Morgunblaðið - 25.04.1996, Qupperneq 17

MORGUNBLAÐIÐ
FIMMTUDAGUR 25. APRÍL 1996 17
ERLENT
Opinber heimsókn Jeltsíns til Kína
Leysa landa-
mæradeilur
Reuter
DIANA Brooks, forseti Sotheby’s, býður upp ruggustól Johns F. Kennedys,
fyrrverandi Bandaríkjaforseta.
Sögulegt uppboð úr búi
Kennedys hjá Sotheby’s
New York. Reuter.
Peking-. Reuter.
RÁÐGERT er að Borís Jeltsín,
forseti Rússlands, undirriti allt að
14 samninga af ýmsum toga við
Kínveija í þriggja daga opinberri
heimsókn hans í Kína sem hófst
í gær. Einn af mikilvægustu samn-
ingunum kveður á um ráðstafanir
til að binda enda á landamæradeil-
ur milli Kína annars vegar og
Rússlands, Tadzhíkistans, Kírgíst-
ans og Kasakstans hins vegar.
Ennfremur er gert ráð fyrir að
undirrituð verði yfirlýsing, sem
feli í sér sameiginlega afstöðu
Kínveija og Rússa í ýmsum svæð-
isbundnum og alþjóðlegum deilu-
málum.
Búist er við að Jeltsín staðfesti
samning við Kínveija frá 1991 um
afmörkun landamæra Rússlands
að Kína þrátt fyrir mótmæli Jevg-
enís Nazdratenkos, leiðtoga Prí-
morskí-héraðs í austurhluta Rúss-
lands, sem segir að samningurinn
færi Kínveijum of stór landsvæði.
Landamæri ríkjanna eru 4.300 km
löng.
Embættismaður í föruneyti
Jeltsíns sagði að forsetinn myndi
freista þess að fá kínverska ráða-
menn til að fallast á ýmsar tilslak-
anir, heimila til að mynda rúss-
neskum bændum að halda áfram
að rækta jarðir sem ná yfir til
Kína samkvæmt samningnum.
Jeltsín sagði áður en hann hélt
í Kínaferðina að hann myndi ekki
fallast á að Rússar afsöluðu sér
þremur eyjum nálægt landamær-
um ríkjanna.
Rætt um kjarnorkutilraunir
Ennfremur er stefnt að því að
Jeltsín og æðstu embættismenn
Kína undirriti í kvöld samninga
um viðskipti, samvinnu á sviði
kjarnorkuframleiðslu og samstarf
í baráttunni gegn glæpum.
Búist er við að samkomulag
náist meðal annars um samstarf
við lagningu gasleiðslna frá Síber-
íu að Gulahafi. Þetta yrðu mestu
sameiginlegu framkvæmdir ríkj-
anna frá því Rússar og Kínveijar
sömdu um smíði kjarnorkuvers
með rússneskum kjarnakljúfum í
norðvesturhluta Kína árið 1993.
Áður en Jeltsín hélt til Kína
kvaðst hann ætla að ræða deiluna
um hvort banna ætti kjarnorku-
sprengingar í tilraunaskyni á
fundum sínum með kínverskum
ráðamönnum. Jeltsín er hlynntur
banni við kjarnorkutilraunum en
kínverska stjórnin sagði í gær að
það væri ekki tímabært nú, þótt
hún hefði áður léð máls á slíku
banni sem tæki gildi í lok ársins.
Ólíklegt þykir þó að þetta mál
varpi skugga á heimsókn Jeltsíns.
MUNIR úr búi Jacqueline Kennedy
Onassis seldust fyrir of fjár á upp-
boði, sem hófst hjá uppboðshaldar-
anum Sotheby’s í New York á þriðju-
dag og stendur í fjóra daga. Hæsta
verðið, 574.500 dollarar (um 39
milljónir króna), fékkst fyrir kassa
til að halda vindlum rökum með árit-
un frá Milton Berle til Johns F.
Kennedys Bandaríkjaforseta.
Ruggustóll, sem forsetinn notaði,
seldist fyrir 442.500 dollara (um 30
milljónir króna) og var það níutíu
sinnum hærra verð en búist hafði
verið við.
Eikarstóllinn var einn af mörgum,
sem Kennedy sat í til að lina þjáning-
arnar af bakmeiðslum, sem hann
hlaut í ruðningsleik í háskóla og í
átökum í heimsstyijöldinni síðari.
Stóllinn var metinn á 66 til 80 þús-
und krónur.
Sérstök útgáfa af bókinni „Profi-
les in Courage", sem Kennedy skrif-
aði og fékk fyrir Pulitzer-verðlaun,
seldist á 68.500 dollara (4,5 milljón-
ir króna).
Það var virðulegur hópur fólks,
sem safnaðist saman í uppboðssal
Sotheby’s á Manhattan á þriðjudag.
Áður en byijað var að bjóða upp í
salnum höfðu 80 þúsund boð borist
símleiðis og í símbréfum hvaðanæva
að úr heiminum.
Uppboðið var skipulagt sam-
kvæmt óskum Jacqueline Kennedy
Onassis, ekkju forsetans fyrrver-
andi og gríska skipakóngsins Arist-
otelesar Onassis, en hún lést af
krabbameini árið 1994. Börn henn-
ar og Kennedys, John Kennedy Jr.
og Caroline Kennedy Schlossberg
skipulögðu uppboðið eftir að hafa
tekið muni til eigin nota og ánafn-
að forsetabókasafni Kennedys í
Boston munum, sem hafa sögulegt
vægi.
Síðasti munurinn á uppboðinu
verður BMW-bifreið Jackie Kennedy
Onassis, árgerð 1992.
BREKKUGÖTU 3, S.462-7708
KRINGLUNNI S: 568-6244
LAUGAVEGI 95,S: 552-1444