Morgunblaðið - 29.06.1996, Qupperneq 41

MORGUNBLAÐIÐ
LAUGARDAGUR 29. JÚNÍ 1996 41
AÐSEIMDAR GREIIMAR • FORSETAKJÖR
Auglýsingar
og greinar
MENN rita greinar
í ákveðnum tilgangi.
Undanfarið hefur birst
fjöldi greina um fram-
bjóðendur til embættis
forseta íslands. Tíund-
uð hafa verið verk
þeirra og starfsfortíð.
I þessari umfjöllun hef-
ur einn frambjóðand-
inn haft sérstöðu, sem
er Ólafur Ragnar
Grímsson, en starfsf-
ortíð hans og starfsfer-
ill er þess eðlis að
mörgum þykir orka
nokkuð tvímælis, svo
vægt sé til orða tekið.
Ymsir greinarhöf-
undar hafa kveðið nokkuð fast að
orði og talið ekkert ofsagt, telja að
af nógu sé að taka. Þessi upprifjun
hefur markað umræðuna í samræmi
við stjórnmálaferil frambjóðandans.
Væri hann ekki í framboði myndi
þessi kosningabarátta lítt frábrugð-
in kosningabaráttunni 1980. Sú
barátta markaðist ekki af umdeild-
um stjórnmálaviðhorfum eða stjórn-
unar-ákvörðunum frambjóðend-
anna. Því komu „beinagrindur úr
kjallaranum“ þá ekkert við sögu
né annarleg sjónarmið í stjórnmál-
um sem stönguðust harkalega á við
vestræn siðferðisgildi íslensku þjóð-
arinnar.
Með þátttöku eins frambjóðand-
ans í kosningabaráttunni skjóta
þessi annarlegu sjónarmið upp koll-
inum, þótt svo hlálega sé um búið
að reynt sé á allan hátt að fela þau
hin sérstæðu sjónarmið og lífsskoð-
un viðkomandi.
Nú hefur það gerst að lauslegt
úrtak úr ýmsum greinum og upp-
rifjun staðreynda
starfsfortíðar Ölafs
Ragnars Grímssonar
hefur birst sem auglýs-
ing á síðum Morg-
unblaðsins 27. og 28.
þ.m. Staðreyndirnar
eru taldar upp í mjög
knöppu formi og fylgir
krossapróf fyrri aug-
lýsingunni. I þessum
auglýsingum er þjapp-
að saman inntaki úr
Ú’ölda greina, úrtak
eins og áður segir. Vel
gerðar auglýsingar,
stuttar og aðalatriðin
afmörkuð og kom
skýrt fram.
Það er þakkarvert að heimildir
séu birtar á þennan hátt, auðlæsar,
auðskildar öllum lesendum.
Viðbrögðin við þessu formi aug-
lýsinga voru mjög ákveðin frá
„frambjóðandanum". Og ástæðan
var sú að fé var greitt fýrir auglýs-
inguna og sagt jafnframt að nú
ætluðu „auðmenn“ að kaupa Bessa-
staði. Þetta eru dæmigerð viðhorf
kommúnista hér fyrr á árum til
hins illa auðvalds, sem þeir svo
nefndu. Slíkir menn máttu helst
ekki koma skoðunum sínum á fram-
færi. Þessvegna þessi viðbrögð
„frambjóðandans". Það er ekki
beinlínis efni auglýsinganna sem fer
fyrir brjóstið á stuðningsmönnum
frambjóðandans heldur það að
greitt var fyrir birtingu auglýsing-
arinnar. „Auðvaldið" á sannarlega
þakkir skilið fyrir þessar ágætu og
skýru auglýsingar.
SIGLAUGUR BRYNLEIFSSON
Höfundur cr rithöfundur.
Siglaugur
Brynleifsson
Áfram Guðrún!
- Afram Island!
