Morgunblaðið - 20.12.1995, Blaðsíða 53
MORGUNBLAÐIÐ
MIÐVIKUDAGUR 20. DESEMBER 1995 53
FRÉTTIR
Heilsdagsskólinn
- athugasemd
FRÁ Borgarkringlunni.
Morgunblaðið/Halldór K.
Jólastemmning í
Borgarkringlunni
í MORGUNBLAÐINU 19. desem-
ber er greint frá að samkomulag
hafi náðst milli borgaryfirvalda og
skólastjóra grunnskóla í Reykja-
vík, þannig að rekstur skólans
verði óbreyttur eftir áramót.
í grein þessari er haft eftir Sig-
rúnu Magnúsdóttur, formanni
skólamálaráðs, að viðræður hafi
staðið yfir við skólastjóra að
undanförnu, og að skólastjórar
hafi verið búnir að ákveða að ef
samningar tækjust ekki á fundi
(sem boðað var til föstudaginn 15.
des. og halda átti kl. 9 mánudag-
inn 18. des.) yrði sent bréf til for-
eldra um að staða heilsdagsskólans
væri óviss. Þá segir hún að einn
skólastjóri hefði samt sem áður
sent út bréf þrátt fyrir að viðræður
stæðu yfir.
Þessum ummælum vil ég mót-
mæla. Engar viðræður voru í gangi
milli samninganefndar okkar og
starfsmannastjóra borgarinnar,
frá því að starfsmannastjóri sleit
samningum seinni hluta október
og gaf út sinn eigin launataxta,
þar til fundar var boðaður 18. des.
í greininni er undirrituðum stillt
upp sem ómerkingi gagnvart kol-
legum með því að senda út bréf
til foreldra.
Hið rétta er að í byijun desem-
ber sagði ég deildarstjóra Skóla-
skrifstofunnar, sem hefur með
málefni heilsdagsskólans að gera,
að hafi engir samningafundir verið
haldnir fyrir helgina 9.-10. des.
þá sæi ég mér ekki annað fært en
að láta foreldra í mínu skólahverfi
vita um þá óvissu sem starf heils-
dagsskólans væri í eftir áramót.
Þetta gerði ég með bréfi dagsettu
12. desember. Fimmtudaginn 14.
desember, að afloknum fundi
fræðslustjóra og Skólaskrifstofu
með skólastjórum um málefni
þessu óskyld, funduðu skólastjórar
sérstaklega um málefni heilsdags-
skólans.
Þar kom fram mikil gagnrýni á
að enginn samningafundur hefði
enn verið haldinn. Undirritaður
gerði þar grein fyrir því bréfi sem
hann hafði sent út og var síðan
samþykkt að skólastjórafélagið
sendi bréf sem allir sendu út mánu-
daginn 18. des. að óbreyttum mál-
umm, enda löngu orðið tímabært
að foreldrar fengju að vita í hvaða
óvissu heilsdagsskólinn var frá
áramótum þar sem allir skólastjór-
ar höfðu sagt upp samningum við
borgina.
Því miður lofa þau vinnubrögð
sem þarna koma fram hjá embætt-
ismanni borgarinnar ekki góðu á
þeim tímamótum sem við stöndum
nú á með flutningi grunnskólans
til sveitarfélaganna. Mörg störf
hafa skólastjórar í Reykjavík innt
af hendi fyrir Reykjavíkurborg á
liðnum árum án nokkurrar
þóknunar og er sífellt verið að
bæta þar við. Nú var samþykkt
að taka þau mál til skoðunar og
úrbóta. Er vonandi að þar verði
betur að unnið en heilsdagsskóla-
málinu.
Þorvaldur Óskarsson,
skólastjóri Breiðholtsskóla.
MARGT hefur verið um mann-
inn í Borgarkringlunni að und-
anförnu og einnig hafa bæst
við nýjar verslanir og má þar
nefna Sjónvarpsmarkaðinn,
Kjarakaup, Snyrtivöruverslun-
ina Evítu og Brosandi fólk.
Jóladagskrá Borgarkringl-
unnar hefur verið fjölbreytt
og byggst á jólasveinum, lif-
andi tónlist og söng af ýmsum
toga, bókakynningum auk árit-
ana rithöfunda lyá Eymunds-
son og fleiru.
Borgarkringlan verður opin
frá kl. 10-22 alla vikuna, á
Þorláksmessu til kl. 23 og á
aðfangadag kl. 9-12.
BHMR mótmælir
skerðingii á tekjum
ellilífeyrisþega
BANDALAG háskólamanna-
BHMR hefur sent frá sér yfirlýs-
ingu þar sem harðlega er mót-
mælt þeirri skerðingu á tekjum
ellilífeyrisþega sem samtökin
segja að felist í niðurfellingu á 15%
frádrætti af greiddum lífeyri úr
lífeyrissjóði.
BHMR telur að niðurfelling á
15% frádrættinum í heild muni
valda mörgum ellilífeyrisþeganum
umtalsverðum tekjumissi og bitni
harðast á þeim sem hafi sparað
lengst og mest í lífeyrissjóði. „Það
er því ljóst að þessi breyting á
frumvarpinu beinist einkum gegn
opinberum starfsmönnum," segir
í yfirlýsingunni en þar er vísað til
frumvarps til breytinga á lögum
um tekju- og eignaskatt sem nú
er til meðferðar á Alþingi.
