Morgunblaðið - 27.08.1997, Side 27

26 MIÐVIKUDAGUR 27. ÁGÚST 1997
MORGUNBLAÐIÐ
MORGUNBLAÐIÐ
MIÐVIKUDAGUR 27. ÁGÚST 1997 27
pltrgwWaltili
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
JAÐARSKATTANA
VERÐUR AÐ
LÆKKA
RÍKISSTJÓRNIN gaf fyrirheit snemma á þessu ári, um
að svokallaðir jaðarskattar yrðu lækkaðir. Þessi fyrir-
heit voru gefin í kjölfar herferðar, sem m.a. aðgerðarhóp-
ur aldraðra stóð fyrir. Nú hefur jaðarskattanefnd skilað
áliti og viðrar ýmsar hugmyndir, en ber ekki fram neinar
ákveðnar tillögur um það hvernig á málum skuli tekið.
Skatthlutfallið var við upphaf staðgreiðslukerfis skatta
árið 1988 35,2%. Hlutfallið hækkaði síðan ár frá ári og
var hæst komið í 41,89% í apríl síðastliðnum, en þá ákvað
ríkisstjórnin að lækka það og hinn 1. maí varð það 40,88%.
Næsta áfangalækkun um eitt prósentustig er áætluð um
áramót. Hve mikil hún verður liggur ekki fyrir nú.
Tekjutengingarákvæði skatta, bóta og almannatrygg-
inga valda því, að jaðarskattar eru í mörgum tilfellum svo
háir að fólk getur hækkað ráðstöfunartekjur sínar með
því að lækka launatekjur. Skattkerfið, vegna tekjutenging-
arinnar, er sem sé vinnuletjandi fyrir fólk. Þetta eru þeir
annmarkar, sem sníða verður af skattkerfinu og það sem
ríkisstjórnin hefur lofað að gera.
Á árinu 1995 boðaði fjármálaráðherra, að ríkisstjórnin
myndi athuga nánar áhrif jaðarskatta og hygðist ljúka
fyrir árslok 1996 vinnu við skattkerfisbreytingar. Þá sagði
Morgunblaðið í leiðara: „Bragð er að þá barnið finnur.
Ríkið er örugglega farið að missa skatttekjur vegna of-
sköttunar, auk þess sem þjóðfélagið tapar á því, að laun-
þegar dragi úr vinnuframlagi til að minnka skattaálögur.
Ástæða er því til að fagna yfirlýsingu fjármálaráðherra
um endurbætur á skattkerfinu. Hins vegar er gert ráð
fyrir alltof löngum tíma til endurskoðunar, þ.e. til loka
næsta árs, sem þýðir að skattgreiðendur þurfa að bíða
til 1997 hið minnsta þar til úrbætur koma til fram-
kvæmda, en þó trúlega til 1998.“
Og enn er beðið. Nú er áliðið árs 1997. Hve lengi á
að bíða enn?
SÉRKENNIÞJÓÐAR
IREYKJAVÍKURBRÉFI fyrir skemmstu var fjallað um
vaxandi þjóðarvitund smáþjóða og þjóðarbrota í Evr-
ópu. Til sögunnar voru m.a. nefndir Skotar og Walesbúar
í Bretlandi, Bretónar og Korsíkumenn í Frakklandi og
Baskar og Katalóníumenn á Spáni, það er smáþjóðir, sem
ekki hafa eignazt eigið ríki eins og íslendingar, Norðmenn
eða Slóvenar. Þjóðernishreyfingar í þessum ríkjum leggja
flestar áherzlu á áframhaldandi samrunaþróun innan Evr-
ópusambandsins, samhliða því að varðveita sérkenni sín,
sögu og þjóðarvitund. Það virðist vera draumur þeirra,
eða sumra minnihlutaþjóðernishreyfinga, að til verði „Evr-
ópa þjóðanna“ fremur en „Evrópa ríkjanna.“
Þjóð er almennt skilgreind sem hópur fólks, sem á sam-
eiginlegt tungumál og menningu, sömu menningarlegu
og sögulegu arfleifðina, og býr oftar en ekki við landfræði-
leg og viðskiptaleg tengsl. Það er mjög mikilvægt á tímum
sem okkar, þegar fjarskipta- og samgöngutæknin hefur
nánast þurrkað út mörk „menningarsvæða“, að menning-
ar- og samfélagsleg sérkenni þjóða verði virt og varðveitt
til framtíðar. Ella týnast óbætanleg menningarverðmæti
og heimurinn verður fátækari og fábreyttari.
