Morgunblaðið - 20.12.1995, Blaðsíða 2

2 MIÐVIKUDAGUR 20. DESEMBER 1995
MORGUNBLAÐIÐ
FRÉTTIR
Bílbelti
koma í veg
fyrir slys
LÖGREGLAN í Keflavík þakkar
bílbeltanotkun að tvær konur
slösuðust ekki í bílveltu á Reykja-
nesbraut við Vogaafleggjara síð-
degis í gær.
Konumar vom á leið til Hafn-
arfjarðar þegar slysið varð um
kl. 17. Bifreiðin valt hálfa veltu
í hálkunni og lenti á toppnum
upp á umferðareyju. Ökumaður
og farþegi voru í bílbeltum og
sluppu án meiðsla. Bíllinn var
dreginn burt af dráttarbíl.
Aðild starfsmanna ASÍ að LSR til 1990
ASÍ greiðir sinn hlut
ALÞÝÐUSAMBAND íslands greiðir sjálft það sem á
vantar að iðgjöld standi undir skuldbindingum vegna
nokkurra starfsmanna hjá ASÍ, sem greitt var vegna,
til Lífeyrissjóðs starfsmanna ríkisins (LSR) fram tií
ársins 1990 en þá var tekin sú ákvörðun af miðstjóm
ASÍ að hætta að greiða í sjóðinn.
Þetta kemur fram í grein Hervars Gunnarssonar,
2. varaforseta ASÍ, í Morgunblaðinu í dag. Hervar
gagnrýnir Sighvat Björgvinsson alþingismann harðlega
fyrir túlkun á svari fjármálaráðherra við fyrirspum á
Alþingi um aðild starfsmanna ASÍ að LSR.
„Á þennan hátt hefur forysta ASÍ axlað sinn hluta
ábyrgðarinnar og jafnframt komið í veg fyrir auknar
skuldbindingar í þeim sjóði. Það var gert með því að
tryggja starfsmönnum lífeyri í lífeyrissjóðum sem eiga
fyrir skuldbindingum sínum,“ segir í grein Hervars.
í grein sinni bendir hann á að í svari fjármálaráð-
herra, Friðriks Sophussonar, komi einnig fram að LSR
sé í raun að hlunnfara ASÍ um þá ávöxtun sem eðli-
legt sé að reikna mótframlagið, þ.e. 6% hlut vinnuveit-
enda, en þvi hafí ASÍ ætíð skilað sjóðnum um leið og
greiðslum starfsmanna.
■ „Að kasta gijóti úr glerhúsi" /43
Morgunblaðið/Eyjólfur Guðmundsson
Reynt að semja um
málalok á Alþingí
FULLTRÚAR stjórnar og stjórnar-
andstöðu á Alþingi reyndu í gær-
kvöldi og nótt að ná samningum um
breytingar á frumvarpi um ráðstaf-
anir í ríkisfjármálum, bandorminum
svonefnda. Þá lá ekki fyrir sam-
komulag um málalok á Alþingi fyrir
jól.
Stjórnarandstæðingar hafa lagt
mikla áherslu á að ná fram breyting-
um á bandorminum. Þeir kröfðust
þess í gær að þingfundum yrði frest-
að og þing kæmi saman milli jóla
og nýárs til að afgreiða fjárlög og
önnur frumvörp þeim tengd, meðal
annars á þeim forsendum að nauð-
synlegt væri að fjalla nánar í nefnd-
um þingsins um ýmis ákvæði band-
ormsins.
Efnahags- og viðskiptanefnd af-
greiddi bandorminn í gær og stóð
til að taka hann á dagskrá þingsins
í gærkvöldi en stjórnarandstæðingar
héldu þá margar og langar ræður
um frumvarp um breytingar á lögum
um tekju- og eignarskatt sem var
til 3. umræðu. Samkomulag náðist
þó á 11. tímanum um að ljúka þeirri
umræðu fyrir miðnættið og taka
jafnframt upp áðurnefndar viðræður
um bandorminn.
Meirihluti efnahags- og viðskipta-
nefndar lagði til nokkrar breytingar
á bandorminum. Þær eru meðal ann-
ars um að lækka hlutfall fjármagns-
tekna úr 70% I 50% í tekjugrunni
við ákvörðun á tekjutengdum bótum
almannatrygginga. Það þýðir að
fjármagnstekjur skerða bæturnar
minna en áður var áformað.
Á móti er lagt til að skerðingar-
hlutfall ellilífeyris vegna tekna 67
ára og eldri verði 35% í stað 25%
og felldar verði niður bætur ef sam-
anlögð fjárhæð bóta samkvæmt al-
mannatryggingalögum og lögum um
félagslega aðstoð nema 600 krónum
eða minna á mánuði.
Jafnframt hefur heilbrigðisráð-
herra ákveðið að hækka komugjöld
til sérfræðilækna um 200 krónur að
jafnaði og komugjöld á heilsugæslu-
stöðvar um 100 að jafnaði, en það
gjald er nú 600 krónur. Þessi hækk-
un hefur ekki verið útfærð endan-
lega en heilbrigðisráðherra sagði á
Alþingi í gærkvöldi að tekið yrði
sérstakt tillit til aldraðra, öryrkja
og barnafjölskyldna.