Verði bætt í kjörum
BHMR bendir á að skattfrelsi
lífeyrisiðgjalda nýtist opinberum
starfsmönnum miklu síður en öðr-
um launamönnum, þar sem opin-
berir starfsmenn greiði aðeins ið-
gjöld af dagvinnulaunum. Banda-
lagið telur að þennan mismun
verði að bæta opinberum starfs-
mönnum í kjörum.
Léttur jóla-
djass á
Kringlukránni
GRETTIR Björnsson, harmon-
ikuleikari, Ragnar Páll Einars-
son, gítarleikari, og Hjördís
Geirsdóttir, söngkona, flytja
léttan jóladjass á Kringlukránni
miðvikudagskvöldið 20. desem-
ber kl. 22.
Listgler
flytur
Fyrirtækið Listgler hefur verið
flutt um set, en það var áður til
húsa á Kársnesbraut 110 í Kópa-
vogi. Nú hafa eigendur Listglers
opnað á nýjum stað í eigin hús-
næði á Kársnesbraut 112 eða í
næsta húsi við eldri staðinn. í List-
gleri eru framleiddar blýlagðar
rúður til margvíslegra nota, s.s. í
staka glugga, innréttingar og inni-
og útihurðir. Rúður frá Listgleri
prýða nokkrar kirkjur hérlendis.
Þar eru einnig framleiddir blýlagð-
ir speglar, lampar, hengimyndir
og fleira smálegt, en hægt er að
fá útbúna spegla og rúður eftir
hugmyndum viðskiptavina.
Morgunblaðið/Aðalheióur Högnadóttir
EIGENDUR Listglers, Yngvi Högnason og Kristin Guðmunds-
dóttir, hafa komið sér vel fyrir á nýjum stað við Kársnesbrautina.
Frá versluninni Markinu.
Markið
stækkar
við sig
NÚ NÝLEGA var haldið upp á 15
ára afmæli verslunarinnar Marksins
og af því tilefni var opnuð ný 500
fm verslun í Ármúla 40 á sama
stað og verslunin hefur verið til
húsa undanfarin 10 ár. Nýja versl-
unin er tvöfalt stærri en sú eldri
og vöruúi’val hefur verið aukið.
í fréttatilkynningu segir að
Markið hafi verið stærsti seljandi
reiðhjóla hér á landi. Skíðadeildin
hefur stækkað mikið í gegnum árin
en auk hjóladeildarinnar hafa skíði
líka verið til sölu. Með auknu rými
er nú einnig hafin sala á öllum al-
mennum sportvörum s.s. íþrótta-
skóm, íþróttafatnaði, sundfatnaði
og útivistarfatnaði. Auk sportvara
selur Markið ýmsar gerðir leik-
tækja, allt til iðkunar borðtennis,
billjards og pílukasts auk þrekæf-
ingatækja.
Kórtón-
leikar í
Keflavík-
urkirkju
KÓRTÓNLEIKAR verða í
Keflavíkurkirkju miðviku-
dagskvöldið 20. desember.
Þar koma fram yngri og eldri
kórar Tónlistarskólans í
Keflavík, Kór Fjölbrautaskóla
Suðurnesja, Kór fyrir alla og
yngri og eldri deild Bjöllukórs
Tónlistarskólans í Garði.
Allir kórarnir eru undir
stjóm Gróu Hreinsdóttur og
syngja þeir og spila hver í
sínu lagi og einnig saman.
Alls koma fram á tónleikun-
um um 90 manns, börn og
fullorðnir. Aðgangur er
ókeypis og öllum heimill.
Gengið að
nýju göngu-
brúnni úr
fjórum áttum
HAFNARGÖNGUHÓPUR-
INN stendur fyrir gönguferð-
um úr fjórum áttum að nýju
göngubrúnni yfir Kringlu-
mýrarbraut í miðvikudags-
göngu sinni 20. desember.
Farið verður frá öllum
brottfararstöðum kl. 20, frá
Hafnarhúsinu, frá Garðská-
lanum í Laugardal, frá Ár-
bæjarsafni (innganginum) og
frá íþróttahúsi Garðabæjar,
en frá íþróttahúsinu Smáran-
um Kópavogi hálftíma síðar.
Fararstjóri verður fyrir
hveijum hópi. Allir hóparnir
hittast á brúnni kl. 21.15 og
að því búnu verður farið inn
í Skógræktina. Þórður mætir
með nikkuna og boðið verður
upp á kaffi og kökur. Val er
um að ganga til baka eða
taka AV eða SVR. Allir vel-
komnir. Ekkert þátttöku-
gjald.
■ MÁLFUNDAFÉLAG al-
þjóðasinna stendur að mál-
fundi miðvikudagskvöldið 20.
desember kl. 20 um efnið:
Nató stefnir í stríð í Júgó-
slavíu, ráðastéttin á Islandi
vill vera með og koma upp
her, miðja heimsstjórnmála
og stéttaátaka er í Evrópu.
Málshefjandi er Gylfi Páll
Hersir, verkamaður, Dags-
brún. Fundurinn verður að
Klapparstíg 26, 2. hæð.
-leikur að læra!
Vinningstölur 19. des. 1995
1.2.11.12.17.25*26
Eldri úrslit á símsvara 568 1511