Morgunblaðið - 25.06.1995, Blaðsíða 9

MORGUNBLAÐIÐ
SUNNUDAGUR 25. JÚNÍ 1995 9

Morgunblaðið/Júlíus
Frá björgunaraðgerðun-
um á Snæfellsjökli fyrir
fjórum árum.
Neyðar-
línan á
Snæfells-
STEFNT er að tökum á þætti
í þáttaröðinni Neyðarlínunni
eða „Rescue 911“ hér á landi
í sumar eftir handriti Óttars
Sveinssonar, en það er unnið
upp úr bók sem hann sendir
frá sér um næstu jól.
„Aðdragandinn var sá að
um síðustu jól gaf ég út þyrlu-
bókina Útkall Alfa TF-SIF og
óskuðu framleiðendur þáttar-
ins eftir efni úr þeirri bók,“
segir Óttar.
„Tveir kaflar voru þýddir úr
bókinni og fengu þeir mikinn
áhuga á að kvikmynda björgun
þyrlu Landhelgisgæslunnar á
skútusjómanni sem hafði verið
sjötíu mínútur í sjónum í
Skerjafirði. Á fundi framleið-
enda í Hollywood var síðan
óskað eftir því að ég léti þá
frekar fá sögu sem næði betur
fram sérkennum íslands."
í kjölfarið á því greindi Óttar
þeim frá slysasögu sem verður
meðal annarra í bók sem kem-
ur út eftir hann um jólin og
segir frá hjónum sem hröpuðu
á vélsleða tuttugu metra niður
í sprungu á Snæfellsjökli. At-
burðurinn átti sér stað að næt-
urlagi í sólskini fyrir rétt um
fjórum árum og hrapaði fyrri
björgunarþyrla Bandaríkjahers
við björgunina.
„Framleiðendur þáttarins
hrifust ansi mikið af þessu;
jöklinum, sögu Jules Verne og
hinum langa sólargangi, því
þetta á sér stað í kringum
Jónsmessunótt," segir Óttar.
„Þá fór boltinn að rúlla og
gerð var stutt saga eða saman-
tekt um atburðinn sem varð
fyrir valinu á fundi í Holly-
wood í byrjun maí. Upp frá
því höfum við verið í stöðugu
sambandi og ég gerði samning
við þá síðastliðið þriðjudags-
kvöld.
Saga Film aðstoðar
Saga Film mun sjá um alla
aðstoð við upptökur, en töku-
liðið kemur hingað til lands
9. ágúst. Það verða tíu manns,
bæði frá Hollywood og New
York, þar á meðal áhættuleik-
arar, framleiðendur og leik-
stjóri. Auk þess munu varlega
áætlað fjörutíu íslendingar
taka þátt í tökunum, meðal
annars talsverður hópur björg-
únarsveitamanna frá Snæ-
fellsnesi sem voru á jöklinum
þegar slysið átti sér stað.
Þættirnir Neyðarlínan hafa
verið sýndir hér á landi og eru
vinsælir víða um heim. „Þátt-
urinn verður fimmtán mínútur
og ætti að verða mikil land-
kynning, en hundruð milljóna
um allan heim fylgjast með
þessum þáttum,“ segir Óttar
að lokum.
FRÉTTIR
Samskip leigja frysti- og gámaskipið Nordland Saga frá Noregi
Hefja sókn í siglingum frá
Islandi til Bandaríkj anna
SAMSKIP munu hefja flutninga til
Norður-Ameríku með leiguskipi í
byijun júlí þegar tveggja ára sam-
starfi félagsins við Eimskip um
Ameríkusiglingar lýkur. Félagið
hefur tekið á leigu frá Noregi frysti-
og gámaskipið Nordland Saga sem
verður í áætlunarsiglingum milli
Islands og Bandaríkjanna og
Kanada.
Samskip fluttu á síðasta ári um
15 þúsund tonn til Bandaríkjanna
með skipi Eimskips og var þar eink-
um um að ræða frystan fisk fyrir
íslenskar sjávarafurðir hf. Þá flutti
fyrirtækið um 4-5 þúsund tonn af
vörum frá Bandaríkjunum til ís-
lands.
„íjónusta okkar er þríþætt,
þ.e.a.s. söfnun og dreifing innan-
lands, flutningurinn milli íslands og
Bandaríkjanna og þjónusta á aust-
urströnd Bandaríkjanna og innan
þeirra. Breytingin felst í því að við
skiptum um flutningsfar. Ef við-
skiptavinir þurfa meiri tíðni en sigl-
ingar á þriggja vikna fresti munum
við leysa það í samstarfi við erlend
skipafélög gegnum Evrópu," segir
Baldur Guðnason, framkvæmda-
stjóri flutningasviðs Samskipa.'
