Morgunblaðið - 20.12.1995, Blaðsíða 6

6 MIÐVIKUDAGUR 20. DESEMBER 1995
MORGUNBLAÐIÐ
FRÉTTIR
Deilur organista og prests Langholtskirkju blossa upp á nýjan leik
Horfur á að kór kirkjunnar
syngi ekki um hátíðirnar
Langholtskirkja
DEILUR milli sóknarprésts og
organista í Langholtssöfnuði
hafa blossað upp á nýjan leik
eftir að Flóki Kristinsson sóknar-
prestur neitaði að auglýst yrði í
fréttabréfi safnaðarins hverjir
yrðu einsöngvarar við helgihald
yfir hátíðirnar, en þeirra á meðal
átti að vera Ólöf Kolbrún Harðar-
dóttir, eiginkona Jóns Stefáns-
sonar organista. í kjölfar þessa
hefur Jón óskað eftir að taka
sumarfrí sem hann á inni frá og
með aðfangadegi til 15. janúar
næstkomandi og því allar líkur
á að kór kirkjunnar muni ekki
syngja við messur yfir hátíðirnar.
Deilur voru innan Langholts-
safnaðar síðastliðið vor um
verkaskiptingu prests og organ-
ista kirkjunnar en samkomulag
tókst milli þeirra í júlí. Jón Stef-
ánsson sagði í samtali við Morg-
unblaðið að um margra ára gam-
alt deilumál væri að ræða. Mælir-
inn hafi smátt og smátt verið
að fyllast og nú hefði hann
ákveðið „að stinga á kýlinu".
„Það er enginn til að fylgja
því eftir að svona samkomulag
sé haldið. Flóki er búinn að marg-
brjóta það og því miður er yfir-
stjórn kirkjunnar 'ekki í stakk
búin til að taka á þessum málum.
Jafnvel þó að allt sé þverbrotið
þá er enginn sem getur gert
neitt í málinu,“ sagði Jón.
Hann segir að búið hafi verið
að ganga frá til prentunar
messuskrám fyrir allar messur
yfír hátíðirnar, þar sem m.a.
nöfn einsöngvara kæmu fram og
Flóki hefði yfirfarið þær og eng-
ar athugasemdir gert. Síðan
hefði hann neitað að nokkurra
nafna yrði getið í fréttabréfi
safnaðarins annarra en gesta-
predikara á aðfangadagskvöld.
Jón sagðist eiga inni sumar-
leyfi og því hefði hann skrifað
sóknarnefndinni bréf þar sem
hann óskaði að taka frí frá og
með aðfangadégi til 15. janúar
og byggist hann við að svar við
þeirri málaleitan yrði jákvætt.
Sagði hann að kórinn myndi því
ekki syngja við messur á þessu
tímabili.
Báðir aðilar lausir
undan samningum
Flóki Kristinsson sagði í sam-
tali við Morgunblaðið að erfitt
væri að segja hver nákvæmlega
væri ástæðan fyrir að upp úr
hafi soðið milli hans og Jóns nú,
en svo virtist vera að ástæðan
væri að hann hefði ekki fallist á
að einsöngur eiginkonu organist-
ans yrði sérstaklega auglýstur.
„Þetta er aukaatriði í raun og
veru þó þetta hafi velt þessum
hjalla. Það sem skiptir máli er
að organistinn er samningsbund-
inn við kirkjuna og hann virðist
ætla að ijúfa þann samning af
þeirri ástæðu að honum líkar
ekki við skoðanir sóknarprests-
ins,“ sagði Flóki, sem sagðist líta
það alvarlegum augum ef starfs-
fólk kirkjunnar bryti samninga
en þá hlytu báðir aðilar að vera
lausir undan samningum.
Flóki sagðist fyrir sitt leyti
ekki leyfa að Jón tæki sumar-
leyfi á þessum tíma með jafn
skömmum fyrirvara og án þess
að ráðstafanir væru gerðar til
að einhver hlypi í skarðið. Að-
spurður um hvert hann teldi
framhald mála verða sagði Flóki
að það færi allt eftir því hvort
sóknarnefndinni tækist að leiða
organistanum það fyrir sjónir að
hann hann væri samningsbund-
inn til þess að gegna þeim
skyldustörfum sem hann hefur
ráðið sig til eða hvort hann ætl-
aði að ijúfa samninginn.
„Ef hann rýfur samninginn
og samningarnir eru þá ekki
lengur í gildi, þá er allt óráðið.
Þá geta menn líka gert sér til
gamans að velta því fyrir sér
hvort svoleiðis starfskraftur þyk-
ir eftirsóknarverður,“ sagði
hann.
