Morgunblaðið - 24.05.1995, Blaðsíða 52
V f ’K I
G
L#TT#
alltaf á
Miðvikudöguin
MORGUNBIAÐW, KRINGLAN I, 103 REYKJAVÍK, SlMI 569 1100, SÍMBItÉF 569 1181,
PÓSTHÓLF 3040, NETFANG MBL(SCENTRUM.1S / AKUREYRI: HAFNARSTRÆTI 85
MIÐVIKUDAGUR 24. MAÍ 1995
VERÐ í LAUSASÖLU 125 KR. MEÐ VSK
Hægt miðar í sjómannadeilimni
Verkfall á mið-
nætti ef ekki semst
FUNDUM í deilu sjómanna og út-
vegsmanna var fram haldið hjá rík-
issáttasemjara í gær án árangurs,
en finnist ekki lausn á deilunni í dag
mun verkfall sjómanna heíjast á
miðnætti í nótt. Verkfallið mun ná
til um 5.000 sjómanna og um 6.000
manns að auki sem starfa við fisk-
vinnslu í landi. Snerust deilumálin á
sáttafundunum í gær sem fyrr um
fiskverð og ráðstöfun afla.
Sunna leigð til Kýpur
Þormóður rammi hf. á Siglufirði
hefur fetað í fótspor annarra útgerð-
arfyrirtækja til að forðast tekju-
skerðingu í kjölfar sjómannaverkfalls
og leigt dótturfyrirtæki sínu á Kýp-
ur, Appolon Rocker Shipping Co.,
rækjuskipið Sunnu. Heldur skipið í
dag kl. 9 til veiða á Flæmska hattin-
um og er búist við að skipið verði
þar næstu þijá mánuði. Ekki fékkst
staðfest í gær hvort rækjuskipið
Amames yrði leigt á sama hátt, en
líkur voru taldar á að svo yrði.
Öll áhöfn skipsins hefur skrifað
undir ráðningarsamning og verða
laun skipshafnarinnar þau sömu og
verið hafa. Verða launin greidd út á
skrifstofu Þormóðs ramma á Siglu-
fírði og verður orlof greitt út jafnóð-
um.
Þverbrot á vinnulöggjöf
Framkvæmdastjóm Verkamanna-
sambands íslands og stjóm og trún-
aðarmannaráð Félags íslenskra raf-
virkja sendu í gær frá sér ályktanir
þar sem aðgerðir útgerðarmanna
vegna boðaðs verkfalls sjómanna eru
átaldar harðlega.
Abendingvegna samræmdra prófa
Lögbrot að kennan í
10. bekk semji próf?
UMBOÐSMANNI bama, Þórhildi
Líndal, hefur borist ábending frá
stúlku í 10. bekk grunnskóla í
Reykjavík þar sem vakin er athygli
á því að starfandi 10. bekkjar kenn-
arar taki þátt í að semja samræmd
próf.
í ábendingunni er vitnað til reglna
um vanhæfni í stjómsýslulögum að
sögn Þórhildar. „Mér sýnist hins veg-
ar að þetta sé spuming um brot á
jafnræðisreglu laganna, að kennari
í einum skólanna taki þátt í að semja
prófín. Það er spurning hvemig hann
leggur kennsluna upp og þetta getur
hugsanlega alið á tortryggni," segir
hún. Þórhildur telur að stúlkan hafí
skrifað ábendingun upp á sitt eins-
dæmi. Hefur hún þegar haft sam-
band við Rannsóknastofu uppeldis-
og menntamála og mun óska eftir
skriflegum upplýsingum í næstu viku
að eigin sögn. Segir hún jafnframt
að ekki verði gripið til ráðstafa vegna
samræmdra prófa í ár. „Ég mun
afla upplýsinga um það hvort þetta
fái staðist. Sé svo mun ég skila áliti
og leggja fram tillögur um úrbætur
ef þess er þörf,“ segir Þórhildur Línd-
al að lokum.
Morgunblaðið/Sigfús Gunnar Guðmundsson
Markaregn í Eyjum
ÍSLANDSMÓTIÐ í knattspyrnu hófst formlega í gær með fimm
leikjum í 1. deild karla. Alls voru 19 mörk skoruð í leikjunum
fimm og flest þeirra í Vestmannaeyjum þar sem heimamenn
unnu Valsmenn 8:1. Skagamenn hófu titilvörnina með 2:0 sigri
á Breiðabliki, nýliðarnir ór Leiftri á Ólafsfirði unnu óvæntan
sigur á Fram 4:0, Keflavík vann Grindavik 2:1 og FH sigraði
KR 1:0 á KR-velli. Á myndinni fagna Eyjamenn einu af átta
mörkum sínum gegn Val í gærkvöldi.
Skráning-
argjöld HÍ
á ólögmæt-
um grunni
UMBOÐSMAÐUR Alþingis sendi í
gær frá sér álit um skráningargjöld
í Háskóla íslands. Hann kemst að
þeirri niðurstöðu, að skólanum sé
heimilt að taka slík gjöld, en þau
megi ekki vera hærri en sem nemi
kostnaði við skráningu. Háskólinn
hafi ekki tekið afstöðu til þess hvaða
kostnaðarliðir verði lagðir til grund-
vallar útreikningi gjaldsins og því
sé ákvörðun um fjárhæð þess ekki
byggð á lögmætum sjónarmiðum.
Þá skorti lagaheimild fýrir gjaldi til
Stúdentaráðs Háskólans.