Vildu samnýta
flutningsgetu
Samningur Samskipa og Eim-
skips um Ameríkusiglingar var lið-
ur í uppstokkun á siglingakerfi
félagsins fyrir tveimur árum.
Baldur bendir á að rökin fyrir
samningnum á sínum tíma hafi
verið augljós.
„Það er mjög þekkt í alþjóð-
legri flutningastarfsemi að flutn-
ingsaðilar samnýta flutningsgetu
þrátt fyrir harða samkeppni. Hug-
myndafræði okkar fyrir tveimur
árum fól í sér að við ætluðum að
samnýta flutningsgetuna til að
koma á hagræði þannig að hægt
yrði að halda áfram að bjóða hag-
kvæm flutningsgjöld og góða
þjónustu. Þegar annar aðilinn
ætlar hins vegar að stjórna bæði
getunni og framboðinu fyrir hinn
aðilann með leiðandi markaðs-
hlutdeild þá verður ekki við það
unað.“
Heilbrigður
rekstur
„Miðað við þau viðskipti sem
við höfum núna þá verður rekstur
leiguskipsins mjög heilbrigður. Við
höfum náð mjög hagstæðum
samningum um skipið. Einnig höf-
um við aukið okkar flutninga og
byggjum áætlanir okkar á raun-
hæfum væntingum. Bæði útflutn-
ingur og innflutningur á þessari
flutningsleið hefur aukist, sem er
í samræmi við batnandi stöðu fé-
lagsins.
Við höfum m.a. verið í fóður-
flutningum frá austurstönd
Bandaríkjanna og munum skoða
það mjög gaumgæfilega hvemig
við getum samhæft alla flutning-
ana. Þá hafa vamarliðsflutning-
arnir verið í höndum keppinaut-
anna en þeir verða boðnir út með
haustinu."
Hækkanir ekki
fyrirhugaðar
Baldur segir engar fyrirætlanir
um að hækka flutningsgjöldin í
náinni framtíð með þessu nýja
fyrirkomulagi. Hins vegar hefði
þess líklega þurft ef gengið hefði
verið að skilmálum Eimskips.
Hann segir að stefnt sé að því
að byggja upp meiri þekkingu og
enn betri þjónustu í Bandaríkjun-
um. „Við ætlum að koma okkur
fyrir í Bandaríkjunum og munum
leggja mikla áherslu á að bæta
þjónustu við okkar viðskiptavini
enn frekar, m.a. með aukinni þjón-
ustu í innanlandsflutningum í
Bandaríkjunum. Við höfum fundið
fyrir hvatningu og stuðningi úr
viðskiptalífínu við að tryggja heil-
brigða samkeppni á þessari flutn-
ingaleið.“
Fiskur
veiddur í
Ráðhús-
tjörninni
VERÐLAUN fyrir stærsta flugu-
veidda fiskinn sem veiddur verð-
ur á árinu í Reynisvatni verða
afhent í Ráðhúsinu í Reykjavík i
október.
Sá böggull fylgir skammrifi að
veiðimaðurinn verður að veiða
einn fisk úr Ráðhústjörninni áður
en verðlaunin verða veitt. Fiskinn
verður að veiða á agnhaldslausa
flugu og verður hann síðan flutt-
ur lifandi í Reynisvatn. Veiðimað-
urinn hlýtur Ráðhúsbikarinn að
launum fyrir afrek sín, en um er
að ræða farandbikar með árituð-
um nöfnum verðlaunahafa.
Sá sem veiðir stærsta fiskinn
á kaststöng fær verðlaun í formi
kennslu í fluguveiði og flugu-
hnýtingum. Forsvarsmenn
keppninnar fullyrða að flugu-
veiði veiti mesta ánægju og fari
best með fiskinn og því sé þessi
háttur hafður á.
Morgunblaðið/Kristinn
Aðstandendur veiði-
keppninnar að Reyn-
isvatni sleppa fiskum
í Ráðhústjörnina. Á
minni myndinni er
Pálmi Gunnarsson
sem veiddi 32 sil-
unga á 3 tímum sl.
fimmtudag í Reynis-
vatni. Þetta er mesta
veiði það sem af er
árinu, en Pálmi á
einnig mesta veiði í
vatninu frá upphafi.
