Morgunblaðið - 04.07.1997, Qupperneq 46

46 FÖSTUDAGUR 4. JÚLÍ 1997
MORGUNBLAÐIÐ
MINNINGAR
ATLI
G UÐMUNDSSON
+ Atli Guðmunds-
son fæddist á
Patreksfirði 11.
september 1963.
Hann fórst í um-
ferðarsiysi í Dan-
mörku 24. júní síð-
astliðinn. Foreldr-
ar hans voru hjónin
Guðmundur Osk-
arsson, f. 11.6.
1928, d. 26.5. 1970,
og Hólmfríður
Oddsdóttir, f. 27.
11. 1926 og býr í
Reykjavík. Guð-
mundur var af
Pálsætt undan Jökli, sonur Osk-
ars Þorgils Pálssonar, Kristj-
ánssonar er fæddist í Þrengsla-
búð á Hellnum í Breiðuvík og
bjó lengi í Ólafsvík. Atli er og
af Samsonarætt og Hnausa-
Bjarnaætt í föðurlegg en Hólm-
fríður er dóttir Brynhildar
Ingimundardóttur úr Meðal-
landi og Vest-
mannaeyjum en
hennar ættir eru
einnig raktar í Suð-
ursveit. Oddur faðir
hennar er frá Króki
á Kjalarnesi af En-
geyjarættinni
gömlu og frá Klofa
í Landi. Atli átti sex
systkini: Lovísu,
Odd, Óskar Þorgils,
Guðmund Hólmar,
Brynjar og Bryn-
hildi. Atli starfaði
lengstum sem
hreingerningamað-
ur og verslunarmaður í Reykja-
vík, en var tónlistarmaður af
ástríðu. Hann var heimilismað-
ur í Krýsuvík og virkur félagi
í Krýsuvíkursamtökunum hin
síðustu ár.
Utför hans fer fram frá Foss-
vogskirkju í dag og hefst at-
höfnin klukkan 15.
Elsku bróðir.
Ég trúi varla að þú sért dáinn,
að ég eigi aldrei eftir að hitta þig
aftur, aldrei eftir að heyra þig
syngja og spila. Þú spilaðir svo
fallega á gítarinn þinn sem þú lærð-
ir að spila á sjálfur.
Ég vildi að ég hefði getað tekið
utan um þig og sagt þér að mér
þætti vænt um þig, að ég hefði
getað kvatt þig og skilið við þig í
sátt. Mér fínnst svo margt ófrá-
gengið á milli okkar.
Líf þitt var aldrei dans á rósum
og barátta þín var hörð við það böl
sem vínið er. Þú sem varst svo við-
kvæm sál. Aðeins sex ára misstir
þú föður þinn sem þú leist svo upp
til og lengi vel skildir þú ekki hvers
vegna hann fór svona frá þér. Þá
var ekki til siðs að fá áfallahjálp
eða aðra utan að komandi aðstoð
við að vinna úr tilfinningum en
þannig hjálp hefðir þú vissulega
þurft á að halda.
Ég veit ekki hvort ég á að segja
að þú hafir lifað iífinu hratt eða
hvort þú bara misstir hreinlega af
því. Þú lifðir aðeins í 33 ár og upp-
lifðir margt á þeim tíma. Allt of
oft voru það slæmir atburðir.
Ég minnist þess hve börnin í fjöl-
skyldunni voru hænd að þér. Þú
hafðir svo gott lag á þeim og kunn-
ir að skemmta þeim með söng og
gítarspili. Mér þykir slæmt að son-
ur minn fái ekki að kynnast þeim
stundum.
Ég minnist þess þegar við vorum
börn, veik heima með hlaupabólu,
- þegar við biðum óþreyjufull eftir
að mamma kæmi heim úr vinn-
unni, - þegar þú varst að reyna
að kenna mér að hjóla, - hversu
ánægð ég var þegar þú fórst að
koma með mér í sveitina mína og
umstangið í kringum það.
