Morgunblaðið - 07.05.1996, Qupperneq 26

26 ÞRIÐJUDAGÚR 7. MAÍ 1996
LISTIR
MORGUNBLAÐIÐ
EITT fiðrildanna á sýningunni.
FIÐRILDI
Verk níu
myndlist-
armanna
OPNUÐ hefur verið sýning á verk-
um níu myndlistarmanna. Sýningin
er haldin í Kosningamiðstöð Ólafs
Ragnars Grímssonar að Hverfis-
götu 33 Reykjavík.
í kynningu segir: „Sýningin er
nýstárleg að því leyti að hún mun
standa þar tii úrslit kosninganna
verða kunn og munu sífellt fleiri
listamenn bætast í hóp sýnenda
allan þann tíma. Almenningi gefst
hér kærkomið tækifæri til að skoða
verk nokkurra helstu myndlistar-
manna þjóðarinnar.
Um þessar mundir sýna í mið-
stöðinni eftirtaldir myndlistarmenn:
Gunnar Örn Gunnarsson, Sigurður
Örlygsson, Lísbet Sveinsdóttir,
Guðbjörg Lind, Þórir Bardal, Hall-
steinn Sigurðsson, Jón Axel, Sólrún
Guðbjörnsdóttir og Sverrir Ólafs-
son.
Þeir sem næst bætast í hópinn
eru: Birgir Andrésson, Hulda Há-
kon, Kristinn Hrafnsson og Jón
Óskar.“
Gail flísar

51?
Stórhöfða 17, við Gullinbrú,
sími 567 4844
MYNDLIST
iVl o k k a
TÖLVUGRAFÍK
Tómas Ponzi. Opið á tíma veitinga-
stofunnar til 9. maí. Aðgangur
ókeypis.
FIÐRILDI sem ber við himin og
grómögn jarðar eru marvísleg í
lögun og lit, svo sem allir vita sem
auga hafa fyrir gangi náttúrunnar
að sumarlagi. Fátt er litskrúðugara
né gleður hrifnæma sál meira en
þessar marglitu duggur er sigla í
lofti og uppstreymi, eru stundum
gagnsæjar líkt og regnboginn,
sjálflýsandi himinstigi og himna-
tjöld rauð, blá, gul og græn.
Þetta fyrirbæri ævintýrisins hef-
ur Tómas Ponzi upplifað og endur-
gert í tölvugrafík og sýnir afrakst-
ur iðju sinnar á fyrstu einkasýn-
ingu sinni sem fer fram á veggjum
Mokka. Hann hefur fengist við
myndlist og ýmislegt tengt mynd-
sköpun eins og það heitir, stundað
nám við Háskóla íslands 1981-83
og við Myndlista- og handíðaskóla
Islands 1985-86, starfar nú sem
sjálfstæður verktaki aðallega á
sviði tölvunarfræði.
Sumir safna fiðrildum, þurrka
og eiga dágott safn sem er til prýði
og yndisauka á heimilum þeirra,
en nú er mögulegt að endurgera
þau á tölvu. Þótt vel sé gert, jafn-
vel afburða vel, verður útkoman
þó trauðla nokkurn tíma jafnfull-
komin og náttúran sjálf býður upp
á. Það er margræð fjölbreytni sem
ber fyrir augu á sýningunni auk
þess sem hvert og eitt fiðriidið
hefur hlotið nafn og mun hér að
verki ímyndunarafl barna gerand-
ans þeirra Guðrúnar Theodóru og
Gabríels Ponzi. Dæmi: Viðkvæma-
fiðrildi, Demantafiðrildi, Ljósfiðr-
ildi, Leikhúsfiðriidi, Skítugafiðrildi,
Ömmufiðrildi, Drekafiðrildi,
Ástríðufiðrildi, Spákonufiðrildi,
Riddarafiðrildi, Platfiðrildi...
Þetta er óvenjuleg sýning og
nálgaðist ég hana satt að segja
með hálfum huga, því oftar en
ekki verður maður fyrir vonbrigð-
um á sýningum á tölvugrafík. Lit-
irnir eru allajafna einhvern veginn
svo óeðlilegir og ójarðneskir og
blandast allt öðruvísi en t.d. á lita-
spjaldinu.
En það er skemmst frá að segja,
að ég varð ekki fyrir vonbrigðum
og réði þar lit- og formræn íjöl-
breytni, en maður verður aldrei
þreyttur af að dást að samræminu
1 litrófi fiðrilda. Hér er falinn mik-
ill lærdómur fyrir listnema og
raunar alla þá sem leggja fyrir sig
listir hveiju nafni sem þær nefnast
og þá ekki síst húsagerðarlist.
Hugmyndir að mörgum fegurstu
byggingum heims hafa iðulega
verið sóttar til slíkra fyrirbæra
náttúrunnar frekar en fræðirita,
reglustrikunnar og teikniborðsins.
Hve hægt er að gefa slíku háa
einkunn sem list átta ég mig ekki
á ennþá, en ég hafði óskipta
ánægju af skoðun sýningarinnar
og held þangað vissulega aftur til
að leitast við að átta mig betur.
Bragi Asgeirsson

