Morgunblaðið - 11.01.1996, Blaðsíða 15

MORGUNBLAÐIÐ
LANDSÐ
FIMMTUDAGUR 11. JANÚAR 1996 15
Samhljóða ákvörðun bæjarráðs Vestmannaeyja
Launakjör samræmd og
starfsmönnum sagt upp
BÆJARRÁÐ Vestmannaeyja hefur
samþykkt samhljóða að segja upp
launaliðum starfsmanna bæjarins,
m.a. tæknifræðinga. Að sögn bæjar-
stjóra er um að ræða sextán starfs-
menn en um helmingur þeirra hafi
á síðustu árum fengið launahækkun
umfram aðra. Eftir þessa breytingu
munu iaun allra bæjarstarfsmanna
hækka jafn mikið sama hvaða
menntun þeir hafa.
Guðjón Hjörleifsson bæjarstjóri
sagði, að bæjarráð færi með mjilefni
samninganefndar og að verið væri
að samræma laun bæjarstarfsmanna
við launaþróun í landinu. Miðað væri
við laun BSRB og BHMR.
„Það er enginn ágreiningur í bæj-
arstjóm um launalækkunina," sagði
hann. „Það er ekki hægt að segja
að um marktækan mun hafi verið
að ræða hjá BHMR-fólkinu en við
sögðum þeim einnig upp til að reyna
að samræma launin.“
Sagði hann að í ljós hafí komið
að síðustu fimm ár hafi tæknifræð-
ingafélagið sent út launatöflu til
viðmiðunar, þar sem launahækkanir
væru aðrar en á almennum vinnu-
markaði. „Við teljum þetta ólöglegt
og VSI hefur skrifað þar um en
tæknifræðingar hafa borið því við
að þama væri samið við aðra en
sveitarfélögin,“ sagði Guðjón.
„Launatöflurnar hafa borist til sveit-
arfélaga og launanefndir mjög
margra sveitarfélaga eða launadeild-
ir hafa fylgt þessum hækkunum og
tekið þessar töflur gildar."
Guðjón sagði að í raun væri verið
að niðurfæra launin. „Ef laun hafa
hækkað um 30% á 5 árum en hækk-
unin á að vera 14,5% þá bjóðum við
laun miðað við 14,5%,“ sagði hann.
Þeir sem verða fyrir mestri skerðingu
lækka um 25 þúsund krónur á mán-
uði en aðrir minna.
„Við erum að bijóta ísinn,“ sagði
Guðjón. „Launanefnd sveitarfélag er
að reyna að semja við aðila en það
gengur illa. Það vilja allir miða við
launin í dag en það er ekki sann-
gjarnt gagnvart öðmm starfsmönn-
um bæjarins. Ég lít þannig á að ef
menn eru ekki sáttir við þessa ráð-
stöfun þá muni þeir leita eftir-nýju
starfi. Það er ekkert annað í boði
hjá okkur og eftir þetta hækka laun
allra bæjarstarfsmanna jafnt sama
hvaða menntun þeir hafa.“
BRAUTSKRÁÐIR nemendur FVA á haustönn 1995 ásamt skólameistara.
Uppsagnir óeðli-
legar meðan við-
ræður fara fram
STEFÁN Þór Ragnarsson, for-
maður Stéttarfélags tæknifræð-
inga, telur óeðlilegt að gripið sé
til uppsagna á sama tíma og
viðræður við launanefnd Sam-
band íslenskra sveitarfélaga um
laun tæknifræðinga hjá mörgum
sveitarfélögum standi yfir. Hann
segir að réttarstaða starfsmann-
anna verði könnuð.
Stefán tók fram að í ráðning-
arsamningum tæknifræðinga
við bæjarstjórn Vestmannaeyja
væri gert ráð fyrir að launatöfl-
unni væri fylgt. „Við teljum því
að þeir hafi vitað að þeir væru
að skuldbinda sig til að fara
eftir launatöflunni,“ sagði hann.
„í öðru lagi á Stéttarfélag
tæknifræðinga í viðræðum við
launanefnd Sambands íslenskra
syeitarfélag um gerð kjarasamn-
ings fyrir tæknifræðinga hjá
sveitarfélögum. Við hefðum því
talið eðlilegra að þeir væru með
í því eða að minnsta kosti væri
talað við mennina frekar en að
gripið væri til einhliða aðgerða
á borð við uppsagnir,“ sagði
Stefán og tók fram að launa-
nefndin hefði umboð um 30
sveitarfélaga til samninga við
tæknifræðinga. Um viðbrögð
tæknifræðinga sagði Stefán að
fyrsta skrefið væri að kanna
réttarstöðu starfsmannanna.
Að öðru leyti yrði haldið
áfram viðræðum við Samband
íslenskra sveitarfélaga. Viðræð-
urnar sköpuðu væntanlega
grunn til að byggja á í framtíð-
inni.
