Morgunblaðið - 27.04.1996, Blaðsíða 4

5
4 LAUGARDAGUR 27. APRÍL 1996
MORGUNBLAÐIÐ
FRETTIR
Samkeppnisstofnun skilar umsögn
Auglýsing VIS verði
ekki birt framar
SAMKÉPPNISSTOFNUN hefur
skilað umsögn um kvörtun Skeijungs
hf. yfir auglýsingu Vátryggingafé-
lags íslands á barnabílstólum, sem
birtist í dagblöðum, og farið þess á
leit að auglýsingin verði ekki birt
aftur. I kvörtun Skeljungs er því
haldið fram að auglýsing VÍS séu
villandi og stangist á við samkeppn-
islög en þar er vísað í Britax barna-
bílstóla sem Skeljungur selur. Öm
Gústafsson markaðsstjóri VÍS sagði
í samtali við Morgunblaðið í gær að
farið yrði yfir bréf Samkeppnisstofn-
unar og ákvörðun tekin í framhaldi
af því eftir helgi.
A fundi auglýsinganefndar, ráð-
gjafarnefndar samkeppnisráðs, hinn
23. apríl var samþykkt sú umsögn
að fyrirsögnin í auglýsingu VÍS
væri villandi, könnunin sem hún
byggði á væri umdeild og ekki fram-
kvæmd af hlutlausum aðila og að
ekki megi nota samanburð í auglýs-
ingu nema neytendur eigi kost á því
að velja milli vörutegunda sem born-
ar eru saman.
Þá er tekið fram vegna athuga-
semdar frá VÍS að auglýsandi verði
sjálfur að geta sýnt fram á að full-
yrðingar í auglýsingum hans séu
réttar sé eftir því leitað. „Með þess-
um athugasemdum telur auglýs-
inganefnd að umrædd auglýsing VÍS
á barnabílstól samræmist ekki 21.
grein samkeppnislaga nr. 8/1993 og
óskar eftir að hún verði ekki birt
framar.“
Morgunblaðið/Reuter
Trúnaðarbréf til Mandela
SIGRÍÐUR Snævarr sendiherra
afhenti Nelson Mandela, forseta
Suður-Afríku, trúnaðarbréf sitt
í Höfðaborg á fimmtudag.
Sigríður sagði í gær að Mand-
ela hefði í ávarpi fjallað um þann
stuðning, sem Island og önnur
Norðurlönd hefðu veitt í barátt-
unni gegn aðskilnaðarstefnu
fyrri sljórnvalda í Suður-Afríku.
íbúar Suður-Afríku ættu íslend-
ingum mikið að þakka og göml-
um vinum yrði ekki gleymt.
Sigríður er fyrsti sendiherra
íslands í Suður-Afríku. Hún mun
hafa aðsetur í Reykjavík.
Morgunblaðið/Árai Sæberg
UPP í Breiðholti var boðið upp á ýmis konar skemmtun sumardaginn fyrsta. Margir notuðu t.d.
tækifærið og fengu á sig andlitsmálningu.
Sumri fagnað
í blíðviðri
SUMARIÐ sumarið heilsaði land-
anum með björtu og hlýju veðri
suðvestan- og vestanlands. Öllu
svalara var fyrir norðan og aust-
an.
Lögreglan í Reykjavík segir
að höfuðborgarbúar hafi verið í
miklu sumarskapi og mikil gang-
andi umferð hafi verið í miðbæn-
um. Skemmtanir í úthverfum
borgarinnnar voru mjög vel sótt-
ar og fóru t.d. á annað þúsund
manns í skrúðgöngu frá Mela-
skóla í Frostaskjól í vesturbæ
Reylqavíkur.
Að sögn Haraldar Eiríkssonar
veðurfræðings var austan- og
norðaustan kaldi á landinu öllu.
Aðeins þykknaði upp með strönd-
inni sunnanlands um morguninn.
Bjartviðri var suðvestan- og vest-
anlands. Hiti fór upp í 10 gráður
á Hellu og á fleiri stöðum á Suð-
urlandi.
Eins og áður sagði var öllu
svalara fyrir norðan og austan
og var hitinnn t.d. um 3 til 4
gráður kl. 18. Urkomuvottur var
á suðaustan- og austanverðu
landinu. Víða var um 5 stiga hiti.
Sólbaðsveður í dag
Áframhaldandi góðviðri og
sólbaðsveður verður víðast hvar
á landinu í dag. Bjartviðri verður
um sunnanvert landið. Hins veg-
ar verður skýjað fyrir norðan en
líklega þurrt. Á morgun er gert
ráð fyrir að skýjað verði víða um
land. Væta gæti orðið vestan- og
norðanlands en þurrt á sunnan-
verðu- og austanverðu landinu.
Formaður Alþýðuflokksins á ráðstefnu flokksins um kjaramál
Jafnaðarmenn og verkalýð-
ur sameinist um umbætur
JÓN Baldvin Hannibalsson, for-
maður Alþýðuflokksins, segir að
tími sé kominn til að jafnaðar-
mannahreyfingin og verkalýðs-
hreyfingin leggi gömul ágreinings-
mál til hliðar og reyni á næstu
misserum að ná saman um sameig-
inlega umbótaáætlun. Þetta kom
fram í máli hans á ráðstefnu Al-
þýðuflokksins um kjaramál, en ráð-
stefnan hófst á Scandic Hótel Loft-
leiðum í gær og lýkur henni í dag.
