Morgunblaðið - 26.06.1997, Page 16

16 FIMMTUDAGUR 26. JÚNÍ 1997
MORGUNBLAÐIÐ
AKUREYRI
Fjölmenni í Grímsey um sólstöður
Grímsey. Morgunblaðið.
ÞAÐ var mikið um að vera á flug-
vellinum í Grímsey sl. föstudag
en þá komu með flugi alls um 150
farþegar til eyjarinnar, sem er
met. A föstudagskvöld voru 10
flugvélar á flugvellinum í Grímsey
í einu og með þeim 101 farþegi.
Við höfnina í Grímsey var einn-
ig mikið um að vera en á laugar-
dag kom hvalaskoðunarskipið
Moby Dick með 75 farþega frá
Húsavík. Þar var á ferðinni fólk
á vegum starfsmannafélags Kaup
félags Þingeyinga og dvaldi í
Grímsey í sólarhring. Þá komu 30
skagfirskar konur til Grímseyjar
á laugardag á vegum Sjóferða á
Dalvík og með skipi félagsins til
lands fór hópur fólks á vegum
Kaupþings Norðurlands.
Um sumarsólstöður er alltaf
mikið um ferðafólk í eynni en fjöl-
skrúðugt fuglalíf og kvöldsólin
laðar ferðafólk að.
Islandsbærinn risin
Sýningu Ein-
ars Garibalda
að ljúka
EINAR Garibaldi Eiríksson sýnir
í Listasafninu á Akureyri. Sýningin
ber yfirskriftina „Frá Reykjavík“
og er þar að sjá nýleg verk eftir
Einar sem eru sérstök að því leyti
að þau eru „fundin“, að því er fram
kemur í tilkynningu.
Einar hefur ekki málað mynd-
irnar sjálfur, heldur hefur hann
valið nokkur verkfæri eða „skapa-
lón“ sem gatnamálastjórinn í
Reykjavík hefur notað við umferð-
armerkingar á göturnar í höfuð-
borginni.
Sýningunni lýkur nú um helg-
ina.
FJÖGURRA bursta torfbær sem
restur hefur verið við veitinga-
og gróðrarskálann Vin í Eyja-
fjarðarsveit hefur verið form-
lega vígður. Torfbærinn hefur
hlotið nafnið íslandsbærinn og
er 140 fermetrar að stærð og
býður upp á fjölmarga mögu-
Ieika til hvers konar veisluhalda
en daglega er þar kaffisala.
íslandsbærinn er talinn verða
mikil lyftistöng fyrir ferðaþjón-
ustu í sveitarfélaginu og við
Eyjafjörð en gera má ráð fyrir
að þúsundir gesta komi til með
að heimsækja bæinn ár hvert.
Framkvæmdir við íslandsbæinn
hófust í ágúst í fyrra en hann
er byggður úr torfi og gijóti og
er tréþiljaður. Engin sérstök fyr-
irmynd er af bænum en horft til
byggingahefða sambærilegra
bæja á liðnum öldum.
Hreiðar Hreiðarsson hannaði
útlit bæjarins, var yfirsmiður og
þeir vínarfeðgar ásamt Hannesi
Blandon skáru torf og hlóðu
ásamt því að standa að smíðun-
um. Þröstur Sigurðsson teiknaði
burðarvirki. Byggingarnefni var
berg úr nágrenninu og torf úr
Staðarbyggðarmýrum.
Islandsbærinn er opinn gestum
daglega í sumar frá kl. 13.-17.
Boðið verður upp á kaffiveiting-
ar og ýmsa þjóðlega rétti auk
þess sem gestum býðst að kaupa
islenska handverksmuni.
----------------------------- ,
Héraðsdómur Norðurlands eystra j
Þrír menn
dæmdir til :
fangavistar
HÉRAÐSDÓMUR Norðurlands
eystra hefur dæmt þrjá menn frá
Ólafsfirði í 6, 7 og 15 mánaða
fangelsi óskilorðsbundið. Þá var
einn mannanna dæmdur til að
greiða 40.000 krónur i sekt til rík-
issjóðs og þremenningunum er
gert að greiða allan sakarkostnað
samtals 100.000 krónur og mál-
svarnarlaun samtals 250.000
krónur.
