Morgunblaðið - 02.02.1996, Blaðsíða 47

MORGUNBLAÐIÐ
FÖSTUDAGUR 2. FEBRÚAR 1996 47
Morgunblaðið/Kristinn
FRÁ afmælisfundi Landvara 27. janúar siðastliðinn.
25 ára afmæli Landvara
Afmælisárið notað til
að móta framtíðarstefnu
Langur
laugardag-
ur á morgun
LANGUR laugardagur verður
haldinn á morgun, laugardaginn
3. febrúar. Nú er sá tími þegar
útsölur eru í hámarki. í nánast
hverri verslun við Laugaveg er
útsala, í sumum verslunum eru
útsölur nýbyrjaðar, í öðrum er
útsalan að enda og í mörgum til-
fellum bjóða verslanir enn meiri
afslátt. Víða má sjá skilti um verð-
hrun, enn meiri lækkun, afslátt
við kassa og jafnvel prútt. Þetta
er því albesti tíminn til að gera
góð kaup á Laugaveginum
Þorrastemmning verður á
Laugaveginum í tilefni dagsins.
Nóatún við Hlemm verður með
kynningu á þorramat á milli kl.
13 og 17 og Steikhús Harðar á
Laugavegi 34 býður þorradisk á
góðu verði.
Öskudagurinn er í nánd. Á
öskudaginn er alltaf frábær
stemmning á Laugaveginum. Nú
verður tekið smáforskot á sæluna
og þeir krakkar sem koma á
Laugaveginn klædd í grímubúning
fá ókeypis ís hjá ísbúðinni, Lauga-
vegi 40, og ókeypis myndatöku
hjá versluninni Spörtu, Laugavegi
49.
Bílastæðahúsin í miðbænum eru
án gjaldtöku á laugardögum og
er um að gera að nýta sér þægind-
in með því að leggja í bílastæða-
húsin, segir í fréttatilkynningu frá
Laugavegssamtökunum.
■ DANSSVEITIN KOS og Eva
Ásrún leika föstudags- og laugar-
dagskvöld á Kaffi Reykjavík.
A sunnudags- og mánudags-
kvöld leika þeir Ingi Gunnar og
Eyjólfur Kristjánsson og dúett-
inn Sigurður Dagbjartsson og
Birgir leika síðan þriðjudags- og
miðvikudagskvöld.
LANDVARI, landsfélag vöru-
bifreiðaeigenda á flutningaleið-
um, varð 25 ára 27. janúar síð-
astliðinn og var þá jafnframt
haldinn aðalfundur félagsins að
Hótel Sögu. Að loknum aðal-
fundinum var síðan haldinn sér-
stakur afmæisfundur og var
félagsmönnum sérstaklega boð-
ið tíl hans.
Á afmælisárinu ætla Land-
varamenn að láta fara fram
markvisst endurmat á stöðu
Landvara og framtíðarstefnu
flutningamönnum og fyrirtækj-
um þeirra til hagsbóta og ávinn-
ings. Gert hefur verið nýtt
merki fyrir félagið og ætlunin
er að gefa út veglegt blað,
Tengivagninn, en það er nafn
félagsrits Landvara.
Landvari var stofnaður 1971
FRÉTTIR
af 70 aðilum sem störfuðu við
vöruflutninga á Iandi. í fyrstu
stjórn félagsins voru Aðalgeir
Sigurgeirsson, Húsavík, for-
maður, Ólafur Ólafsson, Hvols-
velli, Óskar Jónsson, Dalvík,
Ólafur Sverrisson, Borgarnesi,
og Pétur Jónsson, Akureyri.
Landvari hefur á 25 ára
starfsferli beitt sér fyrir fjöl-
mörgum framfaramálum í at-
vinnugreininni og verið virkur
þátttakandi í stefnumótun og
lagasetningu um íslensk flutn-
ingamál. Sem dæmi um mál sem
Landvari fæst við um þessar
mundir má nefna baráttu fyrir
upptöku olíugjalds í stað þunga-
skatts og takmarkaðri notkun
ökurita í tengslum við nýjar
reglur um aksturs- og hvíldar-
tíma.
Barnaheill villa of-
beldi í sjónvarpi burt
BARNAHEILL styður erindi
Umboðsmanns barna um bann við
auglýsingum á ofbeldiskvikmynd-
um í sjónvarpi.