Jón Baldvin sagðist gera ráð
fyrir að ekki væru lengur neinar
deilur um að pólítísk sundrung og
klofningur jafnaðarmannahreyf-
ingarinnar og verkalýðshreyfing-
arinnar á sínum tíma hefði valdið
miklum skaða sem varði þjóðfé-
lagsþróunina. Hann varpaði fram
þeirri spurningu hvort ekki væri
kominn tlmi til fyrir þessar stofn-
anir að leggja gömul ágreinings-
mál til hliðar og reyna á næstu
misserum að ná saman um sameig-
inlega umbótaáætlun. Nefndi hann
m.a. I því sambandi ijármagns-
tekjuskatt, sem hægt yrði að nýta
til að draga úr ójöfnuði skattakerf-
isins að öðru leyti, og það að draga
úr of brattri tekjutryggingu marg-
víslegra bótagreiðslna bæði laun-
þega og lífeyrisþega til þess að
Morgunblaðið/Sverrir
FJÖLMENNT var á ráðstefnu Alþýðuflokksins um kjaramál, sem
hófst á Scandic Hótel Loftleiðum i gær.
lækka jaðarskatta, sem væru orðn-
ir vinnuletjandi og kæmu í veg
fyrir það að fjölskyldur gætu unnið
sig út úr skuldum.
„Varðandi skipulagsvanda í at-
vinnuvegum er þá ekki kominn tími
ti! að efnt verði til allsheijarsam-
stöðu milli launþega á íslandi um
umbótatillögur eins og veiðileyfa-
gjald I sjávarútvegi? Ég vísa þá til
umræðu sem var nýlega á Alþingi
um það hvað þyrfti að gera til þess
að við færum enn eina kollsteypu
ef það gerist nú á næstunni að sjáv-
arútvegurinn fer aftur 5 upp-
sveiflu," sagði hann og varpaði
fram þeirri spurningu hvort einhver
ágreiningur væri um það milli laun-
þega hvort stefna ætti að því að
lögfesta sameign þjóðarinnar á
grundvallaráuðlindum eins og auð-
lindum sjávar eða í orkugeiranum.
Vítahringur
Geir A. Gunnlaugsson, forstjóri
Marels hf., fjallaði um það á ráð-
stefnunni hvernig íslensk fyrirtæki
gætu greitt hærri laun. Hann sagði
m.a. að ef gera ætti launakjör hér
á landi samkeppnisfær við ná-
grannalöndin þá yrði það ekki gert
nema með áframhaldandi hagræð-
ingu í ailri atvinnustarfsemi á ís-
landi, aukinni framleiðni og meiri
verðmætasköpun. Það yrði ekki
gert nema færri ynnu þau störf sem
unnin eru í dag, og miðað við núver-
andi forsendur jafngilti það auknu
atvinnuleysi.
Hann sagði það óumdeilt að
dagvinnulaun á íslandi væru lág
samanborið við nágrannalöndin, en
íslendingar bættu sér það síðan
að hluta til upp með mikilli yfir-
vinnu og næðu þannig kjörum sem
væru í mörgum tilvikum ekki miklu
lakari en í nágrannalöndunum.
Þetta leiddi hins vegar til minni
framleiðni því þreyttur starfsmað-
ur afkastaði minna en óþreyttur.
„Segja má að við séum í ákveðn-
um vítahring. Vegna lítillar fram-
legðar eru launin lág og vegna lágra
launa er framlegðin lítil. Nauðsyn-
legt er að samstarf náist milli
stjórnenda og starfsmanna að brjót-
ast út úr þessum vítahring, það er
beggja hagur,“ sagði Geir.
Slasaðist
við kletta-
klifur
TÆPLEGA 9 ára drengur
hlaut höfuðáverka og opið bein-
brot við olnboga eftir að hann
féll niður af kletti í Elliðaárdal
síðdegis í gær.
Að sögn lögreglunnar átti
slysið sér stað í svokölluðu
Indíánagili milli Höfðabakka-
brúar og göngubrúar yfir Ell-
iðaár. Drengurinn var við leik
á svæðinu ásamt félögum sín-
um og var hann að klifra I klett-
inum þegar hann féll 3-4 metra
niður I þurran árfarveginn.
Hann var meðvitundarlaus
þegar að var komið og í gær-
kvöldi var honum haldið sof-
andi en þá stóð til að gera á
honum aðgerð. Góðar vonir
voru taldar um bata.
5 kærðir
fyrir sinu-
bruna
LÖGREGLAN á Blönduósi hef-
ur ákært fimm bændur fyrir
að brenna sinu, en bannað er
að brenna sinu nema með leyfi
sýslumanns að fenginni um-
sögn Landgræðslu ríkisins. Að
sögn lögreglu verður þessum
reglum fylgt fast eftir í vor.
Víða hefur skapast sú venja
að gefið er út leyfi fyrir sinu-
brunum á afmörkuðu svæði til
nokkurra ára. Ekki er þá þörf
á að kalla eftir umsögn Land-
græðslunnar á hveiju ári. Sam-
kvæmt reglum eiga menn sem
ekki sækja um leyfi áður en
éldur er borinn að sinu yfir
höfði sér ákæru og sektir.
>
Arekstur í
Borgarfirði
TVEIR bílar rákust saman rétt
sunnan við Borgarfjarðarbrú I
gær. Engin meiðsl urðu á fólki,
en verulegt eignartjón. Fjar-
lægja var annan bflinn með
kranabíl.
Óhappið vildi þannig til að
fólksbíll stoppað við vegamótin
að Hvanneyri og ók þá annar
bíll aftan á hann.
Að sögn lögreglunnar í
Borgarnesi var mjög mikil
umferð um Borgarfjörð í gær.
Umferðin gekk að mestu
óhappalaus.