Morgunblaðið - 27.04.1996, Blaðsíða 17
MORGUNBLAÐIÐ
LAUGARDAGUR 27. APRÍL 1996 17
VIÐSKIPTI
ÚRVERINU
Hæstiréttur úrskurðar í málaferlum
Gísla Amar Lárussonar og Skandia
Kröfu um ógilclingu
hlutafjámukningar
vísað aftur í hérað
HÆSTIRÉTTUR hefur úrskurðað
að Héraðsdómi Reykjavíkur beri
að taka kröfu Gísla Arnar Lárus-
sonar um ógildingu á hlutafjár-
aukningu í Vátryggingafélaginu
Skandia til efnislegrar meðferðar,
en Héraðsdómur hafði áður vísáð
málinu frá. Þá hefur Gísli Örn,
skv. heimildum Morgunblaðsins,
krafist þess að vera boðaður á
aðalfund Vátryggingafélagsins
Skandia í ljósi þess að hann sé þar
hluthafi.
Umrædd hlutafjáraukning, sem
nam 140 milljónum króna að nafn-
virði, átti sér stað í árslok 1992 í
kjölfar þess að Forsakringsakti-
ebolaget SkandiaNord hafði keypt
Gísla Órn út úr Vátryggingafélag-
inu Skanda ásamt því að gera við
hann starfslokasamning, en Gísli
Örn var á þeim tíma framkvæmda-
stjóri þess. Þessi krafa Gísla Arnar
er einn anglþeirra málaferla sem
hafa verið í gangi milli hans og
SkandiaNord, móðurfélags Skand-
ia hér á landi, og Vátryggingafé-
lagsins Skandia, undanfarin þijú
ár.
Grundvallarágreiningur
enn óleystur
Eins og fram hefur komið ógilti
gerðardómur þann 20. janúar 1995
tvo samninga sem þessir aðilar
höfðu gert með sér í lok árs 1992.
Hinn fyrri, sem gerður var þann
18. desember það ár, kvað á um
kaup Gísla Arnar á hlutabréfum
SkandiaNord í Vátryggingafélag-
inu Skandia fyrir 1 krónu. Hinn
síðari, sem gerður var 29. desem-
ber sama ár, kvað á um kaup
Skandia á öllum hlutabréfum í
Vátryggingafélaginu Skandia og
var kaupverðið 19 milljónir króna.
Áður en þessir samningar voru
gerðir hafði Gísli Örn átt 35,7%
hlut í Vátryggingafélaginu Skand-
ia.
Þrátt fyrir umræddan gerðar-
dóm hefur enn ekki verið leyst úr
ágreiningnum um eignarhald Gísla
Arnar í Vátryggingafélaginu
Skandia. Þau málaferli sem enn
standa yfir snúa annars vegar að
kröfu SkandiaNord um ógildingu
gerðardómsins frá 20 janúar á síð-
asta ári, og hins vegar að kröfu
Gísla Arnar um ógildingu um-
ræddrar hlutafjáraukningar, þar
sem ekki hafi verið löglega að
henni staðið.
Þá hefur einnig verið skipaður
gerðardómur til þess að úrskurða
um skyldu Skandia til að afhenda
Gísla Erni hlut sinn í Vátrygg-
ingarfélaginu Skandia, sem og að
meta hvort og þá hversu háar
launagreiðslur Gísli Örn eigi inni
hjá Vátryggingafélaginu Skandia.
í samningi sem þessir aðilar
gerðu með sér þann 26. júní er
kveðið á um eignarhlut Gísla Arn-
ar, sem og með hvaða hætti Skand-
ia muni kaupa af honum þann eign-
arhlut og hvernig reikna skuli það
verð sem þar skuli koma fyrir, en
þessi samningur telst vera í gildi
eftir að gerðardómur ógilti áður-
nefnda samninga frá árslokum
1992. Ekki eru horfur á því að sá
gerðardómur hefji starf sitt fyrr
en að niðurstaða í dómsmálunum
tveimuv liggur fyrir.
Þá hefur Björgvin Þorsteinsson,
lögmaður Gísla Arnar, kært til
Hæstaréttar þann úrskurð Héraðs-
dóms Reykjavíkur frá 15. apríl sl.
að kveða skuli til matsmenn til að
meta hagsmuni Gísla Arnar í þessu
máli. Er þess krafist að þessi úr-
skurður verði felldur úr gildi og
SkandiaNord dæmt til að greiða
allan málskostnað í héraði og fyrir
Hæstarétti.
Snjallræði ’96
að hefjast
HUGMYNDASAMKEPPNIN
Snjallræði er nú að fara af stað
í þriðja sinn. Um er að ræða
hugmyndasamkeppni fyrir ein-
staklinga með snjallar hug-
myndir, einstaklinga sem vilja
hrinda þeim í framkvæmd, segir
í frétt.
