Morgunblaðið - 11.07.1996, Blaðsíða 27
MORGUNBLAÐIÐ
LISTIR
FIMMTUDAGUR 11. JÚLÍ 1996 27
Vinur í raun
ogsann
KVIKMYNPIR
Stjömubíó/Bíóhöll-
-in/ Borjgarbío
A k u r cy ri
ALGERPLÁGA „THE
CABLE GUY“ ★ ★ ★
Leikstjóri: Ben Stiller. Handrit: Lou Holtz,
jr. Aðalhlutverk: Jim Carrey, Matthew Brod-
erick, Lcslie Mann, George Segal og Diane
Baker. Columbia Pictures. 1996.
EINS og íslenska heiti nýjustu
gamanmyndar Jim Carreys ber með
sér er hún um iðnaðarmann sem er
algjör plága á ungum fasteignasala.
Carrey leikur pláguna með framsetta
höku og málgalla og ótrúlega ýtni
en hann vinnur fyrir kapalfyrirtæki
og tengir sjónvarp unga mannsins,
sem Matthew Broderick leikur af
stöku langlundargeði. Carrey neitar
að hverfa úr lífí Brodericks eftir að
sá síðarnefndi gerir þau mistök að
sjá aumur á honum. Þegar hann loks
reynir að losna við hann breytist
myndin í „Play Misty for Me“ (brot
úr henni er sýnt í sjónvarpinu en
margskonar tilvitnanir er að fínna í
bíómyndir). Carrey hefst handa við
að rústa lífi mannsins sem vildi ekki
vera vinur hans.
Úr þessu vinnur leikstjórinn Ben
Stiller á margan hátt prýðilega gam-
anmynd þar sem Carrey heldur enn
í Jerry Lewis-taktana sína en er
hreinlega lágstemmdur og hófstilltur
miðað við Ace Ventura-myndirnar.
Algjör plága virkar best þegar Car-
rey er stillt upp við hliðina á hinum
fullkomlega eðlilega og næstum leið-
inlega Broderick, því gamanið er
mikið til fengið með andstæðunum
í fari þeirra. Þeir eru hinn klassíski
gamandúett þar sem annar skiptir
ekki um svip og brandaramir lenda
á honum og hinn er ærslabelgurinn
og drifkrafturinn í gamninu.
En þrátt fyrir hófstillinguna er
ofleikur aðalsmerki Carreys. Hann
virðist leika í samræmi við himinhá
launin. Hér er hann eins og 12 ára
krakki í búki fullorðins manns og
nýtur þess út í ystu æsar. Persóna
hans er í raun vanþroska en höfund-
ar myndarinnar vita ekki alveg
hvernig þeir eiga að fara með það.
Carrey gerir það mestmegnis
spaugilegt með sínum fettum og
brettum en það er líka eitthvað sorg-
legt og einmanalegt við hann sem
lítill tími gefst til að kafa ofan í.
Þó er eitthvað úr fortíðinni gefíð
nógu mikið í skyn til að vekja for-
vitni manns en henni er aldrei sval-
að fullkomlega. Eina raunverulega
skýringin á hans vandamáli er að
hann hefur bilast á endaláusu sjón-
varpsglápi og ætti það að vera
mönnum víti til varnaðar að nota
imbakassann fyrir barnapíu.
Hið tvíbenta eðli Carrey-persón-
unnar, hið góða og hið illa, kallar á
dimma lýsingu og hálfpartinn
drungalegt andrúmsloft og jafnve!
hrollvekjandi draumasenu en gam-
anið ræður að mestu leyti ferðinni
og það er ekki hægt annað en að
hafa gaman af eldmóðinum í Carrey.
Broderick styður vel við bakið á hon-
um með viðbrögðum sínum í smáu
og stóru. Algjör plága er rétt skref
Carreys í átt frá Ace Ventura.
Arnaldur Indriðason
UTSALA
fiara
GARÐURINN
Kringlunni
• BANDARISKI popplista-
maðurinn Claes Oldenburg
hefur ævinlega lagt áherslu á
að áhorfendur taki virkan þátt
í listsýningum. Óvíst ér þó að
hann hafi átt von á atgangi lík-
um þeim sem varð á sýningu
verka Oldenburgs í Midd-
elsborough listagalleriinu í
Teesside. Á meðal sýningar-
gripa eru nokkrar afsteypur
af andliti listamannsins, gerðar
í hlaup og hefur þetta haft svo
mikil áhrif á óþekktan og dálít-
ið óþekkan sýningargest, að
hann hefur bitið nefið af öllum
hlaupandlitunum. Ekki er vitað
hvort sýningargesturinn var
listrýnir, æstur aðdáandi eða
bara svangur, en forstöðumað-
ur gallerísins getur sér þess til
að um „ást við fyrsta bit“ hafi
verið að ræða.
• BÓK Richard Fords, sem
vann Pulitzer-verðlaunin á síð-
asta ári fyrir skáldsögu sína,
hefur verið rifin út úr banda-
rískum bókaverslunum að und-
anförnu. Oftar en ekki hafa
kaupendur komið aftur í versl-
anirnar daginn eftir, öskureið-
ir og fullir vonbrigða. Vand-
ræðagangurinn er tilkominn
vegna heitis bókarinnar, „Inde-
pendence Day“ (Sjálfstæðis-
dagurinn) en samnefnd kvik-
mynd var frumsýnd fyrir
skemmstu þar í landi og eiga
lesendur von á æsilegum lýs-
ingum af innrás geimvera, en
ekki sálarkreppu miðaldra
manns. Bóksali einn segist ekk-
ert skilja í látunum, því bókar-
kápan hljóti að gefa innihaldið
til kynna; á bók Fords er mynd
af álappalegum sölumanni, en
kvikmyndin hefur verið kynnt
með gríðarstórum veggspjöld-
um af geimförum. En hver
veit svo sem hvernig geimver-
ur Iíta út?
Barr-dagar
I dag og til næsta
fimmtudags standa
yfir barr-dagar í
Fossvogsstöðinni.
Barr-dagar eru
tilboðs- og
kynningardagar á
ýmsum tegundum
barrtrjáa í 2 1
pottum.
Sitkagreni áður kr. 380
nú kr. 260
plöntusalan í Fossvogi
Stafafura áður kr. 380
nú kr. 260
Fossvogsbletti 1 (fyrir neðon Borgarspítolo) Opið kl. 8 -19. helgar kl. 9-17. Simi 564 1777
1*181
Þrjú í pakka,
hvítgreni, rauðgreni og svartgreni,
áðurkr. 1.320
nú kr. 960
15% kynningarafsláttur af:
Blágreni, bergfuru, broddfuru, fjallafuru,
fjallaþin, fjallaþöll, lindifuru, mýrarlerki,
rússalerki og runnafuru í 2 1. pottum.
Gefðu þér tíma og kynntu þér úrvalið af
barrtrjam hjá okkur.
.