Morgunblaðið - 12.12.1995, Blaðsíða 68
MORGUNBLAÐIÐ, KRINGLAN 1, 103 REYKJAVtK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.1S / AKUREYRI: HAFNARSTRÆTI 85
ÞRIÐJUDAGUR 12. DESEMBER 1995
VERÐ í LAUSASÖLU 125 KR. MEÐ VSK
Meðalfallþungi dilka 860
grömmum minni en í fyrra
Lambakjöts-
birgðir 500
tonnum minni
MEÐALFALLÞUNGI dilka í haust
var 14,75 kíló, en það er 860
grömmum minna en í fyrra. Þetta
þýðir að lambakjötsbirgðir eru um
500 tonnum minni en þær hefðu
orðið ef fallþunginn hefði verið sá
sami og 1994.
Fallþungi fullorðinna áa var
einnig um kílói minni en í fyrra
og leiddi það til þess að um 35
tonnum minna varð af ærkjöti í
haust.
í takt við veðurfar
og grasvöxt
Ari Teitsson, formaður Bænda-
samtakanna, sagði að fallþungi
sveiflaðist milli ára í takt við veður-
far og grasvöxt. „Vorið var erfitt
sem gerði það að verkum að búfén-
aður komst seint á græn grös.
Snjó tók seint af heiðarlöndum sem
leiddi til þess að Húnvetningar,
Borgfirðingar og Sunnlendingar
voru að reka fé á fjall fram í júlí.
Lambfé var einnig lengi á húsi og
því fylgja alls kyns vanhöld."
í fyrra voru framleidd 9.109
tonn af kindakjöti, en í ár nam
framleiðslan um 8.600 tonnum.
Fara þarf áratugi aftur í tímann
til 'að finna svo litla kindakjöts-
framleiðslu á íslandi. Þess ber að
geta að á síðasta ári var sett ís-
landsmet í fallþunga, en hvert lamb
vó þá 15,61 kíló að meðaltali.
Minni fallþungi leiddi til þess
að kjötbirgðir í haust eru um 500
tonnum minni en þær hefðu orðið
ef fallþungi hefði verið eins mikill
og í fyrra. Þetta jafngildir næstum
eins mánaðar kindakjötsneyslu Is-
lendinga.
5-7% fækkun sauðfjár
Síðustu tvö ár hefur sauðfé á
íslandi fjölgað um 12.000 eftir að
hafa fækkað -um 340.000 á 12
árum þar á undan. Ekki ligrgja
fyrir endanlegar tölur um sauðfjár-
eign bænda á þessu ári, en Ari
sagði að flest benti til að sauðfé á
landinu hefði fækkað um 5-7% í
haust.
Morgunblaðið/RAX
Að fá í skóinn
FYRSTU jólasveinarnir eru
komnir til byggða. Stekkjar-
staur er þeirra fyrstur og næst-
ur kemur Giljagaur.
Þótt íslensku jólasveinarnir
hafi verið þekktir fyrir grip-
deildir og hrekki í eina tíð er
það trúa manna að þeir hafi
lært gjafmildi og manngæsku
af heilögum Nikulási.
Þegar jólasveinarnir leggja
leið sína til byggða selja börnin
skó í glugga, líkt og hann
Styrmir litli Sigurðsson, og
vænta þess að þessir árlegu
gestir láti eitthvað af hendi
rakna.
Nýfætt
barn skilið
eftir í bíl
LÖGREGLUNNI í Reykjavík
var tilkynnt um að nýfætt barn
hefði verið skilið eftir eitt í bif-
reið á bifreiðastæði við verslun-
armiðstöð í austurborginni um
hádegisbilið á iaugardag.
Við eftirgrennslan tókst að
hafa upp á foreldrinu. Að sögn
starfsmanna verslunarmið-
stöðvarinnar er nokkuð algengt
að smábörn séu skilin eftir ein
og yfirgefm í bifreiðum utan
við verslun.
Lögreglan hefur beint þeim
tilmælum til fólks að skilja böm
alls ekki eftir ein í bifrteiðum.
VSÍ stefnir fjórum verkamannafélögum fyrir Félagsdóm
Búist er við niður-
stöðu fyrirjól
Verðá
sjávarvör-
um 13,2%
hærra
VERÐ á sjávarvörum hefur farið
jafnt og þétt hækkandi frá miðju
síðasta ári og er nú 13,2% hærra
en það var að meðaltali í fyrra.
Verðið nú er svipað og það var á
árinu 1990. Það er ekki jafnhátt
og það var á árunum 1991 og
1992 en verulega hærra en á ár-
unum 1993 og 1994. Útlit er fyrir
að þetta verðlag sé traust í sessi
og að verð fari fremur hækkandi
en hitt á næstu mánuðum.
Verðið nú er 109,6 mælt í SDR
en var 97,8 að meðaltali í fyrra.
Þórður Friðjónsson, forstjóri Þjóð-
hagsstofnunar, segir að verð á
sjávarvörum hafi byijað að hækka
um mitt ár í fyrra. Verð á flestum
vörum hafi hækkað eitthvað en
mismunandi mikið og minnst á
landfrystum botnfiskafurðum.
