Morgunblaðið - 24.05.1997, Síða 6

6 LAUGARDAGUR 24. MAÍ 1997
MORGUNBLAÐIÐ
FRÉTTIR
íbúar við Miklubraut stöðvuðu umferð á háannatíma í gær
„VIÐ hlustum alltaf á ykkur - hlust-
ið þið núna á okkur,“ stóð á einum
borðanum sem íbúar við Miklubraut
héldu á og beindu að akandi umferð
á gatnamótum Lönguhlíðar og
Miklubrautar sem þeir stöðvuðu í
um tíu mínútur um fimmleytið í gær
til þess að vekja athygli á óviðun-
andi ástandi af völdum hávaða- og
loftmengunar við Miklubraut. Krafa
íbúanna er að Miklabraut verði lögð
í stokk frá Snorrabraut að Stakka-
hlíð en í tillögum borgaryfirvalda er
aðeins gert ráð fyrir stokk frá
Snorrabraut að Reykjahlíð.
Hátt á þriðja hundrað manns var
saman komið á gatnamótunum kl.
fimm og stöðvaði bíia sem þar bar
að. Ekki voru allir ökumenn jafn
ánægðir með þær aðgerðir, sumir
flautuðu og reyndu að brjóta sér
leið yfir gatnamótin en aðrir biðu
rólegir meðan íbúarnir mótmæltu.
Talsmaður húmanista boðaður
í viðtal hjá lögreglu
Mótmælin voru skipulögð af
Hverfísverkefni húmanista og íbúum
við Miklubraut í sameiningu. Ætlun
þeirra var að loka gatnamótunum
algerlega en lögreglan í Reykjavík
leyfði mótmælin með vissum skilyrð-
um. Að sögn Jónasar Hallssonar að-
stoðaryfirlögregluþjóns var ætlun
lögreglunnar að draga úr allri umferð
um götuna með því að loka við gatna-
mót Miklubrautar og Kringlumýrar-
brautar annars vegar og við gatna-
mót Miklubrautar, Snorrabrautar og
Bústaðavegar hins vegar og hleypa
aðeins strætisvögnum, neyðarbflum
og öðrum þjónustubílum framhjá eft-
ir þörfum. „í okkar huga var það
aldrei ætlunin að fólkið fengi að loka
eins og það gerði með því að strengja
borða yfír Miklubrautina, þannig að
þetta fór öðru vísi en við höfðum
gefið heimild til. Hins vegar skiljum
við alveg þessi sjónarmið fólkins en
það er annað mál,“ segir Jónas. Að-
Morgunblaðið/Ásdís
UNGIR sem aldnir íbúar Miklubrautar stöðvuðu umferð á gatnamótum Lönguhlíðar
og Miklubrautar í gær.
spurður um málalok segir hann að
málið verði skoðað strax eftir helgi
og talsmaður húmanista, Júlíus
Valdimarsson, boðaður í viðtal á
mánudag. Lögreglustjóri muni síðan
ákveða framhaldið.
í yfirlýsingu frá íbúum við Miklu-
braut segir m.a. að þeir mótmæli
þeim áformum yfirvalda sem fram
koma í tillögum að nýju aðalskipu-
lagi borgarinnar en þar er gert ráð
fyrir að leyst verði að hluta úr vanda
íbúa við neðanverða Miklubraut með
lagningu hennar í stokk ofan við
Snorrabraut að Reykjahlíð, framhjá
Rauðarárstíg. „Mótmæli okkar snú-
ast um það að einungis er verið að
taka á litlum hluta vandans, en íbú-
ar við alla Miklubraut frá Snorra-
braut að Stakkahlíð búa við óviðun-
andi ástand í mengunarmálum,"
segir ennfremur í yfirlýsingunni.
Ibúarnir telja ástandið sýnu verst
við gatnamót Lönguhlíðar og Miklu-
brautar, þar sem rúmlega 50 þúsund
bílar á sólarhring stöðva við umferð-
arljós, menga og gefa svo í til að
komast að næstu ljósum. Þeir benda
á að þetta skapi margfalda mengun
miðað við rennandi umferð um 40
þúsund bíla framhjá gatnamótum
Miklubrautar og Rauðarárstígs en
nálægt fyrrnefndu gatnamótunum
búi mun fleira fólk en það sem fram-
komin tillaga borgaryfirvalda muni
gagnast.
