Morgunblaðið - 19.03.1996, Blaðsíða 6

6 ÞRIÐJUDAGUR 19. MARZ 1996
MORGUNBLAÐIÐ
FRÉTTIR
Fræðslustarf í vímuvömum fyrir starfsfólk grunnskóla í Reykjavík hófst í gær
A
Afangi í sam
ræmingu for
varnarstarfs
borginni
í
Á NÆSTU vikum verður efnt til
sérstaks fræðslustarfs í vímuvörn-
um fyrir starfsfólk grunnskóla í
Reykjavík, en verkefni þessu er
hrint í framkvæmd í framhaldi af
samþykkt borgarráðs frá 3. októ-
ber síðastliðnum sem sérstaklega
hvatti til aðgerða á þessu sviði í
grunnskólum borgarinnar.
Einn dagur í hveijum skóla er
helgaður fræðslustarfi í vímuvörn-
um og þann dag fellur hefðbundin
kennsla niður á meðan kennarar
og aðrir starfsmenn skólanna taka
þátt í verkefnum, en þennan dag
verður efnt til sérstaks starfsdags
í hverfum borgarinnar þar sem á
boðstólum verður fjölbreytt dag-
skrá fyrir nemendur á öllum aldri.
Fræðslustarfíð hófst í gær í Öldu-
selsskóla og Breiðholtsskóla.
Vímuvarnaskólinn er fyrsti
áfanginn í umfangsmikilli endur-
skipulagningu og samræmingu á
forvamarstarfi í borginni sem unn-
ið er á vegum vímuvarnanefndar
Reykjavíkurborgar. Vímuvama-
skólinn er eins konar farskóli sem
fer á milli grunnskólanna í borg-
inni og miðar að því að efla þekk-
ingu og hæfni starfsfólks skólanna
til þess að beita sér í baráttunni
gegn vímuefnum og vaxandi út-
breiðslu þeirra meðal barna og
unglinga.
Vímuvarnaskólinn er samstarfs-
verkefni Reykjavíkurborgar, ríkis-
ins og fjölmargra samtaka sem
tekið hafa höndum saman um
skipulagningu og framkvæmd
verkefnisins. Þar á meðal eru sam-
starfsnefnd ráðuneytanna, Barna-
verndarstofa, SÁÁ, Fræðslumið-
stöð í fíknivörnum, Rauði krossinn
og forvamadeild lögreglunnar, auk
íþrótta- og tómstundaráðs, Skóla-
skrifstofu og Félagsmálastofnunar
Reykjavíkurborgar.
Tímamót í
vímuvarnastarfi
Hóparnir sem fóru í Öldusels-
skóla og Breiðholtsskóla í gær und-
ir forystu þeirra Árna Einarssonar
frá Fræðslumiðstöð í fíknivörnum
og Einars Gylfa Jónssonar frá SÁÁ
Morgunblaðið/Kristinn
KENNARAR Breiðholtsskóla tóku í gær þátt í fræðsluverkefni
Vímuvarnaskólans fyrir starfsfólk grunnskóla í Reykjavík.
komu saman í Breiðholtsskóla að
fræðsludeginum loknum og kom
Ingibjörg Sólrún Gísladóttir
borgarstjóri á fund þeirra. Hún
sagði að um nokkur tímamót væri
að ræða í starfi að vímuvörnum í
borginni nú þegar starf Vímu-
varnaskólans væri hafið, en með
honum væri í fyrsta skipti búið að
ná saman öllum þeim sem vildu
leggja eitthvað af mörkum í for-
varnarstarfi.
„Hér hafa mjög margir lagt hönd
á plóginn til þess að samræma
krafta sína í vímuvarnamálum og
mér fínnst það mjög mikið fagnað-
arefni að svo víðtæka samstaða
skuli hafa náðst og vona sannar-
lega að hún muni skila okkur ein-
hveijum árangri," sagði borgar-
stjóri.
Kennarar Ieggja drög að
vímuvarnaáætlun
Árni Einarsson sagði að mark-
miði með Vímuvarnaskólanum væri
að koma skipulagi á vímuvarnir og
forvarnarstarf skólanna, en til
þessa hefði verið nokkuð tilviljana-
kennt hvernig staðið hefði verið að
þessu starfí.