Hins vegar hafi verð á sumum
afurðum hækkað gríðarlega mikið,
eins og á rækju, loðnumjöli og
loðnulýsi. Verð á loðnumjöli sé nú
25% hærra en það var á sama
árstíma í fyrra og á loðnulýsi
hvorki meira né minna en 63%
hærra en í nóvember í fyrra og
32% hærra en það var í janúar.
Þá sé verð á pillaðri rækju 10%
hærra en á sama tíma í fyrra, en
þá hafi rækjuverðið þó verið mjög
gott. Saltfískur hafi hækkað um
7% frá því í nóvember í fyrra og
sjófrystur fiskur um tæp 4%.
Áætlað verðlag sjávar-
afurða 1993 til
nóv. 1995 Vísitala,
1993 = 100
Traust í sessi
Þórður sagði að það væru engin
teikn á lofti um að það væri að
verða breyting til hins verra á
þessari verðþróun. Þetta verðlag
væri traust í sessi þegar á heildina
væri litið og það væru fremur
horfur á að verðið héldi áfram að
mjakast upp á við en að það færi
að lækka á nýjan leik.
VINNUVEITENDASAMBAND ís-
lands stefndi í gær fjórum verkalýðs-
félögum fyrir Félagsdóm til að fá
hnekkt uppsögn þeirra á kjarasamn-
ingum. í gær fór einnig fram mál-
flutningur fyrir Félagsdómi í máli
VSÍ gegn verkalýðsfélaginu Baldri
á ísafirði. Búist er við niðurstöðu
fyrir jól.
Lögmaður Baldurs hélt því fram
að launanefndir hefðu farið langt
út fyrir heimildir sínar en lögmaður
VSÍ sagði félagið hafa framselt upp-
sagnarheimild sína og því væri upp-
sögn samninga ógild.
Verkalýðsfélögin sem VSÍ stefndi
í gær voru Dagsbrún í Reykjavík,
Hlíf í Hafnarfirði, Eining í Eyjafirði
og Verkalýðs- og sjómannafélag
Keflavíkur. Verkalýðsfélagið Hörður
í Hvalfirði hefur dregið uppsögn sína
til baka. Þá eru eftir fjögur tiltölu-
lega lítil verkalýðsfélög á Vestfjörð-
um sem sagt hafa upp samningum
og segir Þórarinn V. Þórarinsson,
framkvæmdastjóri VSÍ, ekki ákveðið
hvort þeim verður einnig stefnt.
Mái félaganna fjögurra verður
tekið fyrir í Félagsdómi í dag og
verður fulltrúum félaganna þá vænt-
anlega gefinn frestur til að skila
greinargerð. Þórarinn býst við mál-
flutningi í lok vikunnar eða byijun
þeirrar næstu. Þórarinn á von á því
að samkomulag náist um að flytja
aðeins eitt eða tvö þessara mála en
niðurstaðan gildi þó um þau öll.
Búist er við að dómur verði kveðinn
upp í máli Baldurs í þessari viku.
Félagsmenn í þeim félögum sem
sagt hafa upp kjarasamningum fá
að lágmarki 13 þúsund kr. desembe-
ruppbót í samræmi við gildandi
samninga en annað launafólk fær
að lágmarki 20 þúsund kr. Dæmi
Félagsdómur vinnuveitendum í vil
fá félagsmenn umræddra verka-
lýðsfélaga 2.700 kr. launahækkun
um áramót. Launahækkunin kemur
ekki til framkvæmda ef dómur
gengur félögunum í hag en þá verð-
ur að taka upp samninga milli aðila.
■ Deilt um uppsagnarrétt/12
íbúar á snjóflóðahættusvæðum eru áhyggjufullir
Telja íbúðarhús verðlaus
MARGIR ísfírðingar hafa af því miklar áhyggjur að
ímynduð eða raunveruleg snjóflóðahætta hafi gert íbúð-
arhús þeirra verðlaus. Kom þetta skýrt fram í máli fund-
armanna á fundi sem efnt var til á ísafirði til að kynna
frumvarp um breytingar á lögum um snjóflóðavarnir.
„Ég seldi húsið mitt í Reykjavík og notaði andvirðið
til að byggja mér einbýlishús í Seljalandshverfi. Það er
ef til vill komið inn á hættusvæði samkvæmt nýju hættu-
mati og því algjörlega verðlaust," sagði einn fundar-
manna, Sigmundur Annasson húsasmíðameistari. Hann
krafðist þess, eins og flestir þeirra sem til máls tóku,
að fá að vita hver réttarstaða sín væri.
Stjómarfrumvarp um snjóflóðavarnir var kynnt á fjór-
um borgarafundum á Vestfjörðum um helgina. Skiptar
skoðanir voru um ákvæði þess efnis að ákvörðun um
að rýma hús á hættusvæðum færist frá almannavarna-
nefndum í héraði til Veðurstofu íslands.
■ Frumvarp um að færa/4
■ Jafnvel orðrómur gerir/35