Morgunblaðið - 24.05.1995, Blaðsíða 39

MORGUNBLAÐIÐ
MIÐVIKUDAGUR 24. MAÍ 1995 39
FRÉTTIR
ísafjarðar-
kirkja vígð
Isafirði, Morgunblaðið
ísafjarðarkirkja verður vígð á
morgun uppstigningardag af herra
Ólafi Skúlasyni biskupi.Núverandi
sóknarprestur og tveir forverar
hans ásamt prófastinum í Vatns-
firði þjóna. Kór ísafjarðarkirkju
undir stjórn Huldu Bragadóttur
syngur.
Kirkjan er nú fullfrágengin að
innan, en safnaðarheimilið er tilbúið
undir tréverk og verður hægt að
nota það við vígsluna svo að um 600
manns á að komast fyrir við athöfn-
ina að sögn sóknarprestsins, séra
Magnúsar Erlingssonar.
Athöfnin hefst með klukknahring-
ingu, en klukkurnar úr gömlu kirkj-
unni eru komnar í turn þeirrar nýju
og munu kalla þaðan til helgra tíða
eins og áður.
Jónas Tómasson tónskáld á
ísafirði hefur samið sérstakt for-
spilstónverk, sem leikið verður, þeg-
ar biskup ásamt prestum, sóknar-
nefnd og ssafnaðarfulltrúa ganga
inn í kirkjuna með helga muni henn-
ar og koma þeim fyrir á viðeigandi
stöðum.
Að því loknu mun biskupinn herra
Ólafur Skúlason vígja kirkjuna, en
honum til aðstoðar verða séra Magn-
ús Erlingsson sóknarprestur og séra
Karl Valgarður Matthíasson og séra
Jakob Ágúst Hjálmarsson, en þeir
þjónuðu hér næst á undan séra
Magnúsi, ásamt séra Baldri Vil-
helmssyni í Vatnsfirði prófasti.
Kór ísafjarðarkirkju syngur undir
stjórn Huldu Bragadóttur, en auk
þess munu leika saman Jónas Tóm-
asson á þvei-flautu og Ingvar Jónas-
son á víólu.
Að athöfninni lokinni býður Kvenfé-
lag ísafjarðarkirkju gestum upp á
kaffi,pönnukökur og kleinur að
gömlum íslenskum sið.
NÝJA brúin yfir lækinn í Hafnarfirði.
Börn vígja brú í Hafnarfirði
NÝ BRÚ yfir lækinn í Hafnar-
firði verður formlega tekin í
notkun í dag þegar börn af leik-
skólanum Hlíðarbergi ganga
fylktu liði yfir hana. Brúin teng-
ir Setbergshverfið við nýja
hverfið í Mosahlíð.
Brúin er samsett af fjórum
stálbitum (þvert á lækinn) sem
tengdir eru við steypta sökkla
við hvorn enda brúarinnar. Um
miðbik brúarinnar standa tveir
stálbogar, hvor á sinni hlið, og í
framhaldi af þeim standa undir
brúnni stálsúlur sem styðja undir
langbitana. Ofan á stálbitana
kemur steypt gólf. Stálbogamir
eru úr ryðlituðu stáli en handrið-
ið aftur á móti úr ryðfríu stáli.
Efnisval og útlit brúarinnar eru
með það í huga að undirstrika
ákveðnar andstæður, byggð,
óhreyft land, manngert, náttúru-
legt.
Hönnuðir brúarinnar eru Jak-
ob Líndal og Kristján Ásgeirsson
arkitektar og verkfræðistofa
Bjöms og Stefáns. Verktakar við
brúarsmíðina voru Feðgar sf. og
um stálsmíði sá Suðulist. Verkinu
var lokið á tilsettum tima þrátt
fyrir að veðurskilyrði væru oft
erfið í vetur.
Góð þátt-
takaí
hlaupi
Ggilsstöðum, Morgunblaðið
UM 70 börn tóku þátt
i árlegu Landsbanka-
hlaupi á Egilsstöðum.
Keppt var í tveimur
aldursflokkum
stelpna og drengja, í
1.100 og 1.500 metr-
um. Þátttaka var góð
og mættu margir
áhorfendur með börn-
unum. Að keppni lok-
inni bauð starfsfólk
bankans gestum upp
á veitingar.