Erlend menningaráhrif flæða yfir ísland um ljósvaka-
og prentmiðla, kvikmyndir og tölvur og aðra áhrifamikla
samskiptafarvegi. Oft var þörf en nú er nauðsyn að þjóð-
in haldi vöku sinni, standi órofa vörð um móðurmál sitt
og menningararfleifð, sérkenni sín og þjóðarvitund. Á þá
sveif þurfa öll áhrifsöfl í samfélaginu að leggjast. Ekki
sízt heimilin, skólarnir og fjölmiðlarnir. íslenzk sérkenni
þurfa að setja svip sinn á þessar mótandi stofnanir. Á
það skortir nokkuð, einkum og sér í lagi hjá sjónvarpi,
sem er í allt of ríkum mæli bergmál og endurvarp utanað-
komandi efnis og áhrifa. Og hvar standa skólarnir í þess-
um efnum? Að þessu leyti getum við dregið verðmæta
lærdóma af þjóðernisvakningu víða um Evrópu. En sam-
hliða er ástæða til að minna á að varðstöðu um eigin þjóð-
arsérkenni og verðmæti þarf að fylgja virðing fyrir hlið-
stæðum sérkennum og verðmætum annarra þjóða.
Framtíðarsýn í skipulagsathugun sjúkrahúsa í Reykjavík og nágrenni
Forráðamenn sex sjúkrahúsa
Starf sex sjúkrahúsa verði sam-
einað í einn háskólaspítala
Betrí þjónusta, styttrí meðferðartími og lægri
kostnaður eru lykilatríði í framtíðarsýn
á starfsemi sex sjúkrahúsa í Reykjavík og
nágrenni sem unnin hefur verið fyrir heil-
brigðisráðherra, fj ármálaráðuneyti og Reykja-
víkurborg. Jóhannes Tómasson og
Salvör Nordal kynntu sér skýrsluna og leit-
uðu viðbragða við henni.
ISKÝRSLU um skipulagsathug-
un sjúkrahúsanna í Reykjavík
og nágrenni er lagt til að starf-
semi sex sjúkrahúsa í Reykja-
vík og nágrenni verði sameinuð í
eitt stórt háskólasjúkrahús undir
einni stjórn. Muni það leiða til bættra
gæða, styttri sjúkrahúsdvalar og
lægri kostnaðar.
Ingibjörg Pálmadóttir heilbrigðis-
ráðherra segir að ávinninginn mætti
til dæmis nota til að fækka á biðlist-
um og mæta kröfum um fjárfesting-
ar vegna tækniframfara. Nefna má
sem viðmiðun að talið er að fækka
megi stöðugildum úr fjórum þúsund-
um í um 3.500 á stóru sjúkrahúsun-
um tveimur í Reykjavík sem þýðir
að nýta mætti starfsfólk og fjármuni
til annarra verkefna í heilbrigðis-
þjónustunni.
Um er að ræða Landspítalann,
Sjúkrahús Reykjavíkur, Sjúkrahús
Akraness, Sjúkrahús Suðurnesja í
Reykjanesbæ, St. Jósefsspítala í
Hafnarfirði og Sjúkrahús Suðurlands
á Selfossi. Samantektin var unnin á
vegum heilbrigðisráðuneytis, fjár-
málaráðuneytis og Reykjavíkurborg-
ar. VSÓ Ráðgjöf vann verkið og fékk
til liðs við sig ráðgjafarfyrirtækið
Ernst og Young í Kaupmannahöfn
sem hefur sérþekkingu á sviði heil-
brigðismála. Verkefnið var unnið
undir stjórn sérstakrar stýrinefndar
sem í sátu: Davíð Gunnarsson, ráðu-
neytisstjóri heilbrigðisráðuneytis,
Magnús Pétursson, ráðuneytistjóri
fjármálaráðuneytis, Hjörleifur Kvar-
an borgarlögmaður og Kristján Er-
lendsson, læknir og skrifstofustjóri
í heilbrigðisráðuneyti.
Markmið úttektarinnar var að
greina tækifæri til nánara samstarfs
sjúkrahúsanna sex og leit stýrinefnd-
in sérstaklega til þess hvort sameina
ætti stóru sjúkrahúsin í Reykjavík
alveg eða að nokkru leyti eða hvort
reka skuli þau áfram sem tvær sjálf-
stæðar einingar. Metnir eru í skýrsl-
unni fjórir meginþættir og lýst styrk-
leikum þeirra og veikleikum. Þeir
eru: uppbygging, fagleg hæfni, af-
köst og fjárhagsleg atriði. ítarleg
samantekt er um núverandi starf
hvers sjúkrahúss um sig, lýst fjár-
mögnun, umsvifum og mönnun.