Hvert er hlvtverk
frjálsra félagasamfaka
I samfélaginu?

MANNRETTINDASKRIFSTOFA
ÍSLANDS
Mannréttindaskrifstofa íslands ásamt aðildarfélögum:
Amnesty International, íslandsdeild, Barnaheill, Biskupsstofa, Hjálparstofnun kirkjunnar, jafnréttisráð,
Kvenréttindafélag íslands, Rauði kross íslands og UNIFEM
boðar til ráðstefnu 13.-15. júní 1996 um hlutverk frjálsra félagasamtaka í samfélaginu.
Dagskrá
13. JÚNÍ NORRÆNA HÚSIÐ
Kl. 17.15 Setning: Margrét Heinreksdóttir,
formaður stjórnar Mannréttindaskrifstofu íslands
Erindi: Birgit Lindsnæs,
aðstoðarframkvæmdastjóri Mannréttindaskrifstofu Danmerkur
og Ásmundur Stefánsson, framkvæmdastjóri fslandsbanka
14. JÚNÍ VIÐEY
Kl. 9.00 Farið frá Sundahöfn
9.45 Starf í vinnuhópum:
Vinnuhópur I Félög sem starfa að mannúðarmálum
Vinnuhópur II Félög sem berjast fyrir réttindum einstaklinga
Vinnuhópur III Félög sem berjast fyrir réttindum hópa
Virmuhópur IV Stjórnmálafélög og verkalýðsfélög
Kl. 18.00 Farið til Reykjavíkur
15.JÚNÍ NORRÆNA HÚSIÐ
Kl. 9.30 Niðurstöður vinnuhópa kynntar - umræður
Samantekt
Kl. 12.00 Ráðstefnuslit
Ráðstefnustjóri: Elsa S. Þorkelsdóttir, framkvæmdastjóri Jafnréttisráðs
Ráðstefnan er opin fulltrúum félaga og félagasamtaka og tilkynnist þátttaka til Mannréttindaskrifstofu
íslands í síma 552 2720 eða með símbréfi í 552 2721 fyrir 15. maí. Þátttökugjald kr. 9.500.
FeHio“' BISKUPSSTOFA 2_S
cnr *
Skrifstofa jafnréttismála
Jafnréttisráð Kaeruncfnd jafnréttismála

