Morgunblaðið - 19.03.1996, Blaðsíða 17

MORGUNBLAÐIÐ
ÞRIÐJUDAGUR 19. MARZ 1996 17
VIÐSKIPTI
*
Félag íslenskra stórkaupmanna kærir hækkun á gjaldskrá Visa Island
Krefst þess að hækk-
unin verði ógild
Visa segir eðlilegt að kaupmenn
greiði fyrir kostnað af þeirri þjónustu sem
þeim sé veitt
FÉLAG íslenskra stórkaupmanna
(FÍS) hefur kært til Samkeppnis-
stofnunar þá ákvörðun Visa íslands
að hækka ábyrgðargjald vegna rað-
greiðslusamninga um 50% í 0,75%
af upphæð samnings. Fer félagið
fram á það við Samkeppnisstofnun
að Visa ísland verði meinuð þessi
hækkun á grundvelli 37. gr. sam-
keppnislaga. Þá er þess einnig kraf-
ist að fyrirtækið taki upp mun að-
haldssamari reglur varðandi hveijir
geti fengið greiðslukort og hverjir
ekki.
Einar S. Einarsson, framkvæmda-
stjóri Visa ísland, segist hins vegar
furðast þau gífuryrði sem stórkaup-
menn hafi viðhaft í þessu máli, sér-
staklega í ljósi þess að þeir stundi
almennt ekki raðgreiðslur og engar
athugasemdir hafi borist frá sam-
tökum þeirra aðila sem það geri.
Umrædd grein samkeppnislaga
er í VIII. kafla laganna, þar sem
fjallað er um eftirlit samkeppnisyf-
irvalda með greiðslukortastarfsemi.
Þar segir m.a. „Telji samkeppnisráð
að viðskiptaskilmálar kortaútgef-
anda feii í sér óréttmæt skiiyrði sem
aðeins taki mið af eigin hagsmunum
eða komi illa niður á hagsmunum
korthafa eða greiðsluviðtakenda og
séu ekki í samræmi við 35. grein
getur það lagt bann við slíkum skil-
málum og lagt fyrir kortaútgefanda
að breyta viðskiptaháttum sínum.“
Merki um fjármálaóreiðu
Umrædd hækkun var boðuð 23.
febrúar sl. og tók hún gildi í gær.
FÍS sendi Visa ísland athugasemd
við þessa hækkun í síðasta mánuði,
en henni hefur ekki verið svarað,
að því er fram kemur í bréfi félags-
ins til Samkeppnisstofnunar. Segir
FÍS þau rök Visa fyrir hækkuninni
að prósentugjaldið hafi ekki hækkað
frá árinu 1990 vera afar léttvæg.
„Athugasemdir endurskoðanda
félagsins um nauðsynlega hækkun
gjaldskrár vegna aukinna útlána-
tapa félagsins benda hins vegar til
ijármálaóstjórnar og þess að verið
sé að útdeila greiðslukortum til fólks
sem ekki getur talist traustverð-
ugt,“ segir m.a í bréfi FÍS. „Vegna
slíkrar óábyrgrar kortaútgáfu hefur
fyrirtækið orðið fyrir tapi sem það
hyggst bæta sér upp með hækkun
á þjónustugjöldum á kostnað þeirra
sem standa í skilum. Ekki er hægt
annað en að mótmæla því að velta
þannig kostnaðinum við þennan
vanda yfir á aðra korthafa.“
Óviðeigandi ummæli
Einar S. Einarsson segir að Visa
ísland hafi reynt að koma á fundi
með stórkaupmönnum vegna þessa
máls og hafi bréf þess efnis verið
sent þann 7. mars sl. Ekkert svar
hafí hins vegar borist frá stórkaup-
mönnum og því hafi fundurinn ekki
verið haldinn enn.
