Morgunblaðið - 09.04.1997, Blaðsíða 1

72 SÍÐUR B/C/D
79. TBL. 85. ÁRG.
MIÐVIKUDAGUR 9. APRÍL 1997 PRENTSMIÐJA MORGUNBLAÐSINS
Reuter
SVEIT palestínskra lögreglumanna sækir fram undir grjótregni þjóðbræðra sinna er hún freistaði
þess að stöðva hatrammar óeirðir í Hebron, sem kostuðu þrjá Palestínumenn lífið í gær.
40.000 krónur fyrir
að leg-gja skrjóðnum
Malaga. Morgunblaðið.
YFIRVÖLD á Spáni hafa gripið
til aðgerða til að flýta fyrir end-
urnýjun bílaflota landsmanna.
Hver sá sem leggur bíl sem er tíu
ára eða eldri og kaupir nýjan fær
40.000 króna greiðslu frá ríkinu.
Ákvörðun þessi var kynnt um
helgina og hafa reglurnar nýju
þegar öðlast gildi. Svo mun verða
um ótiltekinn tíma. Á Spáni eru
nú í notkun meira en fimm miiljón-
ir bifreiða tíu ára og eldri og von-
ast yfirvöld til þess að 300.000
eigendur gamalla bíla ákveði í ár
að þiggja greiðsluna og leggja
skrjóðnum gamla og trausta.
Með þessu móti vilja stjórnvöld
greiða fyrir endurnýjun bílaflota
Spánverja sem er nokkuð við ald-
ur.
Rúmlega 14 milljónir ökutækja
eru í eigu Spánverja og er hlut-
fall aldurhniginna ökutækja því
óvenju hátt. Fjórði hver bíll er 15
ára og eldri og meðalaldurinn átta
og hálft ár.
Fleira hangir þó á spýtunni.
Bílaiðnaðurinn er mikilvæg at-
vinnugrein á Spáni, tíunda hvert
starf tengist henni með einum eða
öðrum hætti og um 20% af út-
flutningstekjunum er afiað með
framleiðslu ökutækja. Ákvörðunin
tengist einnig umhverfisvernd.
Clinton telur að koma megi
viðræðum aftur af stað
Washington, Hebron. Reuter.
BILL Clinton Bandaríkjaforseti
sagðist í gær telja að „þokkalegar
líkur" væru á að koma friðarviðræð-
um ísraela og Palestínumanna af
stað á ný. Sagði forsetinn það undir
ábyrgðartilfinningu deiluaðila komið
hvert framhaldið yrði og kvaðst hann
telja ótímabært að tala um að
Bandaríkjamenn sneru upp á hendur
þeirra.
Clinton vísaði á bug kenningum
þess efnis að Bandaríkjastjórn væri
að glata þeim tökum sem hún hefði
haft á ísraelum. Sögðu frétta-
skýrendur að misheppnuð tilraun
Clintons til að knýja Benjamin Net-
anyahu, forsætisráðherra ísraels, til
eftirgjafar í deilunni um íbúðarbygg-
ingar í Jerúsalem, í fyrradag endur-
speglaði veikleika í utanríkisstefnu
forsetans. Ótti hans-við að móðga
öflug hagsmunasamtök auðmanna í
Bandaríkjunum, sem tekið hafa af-
stöðu með ísraelum, hafí komið í
veg fyrir að hann beitti Netanyahu
þeim þrýstingi, sem nauðsynlegur
væri talinn til þess að bijótast út
úr þeirri kreppu sem friðarumleitan-
ir fyrir botni Miðjarðarhafs væru í.
Yves Doutriaux, talsmaður
franska utanríkisráðuneytisins,
sagði að aðildarríki Evrópusam-
bandsins (ESB) hefðu ákveðið í
gær, að leggja til við Bandaríkja-
stjórn, að hafið yrði sameiginlegt
frumkvæði ESB og Bandaríkjanna
að því að höggva á hnútinn í deilum
ísraela og Palestínumanna og koma
friðarviðræðum þeirra aftur af stað.
Fái heiðursorður
ísraelskir hermenn og landnemar
felldu þijá Palestínumenn í hörðum
og blóðugum átökum á Vesturbakk-
anum í gær. Hermt var að landnem-
ar hefðu farið inn í raðir ísraelskra
hermanna og skotið af vélbyssum
á stóran hóp palestínskra mótmæl-
enda, sem héldu uppi gijótkasti á
hermennina.
Palestínskir og ísraelskir leiðtog-
ar deildu hart um atburðina í gær.
