Morgunblaðið - 11.01.1996, Blaðsíða 26

Morgunblaðið - 11.01.1996, Blaðsíða 26
26 FIMMTUDAGUR 11. JANÚAR 1996 MORGUNBLAÐIÐ LISTIR Tími ljóssins Morgunblaðið/Kristinn INGIBERG Magnússon við verk sín, Flugtak og Flug. MYNDLIST Listasafn Köpavogs - Gerdarsafn BLÖNDUÐ TÆKNI Ingiberg Magnússon. Opið alla daga (nema mánud.) kl. 12-18 til 21. jan- úar. Aðgangur kr. 200 MARGIR myndlistarmenn sam- tímans hafa kosið að binda sig ekki um of við ákveðna miðla í sköpun sinni. Flestir eiga sinn grunn í ákveðnum vinnubrögðum, hvort sem það er á sviði máiunar, höggmyndagerðar, grafíkur eða veflistar, en finnst síðan heppilegra að láta ráðast af aðstæðum hvaða miðill hentar best til að koma við- fangsefnunum til skila; „blönduð tækni“ í myndlist er oftar en ekki niðurstaða samþættingar miðla, þar sem kostir margra eru nýttir til að koma ferskri- myndsýn til skila í einu verki. Ingiberg Magnússon hefur í gegnum tíðina getið sér gott orð sem grafíklistamaður og teiknari, auk þess sem hann hefur m.a. tek- ist á við akrýl- og vatnsliti með góðum árangri. Verk hans á þess- ari sýningu eru flest unnin með blandaðri tækni, sem byggir á þessum grunni. Listamaðurinn hefur oft verið að takast á við ýmsa fínlegri þætti ljóss og lita jiáttúrunnar, veðra- brigði og árstíðaskipti í verkum sínum. Hér má sjá rökrétt fram- hald þessa, en sýningunni hefur Ingiberg gefið yfirskriftina „Ljós og tími“ eftir myndröð, sem skipar heiðurssess á einum veggjanna. Hann er hógvær í ávarpsorðum sínum: „Fáa skiptir ljósið meira máli en þá, sem fást við sjónlistir. Því án ljóss er engin sýn. Það náttúru- lögmál sem skapar nánast aldimmt skammdegi og því sem næst al- bjarta andstæðu er viðfangsefni myndraðarinnar Ljós og tími. Hún er ekki skáldlegur innblástur, ein- ungis formræn uppsetning stað- reynda.“ Vissulega er myndröðin vísinda- leg í uppsetningu: í henni er að finna tilvísun í birtuna í Reykjavík á einu ári, frá janúar tii desember. Hver mánuður er sýndur með einum krossviðarfleka, sem er skipt niður eftir dögum mánaðarins, og loks eftir sólarstundum dagsins, sem skapar virka hrynjandi innan heild- arinnar, þar sem jafndægur og sól- stöður marka jöfnun og umbreyt- ingar. Hins vegar felst gildi raðar- innar fremur í fínlegum blæbrigð- um litanna en í þessari stærðfræði; þarna má sjá á hvern hátt birtan kviknar, styrkist og dofnar loks aftur þar til hringrásin hefst á ný. Nokkur önnur verk á sýningunni eru einnig unnin beint á krossvið, og er tréristan þá ekki langt und- an; verkin „Flugtak" og „Flug“ (nr. 13 og 14) mynda góða heild, þar sem formið skapar ákveðið ris og mikla hreyfmgu í flötunum. Önnur myndverk eru flest unnin meira út frá grafíktækninni, og lit- brigðum síðan bætt ofan á; af þess- um er myndaflokkurinn um fjöllin á ýmsum tímum (nr. 10, 15 og 16) einkum áhugaverður fyrir þann mismun blæbrigða, sem er hægt að ná fram með svo einföldum form- um. Ljósið er ekki aðeins undirstaða sýnarinnar, heldur einnig litanna, sem Ingiberg vinnur af svo mikilli nákvæmni; tími ljóssins er því ætíð mikilvægur. Sem fyrr eru það hin fínni blæbrigði litanna sem eru mest áberandi þáttur verka hans, og ánægjulegt að sjá þessa vinnu njóta sín jafnvel og hún gerir á þessari sýningu. Eiríkur Þorláksson Greipar sópa SAMSÝNING 20 myndlistar- manna, hönnuða, arkitekta og ljós- myndara verður opnuð í Galierí Greip, Hverfisgötu 82 (Vitastígs- megin), nk. laugardag kl. 20. Sýn- ingin ber yfirskriftina Greipar sópa og eiga verkin á sýninguni það sam- eiginlegt að vera unnin úr hlutum eða hugmyndum (fundnum og „stolnum") sem hafa nú þegar gegnt hlutverki sínu en öðlast hér nýjan tilgang, eins og segir í kynn- ingu. Þátttakendur í sýningunni eru: Ámundi Sigurðsson, Ásmundur Sturluson, Birgir Snæbjörn Birgis- son, Börkur Arnarson, Daníel Magnússon, Gulleik, Halldór Bald- ursson, Helga Kristrún Hjálmars- dóttir, Húbert Nói Jóhannesson, Ilmur Stefánsdóttir, Inga