Tillaga íbúa kynnt á málþingi
á Kjarvalsstöðum í dag
Tillaga íbúanna við lausn vandans
verður kynnt á Fimmta hverfismál-
þingi húmanista fyrir Hlíðar, Holt
og Norðurmýri á Kjarvalsstöðum í
dag kl. 14. í fréttatilkynningu frá
Hverfisverkefni húmanista segir að
borgarfulltrúum sé boðið til mál-
þingsins til að hlýða á mál íbúanna
og svara fyrirspurnum þeirra og eru
íbúar í hverfunum kringum Miklatún
hvattir til að mæta og sýna sam-
stöðu um málefni hverfisins.
Miklabraut verði lögð
í stokk að Stakkahlíð
Deilt um skýrslu um nám á háskólastigi
Aðrar forsend-
ur vænka
hag Islands
ísland er í þriðja sæti á lista OECD-þjóða
um prófgráður í æðra háskólanámi, sam-
kvæmt skýrslu Tryggva Þórs Herberts-
sonar hjá Hagfræðistofnun HÍ.
„ÞAÐ er rangt í skýrslunni um
kennslu, nám og rannsóknir á há-
skólastigi að hér séu færri háskóla-
menntaðir en í OECD löndunum,"
segir Tryggvi Þór Herbertsson hjá
Hagfræðistofnun Háskóla íslands í
samtali við blaðið. „Skýrsla mennta-
málaráðherra er að öðru leyti góð
en ég er ekki sáttur við forsendurn-
ar sem sýna laka stöðu íslands með-
al þessara þjóða,“ segir hann.
Tryggvi segir að höfundar skýrsl-
unnar beri háskólastigið hér á landi
saman við tölur í OECD sem spanna
bæði framhaldsstig og háskólastig
og því séu íslendingar svo neðarlega
í töflunni. „Eg held að umræðan
núna um fáa háskólamenntaða hér
sé byggð á sandi,“ segir hann.
Tryggvi Þór gerði skýrsluna
Menntun, mannauður og framleiðni
fyrir menntamálaráðherra í febrúar
síðastliðnum og þar kemur fram að
íslendingar eru með flestar próf-
gráður allra þjóða í heiminum. Næst-
ir koma Kanadamenn og svo Banda-
ríkjamenn. En Tryggvi bar háskóla-
gráður íslendinga saman við háskóla-
gráður í OECD ríkjunum og sleppti
stiginu á undan sem spannar fram-
haldsskóla eins og Fósturskólann.
Tryggvi segir ástæðuna fyrir
þessum mismun i skýrslunum vera
ranga flokkun í skýrslunni um
Hlutfallsleg skipting vinnuafls á
aldrinum 25-65 ára eftir menntunarstigi
árið1993 í nokkrum ríkjum OECD
SB ísland
Bandaríkin
Þýskaland
Sviss
Noregur
Svíþjóð
Bretland
Danmörk
Frakkland
Spánn
OECD
0% 20% 40% 60% 80% 100%
kennslu, nám og rannsóknir á há-
skólastigi sem lögð var fram á Al-
þingi í liðinni viku.
I skýrslu Tryggva sem hann vann
á vegum Hagfræðistofnunar Há-
skóla íslands fyrir menntamálaráð-
herra og skilaði í febrúar stendur:
„Að lokum hafa 16% íslenskra
starfsmanna prófgráðu úr háskóla.
10% hafa fyrstu háskólagráðu en
6% hafa lokið æðri gráðu í háskóla.
OECD-meðaltaiið er 11% og er ís-
land í þriðja sæti hvað háskóla-
menntun varðar. Aðeins Bandaríkin
og Kanada hafa hærra hlutfall há-
skólamenntaðra starfsmanna. Ef
framhalds- og háskólastigið er iagt
saman kemur í ljós að ísland trónir
á toppnum hvað varðar tvö efstu
skólastigin með 34% en OECD-með-
altalið er 19%.
