Morgunblaðið - 19.03.1996, Blaðsíða 14
14 ÞRIÐJUDAGUR 19. MARZ 1996
MORGUNBLAÐIÐ
AKUREYRI
Eftirspurn eftir atvinnuhúsnæði á Akureyri fer vaxandi á ný
Einungis eru finun til sjö
iðnaðarlóðir lausar
EINUNGIS eru 5-7 iðnaðarlóðir lausar í eldri
iðnaðarhverfum á Akureyri, en eftirspurn eftir
atvinnuhúsnæði fer vaxandi.
Atvinnumálanefnd bæjarins hefur beint því
til bæjaryfirvalda að þegar verði farið að huga
að auknu framboði iðnaðarlóða m.a. í Krossa-
neshaga, ekki síst þar sem langur tími getur
liðið frá byrjun framkvæmda þar til lóðir eru
tilbúnar.
Helgi Jóhannesson, forstöðumaður atvinnu-
málaskrifstofu Akureyrarbæjar, sagði að þær
lóðir sem til væru undir iðnaðarhúsnæði væru
norðarlega í iðnaðarhverfi í Síðuhverfi, sunnan
við efnaverksmiðjuna Sjöfn og þættu þær mis-
góðar. Á síðustu árum hefur sáralítið verið
byggt af iðnaðarhúsnæði, en hins vegar hefur
verið nokkuð lífleg sala á slíku húsnæði, einkum
í gömlu sambandsverksmiðjunum á Gleráreyr-
um. Er nú svo komið að nánast allt húsnæði
þar hefur verið selt. Þá sagði Heigi að verð á
atvinnuhúsnæði hefði hækkað mikið að undan-
förnu. „Þeir sem eru að fjárfesta í iðnaðarhús-
næði núna eru að kaupa á miklu hærra verði
en þeir sem keyptu fyrir tveimur árum,“ sagði
hann.
Fyrirspurnir um lóðir í Krossanesborgum
Helgi sagði að í Krossanesborgum, austan
Hörgárbrautar, væri gert ráð fyrir að risi iðnað-
arhverfi og hefði atvinnumálanefnd farið fram
á að hafist yrði handa við að gera lóðirnar klár-
ar. „Við lítum svo á að okkur beri að vera á
undan þörfinni, vilji menn fara að byggja þarna
á næstu misserum verða lóðirnar að vera tilbún-
ar,“ sagði Helgi.
Jón Geir Ágústsson, byggingafulltrúi Akur-
eyrarbæjar, sagði að fyrirspurnir um iðnaðarlóð-
ir í Krossanesborgum hefðu borist embættinu.
„Eftirspurn eftir iðnaðarlóðum hefur fram til
þessa verið mjög lítil. Framboð af slíku hús-
næði, aðallega í gömlu sambandsverksmiðjunum,
hefur verið mikið og það hefur verið selt á þann-
ig verði að menn eru ekki tilbúnir að fara að
byggja," sagði Jón Geir. Hann sagði að bærinn
myndi passa upp á að til væru iðnaðarlóðir. í
Krossanesborgum væri verið að fara inn á nýtt
svæði og fyrirsjáanlegt að nokkur kostnaður
hlytist af því að gera það tilbúið.
Morgunblaðið/Kristján
Þétt þoka
yfir Eyja-
firði
ÞETT þoka lá eftir endilöngum
Eyjafirði snemma í gærmorgun
og á Akureyri sá varla á milli
húsa á tímabili. Þokan hvarf
þegar líða tók á morguninn og
þá tók sólin við og yljaði Eyfirð-
ingum með geislum sínum enn
einn daginn. Vegna þokunnar
röskuðust flugsamgöngur og lá
flug Flugleiða til Akureyrar
niðri fram eftir degi. Fyrsta
vélin lenti um hádegisbil og um
miðjan dag kom þota með fulla
vél af farþegum frá Keflavík.
Myndin var tekin í Glerárhverfi
og sér yfir bæinn Jötunfell við
Krossanesbraut. Handan fjarð-
arins, sem er fullur þoku, sést
Vaðlaheiðin.
Heima-
síða LA
opnuð á
alnetinu
LEIKFÉLAG Akureyrar hefur
opnað heimasíðu á alnetinu og
er fyrsta atvinnuleikhúsið hér á
landi sem það gerir.
Á heimasíðunni er að fínna
upplýsingar um starfsemi leik-
hússins, verk sem verið er að
æfa og þær sýningar sem fram-
undan eru. Stefnt er að því að
notendur geti fengið ýmsar upp-
lýsingar um sögu félagsins og
einnig verður hægt að kaupa
miða á sýningar á næstu mán-
uðum.
Einn helsti kostur tengingar-
innar við netið er að aðgangur
að upplýsingum víðs vegar um
heiminn verður auðveldur. í
gegnum heimasíðu Leikfélags
Akureyrar verður sömuleiðis
hægt að spinna sig áfram og fá
upplýsingar um starfsemi
áþekkra stofnana bæði hérlendis
sem erlendis.
Keilusalur
við Hvanna-
velli?
BYGGINGANEFND Akureyrar
hefur sent erindi Einars Ólafs-
sonar og Önnu Maríu Malmquist
á ísafirði þar sem spurst er fyrir
um hvort leyfi fengist til að starf-
rækja keilusal í húsinu númer
12 við Hvannavelli í grenndar-
kynningu.
Auk þess að reka keilusal í
húsinu er fyrirhugað að vera þar
með kaffiteríu, billiardborð, golf-
hermi og hugsanlega eitthvað
fleira.
Húsið sem um ræðir var áður
lagerbygging efnaverksmiðjunn-
ar Sjafnar. Jón Geir Ágústsson
byggingafulltrúi bjóst við að svör
frá húseigcndum í nágrenninu
færu að berast fljótlega.