ísraelskur rabbíni, Moshe Bleicher,
sagði að veita ætti hveijum þeim
heiðursorðu sem svaraði árásum
araba með því að drepa þá. Annar
rabbíi, Elitsur Segel, sagði í gær í
grein í tímariti útlægs ísraelsks
sértrúarsafnaðar, að réttlætanlegt
væri að „ísraelar fórnuðu sér fyrir
Guð sinn“ með því að hefja sjálfs-
morðsárásir gegn Palestínumönn-
um. Ísraelskur þingmaður krafðist
opinberrar rannsóknar á þessum
ummælum og sagði að hér væri
mælt með sömu meðulum og palest-
ínsku öfga- og hryðjuverkasamtök-
in Hamas hefðu tileinkað sér.
Ringulreið á ítalska þinginu í Albaníumálmu
Prodi segir æru
Itala að veði
Róm. Reuter.
ROMANO Prodi, forsætisráðherra
Ítalíu, skoraði í gær á stjórnmála-
flokkana í landinu að styðja þátt-
töku ítala í fjölþjóðaherliði í Alban-
íu og sagði, að „æra þjóðarinnar
væri að veði“. Mikill ágreiningur
er um málið innan samsteypu-
stjórnarinnar og helsti stjómarand-
stöðuflokkurinn, Frelsisbandalag
Silvios Berlusconis, er andvígur því.
Stjórn Prodis fór auðveldlega
með sigur af hólmi er greidd voru
atkvæði um málið í öldungadeild-
inni í gær þar sem stjórnin hefur
meirihluta. Hlaut tillagan 154 at-
kvæði gegn 119 en tveir þingmenn
sátu hjá. Útlitið um framgang
málsins í fulltrúadeildinni, sem
greiðir atkvæði í dag, er hins vegar
verra fyrir stjórnina. Þar hefur
Kommúnísk endurreisn, sem styður
annars stjórnina, oddaaðstöðu og
ætlar að greiða atkvæði gegn því.
Prodi hafði reitt sig á stuðning
Frelsisbandalagsins en það hefur
einnig ákveðið að segja nei við til-
lögu stjórnarinnar um ítalska her-
liðið.
Berlusconi, leiðtogi Frelsis-
bandalagsins, segir raunar, að
flokkurinn styðji þátttöku Itala í
Albaníuleiðangrinum en hins vegar
vilji hann, að tillaga sín um málið
verði samþykkt en hún hlaut ekki
stuðning.
Prodi í vanda
Verði tillaga stjórnarinnar um
herliðið felld yrði það svo mikill
álitshnekkir fyrir stjórnina og
Prodi, að líklega neyddist hann til
að segja af sér og hinn kosturinn,
að styðja tillögu stjórnarandstöð-
unnar, er heldur ekki góður. Það
væri í sjálfu sér ekki minni niður-
læging.
Prodi minnti þingmenn á það í
gær, að allra augu væru nú á Itölum
og því væri nú tekist á um sæmd
eða skömm allrar þjóðarinnar.
Hamilton
fyrir valinu
Knutsford. Reuter.
FLOKKSFÉLAG breska íhalds-
flokksins í kjördæminu Tatton í
norðvesturhluta Englands valdi í
gærkvöldi Neil Hamilton, fyrrver-
andi ráðherra, sem frambjóðanda
fiokksins í kjördæminu í kosningun-
um 1. maí nk. Hlaut hann 182 at-
kvæði gegn 100.
Hart hafði verið lagt að Hamilton
að sækjast ekki eftir áframhaldandi
þingmennsku vegna ásakana um að
hafa þegið peningagreiðslur fyrir
að bera uppi fyrirspurnir á þingi.
Hefur hann þráfaldlega sagst sak-
laus af áburðinum.
Um helgina sótti einn kunnasti
fréttamaður Bretlands, Martin Bell,
að honum og tilkynnti þingframboð
í Tatton í nafni siðsemi yrði Hamil-
ton í framboði. Sjónvarpsstöðin Sky
sagði í gærkvöldi að hann hefði
skipt um skoðun og ákveðið að bjóða
sig fram óháð hefðbundnum stjórn-
málum. Sky sagðist ennfremur hafa
heimildir fyrir því að óánægðir
flokksfélagar Hamiltons í Tatton
íhuguðu að efna til klofningsfram-
boðs í þingkosningunum.
------«---------
Dýrgripir
til sýnis
GESTIR í Louvre-listaverka-
safninu í París skoða hluta 987
málverka, teikninga og högg-
mynda sem sýnd voru opinber-
lega í fyrsta sinn eftir stríð i
gær. Hersveitir nasista tóku
listaverkin traustataki í Frakk-
landi í stríðinu.
NEIL Hamilton (t.h.) og Mart-
in Bell hittust og skiptust á
skoðunum á útifundi þess síð-
arnefnda í Knutsford í gær.