Morgunblaðið - 25.01.1996, Blaðsíða 60

UNIX vinnu-
stöðvar og
netþjónar
rogtuifrliiftifeí
OPIN KERFI HF.
Sími: 567 1000
HPVectraf*
MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBLfSCENTRUM.IS / AKUREYRI: HAFNARSTRÆTl 85
FIMMTUDAGUR 25. JANÚAR 1996
VERÐ í LAUSASÖLU 125 KR. MEÐ VSK
Tryggingasvikarar
Grunur um
aðild að
bankaráni
ÞRÍR menn, sem hafa verið í haldi
lögreglu vegna gruns um trygg-
ingasvik, með því að sviðsetja um-
ferðarslys, eru nú yfirheyrðir vegna
gruns um aðild að ráninu í útibúi
Búnaðarbanka íslands við Vestur-
götu mánudaginn 18. desember sl.
Þrír vopnaðir grímuklæddir
menn rændu útibú Búnaðarbank-
ans. Einn ræningjanna beindi
haglabyssuhlaupi að höfði gjald-
kera, en engu skoti var hleypt af í
ráninu. Talið er að ræningjamir
hafi náð 1,5 milljónum króna.
Sleppt og teknir á ný
Fjórir menn voru úrskurðaðir í
gæsluvarðhald nú í janúar vegna
tryggingasvikanna, en tveimur
þeirra var sleppt úr haldi á sunnu-
dagskvöld. Á þriðjudag voru þessir
tveir handteknir á nýjan leik, að
þessu sinni vegna gruns um aðild
að ráninu í Búnaðarbankanum. Þeir
voru leiddir fyrir dómara og úr-
skurðaðir í átta daga gæsluvarð-
hald. Þriðji maðurinn, annar þeirra
sem enn sat inni vegna trygginga-
svikanna, er einnig talinn eiga aðild
að ráninu.
Hörður Jóhannesson, yfirlög-
regluþjónn hjá Rannsóknarlög-
reglu ríkisins, staðfesti í samtali
við Morgunblaðið í gær að menn-
irnir þrír, sem eru allir á þrítugs-
aldri, væru yfirheyrðir vegna ráns-
ins.
-----♦ ♦ ♦----
20 skýrslur
í umferð-
arátaki
LÖGREGLAN á Húsavík gengst
þessa dagana fyrir umferðarátaki
og stöðvar bíla, sé eitthvað athuga-
vert við búnað þeirra eða aksturslag
ökumannanna.
í gær voru gerðar skýrslur í 20
tilvikum þegar ökumenn voru
stöðvaðir. Þegar um minniháttar
aðfinnslur er að ræða, til dæmis
vegna ljósabúnaðar, sleppa öku-
menn yfirleitt með áminningu. Að
nota ekki bílbelti leiðir hins vegar
yfirleitt til kæru, að sögn lögreglu.
Lokahönd á verkið
Morgunblaðið/Árni Sæberg
FYRSTA loðnan berst til nýrrar loðnubræðslu Loðnuvinnslunnar
hf. á Fáskrúðsfirði í dag og hefst vinnsla í dag eða á morgun.
Verksmiðjan hefur verið rúmt ár í byggingu og er fyrsta loðnu-
bræðslan sem reist hefur verið hér á landi í áratugi. f gær var
unnið að frágangi, meðal annars við að gera löndunardælur klár-
ar fyrir fyrstu bátana.
■ Byrjar að rjúka/6
Atkvæðagreiðsla um aðild Rússlands að Evrópuráðinu
Islenzka sendínefndin
er klofin í afstöðu sinni
SENDINEFND Alþingis á þingi
Evrópuráðsins í Strassborg er klofin
í afstöðu sinni til umsóknar Rússa
um aðild að ráðinu. Þingið greiðir
atkvæði um inngöngu Rússa í dag
og eru úrslit atkvæðagreiðslunnar í
óvissu.
Tveir þingmenn Sjálfstæðis-
flokksins, þau Lára Margrét Ragn-
arsdóttir, formaður íslenzku sendi-
nefndarinnar, og Tómas Ingi Olrich,
telja að Rússar séu ekki undir aðild
að Evrópuráðinu búnir. Þau telja að
akilyrði Evrópuráðsins um frið, lýð-
ræði og vemd mannréttinda hafi
ekki verið uppfyllt af hálfu Rúss-
lands. Þingmennirnir telja þó hugs-
anlegt að gera málamiðlun, sem
fælist í því að Rússland fengi aðild
að ákveðnum skilyrðum uppfylltum.
Hjálmar Árnason, þingmaður
Framsóknarflokksins, telur hins
vegar að mál séu á réttri leið í Rúss-
landi og að Evrópuráðið eigi að
hjálpa lýðræðisöflunum með því að
hleypa Rússlandi í sínar raðir.
Hjálmar Jónsson, þingmaður Sjálf-
stæðisflokksins, er sama sinnis.