Lísa Middleton, Magnús Arason, Nína Magnúsdóttir, Sara Björnsdóttir, Sigríður Heimisdóttir, Sigríður Ól- afsdóttir, Sigríður Sigurjónsdóttir, Sigurður Ámi Sigurðsson, Stefán Geir Karlsson, Svanur Kristbergs- son, Tinna Gunnarsdóttir, Þorri Hringsson og Þorvaldur Þorsteins- son. Sýningin er styrkt af Endur- vinnslunni og Sorpu. Hún stendur til 28. janúar og er opin alia daga nema mánudaga frá kl. 14-18. Stærsta drauma ráðningabókin Þreifingar Sýning á nótna- handritum í Umbru OPNUÐ verður sýning á nótna- handritum Áskels Mássonar tónskálds í Galleríi Úmbru við Amtmannsstíg 1, í dag fimmtu- dag kl. 17-19. Sýningin stendur til 31. janúar. Sýningin sem ber yfirskrift- ina Þrjú tónverk, er haldin í til- efni frumflutnings tónverkanna Píanótríós, sem Trio Nordica lék i Borgarleikhúsinu 12. des- ember síðastliðinn, Sónötu fyrir fíðlu og píanó sem þau Sigrún Eðvaldsdóttir og Snorri Sigfús Birgisson fluttu í Norræna hús- inu 4. janúar síðastliðinn og hljómsveitarverksins Rún, sem Sinfóníuhljómsveit íslands mun framflytja 1. febrúar næstkom- andi, daginn eftir að sýningunni lýkur. Gefst hér sérstakt tækifæri að sjá skissur, handrit og radd- ir að verkum sem öll era að heyrast í fyrsta sinn um þessar mundir, en sjaldgæft er að al- menningi gefist kostur á að sjá og kynna sér á sérstakri sýn- ingu þau handrit og gögn sem liggja til grandvallar samstarfí tónskálda við flytjendur tónlist- ar. Við opnun sýningarinnar munu þeir Áskell Másson og Guðni Franzson leika saman á klarinett og darabouka trommu. Lokasýning- ar á Margréti miklu SÍÐUSTU sýningar á Margréti miklu í Tjamarbíói eftir Krist- ínu Ómarsdóttur fara nú í hönd. Lokasýning verður næstkom- andi laugardagskvöld en þang- að til eru sýningar daglega og hefjast kl. 20.30. Leikarar eru; Drífa Arnþórs- dóttir, Vala Þórsdóttir, Ágústa Skúladóttir og Brynhildur Björnsdóttir. Leikmyndahönn- uður er Þorgerður Elín Sigurð- ardóttir. BOKMENNTIR Draumaráðningar STÓRA DRAUMRÁÐN- INGABÓKIN eftir Simon Jón Jóhannsson. Útgef- andi Vaka-Helgafell. Rvík 1995. EINU sinni ias ég nokkrar draumráðningabækur, frá a til ö, íslenskar og útlenskar. Fljótlega urðu draumar mínir fyrir áhrifum af lestrinum, mig dreymdi upp úr bókunum og mig dreymdi þá merk- ingu sem ég sóttist eftir að dreyma. Vegna þess að þetta var á dramantískum árum dreymdi mig yfir- ieitt ekkert annað en nekt því það er ekki fyrir góðu: „Sjái menn nakinn karlmann í draumi er það hræðslumerki. Dreymi þá nakta konu er það fyrirboði heiðurs og gleði, sé hún Ijós á húð og hár og falleg. Að dreyma nakta gamla konu, hrukkótta ogljóta boðar hins veg- ar skömm, iðrun og óheppni. Dreymi karl- mann að hann sjái nakta konu sitja fyrir hjá listmálara boðar það minni háttar ólán. Sjái menn málverk eða styttu af nakinni konu í draumi mun allt ganga vel heima og í starfi. Dreymi eiginmann að hann sjái eiginkonu sína nakta merkir það svik. Sjái eiginkona eig- inmann sinn nakinn í draumi ganga fyrirætlanir hennar vel. Dreymi menn að þeir sjái nakta vændiskonu eru þeir / hættu vegna klókinda og sviksemi hennar ...“ (Úr Stóru draumráðningabókinni, s. 192.) Eftir lesturinn á þessari klausu leita eftirfarandi spurningar á hug- ann: Hvað merkir að dreyma dökk- hærða konu? Hvað merkir að dreyma svarta konu? Hvað merkir að dreyma ljóta konu? Hvað merkir að dreyma gula konu? Hvað merkir að ef konu dreymir að karlmaður sitji fyrir hjá listmálara? Hvað merkir ef karlmann dreymir að karlmður sitji fyrir hjá listmálara? Af hverju hugsa draumar svona mikið um útlitið? Hvernig getur draumum verið í nöp við vændiskon- ur? Af hveiju eru draumar fordóma- fullir? Af hverju eru draumar með kynþáttafordóma? Af hveiju eru draumar fullir af sexisma? Eins og segir í formála Stóru draumráðningabókarinnar er hún skrifuð til skemmtunar. En bók sem þýðir um það bil 3.000 atriðisorð ætti að vera skrifuð svo að flestir gætu speglað drauma sína