Morgunblaðið - 04.12.1996, Blaðsíða 13

MORGUNBLAÐIÐ
MIÐVIKUDAGUR 4. DESEMBER 1996 13
FRÉTTIR
Morgu nbl aðið/Ásdís
MAGNÚS Gauti Gautason, kaupfélagsstjóri Kaupfélags Eyfirðinga tók við viðurkenningar-
skjali Þroskahjálpar úr hendi Benedikts Davíðssonar. Jóhann Arnfinnsson, formaður dóm-
nefndar stendur þeim á hægri hönd.
KAUPFÉLAG Eyfirðinga hlaut
viðurkenningu Landssamtaka
Þroskahjálpar á alþjóðlegum
degi fatlaðra sem haldinn var
hátíðlegur í gær. Landssamtök-
in Þroskahjálp eru tuttugu ára
um þessar mundir en viður-
kenningin er nú veitt í fjórða
sinn, íslensku fyrirtæki eða
stofnun sem þykir hafa skarað
fram úr hvað varðar atvinnu-
stefnu vinsamlega fötluðum.
Dómnefnd var skipuð full-
trúum aðila vinnumarkaðarins
auk fulltrúa Þroskahjálpar.
Jóhann Arnfinnsson formaður
dómnefndar tilkynnti úrslitin
og sagði Kaupfélag Eyfirðinga
KEA hlaut
viðurkenn-
ingu Þroska-
hjálpar
hafa orðið fyrir valinu því í
starfsmannastefnu þess er
ákvæði um að störfum skuli
skipað þannig að fatlaður geti
einnig sinnt þeim. „Slíkt
ákvæði er nýjung hér á landi
og verður vonandi öðrum fyrir-
tækjum til eftirbreytni,“ sagði
Jóhann. Þrír þroskaheftir
starfsmenn vinna hjá KEA en
auk þess eru tveir þroskaheftir
í starfsþjálfun.
Benedikt Davíðsson fyrrver-
andi forseti ASÍ afhenti Magn-
úsi Gauta Gautasyni, kaupfé-
lagssljóra KEA viðurkenning-
arskjal og listgrip, keramikvasa
sem hannaður er af Ólafi Ólafs-
syni, fötluðum listamanni frá
Selfossi. Magnús kvaðst vera
þess fullviss að viðurkenningin
væri sljórnendum fyrirtækisins
hvatning til að gera enn betur
í málefnum fatlaðra.
Staða raungreinakennslu rædd á Alþingi
Niðurstöður könnunar
vísi veginn til umbóta
„ÍSLENZK þjóð situr nú hnípin þeg-
ar hún gerir sér grein fyrir nið-
urstöðum alþjóðlegrar könnunar á
menntun skplabarna í raungrein-
um,“ sagði Olafur Orn Haraldsson,
sem hóf umræður utan dagskrár á
Alþingi um þetta málefni í gær.
Björn Bjarnason menntamálaráð-
herra sagði að áður en endanlegar
ályktanir verði dregnar af niðurstöð-
um könnunarinnar skyldu þær
greindar betur svo þær gætu vísað
veginn til umbóta.
„Mín niðurstaða er fyrst og fremst
sú,“ sagði ráðherra, „að áður en
endanlegar ályktanir verði dregnar
þurfi að greina TIMMS-gögnin bet-
ur, þannig að þau geti vísað okkur
veginn." I þeim gögnum sé að finna
mun meira af upplýsingum en nú
hafa verið gerðar opinberar og að
sögn sérfræðinga Rannsóknarstofn-
unar um uppeldis- og menntamál
ætti slík greining að geta legið fyrir
innan 6-9 mánaða.
Menntamálaráðherra sagði að nú
þegar væri á vegum ráðuneytisins
hafin vinna á mörgum sviðum, sem
á að styrkja stöðu íslenzkra nem-
enda. Nefndi hann í því sambandi
endurskoðun aðalnámskrár grunn-
og framhaldsskóla, sem á að Ijúka
fyrir mitt ár 1998, og að fyrstu
skrefin hefðu verið stigin í átt að
samræmdu námsmati, m.a. með því
að tekin hafa verið upp samræmd
könnunarpróf í 4. og 7. bekk grunn-
skóla. Ráðherra sagði það geta tekið
mörg ár að bæta námið svo viðun-
andi sé.