Hafin smíði á mun fleiri íbúðum í
fyrra en árið á undan
184 í byggingu
í lok liðíns árs
Morgunblaðið/Kristján
ÞORVALDUR Kristjánsson bílstjóri og hollensku hjónin Jocobus
og Olga Kroon með Goðafoss í baksýn.
Hollenskir ferðamenn
í vetrarferð
Söfnunarfé
fer í körfu-
boltavöll á
Súðavík
KIWANISKLÚBBURINN Embla,
sem er fyrsti kiwanisklúbburinn á
landsbyggðinni eingöngu skipaður
konum, hefur ákveðið að notað
söfnunarfé til uppbyggingar á
körfuboltavelli fyrir börn og ung-
linga í Súðavík. Er það í samræmi
við eitt af kjörorðum Kiwanishreyf-
ingarinnar: Börnin fyrst og fremst.
Emblufélagar seldu jólaskreyt-
ingar til fyrirtækja og félagasam-
taka á Akureyri fyrir jólin og rann
ágóði til líknarmála, m.a. kaupa á
matarkörfum sem Mæðrastyrks-
nefnd úthlutaði til sinna skjólstæð-
inga.
Þá vilja Emblufélagar hvetja fólk
til að skoða eitulyfjavísi sem hreyf-
ingin gefur út og borinn hefur ver-
ið í öll hús í landinu en í honum er
að finna gagnorðar upplýsingar um
eituriyf önnur en áfengi.
-----» ♦ 4----
Förðun á
opnu húsi
HALLA Gunnarsdóttir förðunar-
fræðingur flytur fyrirlestur á opnu
húsi fyrir foreldra með ung böm í
Safnaðarheimili Akureyrarkirkju á
morgun, miðvikudaginn 20. mars,
kl. 10-12.
HAFIN var smíði á 67 íbúðum á
Akureyri á síðasta ári, en það er
pokkru fleira en var árið á undan,
þegar einungis var byrjað að smíða
43 íbúðir í bænum.
Af þessum 67 íbúðum voru 9
einbýlishús, en voru 6 árið á und-
an, þá var byijað á 14 íbúðum í
raðhúsum með 30 íbúðum, en á
liðnu ári var byijað að smíða 23
íbúðir í raðhúsum og þá var smíði
hafin á 4 fjöibýlishúsum í fyrra með
28 íbúðum, en árið á undan var
byijað á 14 íbúðum í fjölbýlishúsum.
í yfirliti yfír byggingafram-
kvæmdir á árinu 1995 kemur einnig
fram að skráðar voru 74 fullgerðar
íbúðir á árinu, en þær voru 81 árið
á undan. Þannig var lokið við smíði
12 einbýlishúsa, 22 íbúða í raðhús-
um og 40 íbúða í fjölbýlishúsum.
Of lítið byggt af íbúðum
í árslok voru fokheldar og lengra
komnar í byggingu 13 einbýlishús,
41 íbúð í raðhúsum og 8 íbúðir í
fjölbýlishúsum, en skemmra á veg
komin voru 8 einbýlishús, 14 íbúðir
í raðhúsum og 32 íbúðir í fjölbýlis-
húsum.
Þannig voru í lok síðasta árs 184
íbúðir í byggingu.
„Þó svo að hafin hafi verið smíði
á mun fleiri íbúðum á síðasta ári
þegar miðað er við árið á undan
teljum við þetta of lítið. Við viljum
gjarnan sjá meira, 67 íbúðir nægja
ekki. Við viljum sjá bæinn í sem
örustum vexti,“ sagði Jón Geir
Ágústsson byggingafuíltrúi Akur-
eyrarbæjar. Hann sagði að hefja
þyrfti smíði á um 100 íbúðum ár-
lega til að fullnægja þörfinni eftir
húsnæði. „Þetta er samt nokkur
aukning þannig að við verðum að
vona að aðeins sé að birta til.“
Fram kemur í yfirlitinu að hafn-
ar voru framkvæmdir við töluvert
af öðru húsnæði en íbúðum, m.a.
10 orlofshús við Kjarnaskóg,
stjórnunarálmu við Glerárskóla,
hæfingarstöð við Skógarlund og
ýmislegt fleira. Þá voru í gangi
framkvæmdir m.a. við flugstöð,
menntaskólabyggingu, viðbygg-
ingu við Fjórðungssjúkrahúsið á
Akureyri,. hús Náttúrulækningafé-
lagisins í Kjarna og skrifstofuhús-
næði við Kaupvangsstræti 1 svo
eitthvað sé nefnt.
HOLLENSKU hjónin, Jacobus og
Olga Kroon, voru afar ánægð með
vetrarferð sína til íslands, en þau
voru að skoða Goðafoss þegar
Morgunblaðsmenn hittu þau. Þau
voru á ferð með Þorvaldi Krist-
jánssyni, bílstjóra hjá Sérleyfisbil-
um Akureyrar, en hann var búinn
að fara 6 ferðir með útlenda
ferðamenn í Mývatnssveit í mars-
mánuði. ;,Það eru margir sem
vilja sjá Island í vetrarskrúða.
Við byrjuðum á að bjóða þessar
ferðir í fyrra og það hefur orðið
mikil aukning frá þeim tíma,“
sagði hann.
Frá Goðafossi lá leiðin að Mý-
vatni en þar ætluðu Hollending-
arnir m.a. að skoða sig um í
Dimmuborgum og Höfða og
snæða silung á Hótel Reynihlíð.
„Við ætlum að vera viku á íslandi
og það sem við höfum þegar séð
líkar okkur vel,“ sögðu þau.