Morgunblaðið - 07.05.1996, Page 18

18 ÞRIÐJUDAGUR 7. MAÍ 1996
LANDIÐ
MORGUNBLAÐIÐ
Morgunblaðið/Bjöm Bjömsson
ELÍSA Kr. Arnardóttir, Kolbeinn Aðalsteinsson og Ingibjörg
Hanna Björnsdóttir sem veitti móttöku viðurkenningar fyrir
Kristínu Birgisdóttur, yst til hægri Rakel Gísladóttir.
Sýning á verk-
um grunn-
skólanemenda
Sauðárkróki - Viðurkenningar
voru afhentar sunnudaginn 21.
apríl fyrir bestu verkin sem bár-
ust í samkeppni Sjálfsbjargar,
landssambands fatlaðra, Þjóðfé-
lag án þröskulda, í Safnahúsinu
á Sauðárkróki. Um leið var opnuð
sýning á úrvali myndverka og
texta sem nemendur á Norður-
landi vestra, Vestfjörðum og
Vesturlandi höfðu unnið.
Sigurður Einarsson, fram-
kvæmdastjóri Sjálfsbjargar, bauð
gesti velkomna en síðan tók til
máls Snorri Bjöm Sigurðsson,
bæjarstjóri. Lýsti hann ánægju
með þessa glæsilegu sýningu og
einnig með þá ákvörðun félagsins
að fá börnin og unglingana til
liðs við sig í þeirri baráttu að
gera það samfélag sem við búum
í eins aðgengilegt fyrir fatlaða
og kostur er.
Þá flutti Anna Þórðardóttir,
formaður Sjálfsbjargar á Sauðár-
króki, ávarp og þakkaði þeim sem
þátt tóku í sýningunni og einnig
öllum þeim sem að málinu hefðu
komið. Formaður Landssam-
bands fatlaðra, Guðríður Ólafsd-
ótitr, tók því næst til máls og
gerði grein fyrir tilurð sýningar-
innar og afhenti að lokum viður-
kenningar fyrir bestu verkin en
þau hlutu: Elías Kr. Arnarsdóttir,
Húnavallaskóla, 1. verðlaun, Kol-
beinn Aðalsteinsson, Grunnskóla
Siglufjarðar, 2. verðlaun og
Kirstín Birgisdóttir, Húnavalla-
skóla, hlaut 3. verðlaun. Þá hlaut
Rakel Gísladóttir, Akraskóla, sér-
staka viðurkenningu fyrir mynd-
verk. Að lokum var gestum boðið
að skoða sýninguna.
í tengslum við opnun sýningar-
innar var haldinn aðalfundur
Skagafjarðardeildar Sjálfsbjarg-
ar, og voru gestir fundarins öll
aðalstjórn og framkvæmdastjóri
Landssambandsins. Stjórn
Skagafjarðardeildarinnar skipa:
Anna Þórðardóttir formaður, Ey-
mundur Þórarinsson varaformað-
ur, Lára Angantýsdóttir rjtari og
Branddís Benediktsdóttir gjald-
keri.
Texti Elísu Kr. Arnarsdóttiur
sem hlaut 1. verðlaun:
Hjólastóllinn er hækja fóta minna.
Hjólastóllinn er styrkur handa minna.
Hjólastóllinn er hafskip vona minna.
Hjólastóllinn er heimild tilveru minnar.
Hjólastóllinn er hátindur útsýnis míns.
Samt held ég í vonina, um að
losna úr honum.
Tíu til tólf ára
börn í tjáningu
Egilsstöðum - Tíu til tólf ára
börn úr barnastarfi þjóðkirkj-
unnar héldu nýlega mót á Eiðum.
Börnin voru frá Egilsstöðum,
Seyðisfirði og Neskaupstað og
héldu mótið í Kirkjumiðstöð
Austurlands og gistu eina nótt.
Þetta var lokapunktur yfir
TTT-starf vetrarins, sem þau
hafa sótt í kirkjuna sína í allan
vetur. Á mótinu undirbjuggu þau
samkomu, sem var svo haldin í
Egilsstaðakirkju, en þar tjáðu
þau boðskap Guðs i söng, dansi
og leik. TTT-starf þetta er rekið
í nokkrum kirkjum landsins og
byggist það upp á kristilegu
starfi, leikjum, söng og glensi.
Oskað eftir vegi um Þorskafjarðarheiði
Framtíðarstefna í vega-
málum verður mótuð
ÞINGMÖNNUM Vestfirðinga voru
afhentir undirskrifarlistar með ósk-
um 800 íbúa á norðanverðum Vest-
Qörðum um að lagður verði vegur
yfir Þorskafjarðarheiði í framhaldi
af byggingu Gilsfjarðarbrúar á
Fjórðungsþingi Vestfirðinga fyrir
skömmu. Einar K. Guðfinnsson,
fyrsti þingmaður Vestfirðinga og
formaður samgöngunefndar, segir
að niðurstaða fjórðungsþingsins
hafi verið að móta stefnu til fram-
tíðar í uppbyggingu vegamála á
Vestfjörðum. Fjórðungsþing Vest-
firðinga sitja fulltrúar allra sveitar-
félaganna á Vestfjörðum.
Einar sagðist sjálfur telja að nið-
urstaðan hafí verið skynsamleg.
„Mér fínnst ekki skynsamlegt að
hrapa að neinu fyrr en menn hafa
fyrir sér heildarmyndina. Skoða
þarf hagsmuni allra íbúa Vestfjarða
í heild. Menn þurfa að átta sig á
kostnaði við einstakar leiðir og
ákvörðun um a fara eina leið útilok-
ar i sjálfu sér aðra leið vegna þess
að við hljótum að þurfa að for-
gangsraða í þessum málaflokki eins
og öðrum,“ sagði hann og fram kom
að um endurskoðun stefnumótunar
um uppbyggingu vegamála frá ár-
inu 1976 yrði að ræða. Vinna færi
fram á þessu ári.
Aðrar hugmyndir
Einar sagði að akfær sumarveg-
ur lægi yfir Þorskafjarðarheiði og
augljóst að fé til að byggja veginn
yrði ekki hrist fram úr erminni.
Ekki mætti heldur gleyma því að
fleiri leiðir hefðu verið nefndar til
sögunnar. „Af öðrum kostum get
ég nefnt að róttækasta tillagan fel-
ur í sér að lögð verði áhersla á
svokallaða vesturleið eða leiðina úr
Dýrafirði, í Arnarfjörð, þaðan yfir
Dynjandisheiðina og á Barðaströnd-
ina, um Austur-Barðastrandarsýslu
og í Gilsfjörð.
Síðan hafa t.d. verið hugmyndir
um að tengja Austur-Barðastrand-
arsýslu og Strandasýslu með vegi
um Arnkötludal og Gautsdal og
nota áfram veginn um Steingríms-
fjarðarheiði," sagði hann og tók
fram að hvorug hugmyndin og
reyndar heldur ekki hugmyndin um
að leggja veg um Þorskafjarðar-
heiði væri inná núverandi vegaáætl-
un.
Hann minnti á að mönnum væri
ljóst að um langtímaferli væri að
ræða. Huga þyrfti að því hvaða
kostir væru í boði, gera kostnaðar-
áætlanir, kanna hvaða tæknilegu
möguleikar væru fyrir hendi og
taka að lokum ákvörðun. Umferð
verður hleypt yfir Gilsfjarðarbrúna
haustið 1997. Síðan verður lokið
við brúna með bundnu slitlagi á
árinu 1998.