í fréttatilkynningu frá samtök-
unum segir: „Vaxandi ofbeldi
meðal barna og unglinga má að
verulegu leyti rekja til þeirra fyr-
irmynda sem þau hafa fyrir aug-
um sér í sjónvarpi og á tjaldi
kvikmyndahúsanna. Barnaheill
hafa á liðnum árum bent á þau
sannindi og hvatt til aukinnar
umræðu um þessa uppsrettu of-
beldis. Þess vegna fagna samtök-
in nú því erindi Umboðsmanns
barna að fara fram á það við sam-
keppnisráð að það banni birtingu
auglýsinga í sjónvarpi á kvik-
myndum sem ekki eru ætlaðar
yngri áhorfendum en tólf ára.
Mótunaáhrif kvikmynda eru
geysimikil, ekki síst á börn og
unglinga. ítrekaðar rannsóknir
sýna að tengsl eru á milli náinna
kynna unglinga af ofbeldi í sjón-
varpi og þess að þau beita jafn-
aldra sína og aðra ofbeldi.
Það er með öllu óþolandi að
sýna í sjónvarpi kynningarstúfa
úr ofbeldisfullum kvikmyndum,
einatt á þeim tíma sem fjölskyld-
an öll situr fyrir framan sjónvarp-
ið. Heimili fólks á að geta verið
griðastaður fjölskyldnanna, var-
inn fyrir því tagi sem engan veg-
inn hæfir ungu óhörðnuðu fólki.
Barnaheill hvetja Umboðs-
mann barna til að halda vel á
þessu máli áfram og skorar á
sjónvarpsstöðvarnar sem birt
hafa umræddar auglýsingar að
fara þegar að tilmælum umboðs-
mannsins."
■ NÁTTÚRUVERNDARFÉ-
LAG Suðvesturlands fer í aðra
vettvangsferð sína laugardaginn
3. febrúar. Að þessu sinni varð
Sæfiskasafnið í Höfnum fyrir
valinu. Allt áhugafólk um náttúru-
fræðslu er velkomið og sérstaklega
foreldrar með börnin sín. Mæting
kl. 14 við Sæfiskasafnið.
Safnið verður síðan skoðað undir
leiðsögn Jóns G. Gunnlaugsson-
ar eiganda þess. í safninu er að
sjá fiska, krabbadýr og önnur
botndýr í stórum geymum. Þá er
aðgengi að lúðueldi. Kynnisferðin
tekur um klst. Að henni lokinni
gefst kostur á að fara í skoðunar-
ferð um hafnarsvæðið.
■ BÓKASAFN Norræna húss-
ins stendur fyrir stórútsölu á bók-
um í anddyri Norræna hússins
helgina.4. og 5. feþrúar.
Starfsmenn bókasafnsins hafa
verið að grisja bókakost safnsins
og að því tilefni eru nú boðnar til
sölu á afar vægu verði m.a. skáld-
sögur, kvæði, fræðirit og
barnabækur frá hinum Norður-
löndunum ásamt plakötum og sýn-
ingarskrám. Skáldsögur verða
seldar á 100 kr. og barnabækur á
50 kr.
Bóksalan verður opin laugardag
og sunnudag frá kl. 10-19.
■ FORNBÍLAKL ÚBB UR ís-
lands heldur árshátíð sína í Skíða-
skálanum í Hveradölum laugar-
daginn 3. febrúar. Borðhald hefst
kl. 19.30 og rútuferð verður frá
félagsheimilinu Ráðagerði, Veg-
múla 4 kl. 18. Boðið verður upp
á matarhlaðborð með þorraívafi,
fjölbreytta skemmtidagskrá og
dans.til.kl. 3. Miðaverð er 2700
kr. og 400 kr. í rútuna (báðar leið-
ir). Veislustjóri er Georg Theo-
dórsson.
■ JÓN Böðvarsson, íslensku-
fræðingur og ritstjóri, sér um
námskeið á vegum Félags ís-
lenskra háskólakvenna og Kven-
stúdentafélags íslands sem ber
yfirskriftina Staða konunnar í
þjóðfélaginu fyrr á öldum dagana
5., 12. 19. og 26. febrúar kl.
20-22 í Odda, stofu 202.
■ HÖNNUNARKEPPNI véla-
verkfræðinema fer fram föstudag-
inn 2. febrúar. Keppnin er sú
fimmta frá upphafi og verður hald-
in í sal 2 í Háskólabíói kl. 14.
Að þessu sinni munu 18 kepp-
endur leiða saman hesta sína.
Verðlaunin í ár eru öflug tölva af
Hewlett Packard gerð.
