Morgunblaðið - 04.12.1996, Blaðsíða 2
2 MIÐVIKUDAGUR 4. DESEMBER 1996
MORGUNBLAÐIÐ
FRÉTTIR
Morgunblaðið/Halldór Kolbeins
KATRÍN Guðnadóttir og Ásdís Garðarsdóttir, starfsmenn Meitils-
ins, og Sigurður Bjarnason, sveitarstjómarmaður, fóm á fund
stjórnenda fyrirtækja sem eiga hlut í Meitlinum í gær. Þeim var
afhent áskorun um að gæta hagsmuna starfsmanna og íbúa Ölfus-
hrepps.
Sameining Meitilsins o g Vinnslustöðvarinnar
Bankaeftirlitið
kanni hugsanleg
innherjaviðskipti
SIGURÐUR Bjarnason sveitar-
stjómarmaður í Ölfushreppi hefur
sent Bankaeftirlitinu erindi um að
kannað verði hvort innherjavið-
skipti hafi átt sér stað í tengslum
við fyrirhugaða sameiningu Meit-
ilsins og Vinnslustöðvarinnar.
„Gengi hlutabréfa í Vinnslustöðinni
var einn í júní. Þá fara þessar sam-
einingarhugmyndir af stað hjá
þeim og gengið fór upp í 3,7. Þeir
sem hagnast á því em annars veg-
ar eigendur Vinnslustöðvarinnar
og hins vegar eigendur Meitilsins,
því hlutur S honum verður að hlut
í Vinnslustöðinni. Það hefur verið
orðrómur í gangi um þessi málefni
og til þess er Bankaeftirlitið, að
komast að sannleikanum um slík
mál.“
Óttast að vinnsla leggist
niður í Þorlákshöfn
Sigurður segir að miðað við
reynslu af sameiningu sjávarút-
vegsfyrirtækja megi búast við að
fiskvinnsla Meitilsins í Þorlákshöfn
leggist smám saman niður eftir
sameiningu fyrirtækisins við
Vinnslustöðina í Vestmannaeyjum.
Hann segir að sameiningin sé til
þess gerð að halda síðarnefnda
fyrirtækinu gangandi þrátt fyrir
mikla skuldsetningu. Hann bendir
á að skuldir Vinnslustöðvarinnar
séu fjórum sinnum hærri en skuld-
ir Meitilsins, en kvótinn í þorsk-
ígildistonnum sé ekki nema helm-
ingi meiri. Sigurður og fulltrúar
starfsfólks ræddu í gær við fulltrúa
stjórna fyrirtækjanna sem eiga
Meitilinn og afhentu þeim áskorun
frá starfsfólki fyrirtækisins um að
gæta hagsmuna þess og íbúa Ölfus-
hrepps við ákvörðun um sameining-
una. Hluthafafundur í Meitlinum
verður haldinn næstkomandi laug-
ardag.
Líklegast að
sameinað verði
Katrín Guðnadóttir, starfsmaður
hjá Meitilinum, segir að sér finnist
líklegast að fyrirtækin tvö verði
sameinuð. „Ég held samt að mót-
mælin ýti á stjómendur fyrirtækis-
ins að ttyggja störf okkar. Fólk er
hrætt við þetta, því reynslan af
sameiningu er yfirleitt sú að minni
einingin er gleypt. Stór hluti bæj-
arbúa vinnur hjá Meitlinum, og ég
sé ekki fyrir mér að önnur fyrir-
tæki á staðnum geti tekið við öllu
þessu fólki ef allt fer á versta veg.“
Nýr meirihluti
í Vesturbyggð
NÝR meirihluti hefur verið myndað-
ur í bæjarstjórn Vesturbyggðar.
Um er að ræða samstarf fjögurra
fulltrúa Sjálfstæðisflokks við einn
fulltrúa óháðra og mun Gísli Ólafs-
son bæjarstjóri láta af störfum af
persónulegum ástæðum, að eigin
sögn. Nýr bæjarstjóri verður ráðinn
á næstu dögum og þá verður að
kjósa nýtt bæjarráð.