í ákæru ríkissaksóknara er
tveimur mannanna gefið að sök
að hafa brotist inn í bókabúðina
Eddu á Akureyri í nóvember á
síðasta ári og stolið vörum og
skiptimynt að verðmæti 420.000
krónur. Öllum mönnunum þremur
var gefið að sök að hafa brotist
inn í vöruafgreiðlsu Sveins Stef- j
ánssonar í Ólafsfirði í sama mán- «
uði og stolið 5 póstpökkum.
Einnig tók ákæra ríkissaksókn- '
ara til líkamsárásar og nauðungar
í Ólafsfirði aðfaranótt 1. desember
á síðasta ári og tengdist mönnun-
um þremur.
Þá ákærði sýslumaðurinn í Ól-
afsfirði einn mannanna fyrir að
hafa smyglað til landsins bjór og
áfengi, höggsverði, boga, örvum
og örvaroddum og kasthnífum.
Morgunblaðið/Björn Gislason |
——— --------------------------------------I
> r
Rósa Guðmundsdóttir, framkvæmdastjóri Asprents/POB á Akureyri
Okkar framtíð
er á Reykjavíkur-
markaði
PRENTSMIÐJAN Ásprent/POB ehf. á
Akureyri hefur nýlega lokið við stærsta
einstaka verk sem fyrirtækið hefur tekið að
sér til þessa. Um er að ræða prentun á fjög-
urra lita handbók um vátryggingar, fyrir
Sjóvá-Almennar, sem prentuð var í 66.000
eintökum. Einnig var prentað á umslög utan
um handbókina og starfsmenn hinna vernduðu
vinnustaða Iðjulundar og Bjargs tóku að sér
að setja handbókina í umslag og límmiða á.
Rósa Guðmundsdóttir, framkvæmdastjóri
Ásprents/POB, segir að verkefni sem þetta
hafí oftast verið unnin í Reykjavík. Hins veg-
ar sé hennar fyrirtæki alltaf með eitthvað af
verkefnum frá Reykjavík og sæki frekar á en
hitt. „Okkar framtíð er á þeim markaði. Fyrir-
tækið er orðið það stórt og bókbandið öflugt,"
segir Rósa.
Um 50 starfsmenn
Ásprent, sem er í eigu hjónanna Kára Þórð-
arsonar og Rósu, og sona þeirra Þórðar, Ól-
afs og Alexanders, keypti prentsmiðjuna POB
fyrir tveimur árum og sameinaði reksturinn.
Hjá fyrirtækinu starfa nú um 50 manns, sem
eru um 15 fleiri en störfuðu samtals í báðum
fyrirtækjum fyrir sameingu. Umsvifin hafa
því aukist jafnt og þétt en um leið og sameing-
in varð tók fyrirtækið í notkun nýja og öfluga
íjögurra lita prentvél.
„Sameiningin hefur reynst mjög farsæl, það
sýna aukin umsvif og fjölgun starfsfólks. Árið
gengur þó í bylgjum en okkar bestu tímabil
eru í júní og október. Við erum alltaf með
1-2 stór verkefni með þeim smærri. Fjögurra
lita prentvélin gerir gæfumuninn og hún hefur
verið keyrð meira og minna á vöktum frá því
við keyptum hana.“
Gífurleg tæknibylting
Ásprent/POB hefur fy'árfest töluvert í vélum
og tækjum síðustu ár og einnig í húsnæði en
fyrirtækið hefur keypt alla fyrstu hæð hús-
næðisins sem Efnaverksmiðjan Söfn átti við
Glerárgötu, alls um 1.600 fermetra. „Við ætl-
uðum að kaupa alla hæðina fyrir 10 árum en
áttum þess ekki kost þá, en höfum nú eign-
ast hana í 5 áföngum," segir Rósa.
Hún segir að fyrirtækið hafi alla tíð verið
rekið með hagnaði en hins vegar hafi ekki
verið mikill afgangur. „Tæknibyltingin í prent-
iðnaðinum er gífurleg og við höfum eytt mikl-
um fjármunum í kaup á vélum á tækjum. Um
þessar mundir er verið að endurnýja allar tölv-
ur í hönnunardeild fyrirtækisins, því komið
hefur í Ijós að þær tölvur sem við erum með
eru hreinlega of hægvirkar fyrir vinnsluna.