Umferðarmál kynnt
í Hínu húsinu
UNGT fólk í samstarfi við Hitt húsið
og bifreiðatryggingafélögin hefur
undirbúið og sett upp kynningu á
umferðarmálum í Hinu húsinu. Allur
febrúarmánuður verður tileinkaður
umferðarþemanu og sérstaklega litið
til ungs fólks í umferðinni.
Laugardaginn 3. febrúar kl. 16
verður opnuð sýning í Hinu húsinu
á ýmsum munum tengdum umferð-
arslysum auk þess sem tónlistarmað-
urinn KK mun stíga á stokk, spila
og segja frá umferðarslysi sem hann
lenti í nýverið.
Slysum í umferðinni hefur fjölgað
ört á undanfömum árum. Samkvæmt
upplýsingum bifreiðatryggingafélag-
anna sóttu u.þ.b. 1.000 manns bætur
til félaganna á árinu 1985 en á árinu
1995 sóttu um 2.500 manns bætur
vegna tjóns í umferðarslysum.
Það er ekki að ástæðulausu sem
efnt er til þessarar kynningar nú.
Kannanir sýna að marsmánuður er
mesti umferðarslysamánuður ársins.
Alls skemmdust rúmlega 2.400 bílar
í þeim mánuði einum árið 1995. Á
það má einnig líta að í maímánuði
em fæst umferðarslys en þá er stór
hluti aldurshópsins 17-25 ára ein-
mitt í prófum. Það er alkunna að
ökumönnum undir 25 ára aldri er
hættara en öðrum að lenda í umferð-
arslysum.
Skákhing Reykjavíkur 1996
Torfi Leósson efstur
10. OG næstsíðasta umferð á skák-
þingi Reykjavíkur 1996 var tefld
sl. miðvikudagskvöld kl. 19.30 í
félagsheimili Taflfélags Reykjavík-
ur að Faxafeni 12.
Helstu úrslit: Torfi Leósson -
Hrannar Baldursson 1-0, Sigurður
Daði Sigfússon - Björn Þorfinnsson
1-0, Bergsteinn Einarsson - Júlíus
Friðjónsson 1-0, Áskell Örn Kára-
son - Ólafur B. Þórsson 1-0, Sævar
Bjarnason - Einar Hjalti Jensson
‘A-'/z, Kristján Eðvarsson - Harald-
ur Baldursson 1-0, Ögmundur
Kristinsson - Bragi Halldórsson 1-0,
Jóhann H. Ragnarsson - Heimir
Ásgeirsson 1-0.
Staða helstu manna: 1. Torfi
Leósson 9 vinningar af 10, 2.-3.
Sigurður Daði Sigfússon 8, 2.-3.
Bergsteinn Einarsson 8, 4. Áskell
Örn Kárason 7 'A, 5.-12. Júlíus
Friðjónsson Björn Þorfinnsson,
Hrannar Baldursson, Sævar
Bjarnason, Einar Hjalti Jensson,
Kristján Eðvarðsson, Ögmundur
Kristjánsson, Jóhann H. Ragnars-
son með 7 vinninga.
11. og síðasta umferð verður
tefld föstudaginn 2. febrúar.
Húsnæðisstofnun ríkisins
auglýsir hér með til umsóknar
LÁN OG STYRKI
til tækninýjunga og annarra
umbóta í byggingariðnaði,
skv. heimild í lögum nr. 97/1993
Umsækjendur geta verið einstaklingar,
fyrirtæki og stofnanir.
Við mat á verkefnum sem berast verður haft að
leiðarljósi að þau stuðli að:
91 Framþróun í byggingariðnaði og/eða
tengdum atvinnugreinum.
S Aukinni framleiðni í byggingarstarfsemi.
M Lækkandi byggingarkostnaði.
M Betrí húsakosti.
■ Aukinni þekkingu á húsnæðis- og byggingarmálum.
Bí Tryggari og betri veðutn fyrír fasteignaveðlúnum.
M Almennum framförum við íbúðarbyggingar, bæði í
hönnun, framkvæmdum og rekstri.
M Endurbótum á eldri húsakosti.
Athugið:
Ekki verða veitt lán eða styrkirtil verkefna sem miða að innflutningi
eða sölu á erlendum byggingarvörum, né heldur sölu á
byggingarvarningi hérlendis.
Umsóknareyðublöð og frekari upplýsingar fást hjá
Húsnæðisstofnun ríkisins, Suðurlandsbraut 24, sími 569 6900
og Húsnæðisskrifstofunni á Akureyri.
Umsóknarfrestur er til 1. mars nk.
C&K3 HUSNÆÐISSTOFNUN RIKISINS
- vinnur að wiferé íþápt pjóðar