Framtíðarsýn
Lagt er til að sjúkrahúsin sex
verði sameinuð í eitt stórt háskóla:
sjúkrasjúkrahús undir einni stjórn. í
skýrslunni segir að til að ná því
markmiði þurfi stóru sjúkrahúsin tvö
í Reykjavík að sérhæfa sig og hag-
ræða frekar í rekstri. Jafnframt þurfí
að sameina og samhæfa þjónustu á
smærri sjúkrahúsunum fjórum við
starfsemi stóru sjúkrahúsanna. Lagt
er til að stóru sjúkrahúsin einbeiti
sér að eftirtöldum hlutverkum: j
slysa- og bráðalækningum
vefrænum sérgreinum
bráðageðlækningum
stoðdeildaþjónustu
háskólahlutverki
Þijú atriði liggja til grundvallar
þessu skipulagi. I fyrsta lagi sjúkl-
inga- og afkastamiðuð skipulagijing
klínískra sérgreina, þ.e. hand- og
lyflæknisgreinar ásamt undirgrein-
um, öldrunarlækningar, geðlækning-
ar og bráðamóttaka. í öðru lagi að
hafa hveija sérgrein aðeins á einum
stað og í þriðja lagi séu deildir á
minni sjúkrahúsunum fjórum í bein-
um tengslum við deildir á tveimur
aðsetrum háskólasjúkrahússins.
Hugmyndin er að sjúkrahúsin skipti
þessum sviðum með sér og að hver
sérgrein sé aðeins á einum stað.
Hlutverk smærri sjúkrahúsanna
verður að sinna einfaldari þjónustu
og ferilþjónustu, minniháttar bráða-
lækningum án innlagnar (sjúklingar
yrðu fluttir á stærri sjúkrahúsin eða
dagdeildir), eftirfylgd á göngudeild,
langtíma lyflækningum, endurhæf-
ingu, aðgerðum á dagdeild og skoðun
þeirra í kjölfarið, mæðraeftirliti, fæð-
ingarhjálp og sængurlegu.
Þá gerir framtíðarsýnin ráð fyrir
því að öldrunarlækningar, langtíma
endurhæfíng og langlegugeðlækn-
ingar séu aðskilin starfsemi háskóla-
sjúkrahúss og tækju smærri sjúkra-
húsin fjögur hugsanlega þátt í þeirri
þjónustu en þó talið best að hún
verði færð til annarra stofnana.
Betri þjónusta við sjúklinga, aukin
gæði meðferðar, aukin fagleg sam-
virkni og þróun, styttri meðferðar-
tlmi og sjúkrahúsdvöl og lægri
kostnaður eru talin helstu ávinnings-
atriði skipulagsbreytingarinnar. Sett
er fram stefna sem fylgja þurfi eigi
ávinningurinn að skila sér:
Sjúklingur sé í öndvegi á sjúkra-
húsunum;
tryggja þurfi stöðugar umbætur
með því að rækta háskólahlutverkið
°g leggja áherslu á símenntun starfs-
fólks og kostnaðarhagkvæmni;
styrkja stoðirnar, þ.e. byggingar,
aðstöðu og upplýsingatækni;
skapa hvatningu til að lækka
kostnað, auka afköst og gæði.
„Árangurinn af því að fylgja ofan-
greindri stefnu er sá að til verður
samþætt sjúkrahúsakerfi þar sem
starfsemi sjúkrahúsanna fjögurra í
nágrenni Reykjavíkur er samræmd
starfseminni á stóru sjúkrahúsunum
tveimur," segir m.a. í skýrslunni um
árangurinn. „Framtíðarsýnin um eitt
fullkomið háskólasjúkrahús hefur
áhrif á alla skipan sjúkrahúsmála í
landinu og á innra skipulag stóru
sjúkrahúsanna tveggja."
Möguleikar á sparnaði eru taldir
allmiklir á sjúkrahúsunum tveimur í
Reykjavík, segja skýrsluhöfundar og
telja að aukin afköst muni skila mikl-
um ávinningi á ýmsum deildum.
Telja þeir einnig verulega möguleika
á sparnaði á þjónustusviðinu. Settar
eru fram hugmyndir um ávinning í
starfsemi sjúkrahúsanna í Reykjavík
og er talið að hann geti numið um
520 ársverkum sem er um 13% af
4.000 ársverkum spítalanna tveggja.