„Við vonumst til þess að niður-
staðan af þessu verkefni verði sú
að það komist á meiri festa og
skipulag. í lok þessara vinnudaga
skólanna tölum við sérstaklega um
vímuvarnaáætlun viðkomandi
skóla og fáum kennara í hveijum
skóla til að leggja drög að þessari
vímuvarnaáætlun. Tilgangurinn
með þessum vinnudögum kennara
er að gera þá virka við mótun þess-
arar vímuvarnaáætlunar, þannig
að hún verði ekki bara unnin við
eitt skrifborð til að uppfylla ein-
hveijar kvaðir. Þess í stað upplifi
kennarar það á þessum vinnudög-
um að þetta er málefni sem skiptir
gífurlega miklu og er mikilvægt
að sé staðið vel að, og það er þá
von okkar að þeir séu fúsari til að
koma að gerð þessara áætlana þeg-
ar til alvörunnar kemur,“ sagði
Árni.
Almennur fundur þriggja samtaka opinberra starfsmanna í Bíóborginni í gær
Fallið verði frá
skerðinffu
Morgunblaðið/Þorkell
FUNDARMENN í Bíóborginni samþykkja ályktun þar sem skorað er á ríkisstjórn-
ina að hætta við öll áform um skerðingu réttinda og kjara opinberra starfsmanna.
Á FJÖLMENNUM sameiginlegum fundi
Bandalags starfsmanna ríkis og bæja,
Bandalags hákólamenntaðra_ ríkisstarfs-
manna og Kennarasambands íslands í BIó-
borginni í gær var samþykkt ályktun þar sem
þess er krafist að ríkisstjórnin falli nú þegar
frá áformum um að skerða réttindi og kjör
opinberra starfsmanna og draga úr samn-
ings- og verkfalisrétti allra launamanna.
Einhliða aðgerðir ríkisstjórnarinnar í þessum
efnum séu bein aðför að fijálsum samnings-
rétti í landinu.
í ályktuninni segir ennfremur að samtök
opinberra starfsmanna hafi að undanförnu
staðið fyrir öflugu upplýsingastarfi og fund-
arhöldum um frumvörp ríkisstjórnarinnar um
Lífeyrissjóð starfsmanna ríkisins, réttindi og
skyldur starfsmanna ríkisins og sáttastörf í
vinnudeilum. Á fundunum hafí komið fram
órofa samstaða að hrinda þessari aðför ríkis-
stjórnarinnar og áfangasigur hafi unnist
þegar forsætisráðherra hafi lýst yfir að frum-
varp um Lífeyrissjóð starfsmanna ríkisins
verði ekki keyrt í gegnum þingið í óþökk
þeirra sem málið varði og að áunnin réttindi
verði ekki skert.
Síðan segir: „Ríkisstjórnin ætlar eftir sem
áður að fá samþykkt frumvarp um réttindi
og skyldur' starfsmanna ríkisins þrátt fyrir
andstöðu opinberra starfsmanna og enn á
eftir að koma í Ijós hvernig staðið verður
að samningum um endurskoðun á Lífeyris-
sjóði starfsmanna ríkisins. Fundurinn krefst
þess að lýðræðislegar leikreglur verði virtar
og öll áform ríkisstjórnarinnar um einhliða
skerðingu á réttindum og kjörum verði lögð
til hliðar. Allt annað er bein aðför að launa-
mönnum sem óhjákvæmilega kallar á átök
á vinnumarkaði. En eins og margoft hefur
komið fram eru samtökin reiðubúin að ganga
til raunverulegra samninga um þessi atriði.
Fundurinn hvetur öl! stéttarfélög og samtök
launafólks til að standa þétt saman uns full-
ur sigur hefur náðst.“
Afnám réttinda þjófnaður
Þrír frummælendur voru á fundinum.
Ögmundur Jónasson, formaður BSRB, sagði
að þau réttindi sem ætti að afnema væru
hluti af umsömdum heildarkjörum opinberra
starfsmanna. Þetta væru ekki bara orð á
blaði sem hægt væri að breyta einhliða.
Þegar réttindi væru tekin af mönnum bóta-
laust væri um þjófnað að ræða og ekkert
annað. Tillögur ríkisstjórnarinnar væru leift-
ursókn til forneskju. Opinberir starfsmenn
væru saman komnir til að spyrna við fótum
og minna ríkisstjórnina á að hún uppsker
eins og til er sáð. Samstaða muni skila sigri
og árangurinn sé þegar farinn að skila sér.
