Morgunblaðið - 04.10.1997, Blaðsíða 18
18 LAUGARDAGUR 4. OKTÓBER 1997
MORGUNBLAÐIÐ
VIÐSKIPTI
Lífleg hlutabréfaviðskipti í lækkunarhrinu á Verðbréfaþingi
Hlutabréfa vísital-
an lækkaði um 2%
Veruleg lækkun á gengi hlutabréfa í sjávarútvegsfyrirtækjum
HLUTABRÉFAVÍSITALA Verð-
bréfaþings íslands lækkaði um tæp
2% í gær í talsverðri hrinu við-
skipta. Heildarviðskipti dagsins
námu tæpum 90 milljónum króna
en auk þess áttu sér stað viðskipti
að fjárhæð rúmlega 10 milljónir
króna á Opna tilboðsmarkaðnum.
Lækkanir voru nokkuð almennar
á Verðbréfaþingi í gær en mest bar
þó á lækkunum á hlutabréfum í sjáv-
arútvegsfyrirtækjum. Þannig lækk-
uðu hlutabréf í Haraldi Böðvarssyni
um rúm 8%, hlutabréf í Samheija
lækkuðu um 3,8% og hlutabréf
Granda lækkuðu um 3%. Raunar
lækkuðu hlutabréf í nær öllum sjáv-
arútvegsfyrirtækjum sem skráð eru
á VÞÍ og lækkaði hlutabréfavísitala
sjávarútvegs um 3,6%.
Spá um lækkanir í sjávarútvegi
hreyfði við markaðnum
Þeir verðbréfamiðlarar sem Morg-
unblaðið ræddi við í gær sögðu greini-
legt að frétt sem birtist í Morgunblað-
inu í gær, þar sem talsverðri lækkun
á gengi sjávarútvegsfyrirtækja var
spáð, hafi hreyft verulega við mark-
aðnum. Jafnt sölutilboð sem kauptil-
boð hafi lækkað talsvert og hafi tals-
verðar lækkanir fylgt í kjölfarið.
VÍB reiknar með 4% hækkun
fram að áramótum
Hins vegar eru skiptar skoðanir
um þá greiningu sem kom fram í
fyrrnefndri frétt. Þar komu fram
þær skoðanir verðbréfamiðlara að
spá um lakari afkomu sjávarútvegs
í ár en í fyrra, auk nokkurrar
óánægju með milliuppgjör margra
sjávarútvegsfyrirtækja, myndu lík-
ast til leiða til umtalsverðra lækkana
á gengi sjávarútvegsfyrirtækja. Var
bent á að gengi þeirra hefði að
meðaltali hækkað um 12% frá ára-
mótum en yrði afkoman lakari í ár
en í fyrra, hlyti einhver leiðrétting
að eiga sér stað.
Á móti er hins vegar nefnt að
menn séu farnir að horfa talsvert
lengra fram í tímann nú. M.a. sé
horft til þess að þorskkvóti hafi ver-
ið að aukast undanfarin tvö fiskveið-
iár sem muni leiða til mun betri
nýtingar framleiðslutækja. Þá hafi
átt sér stað sameiningar í sjávarút-
vegi á undanförnum misserum og
væri talsvert horft til þess ávinnings
sem kynni að verða af þeim.
Þá er bent á að ytri aðstæður séu
um margt hagstæðar fyrir hluta-
bréfaverð. T.d. hafi vextir farið
lækkandi að undanförnu og margt
bendi til að sú þróun kunni að halda
áfram. Því sé ekki óeðlilegt að ætla
að fjárfestar muni í auknum mæli
sækja í hlutabréf. Að sögn Friðriks
Magnússonar, sjóðsstjóra hjá Verð-
bréfamarkaði Islandsbanka, er m.a.
af þeim sökum gert ráð fyrir um
4% hækkun á gengi hlutabréfavísi-
tölunnar fram að áramótum.
Islands-
flug semur
við SAS
ÍSLANDSFLUG gekk í gær frá
samningi við SAS-flugfélagið um
aðgang að Amadeus-bókanakerfinu.
Kerfið er hið stærsta í heimi að
sögn Sigfúsar Sigfússonar, mark-
aðsstjóra íslandsflugs, og er talið
að um helmingur ferðaskrifstofa í
heiminum hafi aðgang að því.
Sigfús segir að kerfið opni félag-
inu ýmsa möguleika til að bæta
þjónustu við farþega. Farþegar
geti nú látið bóka sig beint í flug
með íslandsflugi hjá öllum ferða-
skrifstofum sem tengjast kerfínu
og gengið frá framhaldsflugi svo
eitthvað sé nefnt.