Námskeid
með
Emnd Feéii
um fjölskylduna og hjónabandið
í Digraneskirkju 12. og 13. janúar kl. 20-23.
Tjáskipti - Hvað er ást? - Kynlíf - Foreldrar og börn.
Námskeiðsgjald er kr. 2.000 (veitingar innifaldar).
Skráning í símum 552-7460 og 554-1620.
FjölsUyldufreeöslan.
Fjölbrautaskóli Vesturlands á Akranesi
Fimmtíu og sjö
nemendur braut-
skráðir á haustönn
Akranesi - Fimmtíu og sjö nem-
endur voru brautskráðir frá Fjöl-
brautaskóla Vesturlands á Akra-
nesi á haustönn en skólaslit fóru
fram 21. desember sl. í þessum
hópi voru 39 stúdentar, 9 iðnaðar-
menn, 7 sjúkraliðar, 1 með verslun-
arpróf og 1 nemandi af uppeldis-
braut. Skólaslitaathöfnina sóttu
um 500 manns.
750 nemendur
á þrem stöðum
Þórir Ólafsson, skólameistari,
flutti annál liðinnar annar. I máli
hans kom m.a. fram að á haustönn
1995 voru 650 nemendur í dag-
skóla á Akranesi, 40 í Stykkishólmi
og 60 í Reykholti. í lok júní sl. fól
menntamálaráðherra FVA skóla-
hald í Reykholti og er skólinn þar
nú hluti af Fjölbrautaskóla Vestur-
lands. Á önninni voru í fyrsta sinn
nokkrir nemendur skólans á
heimavist í Stykkishólmi. Kennt
var í öldungadeild í Stykkishólmi
og einnig var þar í boði vélstjórn-
arnám í kvöldskóla. Kvöldskóli var
hins vegar ekki á Akranesi.
Björn Bjarnason, menntamála-
ráðherra, heimótti skólann tvisvar
á önninni, Reykholt í september
og skólann á Akranesi í nóvember
og sýndi ráðherrann skólanum með
því áhuga og virðingu.
Nýjungar í skólahaldinu
Skólameistari greindi frá starfi
þriggja nefnda er starfa að þróun-
arverkefnum, ein um nám í fisk-
vinnslu, önnur um inntak stúdenta-
námsins og sú þriðja um gæðamál
og innra starf. Þá greindi hann frá
nýjungum í skólahaldi, s.s. notkun
Internets við kennslu í íslenskum
fornsögum.
Niðurskurður á fjárlögum þrengir
starfsskilyrði skólans sýnilega á
næsta ári og er það í andstöðu við
vaxandi verkefni sem honum er
ætlað að sinna. Unnt hefur verið
að mæta niðurskurði undanfarinna
ára að nokkru vegna minnkandi
aðsóknar að verklegu námi. Líklega
fer aðsókn að slíku námi aftur vax-
andi og verður mjög erfitt fyrir skól-
ann að verða við þeirri eftirspurn
innan þess ramma sem fjárveitingar
leyfa. Virðist hrópandi mótsögn milli
tals um aukna áherslu á verklegt
nám og fjárveitinga.
Ásdís Lilja Hilmarsdóttir, Gerð-
ur Jóhanna Jóhannsdóttir, Guð-
mundur Haukur Jörgensen, Jón
Ævar Pálmason, Sólrún Engil-
bertsdóttir og Sandra Margrét Sig-
uijónsdóttir fengu viðurkenningar
fyrir ágætan námsárangur í ein-
stökum greinum. Þá hlaut Guð-
mundur Claxton viðurkenningu
fyrir framlag sitt til leiklistar og
Sandra Margrét Sigurjónsdóttir
verðlaun Rótarýklúbbs Akraness
fyrir starf að félagsmálum. Jón
Ævar Pálmason fékk verðlaun úr
minningarsjóði Þorvalds Þoiyalds-
sonar fyrir góðan árangur í eðlis-
fræði og stærðfræði. Bestum ár-
angri á stúdentsprófi á haustönn
1995 náði Guðmundur Haukur
Jörgensen á náttúrufræðibraut.
Að brautskráningu lokinni flutti
Bergþóra Sigurðardóttir nýstúdent
ávarp fyrir hönd nemenda og færði
skólanum þakkir og bestu óskir.
Skólameistari kvaddi burtfarar-
nemendur fyrir hönd skólans og
árnaði þeim allra heilla.
IL im \
mmmbemm
Nýtt í Veggsporti
AÐEINS
M mánaða kort í
Eróbikk &
Tækjasal
§ Stórhöfða I
'k v. Gullinbrú
1 S: 587 21 I I & 587 21 16
Gtldir í skvass/körfu - tækjasa!
I mán. 6.500 kr.
4 mán. 14.900 kr. <3.72S pr.mán)
6 mán. 19.800 kr. <3.300 pr. mán>
8mán. 23.200 kr. <2.ooo pr.mán)