Morgunblaðið - 11.07.1996, Blaðsíða 10
■ 10 ' FIMMTUDAGUR 11. JÚUÍ 1996
MORGUN-BLAÐIÐ
FRÉTTIR
Forsætisráð-
herra á ferð
um Langanes
Þórshöfn. Morgunblaðið.
Langanesið skartaði sínu fegursta
sumarveðri þegar félagar úr sjálf-
stæðisfélagi Þórshafnar og ná-
grennis fjölmenntu þangað ásamt
gestum sínum. Tilefni fararinnar
var heimsókn Davíðs Oddssonar,
forsætisráðherra og Ástríðar Thor-
arensen, konu hans. Meðal gesta
voru einnig Halldór Blöndal og
Tómas Ingi Olrich ásamt frú.
Langanesið er ein af náttúruperl-
um íslands og þangað leggur ferða-
fólk leið sína í síauknum mæli,
þrátt fyrir seinfarinn og grýttan
jeppaveg. Hinn nýi Hummer bíll
björgunarsveitarinnar Hafliða
reyndist vel á þeirri leið svo ágæt-
Iega fór um gesti á leiðinni.
Fuglalíf er afar fjölskrúðugt á
Langanesi og eitt af meginsérkenn-
um þess. Mikil eggjatekja er í
björgunum sem nýtt er enn í dag
þó ekki sé hún jafnmikilvæg lífs-
björg og fyrr á tímum. Stærsta
kríuvarp landsins var við bæinn
Skoruvík en lagðist algjörlega niður
þegar bærinn fór í eyði árið 1978.
Eitt af fyrstu
frystihúsum landsins
Merkar minjar frá gamalli tíð
finnast á Langanesi og á Skálum
var eitt sinn verstöð og eitt af
fyrstu frystihúsum landsins var
byggt þar. Árið 1924 voru 117
manns heimilisfastir á Skálum en
íbúatalan tvöfaldaðist á sumrin
þegar vertíðarfólk kom á sumar-
vertíð. Óli Ægir Þorsteinsson , bor-
inn og barnfæddur Langnesingur,
var leiðsögumaður í ferðinni og
lýsti á lifandi hátt liðnum atburðum
og býlum þar sem áður var blómleg
byggð.
Þetta er í fyrsta sinn sem Davíð
Oddsson og Ástríður kona hans
koma á Langanes og höfðu þau að
eigin sögn mikla ánægju af heim-
sókninni á þetta sérstæða lands-
svæði. Margt er að sjá frá liðnum
tíma og má nefna leifar af belgísk-
um togara sem strandaði rétt við
Læknesstaði árið 1956 í svarta-
þoku. Mannbjörg varð þá því varð-
skip bjargaði allri áhöfninni. Fleiri
minjar um erlenda sjómenn er að
finna en skammt frá bænum Skoru-
vík stendur kross sem minnisvarði
um 11 enska sjómenn sem komust
á land eftir að skip þeirra strandaði
snemma á nítjándu öld. Aftakaveð-
ur var og urðu mennirnir úti aðeins
1 km frá bænum Skoruvík, að und-
anskildum skipstjórarfum sem einn
komst lífs af.
fugla niðaði í ægidjúpum Langa-
nesbjarganna. Menn og konur
gleymdu sér um stund í þessari
veröld meðan nestið var snætt úti
í guðsgrænni náttúrunni, fjarri
hinu daglega amstri. Gestirnir af-
þökkuðu gott boð um að síga í
björgin að þessu sinni - kannski
næst!
Eftir að hafa gengið um gömlu
rústirnar á Skálum var tími kominn
til heimferðar og það stóðst á end-
um þvi grá þokan beið þá ekki
boðanna og loppur hennar læddust
inn nesið þegar ferðafólkið hafði
kvatt staðinn.
Langanesfuglinn
Á Hótel Jórvík beið hátíðarkvöld-
verður gestanna og sagði Davíð
Oddsson að þar væri ekki í kot vís-
að. Létt var yfir fólki eftir góðan
dag og lýstu forsætisráðherrahjónin
ánægju sinni með skemmtilega og
fróðlega ferð. Við lok borðhalds var
hjónunum afhent sérstæð gjöf frá
sjálfstæðisfélaginu hér - táknræn
fyrir Langanesið. Gjöfin var fugl í
lögun eins og Langanesið, handunn-
inn úr blágrýti frá Langanesfjörun-
um pg er fuglinn hannaður af Krist-
ínu Öldu Kjartansdóttur á Þórshöfn.
Hjónin Davíð og Ástríður kunnu vel
að meta þessa táknrænu gjöf og
verður fuglinn þeim traustur minn-
isvarði um heimsóknina á Langanes.
