri. Skoðunarferðir.
Garðaskoðun á höfuðborgarsvæð-
inu, árshátíð garðaáhugafólks.
Bókasafn.
Markmið félagsins hefur frá upp-
hafí verið að örva trú manna á gróð-
urmætti íslands og gera sem flest-
um aðgengilegar upplýsingar um
ræktun og hvemig best er að standa
að verki við íslenskar aðstæður.
G.í. hefur gefið út allmargar bækur
um ræktun.
Félagið minnist 110 ára afmælis-
ins með útgáfu bókarinnar Garður-
inn. Hugmyndirað skipulagi og
efnisvali. Höfundar eru Anna Fjóla
Gísladóttir Ijósmyndari og lands-
lagsarkitektarnir Auður Sveinsdótt-
ir og Fríða Björg Eðvarðsdóttir en
Gísli B. Björnsson teiknari annaðist
útlitshönnun bókarinnar. Þetta er
fyrsta íslenska bókin sem fjallar
einkum um hönnun garðsins, fjöl-
breytni í skipulagi og efnisvali.
Bókin Garðurinn er 208 síður,
prýdd 340 ljósmyndum úr íslensk-
um görðum og um 80 skýringar-
teikningum. I henni er m.a. að finna
ýmsar hugmyndir að skipulagi
garða við ólíkar aðstæður og skipu-
lagsuppdrætti eftir 20 íslenska
landslagsarkitekta.
Ljósmyndasýning í
Kaupmannahöfn
Náttúran
og maður-
inn-i
gamni og
alvöru
Kaupmannahöfn. Morgunblaðid.
NORRÆN ljósmyndasýning opn-
aði um helgina í Charlottenborg við
Kóngsins nýja torg í Kaupmanna-
höfn. Börkúr Amarson ljósmyndari
og Svanur Kristbergsson skáld eiga
í sameiningu verk á sýningunni, en
sýningin ber heitið „Stranger than
Paradise", eða „Undarlegra en para-
dís“. Þeir félagar eiga tvö verk á
sýningunni, sem áður hefur verið
sýnd í New York, þar sem þriðja
verkið þeirra seldist. Sýningin hefur
hlotið mikla umfjöllun í dönskum
fjölmiðlum. Aðaláherslan er lögð á
ljósmyndir, sem ljósmyndararnir
hafa unnið með, svo um er að ræða
óhefðbundnar ljósmyndir.
Ekki einangrað fyrirbæri
Steven Henry Madoff listgagnrýn-
andi New York Times og fyrrum rit-
stjóri Art News, stærsta bandaríska
listatímaritsins, setti sýninguna upp
að beiðni American Scandinavian
Foundation. Árið 1982 stóð stofnunin
að umfangsmikilli ljósmyndasýningu,
þar sem viðmiðunin var að norræn
ljósmyndun hefði upp á eitthvað sér-
stakt og norrænt að bjóða. í samtali
við Morgunblaðið sagði Madoff að
hann kæmist að gagnstæðri niður-
stöðu, nefnilega að norræn ljósmynd-
un væri öldungis ekki einangrað fyr-
irbæri. Norrænir ljósmyndarar læsu
sömu tímarit og hefðu sömu viðmið-
anir og aðrir ljósmyndarar.
Hins vegar sagði Madoff að er
hann blaðaði í þeim 150 möppum,
sem hann hefði valið verkin úr, hefði
hann tekið eftir að náttúran, íjöl-
skyldan og einstaklingurinn gengi í
gegnum verkin eins og rauður þráður
og gjaman andstæðan milli draums-
ins um hið fullkomna líf og veruleik-
ans, þar sem allt væri dregið í efa.
Madoff sagðist ekki hafa valið út frá
neinni réttlátri skiptingu milli landa,
heldur einungis valið verk, sem hon-
um þótti athyglisverð. Nítján ljós-
myndarar eiga verk á sýningunni.
Verk Barkar og Svans eru tveir
aflangir, fjórskiptir kassar, þar sem
fyrsti hlutinn er röntgenmynd, annar
hlutinn ljósmynd af sama hlutnum,
þriðji hlutinn röntgenmyndefnið
steypt í plast og fjórði hlutinn ljóð
eftir Svan. Efnið er fugl, fískur og
dýrainnyfli. Verkin tvö eru hluti af
þriggja verka röð. sem heitir „Wo-
unds“, eða sár. 1 Kaupmannahöfn
eru hins vegar aðeins tvö verkanna
með, þar sem þriðja verkið seldist í
New York og eigandinn vildi fá verk-
ið strax, en ekki lána það á sýning-
una, sem síðan var sýnd í Þýska-
landi og loks hér í Kaupmannahöfn.
Um verk þeirra félaga sagði Mad-
off að hann hefði frá fyrstu verið
sannfærður um að verk þeirra ættu
erindi á sýninguna, því þau væru
aílt öðru vísi en öll hin verkin. Væru
komin lengra frá því að vera ljós-
mynd yfir í að vera hlutur og því í
kjarna sínum í tengslum við efni
sýningarinnar, sem meðal annars
væri hin hlutgerða náttúra. Verkin
væru ljóðræn, áhugaverð og fáguð,
auk þess sem hann hefði hrifist af
að þau væru unnin í samvinnu Ijós-
myndara og ljóðskálds.
Sýningin stendur fram til 18. júní.
Áhugamenn um ljósmyndun eiga
ekki aðeins kost á að kynnast því
framsækna í norrænni ljósmyndun,
heldur er einnig á Charlottenborg
mjög áhugaverð japönsk ljósmynda-
sýning. Sýningarskrá norrænu sýn-
ingarinnar inniheldur greinar um
norræna ljósmyndun, auk upplýs-
inga um listamennina og er hún
prentuð í Odda.