Morgunblaðið - 18.10.1996, Blaðsíða 52

52 FÖSTUDAGUR 18. OKTÓBER 1996
MORGUNBLAÐIÐ
Dýraglens
Ljóska
Ferdinand
þesscþiómynci ersuo örnur-
leg ao 'eg óarfaJJaþd tydip
Smáfólk
Þetta er það sem mér líkar ... sofa út... enginn
skóli... laugardagur.
Laugardagur?!
5ATURPAY?.'

BREF
TTL BLAÐSINS
Kringlan 1103 Reykjavík • Sími 569 1100 • Símbréf 5691329
• Netfang: lauga@mbl.is
Fjárútlát
forsetaefna
— farið hefði fé betur
Frá Guðmundi Rafni Geirdal:
NÝLEGA hefur verið í fréttum um-
fjöllun um fjárútlát forsetaefna;
einkum vegna blaðamannafundar
Guðrúnar Agnarsdóttur um heildar-
kostnað við sitt framboð. Fram hef-
ur komið að halli hafi verið á fram-
boðinu, kostnaður hafi orðið meiri
en búist var við og spurningar lagð-
ar fram um hvort ríkið ætti að
styrkja slík framboð með einhveijum
hætti.
Mín afstaða er þessi:
1. Sýnt hefur verið fram á í fjöl-
miðlum í kringum kosningar að sterk
fylgni var á milli fjárútláta þeirra
sem fengu opinbera staðfestingu
sem forsetaefni og fjölda atkvæða
sem þau fengu en með öfugri verk-
un, það er að segja að þeir sem
eyddu mestu fengu fæst atkvæði.
Samkvæmt því hefur lítið gildi að
eyða umfram efni.
2. Auk þess kom fram rökstudd
umræða um að sjá hefði mátt í upp-
hafi baráttunnar hver yrði kosinn
og að fólk hefði verið búið að ákveða
sig löngu áður en kosningar urðu.
Því hefði skipt litlu hvort eytt hefði
verið milljóninni meira eða minna í
kosningabaráttuna.
3. Guðrún Agnarsdóttir varpaði
því fram hvort ríkið ætti ekki að
koma til móts við framboðin til dæm-
is með því að fella niður virðisauka-
skattinn. Ég er sammála því svari
fjármálaráðherra að féð sem rann
um vasa forsetaefnanna hefði ein-
faldlega farið í aðra virðisaukaskatt-
skylda vöru ef þeir hefðu ekki verið
í framboði og auk þess þurfi líknarfé-
lög einnig að greiða virðisaukaskatt
og því ættu forsetaefni þá ekki að
gera það einnig! Hins vegar er ég
sammála um að það megi athuga
hugsanlegan hlutastyrk til slíkra
framboða í framtíðinni, því eins og
bent hefur verið á þá er slíkt fyrir-
komulag við lýði í Bandaríkjunum,
og með því hefðum við sem þjóð
nægan tíma til að íhuga hvernig
væri best að haga því svo vel fari.
4. Rætt hefur verið um að styrkja
ætti framboð forsetaefnanna til jafns
á við stjómmálaflokka. Svar mitt er
að það er gert, því ég athugaði það
sem væntanlegur forsetaframbjóð-
andi síðastliðið vor. Samkvæmt for-
sætisráðuneytinu felst það fyrst og
fremst í greiðslu fyrir símareikning
á framboðsskrifstofum hjá þeim sem
öðluðust rétt til að kallast forseta-
efni. Það myndi varla duga nema
fyrir örlitlum hluta heildarútláta.
5. Mig minnir að flest ef ekki öll
forsetaefnin hafi rætt um að gæta
aðhalds og spamaðar í fjárútlátum
sírium og með því mynduðu þau for-
dæmi öðrum til eftirbreytni. Reyndin
er sú að Olafur Ragnar Grímsson
nýkjörinn forseti, Guðrún Agnars-
dóttir og Pétur Kr. Hafstein fóm öll
fram úr áætlun og hafa halla á sínum
sjóðum. Þeir sem síst skyldu hafa
hins vegar greitt sína reikninga.
Annars vegar Astþór Magnússon og
hins vegar ég sem væntanlegur for-
setaframbjóðandi.
Ég var vel innan við þau mörk sem
ég hafði upprunalega sett mér, sem
vom 500.000 krónur til enda fram-
boðsins. Lokatalan var semsagt
369.889 krónur og fólst fyrst og
fremst í auglýsingum í dagblöðum.
Með því sýndi ég aðhald og sparnað
í verki. Þetta var greitt af eigin fé.
Ég gekk ekki með betlistaf í hendi
til annarra. Með því myndaði ég verð-
ugt fordæmi sem forsetaframbjóð-
andi. í auglýsingu í Morgunblaðinu
þann 15. maí síðastliðinn sagði ég:
„Halda þarf forsetaembættinu innan
ramma fjárlaga hvers árs. Ég styð
stefnu núverandi ríkisstjómar um
ríkisjöfnuð á næsta ári, það er að í
fyrsta sinn í mörg ár verði fjárlög
afgreidd án fjárlagahalla ... og að
við það verði staðið! Verði ég forseti
er ég til í að spara það mikið að ég
verði vel innan fjárlaga til að mynda
skýrt fordæmi öðmm til eftirbreytni,
án þess þó að skaða ímynd embættis-
ins...“
Það ánægjulega er að ríkisstjómin
hefur lagt fram fjárlagafmmvarp
fyrir komandi ár þar sem í fyrsta
sinn í rúman áratug er lagt til að
það verði afgreitt án halla; meira en
það, miðað er að því að rúmur millj-
arður verði afgangs. Með því tek ég
þátt í hollri viðleitni í átt til skynsam-
legrar notkunar á fé, sem síðan eyk-
ur möguleikana á að við sem þjóð
komumst upp úr skuldum nútíðarinn-
ar yfir í hagsæld framtíðarinnar.
Megi svo vera.
GUÐMUNDUR RAFN GEIRDAL,
fyrrverandi forsetaframbjóðandi.
Hvað skal segja? 41
Er rétt að segja: Veistu hvort Jón sé heima?
Rétt er: Veiztu hvort Jón er heima?
Ég held að hann sé heima.
Ég veit að hann er heima.
Ætli hann sé heima?
Það er víst að hann er heima.
Það er óvíst að hann sé heima.
Það er líklegt að hann sé heima.
Viðtengingarhátturinn er látinn fylgja óvissunni.
Allt efni sem birtist í Morgunblaðinu og Lesbók er varðveitt ! upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.