Morgunblaðið/Anna Ingðlfsdóttir
Þýfi fannst í
Kolaporti
ÞÝFI fannst í Kolaportinu á laugar-
dag og er það í þriðja skiptið á stutt-
um tíma, sem þýfi er boðið til sölu
þar.
Lögreglunni í Reykjavík var á
fimmtudag í síðustu viku tilkynnt
áð brotist hefði verið inn í hús í
austurborginni og þaðan stolið
ýmsum hlutum, m.a. geisladisk,
sem merktur var með nafni. Geisla-
diskurinn fannst síðan í Kolaport-
inu á laugardag, í sölubás, þar sem
notaðir geisladiskar eru keyptir og
seldir. Innbrotsþjófurinn er ófund-
inn^og er málið í rannsókn.
Á sunnudag var lögreglunni til-
kynnt um að vindskeið, brettakönt-
um og stefnuljósaglerjum hefði ver-
ið stolið af bíl af gerðinni BMW þar
sem hann stóð fyrir utan Vélamið-
stöð Reykjavíkurborgar.
I gærmorgun var tilkynnt um
innbrot í verslun við Lángholtsveg.
Þaðan hafði verið stolið skiptimynt
og skemmdir unnar á dyraumbún-
aði. Tilkynnt var um innbrot á hár-
greiðslustofu við Grensásveg og
annað í Dýraspítalann í Víðidal. Sá
eða þeir sem þar voru að verki
höfðu hund á brott með sér. Þá var
tveimur Víkurvögnum stolið frá
áhaldaleigu BYKO við Hringbraut
og 11 nýjum gluggum var stolið frá
nýbyggingu við Laufrima.
Aðalfundur Krabbameinsfélags Reykjavíkur skorar á starfsmenn skóla
Skólar reyklausir vinnustaðir
Á AÐALFUNDI Krabbameinsfélags
Reykjavíkur sem haldinn var fyrir
skömmu var samþykkt að skora á
starfsmenn grunnskóla og leikskóla
í landinu að taka höndum saman
um að gera skóla sína að reyklausum
vinnustöðum, hafi það ekki þegar
verið gert.
Fram kom í skýrslum stjórnar og
framkvæmdastjóra að fræðslustarf
hefur sem fyrr verið aðalviðfangs-
efni félagsins og náð til skóla, heil-
brigðisstofnana, vinnustaða og al-
mennings. Tóbaksvarnarstarfið í
grunnskólum er viðamesta verkefnið
og felst fyrst og fremst í skipulegum
heimsóknum í bekki á höfuðborgar-
svæðinu og víðar, til nemenda 11
ára og eldri. Einnig er nemendum
veitt aðstoð við að hætta að reykja,
bæði einstaklingum og hópum. Arleg
samvinna er við Tóbaksvarnanefnd
um viðurkenningar og verðlaun til
reyklausra bekkja og einstakra nem-
enda.
í apríl 1994 stóð félagið ásamt
héraðslæknum fyrir könnun á tób-
aksneyslu 10-16 ára grunnskóla-
nema um land allt. Niðurstöður
könnunarinnar hafa verið birtar.
Þær gáfu m.a. til kynna að reyking-
ar hefðu víða aukist, einkum hjá
14-16 ára piltum. Við þessu hefur
félagið brugðist með ýmsum hætti.
Þjálfurum íþrótta- og ungmennafé-
laga um land allt var skrifað og
þeir hvattir til að beita áhrifum sín-
um til að koma í veg fyrir að börn
Sigríður K. Lister, formaður
Krabbameinsfélags Reykja-
víkur, flytur skýrslu stjórnar
á aðalfundi félagsins.
og unglingar byijuðu að reykja.
Einnig var þess farið á leit við for-
eldrafélög að þau beittu sér eftir
megni að tóbaksvörnum. Tekið var
upp samstarf við Vinnuskóla
Reykjavíkur og nokkrir reyklausir
vinnuhópar verðlaunaðir.
Aróðursmyndir í sjónvarpi
Ennfremur lét félagið gera tvo
flokka af stuttum áróðursmyndum
gegn tóbaki til birtingar sem inn-
skotsefni í sjónvarpi og fékk til þess
m.a. framlag af fé sem safnað var
í „Þjóðarátaki gegn krabbameini
1990“. I öðrum þessara flokka koma
fram sjónarmið nokkurra þekktra
íslendinga sem reykja ekki, en hitt
eru leiknar myndir um ýmsar hliðar
reykingamála. Einnig hefur verið
unnið að útgáfu nýs blaðs sem nefnt
er Skýlaust og verður sent 15-18
ára unglingum um land allt.