Breytingin í framkvæmd
í skýrslunni er bent á tvær aðferð-
ir við að hrinda skipulagsbreytingun-
um í framkvæmd: Á skömmum tíma
undir einni yfírstjórn eða á lengri
tíma með lausara stjórnunarfyrir-
komulagi þar sem núverandi yfir-
stjórnendur sjúkrahúsanna sex vinna
saman eftir fyrirmælum sameigin-
legrar stýrinefndar.
Um fyrri leiðina segir meðal ann-
ars að lagt sé til að stýrinefndin, sem
skipuð var fyrir þessa úttekt, stýri
breytingunni og hún axli ábyrgð við
að flygja fyrirfram ákveðnum þrep-
um á ferlinum. Stýrinefndin velji
nýja stjórnendur háskólasjúkrahúss-
ins sem tækju svo við en stýrinefnd-
in yrði áfram til ráðgjafar.
í síðari leiðinni yrði hlutverk stýri-
nefndarinnar aðallega það að tilkynna
núverandi stjómendum sjúkrahús-
anna að þeir eigi að vinna saman og
í sameiningu fylgja þeim sameining-
arþrepum sem lögð yrðu fyrir þá.
Skýrsluhöfundar mæla með fyrri leið-
inni og telja áhættuna minni og að
sá kostur muni auðvelda stjómendum
að einbeita sér að ferlinu og að sam-
þætting sjúkrahúsanna ijögurra utan
Reykjavíkur verði auðveldari.
Heilbrigðisráðherra um skýrslu um framtíðarsýn
Þarf samstöðu fynr svo bylt-
íngarkenndar breytingar
HUGMYNDIR um skipulags-
breytingu á sex sjúkrahús-
um í Reykjavík og nágrenni
voru í gær kynntar forráðamönnum
sjúkrahúsanna. Þær hafa einnig
verið kynntar fjármálaráðherra og
borgarstjóra sem ásamt heilbrigðis-
ráðherra ákváðu að láta gera úttekt
á starfí sjúkrahúsanna og fá tillögur
um samstarfsform þeirra.
„Næsta skref er að kynna skýrsl-
una í ríkisstjórn og síðan munu
stjórnir sjúkrahúsanna sem fengu
skýrsluna í dag kynna hana hjá sínu
fólki,“ sagði Ingibjörg Pálmadóttir,
heilbrigðisráðherra í samtali við
Morgunblaðið í gær.
„Við eigum eftir að fara í gegnum
skýrsluna og fá svör við ýmsum
spurningum sem upp koma. Það
þarf bæði samstöðu og samstarfs-
vilja til að hrinda svo byltingar-
kenndum breytingum í framkvæmd
bæði hjá yfirvöldum og stjórnendum
sjúkrahúsanna og það er því mikil
vinna framundan,“ sagði heilbrigðis-
ráðherra. „Þetta er mikilvægt vinnu-
plagg sem nýtist okkur til framtíðar
hvort sem við tökum allt til greina
eða aðeins hluta þess. Ég á eftir að
fara yfir hvort ég tala fyrir tillögun-
um eins og þær eru hér en í þeim
er ýmislegt sem getur gagnast okk-
ur og við getum áreiðanlega nýtt
betur sumt starfsfólk í heilbrigðis-
þjónustunni.
Fækka má um 500 ársverk
Skýrslan sýnir að við erum að
gera marga hluti vel í heilbrigðis-
þjónustunni en annað getum við
gert betur. Fjármuni sem sparast
við skipulagsbreytingar má síðan
nota til að stytta biðlista og bæta
þjónustuna. Það hefur verið inn-
byggð þensla í heilbrigðisþjón-
ustunni, t.d. þegar tekin er upp ný
tækni og ný lyf og til að geta gert
það hratt þurfa allar einingar að
vera sem hagkvæmastar.
Ráðherra segir ekki ljóst hversu
miklum peningalegum sparnaði
megi ná verði farið að tillögunum
og fulltrúar ráðgjafafyrirtækjanna
VSÓ Ráðgjafar og Ernst og Young,
sem unnu verkið, leggja áherslu á
að sú tala sem nefnd er í skýrsl-
unni, fækkun um rúmlega 500 árs-
verk, sé viðmiðun á hagkvæmni
skipulagsbreytingarinnar og þann
árangur sem ná megi.