Hann er varamaður í sendinefndinni
og hefur ekki atkvæðisrétt í at-
kvæðagreiðslunni í dag.
Áhrif á viðræðurnar
í Moskvu?
Fleira en afstaða til lýðræðisþró-
unar í Rússlandi kemur við sögu er
íslenzku þingmennirnir gera upp hug
sinn. Þannig hefur verið til umræðu
í þeirra hópi hvaða áhrif afstaða
íslendinga á þinginu í Strassborg
hafi á viðræðurnar, sem nú standa
yfir í Moskvu milli íslands, Rúss-
lands og fleiri ríkja, um síldveiðar
og þorskveiðar.
Utanríkisráðuneytið, sem lagt
hefur áherzlu á góð samskipti við
Rússa að undanförnu, hefur ekki
sent íslenzku þingmönnunum nein
tilmæli um afstöðu þeirra í málinu,
enda eru þeir eingöngu bundnir af
samvizku sinni. Morgunblaðinu er
þó kunnugt um að sendinefndin hef-
ur ráðgast við ráðherra í ríkisstjórn-
inni um stöðu málsins.
■ Hafa íslenzku/10
Röntgentæknar ekki til starfa fyrr en yfirlýsing um hugsanlega málsókn berst
• ••
Fresta umfjöll-
un um samning
STJÓRN Röntgentæknafélags ís-
lands ákvað í gærkvöldi að fresta
umfjöllun um samning röntgen-
tækna á Landspítala við Ríkisspít-
ala, þangað til yfirlýsing hafí bor-
ist frá forsvarsmönnum Ríkisspít-
ala um hvort þeir muni höfða mál
á hendur félaginu, til að fá úr því
skorið hvort segja megi upp hluta
af ráðningarkjörum án þess að það
teljist jafngilda uppsögn starfs-
manjis. Röntgentæknarnir hefja
ekki störf fyrr en samþykki stjóm-
ar félagsins liggur fyrir.
Jóna Gréta Einarsdóttir for-
maður Röntgentæknafélags ís-
lands segir stjómina líta alvarleg-
um augum upplýsingar sem fram
komu í frétt Morgunblaðsins í
gær, og hafi fundurinn í gær-
kvöldi nær alfarið snúist um þær.
„Við höfum skilað inn bréfí til
stjórnenda Ríkisspítala með ósk
um að þeir svari þessari frétt, á
þann hátt að ljóst sé hvort þeir
ætli sér að hefja málsókn gegn
röntgentæknum eða Röntgen-
tæknafélaginu eða ekki. Þetta er
stórmál og snýst ekki um hvort
við myndum sigra eða tapa fyrir
dómstólum, heldur myndi slíkur
málarekstur kosta félagið mikið
fé og tíma, þó svo að ég sé sann-
færð um að félagið myndi bera
sigur úr býtum. Við höfum einnig
farið fram á að þeir sendi frá sér
yfirlýsingu þess efnis, að málsókn
verði ekki hafin. Þessi samning-
ur, sem undirritaður var af rönt-
gentæknum á þriðjudagskvöld,
verður ekki tekinn til umræðu
fyrr en þessi mál eru útkljáð,"
segir hún.
Jóna Gréta kvaðst hafa reynt
að ná sambandi við marga for-
svarsmenn Ríkisspítala í gær-
kvöldi í þeim tilgangi að afla um-
ræddrar yfirlýsingar, svo að hægt
væri að ljúka fundi, en það hafi
ekki tekist. Hún hafí ekki fengið
upplýsingar um hvar athugun á
möguleika á málsókn sé á vegi
stödd.
Bíður eftir svari
„Þeir sem ég töluðu við sögðust
ekki geta tekið ákvörðun í kvöld
[gærkvöldi], enda vilja þeir senni-
lega skoða málið betur og ræða
sín á milli. Ég bíð eftir svari en
þegar það kemur mun ég boða til
stjórnarfundar," segir Jóna Gréta.
Aðspurð um hvort það gæti
haft áhrif á afstöðu stjórnar til
samningsins, ákveði Ríkisspítalar
að höfða mál á hendur félaginu,
sagði Jóna Gréta það verða rætt
ef og þegar þar að kemur.
12% hærri
jólareikn-
ingar
JÓLAREIKNINGAR kredit-
korthafa Visa og Eurocards,
sem koma til greiðslu nú um
mánaðamótin, eru 12% hærri
en á sama tíma í fyrra. Úttekt-
imar ná yfír tímabilið 7. desem-
ber til 11. janúar og nema-.alls
um 6,5 milljörðum króna sam-
anborið við 5,8 milljarða í fyrra.
í fyrra nam heildarvelta
greiðslukortafyrirtækj anna
64,2 milljörðum. Visa ísland er
með um 75,7% veltunnar en
Kreditkort hf. með 24,3%.
■ Jólareikningar/Bl