Þórður Kristjánsson, fram-
kvæmdastjóri kennslusviðs Háskól-
ans, sagði að þar hefði starfsmönn-
um ekki gefist tími til að fara yfir
álit umboðsmanns.
Sveinbjöm Björnsson háskóla-
rektor vildi ekki tjá sig opinberlega
um málið. Morgunblaðið fékk þau
skilaboð að hann ætlaði að ræða það
við menntamálaráðherra áður.
Guðmundur Steingrímsson, for-
maður Stúdentaráðs, sagði að ráðið
hefði ávallt haldið því fram að í raun
væri svokallað skrásetningargjald
skólagjald, þar sem því væri ætlað
að standa undir stjórnsýslu skólans.
■ Ákvörðun um fjárhæð/8
----4 » »------
Sjúklingur
sóttur á haf út
ÞYRLA Landhelgisgæslunnar sótti
veikan sjómann um borð í Sindra
VE sem þá var staddur um 122 sjóm-
ílur suðaustur af Reykjavík. Lent var
með sjúklinginn við Borgarspítalann
skömmu eftir miðnætti í nótt. Sindri
VE er nýtt skip sem er að koma
hingað til lands frá Frakklandi.
Frumvarp um fiskveiðistjórnun lagt fram eftir helgi
Hámark sett á þorsk-
afla krókaleyfisbáta
RÍKISSTJÓRNIN samþykkti í gærmorgun frumvarp sjávarútvegsráð-
herra um breytingar á fiskveiðistjórn, með hliðsjón af stefnuyfírlýsingu
stjómarflokkanna og samkomulagi þeirra um verkefnaskrá sjávarút-
vegsráðuneytisins. Samkvæmt heimildum Morgunblaðsins verður 5.000
tonna þorskkvóta bætt við aflamarksskip og á sú viðbót að koma minnstu
bátunum hlutfallslega bezt. Þá verður sett aflamark, þ.e. einstaklings-
bundið hámark, byggt á veiðireynslu, á þorskafla krókaleyfisbáta. Þing-
flokkar stjórnarflokkanna ræða frumvarpið í dag.
Snjóflóð
í Óshlíð
SNJÓFLÓÐ féll á veginn um Ós-
hlíð um kl. 22 í gærkvöldi og lokað-
ist vegurinn af þeim sökum. Að
sögn lögreglunnar á ísafirði var
enginn á ferð um veginn á þeim
stað þar sem snjóflóðið féll og sak-
aði því engan. Ekki var búið að
opna veginn um miðnætti í nótt,
en þá stóð til að opna hann þar
sem fjöldi bíla beið beggja vegna
flóðsins eftir því að komast leiðar
sinnar.
Samkvæmt upplýsingum blaðs-
ins telur sjávarútvegsráðuneytið
að svigrúm sé til að bæta minni
aflamarksbátum að einhverju leyti
upp skerðingu á þorskafla. Þetta
sé meðal annars vegna þess að
línutvöföldunin svokallaða, þ.e. að
aðeins helmingur línuafla á tíma-
bilinu nóvember til febrúar telst
til kvóta þar til komið er upp í
34.000 tonn, hafi ekki verið nýtt
að fullu.
Gert er ráð fyrir að 5.000 tonna
þorskkvóta verði úthlutað til afla-
marksskipa, annarra en full-
vinnsluskipa, þó þannig að hvert
skip fái að hámarki 10 tonn. Þann-
ig á viðbótin að koma smærri bát-
um hlutfallslega betur til góða.
Þessi viðbót er samkvæmt upplýs-
ingum blaðsins tímabundin til
nokkurra ára.
Komizt hjá að fjölga
banndögum
Hvað varðar krókaleyfísbáta,
sem veiða samkvæmt banndaga-
kerfi, var markmiðið í verkefna-
skrá sjávarútvegsráðuneytisins að
fínna lausn, sem ekki leiddi til
þess að fjölga þyrfti banndögum,
en þorskafli krókaleyfísbáta hefur
farið hraðvaxandi á undanförnum
árum. Samkvæmt heimildum
Morgunblaðsins er í frumvarpinu
gert ráð fyrir að sett verði afla-
mark á þorskafla krókaleyfísbát-
anna, byggt á veiðireynslu. Það
mun þó ekki eiga við um aðrar
tegundir en þorsk.
Ekki þótti koma til greina að
gera breytingu á banndagakerfinu
þannig að menn veldu sér bannda-
ga sjálfír. Ráðuneytið mun hafa
talið að eftirlit með slíku kerfí
hefði verið ógerlegt.
Morgunblaðið/Emilla
Fjallkona við Harður
Höfðabakka árekstur
TRÖLLVAXIN fjallkona á
torfbeði blasir við vegfarend-
um sem leið hafa átt um
Höfðabakka undanfarna
daga. Fjallkonan stendur á
traktorskerru og telur lög-
reglan ekki ósennilegt að hún
hafi verið sett upp í tengslum
við burtfararathafnir fram-
haldsskólanna.
tveggjajeppa
MJÖG harður árekstur tveggja
jeppa varð á gatnamótum Öldugötu
og Brekkustígs seint í gærkvöldi og
valt annar jeppinn við áreksturinn.
Að sögn lögreglunnar var farþegi
úr öðrum jeppunum fluttur á slysa-
deild Borgarspítalans en meiðsli
hans voru ekki talin alvarleg.