Elsku Atli minn, ég veit að þú
ert hamingjusamur þar sem þú ert
núna. Ég veit að pabbi okkar hefur
tekið vel á móti þér og það hafa
örugglega verið miklir fagnaðar-
fundir hjá ykkur.
Það þurfti ekki mikið til að gleðja
þig. Þú varst alltaf svo stoltur af
öllu j)ví sem ég tók mér fyrir hend-
ur. Ég vildi bara að þú hefðir getað
tekið meiri þátt í því.
Ég gleymi aldrei rósinni sem þú
gafst mér þegar ég varð stúdent.
Það er fallegasta rós sem ég hef
fengið og ég mun ávallt geyma
hana í hjarta mínu. Það var ímynd-
uð rós sem þú lýstir svo nákvæm-
lega. Lagið og textinn sem þú
samdir til mín er ég útskrifaðist
sem þroskaþjálfi met ég mikils. Ég
átti bara eftir að sjá þig einu sinni
eftir það. Maður gerir sér ekki grein
fyrir því hve lífið er hverfult og að
hver fundur getur verið sá síðasti.
Ég veit að þú varst ánægður síð-
ustu mánuði ævi þinnar, það var
kannski þinn besti tími.
Ég held að ég geti sagt að okkur
hafi bæði langað til að vera óað-
skiljanleg systkin en aðstæðurnar
komu í veg fyrir það. En mér þótti
alltaf vænt um þig og sársaukinn
við að missa þig segir mér hve
sterkur strengurinn á milli okkar í
rauninni var.
Elsku bróðir, ég kveð þig í sátt
og njóttu friðar.
Þín systir,
Brynhildur.
Góður og kær vinur minn Atli
Guðmundsson er látinn. Ég heyrði
tilkynningu í útvarpi að maður í
Danmörku hefði orðið fyrir bíi.
Ekki datt mér til hugar að það
væri Atli. Fyrir stuttu fékk ég bréf
frá honum og í því bréfi lék hann
á als oddi. Gleðin og hamingjan
skein út úr því sem hann skrifaði.
Loksins virtist hann vera að finna
sig eftir áralöng veikindi og miklar
þjáningar og var hann orðinn eins
og hann var meðan hann gat hald-
ið sjúkdómnum niðri.
Það var vorið 1986 að leiðir okk-
ar lágu aftur saman eftir langt hlé.
Varst þú nýkominn út af sjúkra-
húsi og meðan á endurhæfingunni
stóð gekk vel hjá þér það sumar,
bíó, sund, tónleikar og göngutúrar
voru daglegt prógram hjá þér, og
fékk ég að taka þátt í hluta af
þessu sumri. Svo skildu leiðir en
ég frétti af honum af og til.
Síðastliðinn vetur hringdi Atli í
mig og þá var hann á sjúkrahúsi.
Ég heimsótti hann þangað og áttum
við saman góðan dag og var á Atla
að heyra að hann væri ákveðinn í
að nú skyldi hann leggja allt á sig
til að ná bata. Meðan á endurhæf-
ingunni stóð, heimsótti hann mig
og dvaldi oft hjá mér í helgarleyfum
og þá töluðum við mikið saman.
Endurhæfingin var honum auð-
heyranlega erfið. Við töluðum sam-
an vikulega og var hann stundum
að gefast upp og fannst honum
hann vera einstæðingur og ekki
mikið til að lifa fyrir.
Um síðustu verslunarmanna-
helgi fórum við vinirnir saman yfir
Kjö! og enduðum á síldarhátíðinni
á Siglufirði, þar sungum við sam-
an, sögðum brandara, rifjuðum upp
gamlar minningar og ræddum
hjartans mál. Þar sagði hann mér
frá draumi sínum um að flytja til
útlanda og gera eitthvað úr Iífinu.
Atli samdi góð ljóð og lög, spil-
aði vel á gítar og hafði fallega rödd,
í framtíðinni ætlaði hann að gefa
þau út. Það var hægt að sjá hvern-
ig honum leið þegar ljóðin voru les-
in, sorgleg og full af þjáningum, á
þeim tíma er hann var veikastur,
en glaðvær og full af von og þrá
þann tíma sem hann var í bata.