DAVÍÐ Oddsson forsætisráðherra og eiginkona hans, Ástríður
Thorarensen, séð í gegnum gluggaop á gömlum húsarústum á
Skálum, en þar var verstöð áður fyrr og eitt af fyrstu frystihús-
um landsins var byggt þar.
Veðurblíðan lék við ferðalangana
og hljómkviða frá þúsundum bjarg-
Morgunblaðið/Líney Sigurðardóttir
HÓPURINN gægist fram af bjargbrúninni á Langanesbjörgum..
Endurskoðun
skaðabótalaga
Nefnd
skipuð
fljótlega
VERIÐ er að undirbúa skipan nefnd-
ar sem á að vinna að heildarendur-
skoðun skaðabótalaga og á nefndin
að skila af sér fyrir haustið 1997.
Að sögn Þorsteins Pálssonar
dómsmálaráðherra er gert ráð fyrir
að nefndin taki fljótlega til starfa en
í henni munu væntanlega eiga sæti
þrír menn. „Við erum að vinna í því
að skipa nefndina en það er ekki
alveg frágengið hveijir fara í hana,“
sagði Þorsteinn.
Hann sagði að nefndin myndi
væntanlega reyna að meta reynsluna
af þeim breytingum sem orðið hafa
á skaðabótalögunum, en síðastliðið
vor var gerð sú breyting á lögunum
að svonefndur margföldunarstuðull,
sem mælir fjárbætur vegna örorku,
var hækkaður úr 7,5 í 10 frá og
með 1. júlí síðastliðnum.
----» ♦ «--
Útsölur
hefjast í
Kringhmni
FLESTAR verslanir í Kringlunni
hefja sumarútsölur í dag. Dæmi eru
um allt að 70% afslátt, segir í frétt
frá Kringlunni.
Við Kringluna eru um 2.000
ókeypis bílastæði fyrir viðskiptavini.
Einnig er í boði barnagæsla. Ævin-
týra-Kringlan er á 3. hæð en þar
geta börn frá 2-8 ára aldri leikið
sér á meðan foreldrar versla. Sumar-
útsölutímabil verslana í Kringlunni
stendur yfir frá 11. júní til 17. ágúst.
----«------
Skógarferð
í Hafnarfirði
FARIÐ verður í skógarferð á vegum
Skógræktarfélags Hafnaríjarðar í
kvöld og lagt upp frá Gróðrarstöð-
inni á Húshöfða klukkan átta.
Gengið um skógræktarsvæðið þar
og við Hvaleyrarvatn og ýmsum fróð-
leiksmolum miðlað um það, sem þar
er að sjá. Gróskan á þessu suinri
hefur verið með eindæmum og þau
stakkaskipti náttúrunnar, sem orðið
hafa við Hvaleyrarvatn og víðar,
gefa góða hugmynd um hvernig
umhverfi Hafnarfjarðar mun verða í
framtíðinni. Félagar í Skógræktarfé-
laginu og aðrir eru hvattir til að
mæta í kvöld en önnur skógarganga
verður 8. ágúst nk. Verður þá geng-
ið í Skólahvamm í Undirhlíðum.
Opið hús í dag frá kl. 17-19
Viðarrimi 3
Komdu og skoðaðu nýtt steinsteypt íslensk hús.
Fullbúið að utan og rúmlega tilbúið undir tréverk að
innan.Minni hús 153 fm stærri hús 163 fm allt á einni
hæð innbyggður bílskúr. Húsin afhendast fullbúin að
utan fokheld að innan eða lengra komin allt eftir
óskum kaupanda. Verö frá kr. 8.160.000.-
SÍMI 5625722-FAX 5625725
BORGARTÚN 24
Til sölu í Hafnarfirði
Álfaskeið 98: Góð 2ja herb. íbúð 58 fm á 1. hæð í fjöl-
býlishúsi. Parket. Bílskúr. Verð aðeins 5,3 millj.
Miðvangur 41: 57 fm falleg 2ja herb. íb. á 3. hæð í
lyftuhúsi. Ekkert áhv. Laus strax. Verð 5 millj.
Árni Gunnlaugsson hrl.,
Austurgötu 10, sími 555 0764.
r
Hraunbær
Falleg 4ra herbergja íbúð á 4. hæð. 3 stór svefnherb. Fallegt
útsýni. Parket. Skipti möguleg á minni eign. Laus strax.
Séreign - fasteignasala,
Skólavörðustíg 38A, sími 552 9077.
9-18 virka daga.
LOKOia\
Opið £