Morgunblaðið - 31.05.1997, Síða 68

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG MBL@CENTR UM.IS AKUREYRI: KA UPVANGSSTRÆTI1
LAUGARDAGUR 31. MAÍ 1997
VERÐ í LAUSASÖLU 125 KR. MEÐ VSK
Flugleiðir ganga frá
kaupum á 757 vél
FLUGLEIÐIR hafa gengið frá
samningum um kaup á nýrri Boeing
757 flugvél og fær félagið vélina um
næstu áramót. Par með verða Flug-
leiðir með fimm 757 vélar í notkun.
Félagið hefur auglýst eftir flug-
mönnum til starfa á nýju vélina en að
jafnaði þarf 18-20 flugmenn á hverja
757 vél.
Flugleiðir réðu ellefu flugmenn sl.
vor sem hafa ýmist hafið störf eða
eru í þjálfun. Jens Bjarnason, flug-
reksti’arstjóri hjá Flugleiðum, segir
að ætlast sé til þess að þeir flugmenn
sem verði ráðnir núna hefji þjálfun
síðsumars og verði á námskeiðum
næsta vetur.
Nýja vélin verður notuð til þess að
byggja upp leiðakerfi félagsins í
Evrópu og Bandaríkjunum. Flug-
leiðir sjá fyrir aukningu á báðum
þessum mörkuðum. Bætt verður við
ferðum og áfangastöðum.
Félagið hefur m.a. kannað mögu-
leika á flugi til Chicago, Detroit,
Minneapolis, Philadelpia, Cleveland
og Newark í Bandaríkjunum. Rætt
er um að bæta Helsinki inn í leiða-
kerfið austan hafs og einni borg í
Þýskalandi. Einnig þykir koma vel
til greina að fljúga árið um kring til
sumaráfangastaða í Evrópu.
Nýja 757 flugvélin verður keypt
beint af verksmiðjunni. Auk 757 vél-
anna fimm verða Flugleiðir með fjór-
ar 737 vélar í rekstri í millilandaflugi
á næsta ári.
Flugleiðir áætla að kaupa enn
aðra Boeing 757 á næsta ári sem
kæmi til landsins um áramótin 1998-
1999. Þá þarf félagið aðra 18-20 flug-
Tónlistin
flutt
MARGIR vegfarendur ráku upp
stór augu í gær þegar fjölmenn og
hávær skrúðganga þrammaði hjá
og veltu fyrir sér hvort
þjóðhátíðardeginum hefði verið
flýtt. Sú var þó ekki raunin,
heldur voru nemendur og
kennarar Tónskóla Sigursveins,
sem alls eru 700 talsins, að fagna
því að skólinn er að flytja í nýtt
húsnæði. Gengið var frá
Hellusundi upp í nýjar
höfuðstöðvar við Engjateig og var
blásarasveit skólans í
fylkingarbijósti göngumanna sem
veifuðu spjöldum til stuðnings
tónlistinni.
Skoðanakönnun Félags-
vísindastofnunar
Alþýðu-
bandalag
fengi 20%
S JÁLFSTÆÐISFLOKKURINN
fengi mest fylgi stjórnmálaflokkanna
ef gengið yrði til þingkosninga nú,
eða 36%. Alþýðubandalagið yrði
næststærsti flokkurinn, með 20% at-
kvæða. Þetta er á meðal niðurstaðna
skoðanakönnunar, sem Félagsvís-
indastofnun Háskóla Islands gerði
fyrir Morgunblaðið seinni hluta síð-
ustu viku og fyrri hluta þessarar.
Alþýðuflokkurinn fær nú 17,4%
fylgi og Framsóknarflokkurinn
17,3%. Kvennalistinn fær 4,8%, Þjóð-
vaki 0,7% og ,jafnaðarmannaflokk-
ur“ 3,7%. Miðað er við þá, sem af-
stöðu tóku í könnuninni.
■ Sjálfstæðisflokkur fengi/14
--------------
Morgunblaoið/Uom
150 tonn af olíu láku
út á Húsavík
Mengun
minniháttar
HUNDRAÐ og fimmtíu tonn af
gasolíu láku niður í jarðveg á Húsa-
vík síðdegis í gær, þegar verið að
dæla olíu frá olíuskipinu Stapafelli í
tanka. Dæla átti 300 tonnum af olíu i
tank sem tilheyrir Esso og var það
ekki fyrr en dælingu lauk sem upp-
götvaðist að einungis helmingur þess
magns hafði ratað rétta leið.
Fyrir skömmu var olíudreifing
fyrir Olís og Esso sameinuð og var
þá ákveðið að Olís-tankurinn yrði
tæmdur, en þegar það var gert hefur
gleymst að loka fyrir leiðslur sem
lágu að tankinum og því lak olían út.
Hreiðar Hreiðarsson varðstjóri segir
að hreinsun hafi lokið um klukkan 21
í gærkvöldi. Aðeins sé eftir að fjar-
lægja dreggjar eftir olíulekapn og
verði það gert innan skamms. Hreið-
ar segir að ekki sé talið að eldhætta
stafi af lekanum, þótt um svo mikið
magn hafi verið að ræða.