Ég kveð þennan vin minn, og
trúi að á öðru tilverustigi munum
við hittast aftur.
Þú félagi, vinur, þín fór enduð er,
á framandi ströndu að landi þig ber.
Við syrgjum og gleðjumst hér saman
um stund
en seinna við mætumst á annarri grund.
Sá líknandi faðir er lífið gaf þér,
hann leiði þig áfram um eilífðar veg.
En minningin lifir oss mönnunum hjá
á meðan að dveljumst við jörðinni á.
Þó leiðir hér skilji og lund okkar sár,
þú læknað það getur og þerrað hvert tár.
Þú bæn okkur kenndir, við biðjum þig nú
að breyta þeim harmi í eilífðar trú.
(S.E.)
Atli minn, mikið hefði ég viljað
fylgja þér síðustu sporin. Þar sem
ég er erlendis get ég það ekki, en
sendi fjölskyldu þinni mínar innileg-
ustu samúðarkveðjur. Með sorg í
hjarta kveð ég þig, góði vinur. Helst
hefði ég viljað faðma þig, en læt
þessi fátæklegu orð duga.
Þinn vinur,
Eymundur.
ATVINIMU-
AUGLÝSINGAR
Vatnsveita
Reykjavíkur
Vatnsveita Reykjavíkur auglýsir lausan til um-
sóknar styrktil konu, sem stundar eða hyggst
hefja nám í verkfræði eða tæknifræði. Einungis
námtil fyrstu prófgráðu í greininni erstyrk-
hæft. Styrkurinn verður veittur á haustmánuð-
um 1997.
Styrkupphæð er300 þúsund krónur. Umsókn-
um með nám- og starfsferli, ásamt upplýsing-
um um fyrirhugað nám og staðfestingu á
skráningu, skilisttil Vatnsveitu Reykjavíkur,
Eirhöfða 11,112 Reykjavík, fyrir 1. ágúst nk.
Vatnsveita Reykjavíkur hefur sem lið í jafnróttisáætlun sinni að
hvetja konurtil náms í tæknigreinum og reyna þar með að stuðla
að auknu framboði af velmenntuðum konum á þeim sviðum,
sem best nýtast vatnsveitum.
Laus staða
Staða lögfræðings við embættið er laus til um-
sóknar (fullt starf). Launakjör eru samkvæmt
kjarasamningi opinberra starfsmanna.
Starfið verður veitt frá 1. ágúst nk.
Umsóknarfrestur ertil 20. júlí nk. og skal skila
umsóknumtil starfsmannastjóra, Guðmundar
M. Guðmundssonar, lögreglustöðinni,
Hverfisgötu 113—115, sem gefur nánari
upplýsingar.
Lögreglustjórinn í Reykjavík.
„Au pair"
til Bandaríkj'anna
íslensk fjölskylda, búsett í Hartford, Connecti-
cut, óskar að ráða „au pair" til að gæta tveggja
drengja, 3ja og 5 ára, og vinna létt heimilisstörf
í eitt ár frá og með september 1997.
Ef þú hefur áhuga, ert 20 ára eða eldri, reykir
ekki og hefur bílpróf, þá hafðu samband
ísíma 5651161 eftirkl. 16.00.
Garðabær — Flatir
Óskum eftir konu til að annast systkini, 6 og
8 ára, nokkra morgna í viku frá miðjum ágúst.
Upplýsingar í síma 565 9036.
SUMARHÚS/LÓÐIR
Trjáplöntur
Trjáplönturtil sölu á góðu verði. Aspir, reyni-
tré, birki, greni, bakkaplöntur og víðir.
Upplýsingar í síma 566 6187.