ÞAÐ HEFUR vakið
hjá mér blendnar til-
finningar að fylgjast
með kosningabaráttu
forsetaframbjóðend-
anna undanfarið. Það
sem stendur upp úr er
annars vegar heillandi
málflutningur Guðrún-
ar Agnarsdóttur og
hins vegar sá neikvæði
málflutningur sem
kemur fram hjá stuðn-
ingsmönnum Ólafs
Ragnars Grímssonar
og Péturs Hafstein,
þ.e. að reyna að skerpa
pólitískar andstæður
og koma kosningabar-
áttunni þar með á vettvang hinnar
hversdagslegu stjórnmálabaráttu.
Þar fyrir utan eru svo flugeldasýn-
ingar Ástþórs Magnússonar.
Ég hef þekkt Guðrúnu Agnars-
dóttur í áratugi. Hún hefur ríka
persónutöfra, sem lætur engan
ósnortinn við fyrstu kynni. Þrátt
fyrir það er hún samt sem áður ein
af þeim sem vaxa stöðugt við frek-
ari kynni. Kemur þar allt til, ein-
stæð fágun, skörp greind og rík
réttlætiskennd. Það er því ekki að
undra, að allsstaðar þar sem Guð-
rún hefur farið og hitt fólk hefur
hún sópað að sér fylgi.
Síðustu dagana hefur verið sorg-
legt að fylgjast með þeirri umræðu,
þeim andlýðræðislega hugsunar-
hætti, að fjölmargir kjósendur virð-
ast ekki ætla að kjósa þann forseta-
frambjóðanda sem þeir vildu helst
sjá á forsetastóli, heldur kjósa gegn
einhverjum öðrum, þ.e. að reyna
að koma í veg fyrir að
einhver ákveðinn
frambjóðandi nái kjöri.
Mér finnst þetta and-
lýðræðislegur hugsun-
arháttur og reyndar
hugsunarháttur sem er
beinlínis hættulegur
lýðræðinu. Við verðum
að vera manneskjur til
þess að standa við
sannfæringu okkar,
kjósa þann sem við
teljum hæfastan og
taka síðan hinni lýð-
ræðislegu niðurstöðu.
Engin önnur sjónarmið
eiga að ráða afstöðu
okkar.
Með þessum örfáu orðum vil ég
hvetja ykkur kjósendur til að flykkj-
ast um Guðrúnu Agnarsdóttur. Lát-
ið ekki henda ykkur að greiða at-
kvæði gegn einhveijum forseta-
frambjóðanda, greiðið atkvæði með
þeim sem þið teljið hæfastan. fs-
lenska þjóðin þarf síst á því að
halda að andstæður verði skerptar
í stjórnmálabaráttunni og allra síst
má hún við því að embætti forseta
íslands verði leiksoppur pólitískra
átaka. Það hefur margoft komið
fram að Guðrún Agnarsdóttir er sá
forsetaframbjóðandi sem enginn
hefur andúð á og sá sem allir hríf-
ast af, sem henni kynnast.
Flykkjum okkur því um Guðrúnu
Agnarsdóttur.
Áfram Guðrún! - Áfram ísland!
GÍSLIG. AUÐUNSSON
Höfundur er læknir á Húsavík.
Gísli G.
Auðunsson
í DAG göngum við
íslendingar til forseta-
kosninga. Hvert at-
kvæði skiptir máli, því
það skiptir miklu máli
hver gegnir embætti
forseta Islands. Góður
forseti sameinar þjóð-
ina, er henni fyrir-
mynd og er málsvari
íslenskra hagsmuna
heima og heiman.
Kosningabaráttan
hefur undir það síð-
asta harðnað talsvert
og hafa stuðnings-
menn tveggja fram-
bjóðenda tekist á, nú
síðast með heilsíðuauglýsingum í
Morgunblaðinu. 'Ýmsir hafa haft á
orði, að þeir styðji Pétur til þess
að fella Ólaf, eða þá að þeir kjósi
Ólaf af því að þeir vilji ekki Pét-
ur. En æ fleiri hafa séð þriðja
möguleikann: Að sameinast um
Guðrúnu Agnarsdóttur og velja
forseta, sem öll þjóðin getur verið
stolt af.