Einar segir fullyrðingar FÍS um
að Qámiálaóreiða hjá Visa sé orsök
þessarar hækkunar ekki sæmandi
slíkum félagasamtökum. Þá séu það
reyndar bankar og sparisjóðir sem
veiti kortin og velji korthafana en
Visa geri hins vegar samninga við
kaupmenn og þjónustuaðila. Að ósk
þeirra hafi greiðslutími verið lengdur
og fjárhæðir hækkaðar. „Abyrgða-
gjaldið er því í raun tryggingargjald
og því ræðst það al' tjónareynslu eins
og önnur slík gjö!d,“ segir Einar.
„Þessi framsetning um 50% hækk-
un er kannski heldur ekki alveg rök-
rétt því þjónustugjaldið hækkar hjá
flestum úr 2,5% í 2,75% eða um
10%. Við höfum hins vegar greint
frá því að þetta eigi bara um rað-
greiðslur með ábyrgð. Þær hafa far-
ið stórvaxandi að undanförnu og eru
nú um 80% allra raðgreiðslna í stað
10% árið 1990. Reynslan hefur sýnt
okkur að það getur ýmislegt farið
úrskeiðis'í þessum viðskiptum sem
öðrum og þeir sem vilja kaupa sér
tryggingu verða náttúrulega að
borga það sem hún kostar.“
Einar segir það sömuieiðis rangt
að með þessu sé verið að velta kostn-
aði sem fyrirtækið verði fyrir vegna
útlánatapa yfir á aðra korthafa. Hér
sé um þjónustu við kaupmenn að
ræða og því í hæsta máta óeðlilegt
að þeir velti kostnaðinum af henni
yfir á viðskiptavini sína. Með því að
ábyrgjast greiðsludreifingarsamn-
inga sé Visa að veita kaupmönnum
möguleika á því að geta selt samn-
ingana fyrr og á betri kjörum en
ella. Því sé rétt að þeir beri kostnað-
inn af þeirri þjónustu sjálfir.
Þá bendir Einar á að sér sé ekki
kunnugt um neinn heildsala sem
bjóði upp á greiðsludreifingu. Að vísu
séu einhveijir aðilar sem stundi hvoru
tveggja, heildsölu og smásölu, en
þeir aðilar sem einungis stundi heild-
sölu hafi ekki boðið upp á þennan
möguieika. Kaupmannásamtökin og
samtök annarra aðila sem það geri
hafi hins vegar ekki séð ástæðu til
þess að gera athugasemd við þessa
hækkun.
Samvinnusjóðurinn
jókútlán um 162%
Hagnaður
um 42 millj-
ónirífyrra
SAMVINNUSJÓÐUR íslands jók
umsvif sín verulega á síðasta ári í
útlánastarfsemi og náði sínum besta
árangri í rekstri til þessa. Heildarút-
lán í árslok námu um 1.853 milljónum
sem er um 162% aukning frá árinu
1994. Þá jókst hagnaður úr um 12
milljónum í rúmar 42 milljónir milli
ára.
Sjóðurinn var stofnaður árið 1982
og var fyrst um sinn fjárfestingasjóð-
ur. Nú felst meginstarfsemin hins
vegar í útlánastarfsemi til einstak-
linga og lögaðila.
Aukin umsvif á síðasta ári má að
nokkru rekja til þess að félagið hóf
á árinu 1995 að veita lán til bifreiða-
kaupa, en veruleg aukning varð enn-
fremur í allri annarri útlánastarf-
semi. Vaxtatekjur jukust á árinu úr
111 milljónum í 184,5 milljónir eða
um 66%, en vaxtagjöld úr 73 milljón-
um í 115 milljónir eða um 57%. Hrein-
ar vaxtatekjur hækkuðu. því úr um
38 milljónum í tæpar 70 milljónir eða
um 85% og hreinar rekstrartekjur
fóru úr 53 milljónum í rösklega 90
milljónir sem er um 72% hækkun.