Mið lunartillaga ríkis-
sáttasemjara
Um 70%
þ citttcikíi
ÞÁTTTAKA í atkvæðagreiðslu um
miðlunartillögu ríkissáttsemjara hjá
verkalýðsfélögunum á Vestfjörðum í
gær var á bilinu 66% til 95%, mest
, a hjá Álftfirðingi í Súðavík en minnst á
Patreksfirði. Þátttaka vinnuveitenda
var 70%.
Á kjörskrá verkalýðsfélaganna sjö
vegna miðlunartillögunnar voru alls
654 félagar og kusu alls 472 eða 72%.
Hjá stærsta félaginu, Baldri á Isa-
firði, kusu 250 af 364 eða 68,7% en
mest þátttaka var hjá Verkalýðs- og
sjómannafélaginu Álftfirðingi þar
sem 35 af 37 kusu eða 95%. Á Hólma-
vík kusu 35 af 47 eða 74,5%, 66% á
Patreksfírði eða 33 af 50, 36 af 51 hjá
Verkalýðs- og sjómannafélaginu Súg-
anda eða 70,6%, 50 af 62 í Verkalýðs-
félaginu Skildi á Flateyri sem eru
80,6% og 33 af 43 hjá Brynju á Þing-
eyri eða 76,7%.
Kjörgögn átti að senda skrifstofu
ríkissáttasemjara nú í morgun og er
búist við að talningu ljúki laust eftir
hádegi.
■ Fólki veitir/4
Tillaga svæðisnefndar um skipulag miðhálendisins kynnt
Gildandi tilhögun Fljóts-
dalsvirkjunar er hafnað
GILDANDI tilhögun Fljótsdalsvirkjunar er
hafnað í tillögu að svæðisskipulagi miðhálendis-
ins til ársins 2015 á þeim forséndum að gildi
Eyjabakkasvæðisins, sem færi undir miðlunar-
lón, sé mikið vegna sérstæðs gróðurfars, dýra-
lífs og landslags.
Fljótsdalsvirkjun var heimiluð með lögum
árið 1981 og veitti iðnaðarráðherra virkjana-
leyfi árið 1991. í greinargerð um skipulagstil-
lögu miðhálendisins, sem kynnt var á vegum
Skipulags ríkisins í gær, segir að ástæða sé til
að endurskoða tilhögun virkjunarinnar. Gert sé
ráð fyrir að skoðaðir verði til hlítar möguleikar
á að virkja saman Jökulsá á Fljótsdal og Jök-
ulsá á Brú með þeim hætti að Hálslón við
Kárahnúka gæti nýst sem miðlun fyrir bæði
vatnasviðin.
Gísli Gíslason landslagsarkítekt, einn af ráð-
gjöfum samvinnunefndar 12 héraðsnefnda um
svæðisskipulagið, segir það hafa verið niður-
stöðu nefndarinnar að hafna gildandi tilhögun
Fljótsdalsvirkjunar en ekki sé lokað fyrir það í
skipulagstillögunni að Jökulsá á Fljótsdal verði
virkjuð með öðrum hætti. Landsvirkjun hefur
gagnrýnt svæðisnefndina fyrir að taka ekki
nægilegt tillit til áætlana fyrirtækisins.
I bréfi sem Halldór Jónatansson forstjóri
Landsvirkjunar sendi nefndinni segir að stjórn-
völd þurfi að hafa fyrir sér óyggjandi rök ef til
þess kæmi að breyta þegar samþykktum virkj-
unaráformum sem unnið hafi verið að í rúma tvo
áratugi og miklum fjármunum varið til. Lands-
virkjun telji nefndina bresta vald til að ýta slík-
um áformum til hliðar. Slíkt sé aðeins á valdi
ráðherra orkumála og þá að viðlagðri bóta-
skyldu.
Landsvirkjun mótmælir
Þorsteinn Hilmarsson, upplýsingafulltrúi
Landsvirkjunar segir að sameiginleg virkjun
Jökulsáa á Brú og Fljótsdal væri gífurlega stór
og hentaði því ekki nema til kæmi mjög stór
orkukaupandi. Hún gæti skilað um 4.300
gigawattstundum á ári eða nærri jafn miklu og
það vatnsafl sem þegar hefur verið virkjað hér-
lendis.
Skipulagstillagan gerir ráð fyrir að á skipu-
lagstímanum komi til framkvæmda orkuvinnsla
sem nemur um 10 þúsund GWS. Ekki er í tillög-
unni gert ráð fyrir virkjun í Jökulsá á Fjöllum
og ekki heldur Hraunaveitu sem tengist Fljóts-
dalsvirkjun en forsenda hennar hefur verið
miðlunarlón í Eyjabökkum. Þorsteinn Hilmars-
son segir líklegt að Landsvirkjun muni gera at-
hugasemdir við þetta.
Farið varlega í stórvegagerð
Á kynningarfundi um skipulagstillöguna í
gær sagði Gísli Gíslason að þar væru tekin frá
mun víðfeðmari náttúruvemdarsvæði á miðhá-
lendinu en stefnt hafi verið að af hálfu náttúru-
vemdaryfirvalda. Þá væri farið mjög varlega í
stórvegagerð og megináhersla lögð á sumar-
vegi, helstu þjónustusvæði ferðamanna væru
hugsuð á jaðarsvæðum hálendisins, vakin væri
athygli á vatni sem auðlind, og lagðar línur
varðandi mannvirkjagerð.
■ Auðnin/Dl-4