Sameinumst um forseta
Við íslendingar höfum átt því
láni að fagna, að eiga forseta sem
öll þjóðin hefur getað sameinast
um. Ég var of ung til að kjósa
Vigdísi Finnbogadóttur á sínum
tíma, en hún hefur unnið sér vin-
sældir og virðingu þjóðarinnar
allrar.
Ég minnist þess sérstaklega
þegar ég var viðstödd afhjúpun
styttu við Glaumbæ í Skagafirði
fyrir um tveimur árum. Þar var
Vigdís viðstödd og
hún hreif alla með
hlýlegri og tilgerðar-
lausri framkomu
sinni. Hún átti jafn
auðvelt með að spjalla
við bændur, börn,
gamalmenni og ferða-
menn úr Reykjavík,
eins og sýslumann eða
prest. Allir, sem ég
ræddi við þennan dag,
voru sammála um, að
þannig ætti góður for-
seti að vera.
Sama hlýja og til-
gerðarleysi einkennir
Guðrúnu Agnarsdótt-
ur og eiginmann hennar, Helga
Valdimarsson. Guðrún hefur vakið
athygli og aðdáun fólks fyrir mál-
efnalega og drengilega kosninga-
baráttu. Hún hefur vakið máls á
ýmsum mikilvægum málum, sem
hlotið hafa hljómgrunn hjá öðrum
forsetaframbjóðendum og þjóðinni
allri. Guðrún hefur meðal annars
bent á, að það eru mannréttindi
að geta lifað af dagvinnulaunum
og að forseti íslands þurfi að vera
málsvari mannréttinda, friðar og
umhverfismála hérlendis sem er-
lendis.
Málflutningur Guðrúnar Agn-
arsdóttur er meira en innantóm
kosningaloforð, því hún hefur unn-
ið hugsjónum sínum brautargengi
árum saman. Á Alþingi flutti Guð-
rún meðal annars frumvörp og
þingsályktunartillögur um
menntamál, fíkniefnamál, mann-
réttindamál og friðarmál, enda var
hún ein af virtustu þingmönnum
þjóðarinnar á sínum tíma.
Möguleikarnir eru miklir
Að mörgu leyti minna þessar
kosningar á forsetakosningarnaY
fyrir sextán árum, þegar Vigdís
Finnbogadóttir var kjörin þjóð-
höfðingi. Viku fyrir kosningar
mældist fylgi hennar fyrir neðan
fylgi Guðlaugs Þorvaldssonar, en
á einni viku snerist fjöldi fólks á
sveif með henni og hún sigraði.
Miklar sveiflur hafa orðið á fylgi
frambjóðenda þessa síðustu viku
fyrir kosningar og hefur fylgi
Guðrúnar verið í mikilli uppsveiflu.
Tala sumir um „Vigdísarsveiflu"
þegar rætt er um hástökk Guðrún^
ar í skoðanakönnunum undanfar-
ið.
Margir spáðu því að fyrrum
stuðningsmenn Guðrúnar Péturs-
dóttur myndu kjósa Pétur, en þess
í stað hefur stór hluti þeirra ákveð-
ið að kjósa Guðrúnu Agnarsdótt-
ur. Ekki er lengur marktækur
munur á fylgi Guðrúnar og Péturs
í skoðanakönnunum, en á meðan
Guðrún er á mikilli uppleið stendur
Pétur í stað. Því eru möguleikar
Guðrúnar á sigri miklir og hvert
atkvæði skiptir máli í því sam-
bandi.
Margir sem ætluðu að kjósa
Ólaf af því að þeir er vildu ekki
Pétur eða öfugt hafa einnig hætt
við að taka þátt í skítkastinu og
ákveðið að kjósa Guðrúnu Agnars-
dóttur. Atkvæði greitt Guðrúnu
er atkvæði greitt sameiningu og
sátt þjóðarinnar. Ef Guðrún Agn-
arsdóttir sigrar í þessum forseta-
kosningum er það ekki eingöngu
sigur hennar og þeirra hugsjóna
sem hún hefur barist fyrir, heldur
sigur þjóðarinnar allrar.