Fjárhagsáætlun hefur
ekki staðist
Gísli segir unnið að nýjum mál-
efnasamningi og að um breyttar
áherslur verði að ræða í nýja sam-
starfinu. Fyrra samstarf sjálfstæð-
ismanna við tvo fulltrúa Alþýðu-
flokks hefur varað í tvö ár. Aður
starfaði meirihluti tveggja fram-
sóknarmanna, tveggja alþýðu-
flokksmanna og fulltrúa F-lista í
fjóra mánuði. Segist Gísli hafa
heyrt undanfarið af hugmyndum
um að endurnýja það samstarf.
Hann er spurður hvort fjárhags-
áætlun bæjaryfirvalda hafí farið úr
skorðum. „Það er alveg rétt, hún
hefur ekki staðist en kratamir eru
bæði með forseta bæjarstjórnar og
formann bæjarráðs og staðan hefur
verið alveg ljós á hveijum tíma. Það
var full samstaða um fjárhagsáætl-
unina og menn hafa fylgst með
stöðunni. Umframútgjöld hafa verið
með vitund og vilja sveitarstjórnar-
innar. Hitt er svo annað mál, að
komin var þreyta í samstarfíð og
Alþýðuflokksmenn voru famir að
þreifa fyrir sér um samstarf við
Framsóknarflokkinn og óháða,“
segir Gísli. Hann vill ekki gefa upp
skuldir sveitarsjóðs.
Níu manns sitja í bæjarstjórn og
nýjan meirihluta skipa Gísli Ólafs-
son, Nanna Sjöfn Pétursdóttir, Ól-
afur Öm Ólafsson og Bjarni Hákon-
arson fyrir Sjálfstæðisflokk. Full-
trúi F-lista óháðra er Finnbjörn
Bjarnason.
Breyting á lögum um Þróunarsjóð ekki fyrirhugnð
Akvæði um forkaups-
réttinn umdeilanlegt
ÞORSTEINN Pálsson sjávarútvegs-
ráðherra segir að þegar lög um Þró-
unarsjóð voru sett hafi þótt eðlilegt
að starfsmenn og hluthafar í hlutafé-
lögum í eigu sjóðsins ættu forkaups-
rétt að bréfunum. Það megi hins
vegar deila um hvort þetta ákvæði
hafi verið eðlilegt. Árni Johnsen al-
þingismaður segir þetta lagaákvæði
tímaskekkju.
Að undanförnu hefur verið gagn-
rýnt að hluti af ágóða af sölu hluta-
bréfa í eigu Þróunarsjóðs hefur lent
hjá forkaupsréttarhöfum en ekki hjá
sjóðnum.
„í sjálfu sér má um það deila
hvort þetta ákvæði um forkaupsrétt-
inn var eðlilegt á sínum tíma. Það
var sett inn af þáverandi stjórnvöld-
um og var tekið óbreytt inn í lögin
um Þróunarsjóðinn þegar hann tók
yfir skuldbindingar Hlutabréfasjóðs
og Atvinnutryggingardeildarinnar.
Ég held að sjónarmiðið sem lá þar
að baki hafi verið að þeir aðilar sem
hafa staðið að rekstrinum og starfs-
fólkið ætti kost á því að koma inn
í kaupin þegar þar að kæmi,“ sagði
Þorsteinn.
Þorsteinn sagði ljóst að sala á
hlutabréfum Þróunarsjóðs sem nú
stæði yfir færi fram samkvæmt gild-
andi lögum. Hann sagði að verkefni
Þróunarsjóðs á þessu sviði væri að
Ijúka þar eð sjóðurinn hefði selt flest
öll hlutabréf í sjávarútvegsfyrirtækj-
um sem hann átti. Það væri því
ekki tilefni til að breyta lögunum.