Bókfærð eign félagsins í hluta-
bréfum í öðrum félögum nam í árslok
632 milljónum miðað við framreiknað
kostnaðarverð. Markaðsverð skráðra
hlutabréfa í árslok 1995 var 806,5
milljónir.
Hluthafar í félaginu eru 40 talsins
og stærstu eigendur Samvinnulífeyr-
issjóðurinn með 24% hlut, Olíufélagið
með 20% og Vátryggingafélag Is-
lands með 17%. Á aðalfundi félagsins
þann 14. inars sl. var samþykkt að
greiða 4% arð til hluthafa. Þá voru
kjörnir í stjórn þeir Benedikt Sigurðs-
son, Benedikt Sveinsson, Geir Magn-
ússon, Margeir Daníelsson og Magn-
ús Gauti Gautason.
Félag viðskipta- og hagfræðinga heldur ráðstefnu á ári símenntunar
um menntakröfur atvinnulífsins á nýrri öld. Ráðstefnan verður haldin
að Hótel Loftleiðum, föstudaginn 22. mars kl. 14:00-17:00.
Ráðstefnugjald er kr. 2.000,-
Leitað verður svara við spurningunum:
• Veit menntakerfið hverjar kröfur atvinnulífsins eru?
• Eiga menntastofnanir að ala upp starfsfólk fyrir fyrirtæki?
• Til hvers ætlast atvinnulífið af skólum landsins?
• Á atvinnulifið að hafa meiri áhrif á námsframboð skólanna?
• Hvernig munu þarfir atvinnulífsins breytast í framtíðinni?
• Verður krafa um aukna sérhæfingu menntunar?
Ráðstefnustjóri: Sigríður Anna Þórðardóttir, alþingismaður og formaður
menntamálanefndar alþingis.
Dagskrá:
Ávarp menntamálaráðherra, Björns Bjarnasonar
Hverjar eru kröfur atvinnurekenda?
Thomas Möller, framkvæmdastjóri Olíuverzlunar
Islands hf.
Stefnumótun samtaka atvinnulífsins í menntamálum.
Páll Kr. Pálsson, framkvæmdastjóri Sólar hf.
Hlé, kaffi
Eftir hverju er verið að leita?
Gylfi Dalmann Aðalsteinsson, ráðgjafi hjá Hagvangi
Kemur Háskólinn til móts við þarfir atvinnulífsins?
Kristján Jóhannsson, lektor; viðskipta- og
hagfræðideild
m////// ■■ FÉLAG VIÐSKIPTAFRÆÐINGA
WUmm OG HAGFRÆÐINGA
Ráðstefnan er öllum opin
Thomas Páll Kr.
Gylfi Kristján
Bílar til sölu
BMW 520IA árg. '89, sjálfsk., 4 d.,
grár, ek. 84 þús. Verð 1.460 þús.
Hyundai Elantra árg. '93, sjálfsk.,
4 d., grár, ek. 49 þús. Verð 1.040 þús.
MMC Colt GLxi árg. '93, sjálfsk., 3 d.,
rauður, ek. 45 þús. Verð 1.030 þús.
Toyota Camry 4x4 árg. '88, 5 g., 4 d.,
grár, ek. 89 þús. Verð 840 þús.
Izusu Trooper árg. '91,5 g„ 5 d„
rauður, ek. 118 þús. Verð 1.690 þús.
Nissan Sunny árg. '95, sjálfsk., 4 d„
grænn, ek. 20 þús. Verð 1.300 þús.
Hyundai Accent LSI árg '96, 5 g„
4 d„ grár, ek. 1 þús. Verð 1.060 þús.
Renult 19 RT árg. '93, sjálfsk., 4 d„
vinrauður, ek. 40 þús. Verð 1.100 þús.
Daihatsu Applause árg. '93,5 g„
4 d„ rauður, ek. 59 þús. Verð 890 þús.
BIFREWAR & LANDBÚNADARVÉLAR HF.
Suðurfandsbraut 14,
sími 568 1200, beinn sími 5814060
——-— --________ — -----------