Fallið hefur verið frá því að leggja
niður sýslumannsembættin á Bol-
ungarvík og Ólafsfirði en tillögur
voru um það í bandorminum og áttu
að spara 14 milijónir á næsta ári.
Hins vegar hefur orðið samkomulag
um það innan stjórnarflokkanna að
skipuð verði nefnd til að fjalla um
skipan stjómsýsluumdæma og að-
setur sýslumanna og er gert ráð
fyrir að breytingar í þeim efnum
liggi fyrir við fjárlagagerð fyrir árið
1997.
Hönnunarverðlaun
fyrir sendiráð í Berlín
AUSTURRÍSK arkitektastofa
bar sigur úr býtum í samkeppni
um sameiginlega byggingar-
samstæðu fyrir sendiráð
Norðurlanda í Berlín og voru
úrslitin tilkynnt á blaðamanna-
fundi, sem haldinn var í Berlín
í gær.
Höfundar vinningstillögunn-
ar eru Tiina Parkkinnen og
Alfred Berger, sem starfa í Vín.
Samkvæmt tillögunni mun
koparskermur umlykja lóðina
og hver þjóðanna fimm hafa
sína byggingu á henni auk þess,
sem ein bygging verður sam-
eiginleg.
Keypt af syni
„ Alberts Speers
Sigurvegararnir munu fá það
verkefni að skipuleggja svæðið
í heild og ákveða staðsetningu
einstakra bygginga, auk þess
að teikna sameiginlega húsið.
Sigurvegararnir fengu 350
þúsund sænskar krónur (um 3,5
milljónir íslenskra króna) í
verðlaun. Önnur verðlaun, um
2,75 milljónir íslenskra króna,
fékk teiknistofa í Árósum,
Almwik og félagar, þriðju verð-
laun, um 1,75 milljónir íslenskr-
ar króna, Christine Edmaier,
arkitekt í Berlin. Tvenn inn-
kaup voru gerð. Annars vegar
frá Albert Speer, syni og al- -
nafna yfirmanns skipulagsmála
í þriðja ríkinu, og hins vegar
Erik Nobel, arkitekt í Kaup-
mannahöfn. Fengu þeir um eina
milljón íslenskrar króna hvor.
Alls bárust 122 tillögur, þar af
fjórar frá íslandi.
Talið er að með lóðarkaupum
muni kosta þrjá milljarða króna
að reisa hið sameiginlega sendi-
ráð. íslenska byggingin verður
minnst og sömuleiðis hluti ís-
lendinga í kostnaði, sem áætlað-
ur er að verði milli 170 og 180
milljónir króna. Stefnber að
því að ljúka framkvæmdum á
fyrri hluta árs 1999.
Reuter
TIINA Parkkinen (t.v.) og Alfred Berger, arkitektar frá Austur-
ríki, útskýra líkan sitt af skipulagi samnorrænnar sendiráðslóð-
ar í Berlín á blaðamannafundi í Berlín í gær.
Ríkisendurskoðun um fj árhags vanda og sparnaðaraðgerðir á sjúkrahúsum
Hallarekstur regla
undanfarin ár
„SÍÐASTUÐIN ár hefur hallarekst-
ur sjúkrahúsa verið regla fremur
en undantekning. Framlög til
rekstrar sjúkrahúsa á árinu 1995
borin saman við kostnað þeirra árið
1994 sýndi fjárvöntun að fjárhæð
650 milljónir króna sem ná átti fram
með niðurskurði á rekstri þeirra á
árinu 1995. Að mati heilbrigðisyfír-
valda nemur áætluð fjárvöntun
sjúkrahúsa 400 milljónum króna á
þessu ári sem sýnir að fyrirhugaður
spamaður samkvæmt fjárlögum
nær ekki fram að ganga að öllu
ieyti,“ segir í skýrslu Ríkisendur-
skoðunar þar sem fjallað er um
stjómsýsluendurskoðun á sjúkra-
húsunum á Suðumesjum, Ísafírði, í
Neskaupstað og á Selfossi.
Ríkisendurskoðun víkur að af-
komu sjúkrahúsa almennt í niður-
stöðukafla sínum og telur að þrátt
fyrir að kenna megi ómarkvissri
stjórnun og ónægri aðhaldssemi að
einhveiju leyti um slæma afkomu
vegi þau atriði ekki það þungt að
þau skýri allan hallareksturinn.
„Þó að hagræða megi í rekstri
sjúkrahúsa telur Ríkisendurskoðun
tímabært að stjórnvöld horfíst í
augu við þann kostnað sem því fylg-
ir að reka starfsemi á borð við þá
sem rekin er á sjúkrahúsum á lands-
byggðinni eða taki ákvörðun um að
þessari þjónustu sé betur fyrir kom-
ið annars staðar eða meði öðrum
hætti,“ segir í skýrslu Ríkisendur-
skoðunar.