Ráðherra benti á, að íslendingar
hefðu á síðustu árum tekið þátt í
fleiri alþjóðlegum samanburðarrann-
sóknum, t.d. í læsi, þar sem útkom-
an hefði verið okkur mun hagstæð-
ari. Sagði hann þörf á að við tækjum
þátt í fleiri slíkum könnunum, til
þess að betri heildarmynd fengizt
af stöðu íslenzkrar grunnskóla-
menntunar.
Skólastefna „meðal-
mennskunnar“
Málsheflandi, Ólafur Örn Har-
aldsson, sagði í framsögu sinni, að
sá andi sem fram kæmi í skólastefn-
unni ætti afgerandi þátt í því hvern-
ig komið sé. „Sá andi lýsir sér í
skorti á aga, skorti á metnaði og
skýrum markmiðum og skorti á
hvatningu og eðlilegum kröfum til
nemenda," sagði Ólafur. Aðalorsök
vandans er þó að sögn Ólafs „stefna
meðalmennskunnar", sem ríkt hefði
í skólakerfinu, „þar sem öllum nem-
endum hefur verið blandað saman,
enginn hefur mátt skara fram úr
og enginn hefur heldur mátt sitja
efti_r.“
Ólafur sagði grunninn að þessu
kerfi allvíða að finna, en forskrift
þess væri hvergi skráð „í jafn átak-
anlegu formi og í aðalnámskrá frá
1989“, þar sem segir: „Æskilegt er
að ólíkir nemendur séu saman í
bekkjardeildum. Því ber að forðast
einhæfa röðun í bekki eða hópa til
lengri tíma, t.d. út frágetu, hæfileik-
um eða kynferði.“ Olafur fagnaði
því, að nú væri í menntamálaráðu-
neytinu verið að vinna að nýrri nám-
skrá, sem taka myndi við af þessari
„úreltu námskrá úr fortíð Svavars
Gestssonar".
Svavar Gestsson, fyrrverandi
menntamálaráðherra, vísaði gagn-
rýni Ólafs Arnar á fyrri störf sín á
bug og sagði að ein ástæða slaks
árangurs íslenzkra nemenda í alþjóð-
legum samanburði væri sú, að hér
sé „rík húmanísk hefð“, sem bitni á
raungreinakennslu. Hann skoraði á
menntamálaráðuneytið að stilla
saman öll fræðsluyfirvöld í landinu
til að taka á vandanum.
Sigríður Anna Þórðardóttir, for-
maður menntamálanefndar Alþing-
is, sagði niðurstöður könnunarinnar
ekki hafa komið á óvart; þær stað-
festu það sem marga hefði grunað
lengi, að raungreinakennsla í skólum
iandsins væri í ólestri. Þær ættu að
verða tilefni til að „við beinum kröft-
um okkar að því að bæta skólakerf-
ið, gera meiri kröfur til árangurs
og leggja þá sérstaka áherzlu á
raungreinar."
Rangar fyrirmyndir?
Einar K. Guðfinnsson, Sjálfstæð-
isflokki, sagði að hafa beri í huga,
að könnunin hefði aðeins náð til
raungreina en ekki annarra
kennslugreina, og væri þannig ekki
allsheijar áfellisdómur yfir íslenzka
skólakerfinu. Hann vakti einnig at-
hygli á því, að útkoma Islendinga
sé svipuð og hinna Norðurlanda-
þjóðanna. í ljósi þess, að í skólamái-
um hafi lengi verið leitað fyrir-
mynda á hinum Norðurlöndunum
vakni upp sú spurning, hvort við
hefðum sótt okkur fyrirmyndir á
röngum stöðum. Athyglisvert við
niðurstöðurnar sé, að þau ríki sem
best koma út eru ríki SA-Asíu.
Umhugsunarvert væri, að þar ríkti
meiri agi og samkeppni í skólakerf-
inu.
mundir þú fá þér
þú ynnir rúmlega
44 Rrsilijonir i
m
un r
I
Til mikils að vinna!
Alla miövikudaga fyrirkl. 17.00.