Sóknarnefnd fjallaði um mál
þetta á neyðarfundi í gær og kom
fram í gærkvöldi, að hún hefði
ákveðið að leita til prófasts og
biskups um lausn málsins.
Útboð FÍB á öku-
tækjatryggingum
Útboðs-
gögn send
24 aðilum
FÉLAG íslenskra bifreiðaeigenda
mun senda 14 erlendum trygginga-
fyrirtækjum, sex íslenskum félögum
og fjórum miðlurum og umboðs-
mönnum erlendra ti-yggingafélaga
hér á landi útboðsgögn vegna fyrir-
hugaðs útboðs FIB á ökutækja-
tryggingum fyrir félagsmenn sína,
en útboðsfrestur er til 19. janúar
næstkomandi.
Utboðsgögnunum verður komið í
frekari dreifingu í gegnum systurfé-
lög FÍB í Evrópu, en áhuginn er
sérstaklega mikill í Bretlandi. Þann-
ig sendi breska viðskiptaráðuneytið
tilkynningu um fyrirætlanir FÍB til
upplýsingaþjónustu breskra öku-
tækjatryggingafélaga og mun FÍB
senda sex breskum fyrirtækjum út-
boðsgögn.
Að sögn Árna Sigfússonar, for-
manns Félags íslenskra bifreiðaeig-
enda eru félagar í FÍB nú 17.500
talsins, en á þremur síðastliðnum
mánuðum hafa um 11 þúsund nýir
félagsmenn gengið til liðs við FIB,
m.a. á grundvelli fyrirhugaðs útboðs
á ökutækjatryggingum félags-
manna. Áætlað er að 25 þúsund bif-
reiðar séu í eigu félaga í FÍB, en
það er um 20% allra fólksbíla í land-
inu.
Um 65% félagsmanna hafa nú þegar
fengið send umboð til uppsagnar og
tilfærslu á bifreiðatryggingum, en
snemma á næsta ári munu allir fé-
lagsmenn hafa fengið slík umboð
send. FÍB mun savo safna saman
umboðunum þegar tilboð í trygging-
arnar liggja fyrir.
Búnaðarbanki Islands hefur nýlokið við að setja upp öryggiskerfi í útibúum sínum
Myndavélar settar í
öll útibú bankans
Fjöldi bankarána á Norðurlöndum —250
1980, 1985 og 1990-93
Heimild: DANMÖRK
SÓLON Sigurðsson, bankastjóri
Búnaðarbankans, segir að bankinn
muni setja upp myndavélar í öllum
útibúum bankans í framhaldi af
bankaráninu sem framið var í Vest-
urbæjarútibúi Búnaðarbankans.
Bankarán eru mikið vandamál á
hinum Norðurlöndunum og lætur
nærri að eitt bankarán sé framið
þar hvem dag ársins. Mennimir
sem rændu útibúið eru enn ófundn-
ir.
„Öryggismál Búnaðarbankans
hafa verið í endurskoðun að undan-
fömu. Við settum upp starfshóp í
október undir forystu eins af að-
stoðarbankastjórunum til að huga
að þessum málum. Þetta hefur því
verið í skoðun og verður það áfram.
Þetta er verkefni sem aldrei lýk-
ur,“ sagði Sólon.
„Við höfum verið að setja upp
sérstakt öryggiskerfi í öllum útibú-
um Búnaðarbankans og nú er því
lokið. Næsta skref er að setja upp
myndavélar. Það er því miður ljóst
að það er þörf á þeim. Það hefur
ekki hingað til verið þörf á mynda-
vélum og fram að þessu höfum við
einbeitt okkur að koma upp góðu
öryggiskerfi í öllum útibúum.
Það verður aldrei hægt að koma
í veg fyrir vopnuð rán. Meðan
menn em ekki með bryndreka fyr-
ir utan dyrnar þá munu alltaf vera
til einhveijir vitleysingar sem
munu reyna þetta. Sumir munu
komast upp með það og aðrir ekki.
Aðalatriðið er að reyna að ná þess-
um mönnum. Það er vont ef menn
komast upp með svona athæfi,“
sagði Sólon.
Bankarán stórt vandamál
á Norðurlöndum
Siguijón Gunnarsson, varafor-
maður Sambands íslenskra banka-
manna, sagði að bankarán væru
stórt vandamál á hinum Norður-
löndunum. Árið 1992 hefðu verið
framin 469 bankarán á Norður-
löndum, en síðan hefði alls staðar
dregið úr þeim nema í Noregi.