NAUQUN6ARSALA
Uppboð
Framhald uppboðs á neöangreindri fasteign verður háð á henni sjálfri
sem hér segin
Kirkjuvegur 18, efri hæð, Ólafsfirdi, þinglýst eign Grétars Hólms
Gíslasonar, eftir kröfum Byggingarsjóðs ríkisins og húsbréfadeildar Hús-
næðisstofnunar, midvikudaginn 9. júlí nk. kl. 10.00.
Ólafsfirði, 1. júlí 1997.
Sýslumaðurinn í Ólafsfirði,
Bjöm Rögnvaldsson.
TIL SOLU
Lagersala
Laugardaginn 5. júlí 1997, frá kl. 13.00—16.00
síðdegis, verður lagersala í Vatnagörðum 26,
Reykjavík.
Selt verður meðal annars: Garðljós á kostnað-
arverði, ódýrir verkfærakassar, vinnupallarfyrir
heimili, takmarkað magn. Servéttur, plast-
hnífapör og kringlóttir borðdúkar, tilvalið í
sumarbústaðinn, sumarferðalögin og í garð-
inn. Sportveiðarfæri, flugulínur, gervibeita,
gott úrval. Vöðlur, sjóstangir, regnkápur,
veiðijakkar og veiðigallar. Línu- og hjólaskaut-
arfyrir3—7 ára, leikföng, pússluspil. Ljósritun-
arvél sem þarfnast viðgerðar, ritvél, vaskur,
hringstigi, þjófavarnakerfi og skápar.
Komið og gerið góð kaup. Einstakttækifæri.
Til sölu
Til sölu er fasteign að Ytra-Holti
við Dalvík
Húsið hefur verið notað sem geymslu- og iðn-
aðarhúsnæði. Tilboðum skal skila til sparisjóðs-
stjóra, sem gefur allar nánari upplýsingar.
Tilboðsfrestur ertil 1. ágúst nk.
Dalvík, 2. júlí 1997.
Sparisjóður Svarfdæla,
Dalvík.
ATVINNUHÚSN ÆÐ I
Til leigu
snyrtilegt 300m2 iðnaðar- eða verslunar-
húsnæði á jarðhæð við Dalbrekku í Kópavogi.
Stórar innkeyrsludyr. Upphitað bílaplan.
Upplýsingar í síma 897 2484.
SMAAUGLYSINGAR
TILKYNNINGAR
Þíngvellir
— þjóðgarður
Dagskrá helgarinnar.
Á Þingvöllum bjóða landverðii
upp á gönguferðir og barna-
stundir og af nógu verður að
taka um helgina.
Laungardagur 5. júlí
Kl. 13.00 Skógarkot
Gengið frá þjónustumiðstöð um
Sandhólastíg í Skógarkot og til
baka um Þinggötu. Fjallað verð-
ur um sögu búskapar og jarð-
fræði á Þingvöllum. Gangan tek-
ur um 3 klst. og má gjarnan taka
með sér nestisbita.
Kl. 15.00 Leikið og litað i
Hvannagjá
Barnastund fyrir alla krakka. Far-
ið verður í létta leiki og málað
með vatnslitum. Hist verður á
bílastæði við Hvannagjá og
gengið saman upp eftir. Barna-
stundin tekur um 11/2 klst. og
nauðsynlegt er að vera vel
búinn.
Sunnudagur 6. júlí
Kl. 13.00 Hrauntún
Gengið með gjám og um fornar
götur að Hrauntúni. A leiðinni
verður hugað að sögu og nátt-
úrufari. Gangan tekur um 3 klst.
og verður lagt upp frá þjónustu-
miðstöð.
Kl. 14.00 Guðsþjónusta
Séra Heimir Steinsson annast
guðsþjónustuna. Organisti er
Ingunn Hildur Hauksdóttir.
Kl. 15.00 Þinghelgin
Gengið verður um hinn forna
þingstað undir leiðsögn land-
varðar. Lagt afstaðfrá Þingvalla
kirkju að lokinni messu. Tekur
um 1-11/2 klst.
Allar frekarí upplýsingar um
dagskrána fást hjá landvörð-
um í þjónustumiðstöð, sími
482 2660.
- kjarni málsins!