Morgunblaðið - 18.10.1996, Blaðsíða 37
MORGUNBLAÐIÐ
FÖSTUDAGUR 18. OKTÓBER 1996 3 7
AÐSENDAR GREIIMAR
Þökkfyrir
Halla Margrét
ÞAÐ ER sannar-
lega ekki oft sem mað-
ur nýtur þeirrar sælu-
kenndar, er hrifning
veldur því að um mann
hríslast eitthvað, sem
framkallar það sem
læknavísindi nefna
gæsahúð ogjafnvel að
augun vökni. En slíka
stund átti ég ásamt
fjölmörgum öðrum í
Islensku óperunni sl.
laugardag.
Þar stóð Halla Mar-
grét Árnadóttir á svið-
inu í 100 mínútur og
heillaði svo áheyrend-
ur upp úr skónum með söng sínum
að starfsfólk óperunnar minnist
þess vart að hafa heyrt slíkar
undirtektir á tónleikum. Það var
því ekki að undra þótt hún svifi
ásamt undirleikaranum frábæra,
Ólafi Vigni Albertssyni, af sviðinu
að loknum aukalögunum.
Það verður að viðurkennast að
hér skrifar hvorki hlutlaus maður
né sá sem hefur eitthvert vit á
sígildri söngtónlist nema síður
væri. Ég var bara svo lánsamur
að fá að vera í hópi einstaklinga
og fyrirtækja sem Bjarni Ingvar
Árnason veitingamaður safnaði
saman til að veita Höllu Margréti
stuðning til tveggja ára við að
feta sig áfram á braut atvinnu-
söngvarans. Þá var að ljúka
ströngu 4 ára einkanámi hjá Rinu
Malatrasi, sem Kristján Jóhanns-
son mælti með. Ákveðið var að í
lok tímabilsins myndi Halla Mar-
grét halda „debut“ tónleika í
Reykjavík.
Við stuðnings-
mennirnir höfum svo
fengið að fylgjast með
þroskanum og fram-
förunum á árlegum
einkatónleikum okkur
til óblandinnar
ánægju. Það skal þó
viðurkennt að fiðring-
ur var kominn í maga
ýmissa, er við blasti
frumraun á sviði
sjálfrar íslensku óper-
unnar. Það átti hins
vegar ekki við um
kjamakonuna Höllu
Margréti, hún var ró-
legust allra og sagði
okkur, guðfeðrum sínum, að hætta
að „stressa okkur“, hún væri tilbú-
in, því nú væri langþráður draum-
ur um að fá að syngja í Islensku
óperunni loks að rætast og hægt
að leyfa fólki og gagnrýnendum
að heyra hvar hún væri stödd á
söngferlinum.
Biðjum góðar vættir,
segir Ingvi Hrafn
Jónsson, að vaka yfir
Höllu Margréti á lista-
brautinni.
Hvílík „debutering“! Nær þrjú
hundruð manns biðu fyrstu tón-
anna með þeirri eftirvæntingu sem
fylgir slíkum viðburði og hylltu
að lokum listafólkið svo kröftug-
lega að undir tók í húsinu gamla.
Þeir sem minntust þess, er Halla
Ingvi Hrafn
Jónsson
söng sig „Hægt og hljótt“ í hjörtu
landsmanna um árið áttú vart orð
til að lýsa ánægju sinni með sópr-
ansöngkonuna sem nú lék sér svo
á lágu og háu nótunum að engu
líkara var en að hún gerði það
með annarri hendi. Enda hafði
Ingólfur Guðbrandsson, einn mesti
tónlistarfrömuður landsins, orð á
því í búningsklefa að tónleikunum
loknum, eitthvað á þá leið, að
hann hefði viljað fá að heyra enn
„fleiri, stærri og hærri aríur“.
Þess verður áreiðanlega ekki langt
að bíða.
í dag, föstudag, er Hj.Ha _Mar-
grét í Flugleiðavél á leið til Ítalíu
til að hefja æfingar á hlutverki í
Töfraflautu Mozarts. Það ávann
hún sér með sigri í söngvakeppni
í Bologna í júní sk, eini útlend-
ingurinn í stórum hópi ítalskra
söngkvenna. Og það er sko ekki
heiglum hent. Operan verður sýnd
upp úr áramótum að minnsta kosti
9 sinnum í fjórum borgum á ítal-
íu. Þá er Halla að flytja búferlum
frá námsborg sinni, Rovigo, til
Mílanó, þar sem umboðsskrifstof-
an SMELC hefur boðið henni til
viðræðna um samning. Einnig eru
boð um að syngja fyrir umboðs-
menn í Þýskalandi.
Ær og kýr í fjárfestingar- og
útflutningsumræðu okkar íslend-
inga er að sjálfsögu fiskur, tæki
til fiskvinnslu og nú síðast hug-
búnaður, að ekki sé talað um ál-
ver, járnblendi og smurolíuendur-
vinnslu. Minna heyrist talað um
mestu íslandskynningu sögunnar,
sem innt er af hendi af heimslista-
fólki á borð við Björk, Kristján
Jóhannsson, Kristin Sigmundsson
o.fl. Og það jafnvel svo að erlend-
ir blaðamenn telja sig þurfa að
biðja Björk afsökunar á að finnast
Island ömurlegt.
Ráðherrar Sjálfstæðisflokksins
sögðu á landsfundinum sem stóð
yfir á sama tíma og tónleikar
Höllu að unnið væri að því að
auðvelda skattafrádrátt af fram-
lögum til menningarmála. Það er
vissulega fagnaðarefni, en við sem
stutt höfum Höllu Margréti sl. 2
ár hugsuðum ekkert um skattaaf-
slátt og það er með miklu stolti
að við sendum ítölum flugleiðis
þessa nýjustu útflutningsafurð.
Hún sló eftirminnilega í gegn,
uppskar almennt góða gagnrýni,
þótt Morgunblaðsgagnrýnandinn
hafí skrifað svolítið í hægðartepp-
ustíl og vonandi gefst henni tími
til tónleikahalds hér heima í jóla-
leyfí, svo fleiri fái að njóta.
Við stuðningsmennirnir þökk-
um kærlega fyrir okkur og biðjum
góðar vættir að vaka yfír stúlk-
unni okkar á listabrautinni.
Höfundur erfyrrum fréttasljóri.
Dæmi: Hringt frá islandi til Bordeaux
| Til útlanda Landsnúmer Símanúmer
00 I 33 5 12345678
Breytt
símanúmer
í Frakklandi
í kvöld 18. október, kl. 21.00, verða öll númer
í Frakklandi 9 stafa.
f París og nágrenni verða engar breytingar. Hringt
er áfram í 9 stafa númer sem byrjar á 1.
Utan Parísar baetast 2, 3, 4 eða 5 (eftir landshlutum)
fyrir framan núverandi 8 stafa númer.
Fyrir framan öll núverandi farsímanúmer bætist
talan 6.
Á sama tíma breytist númerið í „ísland beint"
þjónustunni frá Frakklandi og verður: 0800 99 0354.
PÓSTUR OG SIMI
Allar nánari upplýsinger eru veittar hjá Talsambandi við útlönd, i síma 115.
Simnotandi á fslandi, sem ætlar aö hringja
til Bordeaux í Frakklandi, t,d. í númer 12345678,
velur í einni lotu 00 33 512345678.