Morgunblaðið/Ágúst Blöndal
HÓPURINN sem brautskráðist.
| ' • 'm / WM % ; §g| , , f -m/g/kág | j í \ -fj/ {SjSBjjt&T' ri •
í . at IK l " l 'fK [ ‘ f

Morgunblaðið/Anna Ingólfsdóttir
TÍU til tólf ára börn úr kirkjustarfi á Austurlandi með eigin samkomu í Egilsstaðakirkju.
Brautskráð eftir
fjarnám
Neskaupstað - Nú á dögunum
brautskráðust 16 framhalds-
skólakennarar eftir að hafa
stundað fjarnám í uppeldis- og
kennslufræðum frá Kennara-
háskóla íslands sl. þrjú ár.
25 nemendur hófu þetta nám
sem byrjaði upphaflega í tengsl-
um við Farskólann á Austur-
landi. Tveir hafa hætt og sjö
verða brautskráðir í sumar.
Kennslan hefur farið fram í
Neskaupstað, á Reyðarfirði og
Egilsstöðum og einnig fyrir
sunnan. Kennararnir sem út-
skrifuðust eru flestir af Austur-
landi en einnig af Norður- og
Suðurlandi.
Nokkur ávörp voru flutt við
brautskráninguna og kom fram
mikil ánægja heimamanna með
það framtak Kennaraháskólans
að flytja námið heim í hérað.
Viðstaddir þáðu að lokinni
brautskráningu kaffiveitingar í
boði bæjarstjórnar Neskaup-
staðar.