Bamaheill hjálparstofnun
ketewUo. th@ Children
KIRKJUNNAR
KVENRÉTTINDAFÉLAG
ÍSLANDS UNIFEM Á ÍSLANDI
Unglingurinn
og umheimurinn
BÆKUR
Unglingsárin
II A N D B Ó K
Fyrir foreldra og unglinga eftir
Elizabeth Fenwick og dr. Tony
Smith. Þýdd af Kolbrúnu Baldurs-
dóttur, Kristlaugu Sigurðardóttur,
Mími Völundarsyni og Sigríði Björns-
dóttur. Ljósmyndir: Barnabas Kind-
ersley og Lárus Karl Ingason. Útgef-
andi Forlagið 1996.
Á SÍÐUSTU árum hefur komið
í ijós að ýmis vandamál sem við
héldum í sakleysi okkar að hér
væru sjaldséð hafa því miður náð
að skjóta rótum. Einelti og erfiðleik-
ar, ofvirkni og ofbeldi, vanræksla
og vímuefni eru hluti af veruleika
alltof margra íslenzkra barna og
unglinga. Sigið hefur á ógæfuhlið-
ina hvað þetta varðar síðustu ára-
tugi, og má líklega kenna því um
að heimilið er ekki lengur sá horn-
steinn í íslenzku samfélagi, sem
nauðsynlegt er ungnm og ómótuð-
um sálum. Einkum virðist um að
kenna vaxandi atvinnuþátttöku
kvenna í kjölfar menntunar og
metnaðar til þess að standa sig til
jafns við karla. Sá metnaður hélzt
í hendur við vanvirðu sem heima-
vinnandi húsmæðrum hefur verið
sýnd, einkum af konum af minni
kynslóð og er þar margt óuppgert.
Bók sú, sem hér er til umfjöllun-
ar, tekur á mörgum þeim vandamál-
um, sem verða á vegi ungs fólks í
uppvextinum og í henni er reynt á
skilmerkilegan hátt og með nær-
gætni að veita leiðsögn með dæm-
um og skýringum.
Bókin er fremur óvenjulega
byggð upp, þannig að í upphafi
þurfa höfundar að skýra, hvernig
nálgast skuli textann. Hvítar síður
eru einkum ætlaðar foreldrum, en
biár texti unglingum. Samtöl, um-
ræður og gráir rammar, tilvitnanir,
töflur og surningalistar koma þar
til viðbótar. í raun er þetta ekkert
flókið þegar maður fer að lesa bók-
ina en gæti fælt einhverja frá við
fyrstu sýn.
Fyrsti hlutinn fjallar um tímamót
unglingsáranna, og þá einkum lík-
amsþroska og það að vaxa úr grasi.
Næsti hluti heitir „Að læra að búa
saman", og eins og nærri má geta
er þar einkum að finna umræðu
um samskipti innan fjölskyldu,
skýringar fyrir foreldra á hegðun
ungmenna og fyrir unglinga á við-
horfi foreldra. í heild er sá kafli
lýsandi dæmi um jákvæða afstöðu
höfunda til ungs fólks. Þriðji hluti
nefnist „Unglingurinn og umheim-
urinn“, og þar leynist fróðleikur um
samskipti unglinga við aðra en fjöl-
skyldumeðlimi, vini, kunningja,
rætt er um félagslíf og frítíma,
skólann, kynlíf á unglingsárum og
vináttuna. Lokaþátturinn heitir svo
„Unglingar í vanda“. Þar er meðal
annars að finna fróðleik um fjöl-
skyldur í vanda, tilfinningar fólks
og hegðun, og loks nokkur vísdóms-
orð um sjúkdóma og heilsu á ungl-
ingsárum.
Mér finnst það galii á annars
prýðilegri bók að ekki skuli vera
veittar neinar upplýsingar um höf-
undana. Það eina sem fram kemur
er að þau tileinka níu börnum sínum
bókina. Margar góðar Ijósmyndir
prýða bókina, úr ensku útgáfunni
en einnig hefur verið bætt inn
nokkrum íslenzkum. Ég hnaut ekki
sérstaklega um neitt í þýðingunni
og er þó fremur hrasgjörn. Af
hveiju þýðendur eru svona margir
veit ég ekki, en þar sem textinn
er ekki samfelldur kemur það ekki
að sök.
Katrín Fjeldsted.