Snjallræði ’96 er hluti af Átaki
til atvinnusköpunar, sem Iðn-
lánasjóður, Iðnþróunarsjóður,
iðnaðarráðuneytið og Iðntækni-
stofnun standa sameiginlega að.
I stjórn átaksins sitja ennfremur
fulltrúar Útflutningsráðs, Sam-
taka iðnaðarins og verkalýðs-
hreyfingarinnar.
I Snjallræði ’96 eru verðlaun-
aðar snjallar hugmyndir ein-
staklinga sem geta leitt til fram-
leiðslu nýrra vara sem líklegar
eru til að spjara sig á markaði.
Heildarverðlaunin fyrir ein-
staka hugmynd geta numið allt
að rúmum tveimur milljónum
króna. Hugmyndasmiðjurinn
þarf að leggja fram allt að 1.700
þúsundkrónur að mestu í formi
vinnu. Á móti kemur að allur
hagnaður af hugmyndinni renn-
ur til eigenda hugmyndarinnar.
Þegar samkeppnin var haldin
fyrst árið 1992 bárust um 250
hugmyndir og sama var upp á
teningnum árið 1994 þegar sam-
keppnin fór af stað öðru sinni.
Snjallræði ’96 er skipt í tvo
hluta. Fyrst eru valdar átta hug-
myndir og fær hver hugmynda-
smiður allt að 600 þúsund króna
verðlaun. Fénu á að verja til að
kanna hvort hugmyndin er hag-
kvæm til frekari vinnslu. Hug-
myndasmiðurinn leggur að auki
til 200 þúsund krónur í flestum
tilfellum í formi vinnu.
Síðari hlutinn hefst u.þ.b. sex
mánuðum síðar. Þá eru valdar
fjórar af þeim átta hugmyndum
sem hlutu verðlaun í fyrri hluta
samkeppninnnar. Verðlauna-
upphæðin í seinni hlutanum
nemur allt að 1,5 milljónum kr.
og mótframlag hugmyndasmiðs-
ins er 50% eða allt að 1,5 milljón-
um kr. í síðari hlutanum er unn-
ið að fullnaðarþróun, frumgerð-
arsmíð og undirbúningi fram-
leiðslu og markaðssetningu.
Tilgangur keppninnar er að
aðstoða einstaklinga sem vilja
koma hugmyndum sínum á
framfæri, en hafa ekki fjárhags-
legar eða tæknilegar forsendur
til þess.
Umsóknarfrestur í Snjallræði
’96 rennur út 3. mai næstkom-
andi, en umsóknareyðublöð
liggja frammi hjá Iðntækni-
stofnun.
Stöplafiskur hefur framleiðslu og útflutning á loðnu
Loðnan sett á innlend-
an markað í sumar
STÖPLAFISKUR hf. hefur hafið
framleiðslu og útflutning á loðnu-
hrygnum sem hafa verið meðhöndl-
aðar eftir hefðbundnum japönskum
leiðum. „Ég get nú sagt þér ýmis-
legt skemmtilegt um þetta, - fyrií
utan að þetta er bráðhollt og gott,“
sagði Aðalsteinn Árnason, fram-
kvæmdastjóri Stöplafisks hf., þegar
náðist tal af honum sl. fimmtudag.
„Við erum búnir að fá ágætis
viðbrögð frá markaðnum við því
að við séum að framleiða góða og
ferska afurð sem er fyllilega sam-
keppnisfær í gæðum og betri en
það sem framleitt er t.d. í Taiwan.
Við erum með 60 til 80 tonn af
frosinni loðnu sem við ætlum okkur
að reyna að vinna úr.“
Aðalsteinn segir að Sölumiðstöð-
hraðfrystihúsanna sjái um sölu- og
markaðsmál og hafi verið að vinna
mjög ötullega í Japan og Bandaríkj-
unum. „Það eru að fara frá okkur
sýnishorn til ýmissa aðila í Banda-
ríkjunum, Evrópu og Japan. Við
eigum von á því að fljótlega fari
mikil alvara að færast í sölumálin
og samningar verði gerðir um veru-
legt magn.“
Dýrt fyrirtæki
Um þessar mundir er undirbún-
ingur og þróunarvinna í gangi hjá
Stöplafiski. Stefnt er að því að selja
loðnu á innlendan markað í sumar
og unnið er að því að koma henni
í íslenskar umbúðir. Loðnan verður
svo markaðssett á sama hátt og í
Japan í samvinnu við Karl K. Karls-
son, sem dreifir harðfiski fyrir
Stöplafisk.