Hagræðing á öilum sviðum
„Mikilvægast er að ná sem hag-
kvæmustum vinnuaðferðum og með
breyttu og bættu skipulagi er hægt
að vinna ýmis verk með færra
starfsfólki. Það á við um alla þætti
í starfsemi sjúkrahúsanna,“ segir
Lisa Aagaard, ráðgjafí hjá Ernst og
Young. Hún segir að umræða fari
nú fram meðal háskólasjúkrahús-
anna í Danmörku um samstarf eða
sameiningu í einhverri mynd, sér-
staklega i Kaupmannahöfn.
Meðal þess sem nefnt er í skýrsl-
unni er að ná megi styttri legutíma
og að starf spítalanna skuli miða
að því að setja sjúklinginn í önd-
vegi. Þau Svanbjörn Thoroddsen og
Katrín Olga Jóhannesdóttir, ráð-
gjafar hjá VSÓ, segja að með bættri
skipulagningu sem snúist meira um
þarfir sjúklingsins ætti að vera hægt
að stytta t.d. biðtíma og láta ýmsa
hluta þjónustunnar ganga hraðar
fyrir sig. Þau sögðu þetta ekki ger-
ast sjálfkrafa vegna sameiningar
eða samvinnu heldur með breyttum
hugsunarhætti. Heilbrigðisráðherra
benti einnig á að samkeppni hefði
ríkt milli sjúkrahúsa um starfsfólk
og tækjabúnað en með breyttu
skipulagi væri hægt að samnýta
búnað.
Einnig leggja ráðgjafarnir
áherslu á að samhæfing deilda minni
sjúkrahúsanna við þau stóru muni
skila þeim litlu sjúkrahúsunum mik-
ilvægum ávinningi. Það liggi m.a. í
að auðveldara verði að fá fólk til
starfa þar sem læknar og hjúkrunar-
fræðingar muni hafa tækifæri til
að flytja sig milli staða.
Morgunblaðið/Ásdls
RÁÐGJAFAR kynna samantekt um framtíðarsýn í heilbrigðismálum
á fundi heilbrigðisráðherra í gær. Fremst situr Ingibjörg Pálmadótt-
ir heilbrigðisráðherra og síðan Lise Aagaard frá Ernst og Young
í Danmörku og Svanbjörn Thoroddsen og Katrín Olga Jóhannesdótt-
ir frá VSÓ Ráðgjöf.
Fagna nýjum
hugmyndum
um rekstur
FORRÁÐAMENN sjúkra-
húsanna eru sammála
um að tillögur þær sem,
settar eru fram um
sameiningu sex sjúkrahúsa í
Reykjavík og nágrenni, séu
spennandi og full ástæða sé til
að skoða þær gaumgæfilega.
Kom til dæmis fram hjá for-
ráðamönnum minni sjúkrahús-
anna að mikilvægt væri að efla
samvinnu þeirra við sjúkrahús-
in í Reykjavík. Að mati Jóhann-
esar Gunnarssonar, lækninga-
forstjóra Sjúkrahúss Reykja-
víkur, vantar þó töluvert upp á
faglegar forsendur við vinnslu
skýrslunnar, sérstaklega þegar
hugað er að sameiningu sjúkra-
húsanna í Reykjavík.
„í heild lýst mér vel á hug-
myndirnar sem koma fram í
skýrslunni en við erum rétt
búin að fá hana í hendur og
eigum því eftir að skoða hana
nánar,“ sagði Ríkharður Jóns-
son, stjórnarformaður Sjúkra-
húss Akraness. „Rekstur
sjúkrahúsanna hefur verið óvið-
unandi undanfarin ár og þau
hafa barist í bökkum. Við fögn-
um því nýjum hugmyndum.“
Nýjar hugmyndir
í sama streng tók Kristján
Már Gunnarsson, sljórnar-
formaður Sjúkrahúss Suður-
lands. „Umræðan undanfarin
ár hefur einvörðungu snúist
um flatan niðurskurð. Þessi
skýrsla kemur svo sannarlega
með nýja sýn um sjúkrahús-
reksturinn og við'hljótum að
fagna uppbyggjandi umræðu
um þessar stofnanir.“
„Eg tel að ef allir eru sam-
mála og samstiga um svona
breytingar geti orðið athyglis-
vert og áhugavert að takast á
við þær,“ sagði Erna Fríða
Berg, stjórnarformaður St.
Jósefsspítala í Hafnarfirði.