Það þurfi öll íslenska launaþjóðin að fínna
og allir þeir sem vilji standa vörð um jöfnuð-
inn og réttlætið. „Við ætlum og við munum
stöðva niðurrifið. Við spyijum á þessum
fundi: Hver er næstur? Gegn aðför að réttind-
um launafólks 'er bara til eitt svar, svar
reynslunnar. Samstaða skiiar árangri, sam-
staða er til sigurs og það er þangað sem
förinni er heitið,“ sagði Ögmundur.
Páll Halldórsson, formaður BHMR, sagði
í ræðu sinni að undanhald ríkisstjórnarinnar
væri hafið, en frumvarp um réttindi og skyld-
ur starfsmanna ríkisins væri enn fyrir þing-
inu. Þar væri að finna ákvæði um að samn-
ingsréttur opinberra starfsmanna væri annar
og lakari en fólks sem væri í Alþýðusamband-
inu og til stæði að svipta stóran hóp samn-
ingsréttinum. Gert sé ráð fyrir að æðstu
embættismenn iúti öð.'um lögum og í raun
sé það geðþóttaskilgreining ráðherra hveijir
teljist til þess hóps. Þeir séu ekki aðeins
sviptir samningsréttinum heldur einnig tján-
ingarfrelsinu því þeir megi ekki beita sér á
neinn hátt til að ná rétti sínum.
Páll sagði að biðlaunarétturinn væri ein-
staklingsbundinn réttur sem ekki yrði tekinn
af með iögum. Um stjórnarskrárvarinn rétt ■
væri að ræða og ef reynt yrði að afnema
hann myndi það kalla á skriðu málaferla.
Lög um réttindi og skyldur opinberra starfs-
manna séu ótjúfanlegur hluti starfskjara
opinberra starfsmanna og verði ekki breytt
einhliða. Það sé fáránlegt að fjármálaráð-
herra skuli halda því fram að þetta hafi
ekkert með samninga að gera. Krafa opin-
berra starfsmanna sé að frumvapið sé tekið
til baka og tími gefinn til viðræðna. Ef ekki
verði gengið að svo sjálfsagðri kröfu séu
starfsmenn ríkisins óbundnir af samningi
sínum.
Engin kjarabót að
verja áunnin réttindi
Eiríkur Jónsson, formaður KÍ, sagði að
atvinnurekendur og stjórnvöld hefðu í áranna
rás reynt að gera sitt til þess að draga úr
áhrifamætti verkalýðshreyfingarinnar og
koma þannig í veg fyrir að verkalýðsfélög
geti sinnt hagsmunagæslu fyrir félaga sína
eins og henni beri skylda til. Verkalýðsfélög-
in yrðu að halda vöku sinni, en þrátt fyrir
stöðuga varnarbaráttu mætti ekki gleymast
að það fælist engin kjarabót í því að verja
áunnin réttindi og sú skylda að sækja fram
og berjast fyrir bættum kjörum væri eftir
sem áður fyrir hendi. Hugsanlegir varnar-
sigrar nú rnyndu því ekki teljast til tekna í
næstu kjarasamningum.
Hann sagði að reynslan undanfarna daga
hafi sýnt að samstaða félaga opinberra
starfsmanna geti haft verulegt að segja og
ef ekki væri fyrir samstöðuna væru opinber-
ir starfsmenn ekki í þeirri stöðu sem þeir
væru hvað varðaði lífeyrismálið. Ákvörðun
forsætisráðherra að falla frá ákvörðun fjár-
málaráðherra varðandi breytingar á Lífeyris-
sjóði starfsmanna ríkisins væri ekki til kom-
in af góðmennsku í garð opinberra starfs-
manna. Samtakamátturinn og réttlætið hefði
sigrað. Hins vegar mættu opinberir starfs-
menn ekki sofna á verðinum því málið væri
ekki í höfn, þótt fyrri hálfleik væri lokið.
Eiríkur sagði að í næstu kjarasamningum
yrði að koma inn ákvæði þar sem ótvírætt
væri kveðið á um það að heimilt væri að
segja upp kjarasamningum þegar tillögur
væru uppi um að afnema réttindi sem væru
hluti starfskjara.