við drau- mana í bókinni. Þ.e.a.s. þeir sem eru svo viðkvæmir að þeir sækja í að dreyma nekt. Þó er ekki skárra að dreyma náttföt: „Karlmannsnáttföt í draumi eru tákn heilsuleysis og óham- ingju. Kvennáttföt boða skilingsleysi og skort á samstöðu innan fjölskyldunnar ..." Þessi draumráðning er tiltölulega saklaus og laus við dóma vö- kunnar. Draumar gefa lífinu lit. Þeir stækka hug- myndaheiminn og brýna ímyndunaraflið sem í vökunnar rás verður oft þreytt og bitlaust. Stóra draumráðningabókin er vel unnin bók og stærsta draumráðningabók sem komið hefur út á íslensku. Það er gott að höfundurinn hefur blandað saman íslenskri hefð í draumráðn- ingum og erlendri og nýjum táknum og gömlum. Steinunn Eyjólfsdóttir safnaði íslenskum draumráðningum í íslensku draumráðningabókina sem kom út 1988. Það var fremur stutt bók en hnitmiðuð og með betri draumráðningabókum sem má finna. Stóra draumráðningabókin eftir Símon Jón Jóhannsson hæfir betur nútímamönnum því þá dreym- ir síma, ostakökur, ferðatöskur, flugvélar, kaktusa og rúilustiga en mun sjaldnat' dreymir þá kindur og sjógalla eða hey og hesta. Þó hefði mátt aðlaga verkið að þeim kröfum sem umræða samtímans gerir til jafnréttis, mannréttinda og for- dómaleysis. Kristín Ómarsdóttir LIST OG HÖNNUN Listhús 39 TEXTÍLAR OG VEFIR Fríða S. Kristinsdóttir. Opið virka daga frá 10-18. Laugardaga 12-18. Sunnudaga 14-18. Til 22. janúar. Aðgangur ókeypis. ÞAÐ er óvenju mikið og marg- þætt nám að baki frumraunar Fríðu S. Kristinsdóttur í Listhúsi 39 í Hafnarfirði, sem er kennari við Fjölbrautaskólann í Breiðholti. Nám sem hófst í Kennaraskóla ís- lands 1968, en lauk i Myndlista- og handíðaskóla íslands vorið 1993, en að sjálfsögðu með ýmsum og áralöngum hléum. Það sýnir að listspíran hefur haft mikla hneigð fyrir að mennta sig á sem breiðustum grund- velli sem er mikið vel. Að vonum er smjög vandað til sýningarinn- ar, sem nýtur sín prýði- lega í nýmáluðu list- húsinu, þótt blátt sé frekar hættulegur litur í rými þar sem aðskilj- anleg myndverk. eru hengd á veggina. En í þessu tilfelli gengur dæmið upp og svo er aðkoman í allt rýmið orðin snöggtum vist- legri og með meiri heimsbrag, ef svo má komast að orði. Það er að vonum margt að geijast í hinni langskóluðu listakonu, því það reynist mörg- um ekki svo auðvelt að grundvalla sjálfstæð vinnubrögð eftir jafn langt nám og áhrif frá ótal kennurum. Eðlilega er því um að ræða þreifingar í ýmsar áttir, en handverkslega séð er yfirleitt vel og heiðarlega að verki staðið, einkum er hún beitir sígildum vinnubrögðum. Vil ég strax nefna fyrsta verkið í sýningarskrá „Álfa- klettur, (1) 1993, myndvefnaður hör, ull, sem er mjög fínt ofið og litirnir djúpir, auk þess sem smá- gerð formin vinna vel saman. Vinnubrögðin eru jafn vönduð í vefinum við hliðina „Frelsi“ (2) 1993, en formið órólegra, hvorki jafn sannfærandi né vel skorðað á grunnflötinn og þó ... Það sem máli skiptir er að hér kenni ég einhvern veginn upplag listakonunnar og bestu hlið hennar því aðrir vefir í sömu tækni svo sem „Draumur“ (3), 1993, „Felumynd" (1994) og „Nótt“ (11) 1995, eru meira almenns eðlis. Afar vönduð og smekkleg vinnu- brögð einkenna hina svonefndu poka listakonunnar, efni; pokavef- ur, koparvír, tágar og pokavefur, kopar, bambustágar, og raunar er þessi handverkslega alúð styrkur hennar. Þá ber að geta þess að verk í glugga njóta sín óvenju vel og einkum varð mér starsýnt á VERK eftir Fríðu. verkið „Vor“ 1993 á leiðinni út, sem ég hafði ekki tekið eftir við kom- una inn. Um er að ræða tvöfaldan myndvefnað, bómull, hör og ull. í því eru einhveijar djúpar óræðar duldir líkt og í fyrstnefnda vefinum, en verkið útfært á allt annan hátt. Skyldi þetta ekki vera kjörsvið Fríðu S. Kristinsdóttur? í öllu falli nær hún hér sambandi við innri lífæðar grunnflatarins. Bragi Ásgeirsson Símon Jón Jóhannsson
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.