„Þetta er dýrt fyrirtæki, en það
sem maður er að leitast við að
gera er að byggja þetta upp jafn-
óðum og framleiðslan vex,“ segir
Aðalsteinn. „Þegar þetta verður
komið af stað fyrir alvöru og yfir
hundrað tonn fara um þetta á ári
erum við hins vegar farnir að tala
um flokkara o.fl. sem kosta millj-
ónir.“
Loðnan verður seld í búðum í
120 gramma bökkum á líklega um
400 krónur. „í einum pakka geta
verið allt að tíu stykki,“ segir Aðal-
steinn. „Það er því vel hægt að
grilla loðnuna og reiða hana fram
sem forrétt á undan kjötinu.“
Getur skipt sköpum
Aðalsteinn segir að gríðarleg
vinna liggi að baki hveijum loðnu-
pakka: „Það eru mörg störf í þessu
og þetta er mikil aukning á útflutn-
ingsverðmæti loðnuafurðarinnar.
Þetta er því mjög spennandi verk-
efni sem gæti skipt verulegu máli
í framtíðinni."
Þeir aðilar, sem að verkefninu
standa, eru Sölumiðstöð hraðfrysti-
húsanna, Rannsóknastofnun fisk-
iðnaðarins og Atvinnuþróunarfélag
Þingeyinga. „Þessir aðilar hafa
verið okkur mjög mikill styrkur,"
segir Aðalsteinn.
„Það hefur verið unnið eftir
ákveðinni formúlu sem menn settu
upp í upphafi og menn hafa tekið
hvern þátt fyrir sig og unnið hann.
Þróunarvinnan hefur því tekið
styttri tíma en við í upphafi áttum
von á, sem þýðir að menn hafa
staðið faglega að þessu."
Morgunblaðið/Börkur Kjartansson
Nýtt skip í flota Húsvíkinga
\V
, V
X.
A-'\-
NÝTT skip Húsvíkinga, Björg
Jónsdóttir ÞH 321, kom til heima-
hafnar sl. laugardag. Togarinn
er um 500 brl. að stærð og var
smíðaður á Akureyri árið 1978.
Hann hét áður Höfðavík AK-300
og var í eigu Krossvíkur hf. á
Akranesi. Skipinu var breytt hjá
skipasmíðastöð Þorgeirs og Ell-
erts hf. fyrir um 80 milljónir
króna. Sett var í skipið nótaveiði-
búnaður og mikið af tækjum í
brú voru endurnýjuð og brúin
innréttuð að nýju. Auk þess var
lestin hólfuð og einangruð. Björg
Jónsdóttir ÞH getur borið um 850
tonn af síld og loðnu.
Útgerðarfyrirtækið Langanes
hf. á Húsavík keypti skipið en
áður hafði fyrirtækið selt tvo
báta sína, Björgu Jónsdóttur ÞH
til Árskógssands og Björgu Jóns-
dóttur IIÞH til Siglufjarðar.
Aflaheimildir þeirra báta verða
sameinaðar á nýja skipið. Skip-
stjórar verða bræðurnir Aðalgeir
og Sigurður Bjarnasynir en þeir
eru synir Bjarna Aðalgeirssonar,
útgerðarmanns skipsins.
Skipið heldur til síldveiða í
færeyskri lögsögu í byrjun maí
en íslensku skipin mega hefja
veiðarþar 10. maí.
Fleiri mál af sama tagi í skoðun hjá Fiskistofu
Þrír grásleppubátar sviptir leyfum
BÁTARNIR Hafdís HF 121, Marín
KE 149 og Valdís HF 169, sem eru
gerðir út frá Sandgerði, hafa verið
sviptir öllum leyfum til að stunda
fiskveiðar í fiskveiðilandhelginni frá
29. apríl til 8. maí.
„Bannið er sett á bátana vegna
brota á reglugerð um hrognkelsa-
veiðar. Þeir hafa verið að veiða þorsk
í grásleppunet,” segir Hilmar Bald-
ursson, lögfræðingur Fiskistofu.
Aðspurður um frekari aðgerðir segir
hann að það séu heimildir til þess
að hirða andvirði þess afla sem er
ólögmætur, en ekki hafi verið tekin
ákvörðun um það í þessu tilfelli.
Hann segir að það komi einnig
til greina að skrá á bátana fleiri
sóknardaga en þeir hafi farið á sjó.
Þegar bátar veiði í grásleppunet
nýti þeir ekki sóknardagana. Fái
þeir hinsvegar mikið af þorski í
grásleppunetin sé hægt að bæta
sóknardögum á þá. „Það er verið
að skoða það líka,“ segir hann.
Hilmar segir að fleiri mál af þessu
tagi séu í skoðun hjá Fiskistofu.
„Það er alveg hugsanlegt að fleiri
verði fyrir þessu,“ segir hann. „Það
verður varla neitt í næstu viku. Við
fylgjumst alltaf með veiðunum í
gegnum skráningarkerfí hjá okkur
og sjáum alveg hvaða bátar veiða
hvaða fisk og í hvaða veiðarfæri.
Ef ástæða er til förum við á staðinn
°g fylgjumst með.“