Haldið hefur verið áfram á þeirri
braut að efna til námsstefnu og
málþings fyrir starfsfólk heilbrigð-
isstofnana. í fyrrasumar hélt félag-
ið í samvinnu við Tóbaksvarnanefnd
námsstefnu fyrir heilbrigðisstarfs-
fólk á Vestfjörðum um hlutverk
heilbrigðisstétta í tóbaksvörnum, í
febrúar hélt félagið málþing fyrir
skólahjúkrunarfræðinga á höfuð-
borgarsvæðinu og víðar um tóbaks-
varnir í grunnskólum og í byijun
apríl málþing um tóbaksvarnir fyrir
hjúkrunarfræðinga og ljósmæður
sem starfa að mæðra- og ungbarna-
vernd.
Námskeið í reykbindindi hafa
sem fyrr verið snar þáttur í starf-
semi félagsins. Haldin voru átta
slík námskeið á tímabilinu milli að-
alfunda, nokkur þeirra sérstaklega
fyrir einstök fyrirtæki og stofnanir.
Meðal þátttakenda á öðrum nám-
skeiðum voru starfsmenn frá fyrir-
tækjum og stofnunum sem greiddu
fyrir þá námskeiðsgjaldið allt eða
að hluta í tengslum við þá ákvörðun
að gera vinnustað þeirra reyklaus-
an.
Gefin voru út tvö ný fræðslurit á
starfsárinu, annað um mergfrumu-
æxli en hitt um eitilfrumukrabba-
mein, svo og þijú tölublöð af félags-
bréfinu Takmarki.
Könnun meðal foreldra
Félagið tekur þátt í þriggja ára
sameiginlegu verkefni krabbameins-
félaganna á Norðurlöndum varðandi
börn og óbeinar reykingar. Nú er
veið að ljúka undirbúningi undir
könnun meðal foreldra ungra barna.
Verður spurt um reykingavenjur
þeirra og afstöðu til óbeinna reyk-
inga.
Styrkir voru að venju veittir
nokkrum einstaklingum til að sækja
fundi og ráðstefnur um krabbamein
og krabbameinsvarnir, svo og að-
standendum krabbameinssjúklinga
utan af landi til dvalar í Reykjavík
á meðferðartíma.
Engar breytingar urðu á stjórn
félagsins á aðalfundi. Formaður þess
er Sigríður K. Lister hjúkrunarfræð-
ingur, formaður fræðslunefndar er
María S. Héðinsdóttir skólastóri en
framkvæmdastjóri félagsins er Þor-
varður Örnólfsson. Að loknum aðal-
fundarstörfum fluttu þau dr. Val-
garður Egilsson læknir og Rósa B.
Barkardóttir líffræðingur erindi um
þætti erfða í tilurð bijóstakrabba-
meins.
Langi Seli og
Skuggarnir á
Tveimur vinum
HLJÓMSVEITIN Langi Seli og
Skuggarnir heldur tónleika á
Tveimur vinum í kvöld, miðvikudag-
inn 24. maí.
Hljómsveitin skartar tveimur nýjum
meðlimum en þeir eru Einar Pétur
á trommur og Sigurður Guðmunds-
son á gítar en auk þeirra eru í sveit-
inni Langi Seli og Jón Skuggi.
Einnig kemur fram hljómsveitin
Brim sem er samsuða úr sveitunum
Curver og Maus en þeir leika svo-
kallað brimrokk.
-----» ♦ ♦-----
Félagsfundur
Foreldrafélags
misþroska barna
ALMENNUR félagsfundur hjá For-
eldrafélagi misþroska barna verður
haldinn í Æfingaskóla Kennarahá-
skóla íslands miðvikudaginn 24.
maí kl. 20.30.
Rædd verða málefni bama með
námsörðugleika og misþroska-
vandamál á öllum skólastigum og
annað það sem kann að varða okkur.
-----» » ♦-----
■ FÉLAG nýrra íslendinga held-
ur sinn mánaðarlega félagsfund
fimmtudagskvöldið 25. maí kl. 20.30
í Faxafeni 12, 2. hæð í Miðstöð
nýbúa. í þetta skipti heldur Heidi
Greenfield félagsráðgjafi stutt er-
indi um hvernig sambúðarfólk leysir
ágreiningsmál þar sem annar aðilinn
er innfæddur en hinn er útlendingur.