.„Reglur Þróunarsjóðs um þetta
atriði eru að mínu mati tímaskekkja.
Það er mjög óeðlilegt að seljandi
hlutabréfa í fyrirtæki hafi nánast
enga möguleika til að hafa neitt út
úr hugsanlegum ágóða. Þannig eru
reglurnar í dag,“ sagði Árni Johnsen
alþingismaður.
Árni sagði að aðstæður í fisk-
vinnslu á íslandi hefðu breyst mikið
frá því að forkaupsréttarákvæðið var
sett inn í lögin. Tekist hefði að snúa
taprekstri í hagnað.
„Það er ekkert að sakast við þá
sem kaupa bréfín heldur við þann
sem selur. í þessu tilviki hefði verið
miklu eðlilegra að ríkissjóður hefði
haft meira út úr dæminu,“ sagði
Árni.
• •
Davíð Oddsson á leiðtogafundi OSE í Lissabon
Ríki ÖSE ráði
BLAÐINU í dag fylgir fjög-
urra síðna auglýsingablað frá
Habitat.
Morgunblaðið/RAX
Ný stúka í
Laugardal
FRAMKVÆMDIR við byggingu
nýrrar stúku við Laugardalsvöll
eru hafnar. Stúkan rúmar 3.500
manns í sæti, en með byggingu
hennar verða til sæti fyrir 7.000
áhorfendur. Áætlaður kostnaður
við framkvæmdina er rúmlega
200 milljónir króna. í þeirri tölu
er bygging nýrrar stúku, ný sæti
í gömlu stúkuna og endurbætur
á henni. Stefnt er að því að bygg-
ingu stúkunnar verði lokið í maí
á næsta ári.
eigin öryggismálum
DAVÍÐ Oddsson forsætisráðherra
lagði áherzlu á það i ræðu sinni á
leiðtogafundi Öryggis- og samvinnu-
stofnunar Evrópu (ÖSE) í Lissabon
í gær að öll ríki Evrópu ættu að fá
að ráða eigin öryggismálum, þar á
meðal hvort þau gengju í bandalög.
Ríkin ættu að virða þann rétt ann-
arra og enginn ætti að líta á hluta
af ÖSE-svæðinu sem sitt áhrifa-
svæði.
„Verkefni fundar okkar er að
gera nýja Evrópu að raunveruleika,“
sagði forsætisráðherra i ræðu sinni.
„Evrópu sameiginlegs og víðtæks
öryggis, sem byggt er á lýðræði,
virðingu fyrir mannréttindum, rétt-
•arríki og markaðshagkerfi. ÖSE
getur lagt mikið af mörkum til þessa
verkefnis. Stofnunin bætir upp aðrar
stofnanir og samtök. Hún er einnig
einstök, vegna þess að hún nær yfir
alla Evrópu og auk þess ríki Norður-
Ameríku, sem skipta öryggi Evrópu
miklu máli.“
Forsætisráðherra fjallaði í ræðu
sinni um hið svokallaða Öryggislík-
an, sem aðildarríki ÖSE hafa haft í
smíðum um nokkurt skeið. Markmið-
ið með Öryggislíkaninu er að tryggja
hnökralausa samvinnu aðildarríkj-
anna og ýmissa alþjóðastofnana og
samtaka, t.d. Evrópusambandsins
og NATO.
„Helztu möguleikar stofnunarinn-
ar liggja í því að vinna lýðræðishug-
myndum og -reglum fylgi á gervöllu
ÖSE-svæðinu,“ sagði Davíð og bætti
við að það væri einkum á sviði lýð-
ræðis, mannréttinda og réttarríkis
sem úrbóta væri þörf í ýmsum ríkj-
um ÖSE. „Sameiginlegt öryggis-
svæði verður ekki til í raun fyrr en
þessi grundvallargildi eru í heiðri
höfð í öllum aðildarríkjunum. Vinnan
við Oryggislíkanið tekur mið af
þessu eins og vera ber,“ sagði for-
sætisráðherra.