Siguijón ritaði grein í Banka-
blaðið sem hann nefndi „Á verði
gegn bankaránum og svikum", en
blaðið kom út á mánudaginn, sama
dag og ránið á Vesturgötu var
framið. Siguijón sagði að greinin
hefði verið skrifuð til að minna
bankamenn á að vera á verði gagn-
vart hættunni af bankaránum. Þó
að lítið væri um bankarán á íslandi
þýddi það ekki að menn gætu leyft
sér kæruleysi í þessum efnum. Afar
mikilvægt væri að starfsfólk bank-
anna rifjaði upp þær reglur sem
því bæri að fara eftir þegar svona
atvik yrðu og eins þyrftu bankamir
að fara yfir öryggismálin í sam-
starfi við starfsfólk.
Fylgst með fólki sem
flytur peninga
Hannes Guðmundsson, fram-
kvæmdastjóri Securitas, sagðist
telja að það sé nokkuð misjafnt
hversu vel bankarnir sinntu örygg-
ismálum. Sumir gerðu þetta mjög
vel en aðrir mættu gera betur.
Hann sagði að öryggismál þyrftu
stöðugt að vera í endurskoðun og
fólk þyrfti að vera meðvitað um
hættuna af atburðum eins og urðu
á mánudaginn í Vesturgötuútibú-
inu. Ef fólk hefði ekki hugsað um
hættuna væri alltaf viss hætta á
röngum viðbrögðum og þau gætu
leitt til alvarlegra slysa.
„Ég tel rétt að öll fyrirtæki, stór
og smá, fari yfir sín öryggismál.
Það er ekki nóg fyrir fyrirtæki að
koma sér upp öryggiskerfi. Þau
þurfa að yfirfara kerfin reglulega
og spyija sig hvar hægt sé að
gera betur og hvar séu hættur.
Við höfum alltaf sagt að það sé
ekki spumingin um hvort vopnað
rán yrði framið á íslandi heldur
hvenær,“ sagði Hannes.
Hannes sagði að eftir Skeljungs-
ránið í Lækjargötu í fyrravetur
hefðu mörg fyrirtæki endurskoðað
sína verðmætaflutninga. „Við
erum í töluvert miklum verðmæta-
flutningum fyrir ýmis fyrirtæki.
Við höfum orðið varir við að það
er fylgst með okkur. Við höfum
tekið myndir af fólki sem er að
fylgjast með okkur og eigum orðið
myndir af þó nokkuð stórum hópi
manna sem hefur fylgst með okkar
verðmætaflutningum. Hluti af
okkar starfi er að fylgjast með
fólki sem er að fylgjast með okk-
ur.“
Bankar í samstarfi
við lögreglu
„Ég tel að bankarnir hafi gert
meira af því í seinni tíð að hugsa
um öryggismál. Þeir hafa m.a. leit-
að til lögreglunnar um leiðbeining-
ar í þeim efnum. Það er ekki síst
þjálfun starfsfólks í viðbrögðum
við svona ránum sem hefur verið
bætt,“ sagði Jónas Hallsson að-
stoðaryfirlögregluþjónn.
Víða erlendis er afgreiðsla
banka þannig úr garði gerð að
útilokað er fyrir fólk að hoppa yfir
afgreiðsluborðið og yfir til starfs-
fólks bankans. Starfsfólk er víða
girt af með öryggisgleri eða vír-
neti. Jónas var spurður hvort hann
teldi svo komið að íslenskir bankar
yrðu að taka upp sömu hætti og
erlendir bankar hvað þetta varðar.
„Ef menn eru að íhuga rán þá
láta menn til skarar skríða með
þeim hætti sem þarf hveiju sinni.
Ef það yrði sett meiri vörn fyrir
starfsfólkíð er hætt við að viðbrögð
þeirra sem fremja rán yrðu harð-
ari gagnvart viðskiptavinum og
starfsmönnum."
Starfsfólk fékk áfallahjálp
Læknir og sérfræðingur í áfalla-
hjálp komu til að líta á starfsfólkið
í útibúi Búnaðarbankans á Vestur-
götu eftir ránið í fyrradag. Læknir-
inn gekk úr skugga um að það
hefði ekki orðið fyrir neinum lík-
amlegum áverkum. Áfallahjálpar-
maðurinn ræddi við starfsfólkið um
þau viðbrögð sem það mætti búast
við að finna fyrir í kjölfar þessa
atburðar. Hann mun ræða við það
áfram síðar.
Hanna Pálsdóttir, aðalféhirðir
Búnaðarbankans, sagði að starfs-
fólkið hefði orðið fyrir mikilli and-
legri áreynsla. „Það er ólýsanlegt
að lenda í þessu. Ég hugsa að það
taki langan tíma fyrir starfsfólkið
að átta sig á hvaða varanleg áhrif
þetta kann að hafa. Við leggjum
því mikla áherslu á að hlúa sem
best að fólkinu."