Morgunblaðið - 09.04.1997, Side 42

42 MIÐVIKUDAGUR 9. APRÍL 1997
MORGUNBLAÐIÐ
BRÉF
TTL BLAÐSINS
Dýraglens
Kringlan 1103 Reykjavík • Sími 569 1100 • Símbréf 569 1329
Ljóska
Tillitsleysi og leti!
Frá Guðrúnu Þorláksdóttur:
HVER kannast ekki við það að
þurfa að fara og kaupa inn. Fæst-
ir hafa þó gaman af því en það
er nú svo með okkur mannfólkið
eins og aðrar dýrategundir að við
þurfum að borða til þess að lifa
og til þess að lifa þurfum við að
borða. Einn góðviðrisdag nú ný-
lega uppgötvaði ég með hryllingi
að ísskápurinn var tómur og ég
var því nauðbeygð til þess að fara
og kaupa inn. Þar sem ég ætlaði
að kaupa talsvert svo ég þyrfti
ekki að fara fljótt aftur ákvað ég
að fara á bílnum, sem ég reyni nú
að nota sem allra minnst á meðan
lappirnar á mér virka ennþá.
Leiðin lá í stórmarkað og er
þangað var komið sá ég að mikið
var að gera þar sem bílastæðin
voru þéttsetin að undanskildum
þeim sem voru í u.þ.b. 150 m fjar-
lægð frá inngangi verslunarinnar.
Ég sá mér þar leik á borði og lagði
í eitt þeirra. Það tók mig örstutta
stund að ganga að versluninni og
var ég nokkuð ánægð með það,
þar sem ég sá allnokkra bíla hring-
sóla í halarófu á planinu í leit að
bílastæði nógu nálægt þannig að
fólkið í bílunum þyi-fti örugglega
ekki að ganga meira en 10 skref
að versluninni.
Þegar ég átti eftir smáspotta sá
ég að bíl hafði verið lagt upp á
gangstéttarkant og ég tók eftir því
að í glugga bílsins var blátt merki
rneð mynd af hjólastól. Áttaði ég
mig þá á því að í þejm bíl hafi
verið fötluð persóna. Ég varð nú
eiginlega svolítið hissa og furðaði
mig á því að bílnum skyldi vera
lagt þarna, en ekki lengi. Þegar
mér varð litið í átt að versluninni
sá ég að í tveimur bílastæðum, sem
eru merkt fötluðum og staðsett
alveg við innganginn, voru einnig
bílar. Er ég gekk að þeim sá ég að
í gluggum hvorugs þeirra voru
þessi bláu merki. Ég átti ekki til
orð. Hvað er eiginlega að gerast í
þessu þjóðfélagi? Er fólk virkilega
svona tillitslaust að það leggur í
stæði merkt fötluðum? Mér dettur
nú helst í hug að þetta fólk sé svo
feitt vegna ofáts og leti að þ_að
eigi erfitt með að hreyfa sig. Ég
vorkenni þessu fólki og finnst að
það ætti að skammast sín fyrir að
hegða sér svona og ætti aðeins að
hugsa sinn gang.
Einnig dettur mér í hug fólk sem
stundar sundlaugarnar og tek ég
sem dæmi Laugardagslaug. Ég fer
nú ósjaldan þangað en það bregst
ekki að alltaf skulu vera bílar á
umferðareyjum og gangstéttum
við laugina þóyy ótal mörg stæði
séu Iaus. Ég efast um að það fólk
sem leggur þessum bílum fari í
sund til að synda, spurning er hvort
það kemst yfirleitt alla leið, gefist
ekki bara upp i búningsklefunum!
Ég spyr bara: Hvað er eiginlega
að gerast í þessu þjóðfélagi? Hvem-
ig væri að fólk sýndi nú aðeins
meiri tillitssemi við náungann?
Hvernig væri að fólk færi nú að
átta sig á því að fæturnir eru til
þess að ganga á en ekki til að stíga
á einhverja pedala í vélknúnum
ökutækjum í tíma og ótíma? Viljum
við virkilega búa í stórborg þar sem
mengun er stórvandamál og tillits-
leysi við náungann er daglegt
brauð? Það er ekki svo slæmt að
hugsa stundum um aðra en sjálfan
sig.
GUÐRÚN ÞORLÁKSDÓTTIR,
Langholtsvegi 158, Reykjavík.
Skortur á
umburðarlyndi
Ferdinand
Smáfólk
Jæja þá, ég er farinn í skól-
ann ... sé þig síðdegis
Ef þú vilt fara í Kringluna þá
eru lyklarnir í sendiferðabíln-
um...
WE KN0W5 I CAN'T 5EE
OVER THE 5TEERIN6 WHEEt..
Hann veit að ég get ekki séð upp
fyrir stýrið...
Frá Moshe Okon:
EIN AÐALÁSTÆÐA þess að ég
hef alvarlega ihugað að yfirgefa
heimaland mitt, ísrael, og setjast
að á Islandi er gífurlegur skortur á
umburðarlyndi í heimalandi mínu,
sem kemur m.a. fram í því að gyð-
ingum er meinað að ganga í hjóna-
band með kristnum einstaklingum,
en einnig í heftingu tjáningarfrels-
is, bæði í orðum og listum.
Mér var því mjög brugðið þegar
ég heyrði að á íslandi komið þið
fram á sama hátt — að þrýstingur
frá trúuðum einstaklingum hafí
fengið því framgengt að sýningu
myndarinnar The Last Temptation
of Christ“ var aflýst í sjónvarpi.
Ég verð víst að endurskoða af-
stöðu mína.
MOSHE OKON,
Bröttuhlíð 10, Mosfellsbæ.
AUt efni sem birtist í Morgunblaðinu og Lesbók er varðveitt í upp'.ýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda biaðinu efni
til birtingar teljast samþykkja þetta, ef ekki fylgir fyrirvari hér að lútandi.
RAÐAUGLÝSINGAR
HÚSIMÆÐI ÓSKAST
Húsnæði óskast
Ríkissjóður leitar eftir kaupum á u.þ.b. 300 fm
skrifstofuhúsnæði á Neskaupstað.
Tilboð, er greini staðsetningu, stærð, afhend-
ingartíma og söluverð, sendist eignadeild fjár-
málaráðuneytisins, Arnarhváli, 150 Reykjavík,
fyrir 25. apríl 1997.