Heilbrigðisyfirvöld þurfa að
kveða á um verksvið og verkaskipt-
ingu sjúkrahúsanna í landinu eins
og tilgreint er í lögum, að mati Rík-
isendurskoðunar, sem telur að móta
þurfí heildstæða stefnu um upp-
hyggingu, starfsemi og rekstrarfyr-
irkomulag sjúkrahúsa landsins í
framtíðinni.
„Að mati Ríkisendurskoðunar er
æskilegt að ríkissjóður, þ.e. greið-
andi þjónustunnar, hafí meiri áhrif
í stjórn sjúkrahúsa en raun ber vitni.
Þá er það álit Ríkisendurskoðunar
að það geti veikt valdsvið fram-
kvæmdastjórnar sjúkrahúss að full-
trúi starfsmanna sitji í stjórn þess,“
segir í skýrslunni.
Einnig er bent á að heilbrigðisráð-
herra eigi samkvæmt lögum að setja
yfirlæknum, hjúkrunarforstjórum
og framkvæmdastjórum erindisbréf
og setja nánari ákvæði um starfslið
sjúkrahúsa í reglugerð. „Heilbrigð-
is- og tryggingamálaráðuneytið hef-
ur hvorki sett þá reglugerð sem hér
um ræðir né sent framkvæmdastjór-
um sjúkrahúsanna erindisbréf sem
kveður á um starfssvið þeirra,“ seg-
ir í skýrslu Ríkisendurskoðunar.
Lands-
virkjun
kaupir
rofa
LANDSVIRKJUN hefur und-
irritað verksamning við Rafkóp-
Samvirki um rofabúnað fyrir
rafala í Sogsstöðvum að undan-
gengnu útboði. Verksamnings-
upphæðin er 45.307.000 kr.
Tilboð í verkið voru opnuð
8. september sl. og bárust 8
tilboð frá 7 aðilum en þar af
voru 3 tilboð frá 2 innlendum
aðilum.
Bjóðendur voru Rafkóp-Sam-
virki með tilboðsupphæðina
45.307.000 kr., Orkuvirki, frá-
vikstilboð 45.749.122 kr„
Orkuvirki 54.757.784 kr„ Va-
asa 47.082.285 kr„ AEG
53.556.000 kr„ Semko
54.758.684 kr„ Vattenfall
63.158.400 kr. og ABB
63.581.598 kr.
Rofabúnaður sá er Lands-
virkjun kaupir af Rafkóp-Sam-
virki er framleiddur af GEC
Alsthom, Sviss, og kemur að
stærstum hluta samsettur til
landsins. Fullnaðarfrágangur
fer hins vegar fram á verkstæði
Rafkóp-Samvirkis.
Gúmmíbát
og mótorum
stolið
GÚMMÍBÁT, tveimur utan-
borðsmótorum, talstöðvum og
fleiru var stolið frá fyrirtækinu
Löndun hf. í Faxaskála við
Reykjavíkurhöfn í fyrrinótt.
Verðmæti þýfísins skiptir
hundruðum þúsunda króna.
Ekkert hefur enn komið fram
um hveijir voru þarna að verki,
en Ijóst er að viðkomandi not-
aði stóran bíl við innbrotið.
Meðal þess sem var stolið var
hraðbát af zodiac-gerð, tveimur
stórum utanborðsmótorum,
þremur talstöðvum, flotvinnug-
öllum, björgunarvestum, dýpt-
armælum og fleiru. Á hraðbátn-
um eru sterkar festingar sem
gera kleift að hífa hann upp í
skip með áhöfn og búnaði.
Mótorarnir eru 90 og 50 hest-
öfl, bláir og svartir. Þeir eru
báðir með rafstörturum.
Talinn hafa
flutt þýfið í
hjólbörum
BROTIST var inn í tvö mann-
laus einbýlishús í Stekkjunum
í Breiðholti um kvöldmatarleyt-
ið í gær. Var stolið talsverðu
áf verðmætum hlutum úr öðru
einbýlishúsinu sem stendur við
Brúnastekk, m.a. hljómflutn-
ingstækjum, skartgripum og
bankabók.
Skv. upplýsingum lögreglu
er talið að þjófurinn hafi notað
hjólbörur við að flytja munina
úr húsinu og í sendiferðabíl sem
hafí staðið í nokkurri fjarlægð.
Ekki hefur tekist að upplýsa
málið en það er nú í höndum
Rannsóknarlögreglu ríkisins.
Mikið búða-
hnupl
LÖGREGLU í Reykjavík hafa
' borist óvenju margar tilkynn-
ingar úm búðahnupl að undan-
förnu og í gær bárust fimm til-
kynningar um þjófnaði í versl-
unum í Kringlunni á einni og
sömu klukkustundinni. í gær-
dag var einnig töluvert um
búðahnupl i verslunum í Skeif-
unni skv. upplýsingum lögreglu.