Þegar meðalskólagangan er skoð-
uð, þ.e. sá tími sem starfsmenn hafa
eytt í skóla, virðist ísland standa
illa. Ef hinsvegar fjöldi prófgráða
er skoðaður þá er fjöldi þeirra meiri
en víðast hvar annars staðar. Niður-
staðan er því að fjöldi stunda á ba-
Síma-
skráin
komin út
SÍMASKRÁIN 1997 er komin
út og verða afhendingarseðlar
póstlagðir á mánudag. Gegn
framvísun seðilsins á næstu
póst- og símstöð fá símnot-
endur afhenta eina skrá í einu
bindi með linri kápu. Rétthafi
hvers símanúmers fær eina
skrá.
Gegn 185 kr. aukagjaldi
er hægt að fá símaskrána
tvískipta í linu bandi; höfuð-
borgarsvæðið og landsbyggð-
ina. Einnig má fá skrána í
einu harðspjaldabindi fyrir
185 kr. Þeir sem óska eftir
skránni tvískiptri með harðri
kápu greiða 370 kr. en grunn-
verð fyrir hveija aukaskrá í
einu bindi með linri kápu er
750 kr.
í skránni er vandað kort
af höfuðborgarsvæðinu ásamt
götuheitum með tilvísun í
kortin. Þar er einnig leiðakort
SVR og Almenningsvagna en
að öðru leyti er skráin með
hefðbundnu sniði. Nýja síma-
skráin tekur gildi föstudaginn
30. maí nk.
Rafiðnaðar-
menn hjá
P&S sam-
þykktu
í GÆR voru talin atkvæði í
kosningu um nýgerðra kjara-
samning milli Rafiðnaðar-
sambands íslands og Vinnu-
veitendasambands íslands
vegna Pósts og síma hf.
Á kjörskrá vrou 247, at-
kvæði greiddu 206 eða 83,4%.
Já sögðu 152 eða 73,7%. Nei
sögðu 53 eða 25,7%. Auður
var 1 seðill eða 0,5%. Samn-
ingurinn var því samþykktur.
kvið prófgráðu er mjög mismunandi
milli landa.
Af þessum tölum má vera ljóst
að íslendingar standa vel að vígi,
hvað snertir fjölda menntamanna."
„Tryggvi miðar við bachelor-
háskólagráðu og meistara- og dokt-
orsgráðu í öllum löndunum í sinni
skýrslu," segir Arnór Guðmundsson
deildarsérfræðingur í Mats- og eftir-
litsdeild menntamálaráðuneytis, „en
við tökum stigið á undan með, og
ég vann í samvinnu við Hagstofuna
að því að aðlaga fyrir ísland þessa
alþjóðlegu flokkun um það skólastig
sem nefnist 5 ISCED, en á því stigi
eru skólar sem krefjast stúdents-
prófs en veita ekki háskólagráðu."
Arnór segir að í nýju skýrslunni
sé þessi framhaldsskólamenntun
tekin með eða skólar eins og Fóstur-
skólinn, Þroskaþjálfaskólinn, efstu
stig í Myndlistaskólanum, Tónlistar-
skólinn í Reykjavík og fleiri. „Það
liggja því ólíkar forsendur að tölum
Tryggva og okkar,“ segir Arnór, og
að skýringin á mismuninum sé að
fimmta stigið hér sé fremur fámennt
en fjölmennt í hinum OECD-löndun-
um. „Hér flokkast um þúsund manns
á þessu stigi af 7000 á háskólastigi
en um helmingur í Bandaríkjunum,"
segir hann.
„Okkar tölur leiða fyrst og fremst
í ljós að það vantar fjölbreytni á
háskólastigið,“ segir Arnór. „Miðað
við önnur lönd vantar stutt og starfs-
tengt háskólanám.“
Hann er sammála Tryggva um
að íslendingar séu vel staddir gagn-
vart æðri menntun eins og tölurnar
sýna en „hinsvegar sýna hans tölur
ekki fram á skortinn á stuttu námi,“
segir Arnór að lokum.
í
i
:
I
!
\
\