Fyrir valinu urðu 2 Apple Mcintosh, 9600 og
7300, og 4 nýjar UMÁX Aegis töívur. Þær
vélar keyra bæði á PC- og Macintosh-forrit-
um, sem auðveldar öll samskipti við auglýs-
ingastofur, sem vinna mest í PC-umhverfi.“
Ásprent/POB er með mörg járn í eldinum
og Rósa segist aldrei hafa séð jafn mikla fram-
tíð í þessari grein og einmitt nú. „Við erum
vel tækjum búin, með úrvals starfsfólk og
samstaðan innan fyrirtækisins er góð. Hér
leggjast allir á eitt og ábyrgðin á góðu verki
hvflir á öllum þeim sem hér vinna.“
Samstarf við breska aðila
Fyrirtækið er í samstarfi við breska aðila
sem tekið hafa að sér útgáfu á vönduðum
auglýsingabæklingum fyrir 6-8 hafnir og eru
ætlaðir erlendum mörkuðum. Prentun á slíkum
bæklingi fyrir Reykjavíkurhöfn er lokið í Ás-
Morgunblað;o/Bjöm Gíslason
ROSA Guðmundsdóttir framkvæmda-
stjóri Ásprents/POB segist aldrei hafa
séð jafn mikla frumtíð í prentiðnaðin-
um og einmitt ui. Hún segir þó nauð-
synlegt að komið verði upp prentdeild
innan Verkmenntaskólans, enda mikill
skortur á bókbindurum.
prenti/POB og prentun á bæklingi fyrir Akur-
eyrarhöfn að hefjast og einnig prentun á þjón-
ustubók fyrir útgerð og fiskvinnslu.
Tölvupappírsdeild er keyrð á vöktum og er
tölvupappír fyrirtækisins seldur um allt land.
Þá hefur fyrirtækið sérhæft sig í prentun á
vörufylgibréfum jafnt fyrir loft-, sjó- eða land-
flutninga og selur framleiðslu sína um land
allt.
Árni Sverrisson prentari stofnaði Ásprent
árið 1977 og hóf útgáfu á 8 síðna auglýs-
inga- og sjónvarpsdagskrá í bænum. Rósa og
Kári hafa rekið fyrirtækið frá árinu 1979 og
hefur útgáfa Dagskrárinnar aukist jafnt og
þétt. í dag er Dagskrá 80 síður í fjórlit og
gefin út í 8.700 eintökum í viku hverri. í hveiju
blaði eru um 700 litgreiningar en vinnslu-
tíminn er þó aðeins 2 dagar. „Það eru mjög
margir sem auglýsa í Dagskránni og það er
virkilega skemmtilegur mórall í kringum aug-
lýsingaöflun og vinnslu blaðsins," Rósa.
Fimm bókartitlar á mánuði
Árið 1985 hófsf útgáfa í bókaflokknum
Rauðu seríunni og gefin var út ein ástarsaga
í þeim flokki í upphafi. „Það var mikið hlegið
er við hófum bókaútgáfuna og almennt höfðu
menn ekki mikla trú á þeirri framkvæmd.
Amtsbókasafnið vildi ekki einu sinni taka þær
bækur inn í sínar hillur og þar var sagt að
þær myndu bara detta í sundur. Annað hefur
komið á daginn og nú gefum við út fimm titla
í hveijum mánuði og bækurnar er ekki síður
vinsælar á bókasöfnunum. Við höfum einnig
gefið út söguna „Jurasic Park“ í íslenskri
þýðingu og erum að hefja vinnslu á „Jurasic
Park 2.“
Rósa segir orðið mjög aðkallandi að sett
verði upp prentdeild við Verkmenntaskólann
á Akureyri og það sé hreint landsbyggðar-
mál. Þegar iðnskóli var starfræktur á Akur-
eyri var hægt að stunda prentnám fyrir norð-
an. „Hjá mér starfa um 10 manns sem hafa
mikinn áhuga á að fara í skóla. Ég: hef leitað
logandi ljósi að bókbindara en slíkir iðnaðar-
menn liggja ekki á lausu."