SVALA JÓNSDÓTTIR
Höfundur er deildarstjóri.
Vinnum sigur
með Guðrúnu
Svala
Jónsdóttir
Kristinn forseta
ÉG ER ein áf þeim sem höfðu
hugsað sér að styðja Ólaf Ragnar
í komandi kosningum, þó ég hafi
aldrei aðhyllst hans stefnu. Sem
betur fer rifjuðust upp fyrir mér
orð hans og athæfi sl. ára og hvað
ég hef alla tíð átt bágt með að
þola hann og var því fljót að skipta
um skoðun. Ég hafði hreinlega
gleymt hans fortíð,’þar sem hann
hafði verið það lengi í hálfgerðum
feluleik.
Eins og margir aðrir hef ég
Þórdís
Sigurðardóttir
beðið eftir því svari frá Ólafi hvort
hann trúi á Guð. Þessi læti vegna
trúarskoðanna hans eru orðin að
báli, sem hann einn getur slökkt
með því að svara þessari spurn-
ingu. Er nokkuð auðveldara og
eðlilegra fyrir kristna manneskju
en að segja þessi fjögur orð: _„Ég
trúi á Guð.“ Þessi orð virðist Ólaf-
ur Ragnar ekki geta sagt og bland-
ar inn í umræðurnar erfiðum tím-
um úr lífi sínu úr æsku. Hann
þurfti hreinlega að svara, allt ann-
að kom málinu hreint ekkert við.
Það var ekki verið að spyija um
ástæðuna fyrir trúnni.
Bágt á ég með að trúa því að
íslendingar vilji forseta sem segir
Guð almáttugan ekki vera til, ef
svo er^ hvað er þá orðið um trú
okkar Islendinga. í Morgunblaðinu
12. júní sl. lýsti séra Gunnar
Björnsson prestur stuðningi sínum
við Ólaf Ragnar, hann sem prestur
gerir ekki einu sinni þessar kröfur
til hans. Ég segi nú bara, hvað
er að gerast? Það er kannski ekk-
ert skrýtið hvernig komið er fyrir
þjóðkirkjunni, ef ekki er gerð sú
krafa að verndari þjóðkirkjunnar
viðurkenni Guð almáttugan skap-
ara himins og jarðar.
Það er von mín að við íslending-
ar fáum kristinn forseta og dreng
góðan og því styð ég Pétur Haf-
stein.
Guð veri með íslenskri þjóð. ]
ÞÓRDÍS SIGURÐARDÓTTIR.
Höfundur er skrifstofustjóri.
REIKI-HEILUNAR og
SJÁLFSTYRKINGAR-
NÁMSKEIÐ í REYKJAVÍK
9.-11. júlí l.'stig kvöldnámskeið
13.-14. júlí 1. stig helgarnámskeið
15.-17. júlí 2. stig kvöldnámskeið
(aðeimfyrírþá sem hafa hqft 7. stig
\ minnst 3 nmnuði)
KYNNINGARFUNDUR
Norræna húsinu 3. júlí kl. 20:30
Þar sem reikinámskeiðin verða kynnt,
Einnig verðtirþar kynnt nýtt bugrœktar og bamingju tiámskeið
sem byggir á nýrri aðferð sem er fyrsta sinn kennd í
Reykjavík. Þarna er um að ræða mjög svo áhrifaríka *.
aðferð til að bæta líf sitt og líðan. Hentar vel þeim sem eru
tilbúnir að leggja eitthvað á sig til að bæta líf sitt og líðan.
Tilvalið fyrir þá sem hafa þegar gert eitthvað í málinu og
vilja meira. í lok þessara námskeiða staðfesta þátttakendur
hamingjusamning við sjálfan sig.
AÐGANGUR ÓKEYPIS.