Morgunblaðið/Ingólfur
Haustlíðan könnuð í heilbrigðisdeild Háskólans á Akureyri
Nemar telja fjöldatak-
markanir hafa slæm áhrif
STÓR hluti nemenda í heilbrigðis-
deild Háskólans á Akureyri kvartar
um höfuðverk, bakverk og tauga-
óstyrk, og nemendur á fyrsta ári
telja að ijöldatakmarkanir hafi
neikvæð áhrif á líðan sína í skólan-
um.
Þetta eru niðurstöður rannsókn-
ar sem Kristín Thorberg og Val-
gerður Jónsdóttir gerðu síðastliðið
haust, en rannsóknin liggur til
grundvallar lokaverkefni þeirra til
B.Sc prófs í hjúkrunarfræðum.
Rannsóknin sem bar heitið
„Haustlíðan 1994“ var fram-
kvæmd til að athuga líðan allra
nemenda við heilbrigðisdeild í Há-
skólanum á Akureyri. Fjöldatak-
markanir í hjúkrunarfræði voru
settar við skólann haustið 1994,
og var því einkum líðan fyrsta árs
nema könnuð, sem hófu nám sam-
kvæmt þeim reglum, en einnig líð-
an nemenda sem lengra voru
komnir í náminu.
Haustlíðan ekki góð
Kristín og Valgerður skoðuðu
líðan nemenda samkvæmt hug-
myndafræði mannúðarsálfræð-
ingsins Abrahams Maslows um
þarfir mannsins. í úrtakinu voru
70 nemendur í heilbrigðisdeild sem
mættu í skólann 22. nóvember
1994. Upplýsingasöfnunin fór
fram með mælitæki sem þær unnu
upp úr spurningalistanum „Ungt
fólk 1992“ eftir Þórólf Þórlindsson,
Þorlák Karlsson og Ingu Dóru
Sigfúsdóttur.
„Haustlíðan nemenda er ekki
góð,“ segja þær Kristín og Val-
gerður. „Stór hluti þeirra kvartar
um andlega og líkamlega vanlíðan,
nemendur leita sjaldan til kennara
sinna ef þeim líður illa eða hafa
áhyggjur og fáir þeirra stunda lík-
amsþjálfun. Nemendur á fyrsta ári
telja að fjöldatakmarkanir hafi
neikvæð áhrif á líðan sína í skólan-
um, en hins vegar virðist þeim
ekki líða verr en til dæmis nemend-
um á þriðja ári.“
Þær Kristín og Valgerður segja
að þessi rannsókn sé aðeins fyrsta
skrefið í langri ferð til að rannsaka
líðan nemenda í námi í háskóla.
Ingibjörg Sólrún Gísladóttir
og Garðar Eyland, formaður
GR, undirrita samkomulagið.
Samið um
byggingu
golfvallar
BORGARSTJÓRI, Ingibjörg Sól-
rún Gísladóttir, undirritaði samn-
ing, fimmtudaginn 22. júní, við
Golfklúbb Reykjavíkur um breyt-
ingar á fyrirhuguðum golfvelli við
Korpúlfsstaði, en sá völlur er nú í
byggingu. Samningurinn er við-
auki við samning frá 16. nóvember
1993.
Samkvæmt hinum nýja samn-
ingi yfirtekur GR stjórn og fjár-
mögnun framkvæmda við völlinn
og hyggst GR ljúka þeim að mestu
á árunum 1995 og 1996. Fyrir-
komulagi vallarins er breytt þannig
að unnt verður að fjölga um 120
íbúðir í Staðarhverfi sem rísa á
austan og norðan við Korpúlfsstaði
en framkvæmdir í því hverfi munu
hefjast á næstu árum, jafnvel á
næsta ári. GR fær kostnað við
vallargerðina endurgreiddan á
flórum árum, fyrst 1997.
Þá er felld niður lóð fyrir golf-
vallarhús, en í staðinn fær GR af-
not af austustu álmu Korpúlfs-
staða og munu innrétta þann hluta
hússins eftir sínum þörfum, en
Reykjavíkurborg gerir við útveggi
og £ak á árunum 1996 og 1997.
Áætlað er að lúkning golfvallar-
gerðarinnar kosti 53 millj. kr.
Þessa upphæð eða raunkostnað ef
hann reynist lægri, fær GR endur-
greidda að frádregnum 10 millj.
kr. sem er hlutdeild hans sem leigj-
anda í viðgerð Korpúlfsstaða.