„Það vantar nánast allt upp
á faglega innsýn í þessari
skýrslu," sagði Jóhannes Gunn-
arsson, lækningaforstjóri
Sjúkrahúss Reykjavíkur.
„Kostir sameiningarinnar eru
raktir en hvergi er minnst á
ókosti hennar. Það getur verið
töluverð hagræðing af því að
steypa sjúkrahúsunum saman
og samnýta deildir. En menn
verða líka að skoða kosti þess
að hafa tvo spítala. Það gefur
meiri faglega breidd og saman-
burð heldur en ef spítalinn er
einn. Fyrir utan þetta er það
visst öryggisatriði að hafa tvo
spítala, til dæmis ef sýkingar
koma upp eða slys.“
Þá gagnrýndi Jóliannes að í
skýrslunni væri ekki getið
hvernig fara ætti að því að
steypa sjúkrahúsunum saman
og hvort reka ætti spítalana
undir sama þaki eða ekki. „Því
er til dæmis ekki svarað hve
mikið þessi sameining myndi
kosta. Við þekkjum frá samein-
ingunni við Landakot að þetta
er ekki ókeypis," sagði Jóhann-
es.
„í skýrslunni er reiknaður
út býsna mikill gróði við sam-
eininguna. Þetta er gert á þann v
veg að fundnar eru út ódýrustu
einingarnar í sjúkrahúsunum
nú og síðan gefa menn sér að
aðrar einingar verði aðlagaðar
að þessum kostnaði. Sem dæmi
má nefna er geðdeild Borgar-
spítalans sem er ódýrari en
geðdeild Landspítalans.
Skýrsluhöfundar spyija sig hins
vegar ekki hvort þessar eining-
ar séu sambærilegar á fagleg-
um forsendum. Mér finnstþví
farin mjög einföld og barnaleg
leið til að reikna gróða samein-
ingarinnar út.“
Undir sama þaki?
Jóhannes taldi þó að merki-
legir hlutir kæmu fram í skýrsl-
unni. „í tölulegri úttekt skýrsl-
unnar um rekstur sjúkrahús-
anna kemur fram glæsileg nið-
urstaða Sjúkrahúss Reykjavík-
ur og í heild má segja að skýrsl-
an sýni mjög glöggt hve ódýr
sjúkrahúsreksturinn er hér á
landi.“
Jóhannes velti því einnig fyr^
ir sér hvort hægt yrði að sam-
eina Landspítala og Borgarspít-
ala, til dæmis með einni slysa-
og bráðamótttöku án þess að
sjúkrahúsin væru undir sama
þaki. „Ef spítali hefur bráða-
móttöku og slysadeild verður
hann einnig að hafa aðrar stoð-
deildir svo sem hjartadeild,
skurðdeild, lungnadeild og svo
mætti áfram telja. Allar þessar
deildir spila saman. Það myndi
hins vegar kosta mikla fjármuni
að sameina Sjúkrahús Reykja-
víkur og Landspítalann undir
sama þaki. Slíkt myndi þýða
miklar byggingaframkvæmdii-
sem kosta ekki aðeins nokkur
hundruð milljónir heldur millj-
arða. Þessi atriði eru hins vegar
hvergi rædd í skýrslunni."
Aukin samvinna -
hagkvæmni í rekstri
í samtölum við forráðamenn
sjúkrahúsanna kom fram að
þeir fögnuðu aukinni samvinnu
milli sjúkrahúsanna. „Ég held
að aukin samvinna myndi vera
mikill faglegur ávinningur fyr-
ir smærri sjúkrahúsin. Þetta
myndi þýða betri þjónusta fyrir
alla,“ sagði Vigdís Magnúsdótfy
ir, forsljóri Ríkisspítalanna.
Slík samvinna er þegar hafin
milli sumra minni sjúkrahús-
anna og sjúkrahúsanna í
Reykjavík. „Við höfum hafið
viðræður við Sjúkrahús
Reykjavíkur um ýmsa sam-
vinnu,“ sagði Jóhann Einvarðs-
son, framkvæmdastjóri Sjúkra-
húss Suðurlands. „Eg held að
sameining eins og stefnt er að
í skýrslunni komi til með að
byrja með aukinni samvinnu
og þróast þaðan,“ sagði Jó-
hann.
„Stóra spurningin verður
hins vegar hvernig stjórnvöld
taka á þessu máli, hvort sett
verður í gang eitthvert ferli til
að vinna þessar hugmyndir
áfram eða hvort þetta verður
bara enn ein skýrslan sem fer
upp í hillu,“ sagði Jóhann.