Farþegum Islandsflugs hefur
ijölgað verulega á þessu ári eftir
að fijálsri samkeppni var komið á
í innanlandsflugi. Sigfús segist
Morgunblaðið/Ámi Sæberg
ÍSLANDSFLUG hefur samið við SAS um aðgang að bókunar-
kerfi félagsins. Frá undirritun samningsins, (f.v.)Per Falke-
borg og Marianne Wagner frá SAS ásamt Sigfúsi Sigfússyni,
hjá íslandsflugi.
gera sér vonir um að farþegum
muni flölga enn frekar með til-
komu kerfisins. „Nú stefnir í að
um 93 þúsund farþegar fljúgi með
okkur í áætlunarflugi innanlands
í ár og við stefnum að því að fjölga
þeim enn frekar á næsta ári,“ seg-
ir Sigfús.
FORRÁÐAMENN Pizza 67 fagna sölu sérleyfa til Englands í
gær. Frá vinstri: Georg Georgiou, framkvæmdastjóri Pizza 67,
Baldur Sigurðsson, eigandi Pizza 67 UK Ltd., og Gísli Gíslason
frá Pizza 67 International,
Pizza 67 í Englandi
NYTT félag hefur verið stofnað
um rekstur Pizza 67-staða í Evr-
ópu, Pizza 67 Europe. Félag þetta
á aðeins einn stað, Pizza 67 í
Tryggvagötu, en selur sérleyfi til
rekstraraðila á Islandi, Noregi,
Svíþjóð, Finnlandi og Bretlandi. í
gær gekk hið nýja fyrirtæki frá
sölu fimm sérleyfa til fyrirtækisins
Pizza 67 UK Ltd. en það stefnir
að því að opna fimm Pizza 67-
staði í Englandi á næstu misserum.
Pizza 67 UK Ltd. er í eigu Bald-
urs Sigurðssonar en hann hefur
unnið við verðbréfamiðlun í Lund-
únum síðastliðin átta ár, fyrst hjá
fjárfestingarfyrirtækinu Hender-
son Investors og síðan hjá eigin
fyrirtæki, Avalon Finance. Baldur
stefnir að því að opna fyrsta stað-
inn fyrir jól og býst síðan við að
opna nýjjan stað á um sex mánaða
fresti. „Á næstunni verður stað-
setning metin en líklegt er að 1-3
staðir verði opnaðir í London og
nágrenni, einn í Mið-Englandi og
1-2 í Norður-Englandi.“
Innviðir keðjunnar styrktir
Gísli Gíslason, lögmaður Pizza
67 International, segir að með
stofnun hins nýja félags sé endur-
skipulagningu á Pizza 67-keðj-
unni formlega lokið og því sé
hægt að snúa sér að því af krafti
að breiða íslenska flatbökumenn-
ingu út til annarra landa. „Með
stofnun Pizza 67 Europe hefur
móðurfélagið endanlega dregið
sig út úr rekstri og mun því ein-
göngu sinna sérleyfasölu og
styrkja þannig innviði keðjunnar.
Við höfum mikla trú á enska
markaðnum og fögnum því hinum
skjóta árangri þar. Þá verða fleiri
staðir opnaðir í Noregi á næst-
unni en þar er nú þegar rekinn
einn staður," segir Gísli.
Netverk ogMarg-
miðlun til Brussel
TVÖ fyrirtæki, Netverk hf. og
Margmiðlun hf., hafa verið valin til
að taka þátt í fjárfestingarþingi sem
haldið verður í Brussel þann 25.
nóvember nk. Þar gefst fyrirtækj-
unum kostur á að kynna áform sín
fyrir erlendum fjárfestum.
Netverk hf. framleiðir búnað
fyrir gagnasendingar i gegnum
gervihnött og Margmiðlun fram-
leiðir hugbúnað fyrir alnetið, m.a.
TotoSelect. Alls voru valin 30 evr-
ópsk fyrirtæki til þátttöku að þessu
sinni og þykir hlutdeild íslands
góð. Þessi árangur íslensku fyrir-
tækjanna kemur í framhaldi af
þátttöku þeirra í verkefninu Infin-
ite 97 sem starfrækt hefur verið
af Útflutningsráði og Fjárfesting-
arskrifstofu um nokkurra mánaða
skeið. Þar fengu sex fyrirtæki leið-
beiningar við gerð viðskiptaáætl-
unar og öflun erlends áhættufjár-
magns. Auk fyrrgreindra fyrir-
tækja voru þetta Gagnalind hf.,
Gula línan, Hugbúnaður og Hug-
vit. Þann 5. september var síðan
haldin kynning hér á landi fyrir
erlenda og innlenda áhættufj-
árfesta. Markmiðið er að a.m.k.
þrjú fyrirtæki fái fulla fjármögnun
sinna áforma.
Póstur og
sími býður
ePóst
Fríkortssamstarfið dregur dilk á eftir sér
BYKO og 10—11 hætta við-
skiptum við íslandsbanka
PÓSTUR og sími hefur tekið upp
nýja þjónustu fyrir póstsendingar
fyrirtækja, svonefndan ePóst.
Þjónustan gerir fyrirtækjum kleift
að senda allar póstsendingar sínar
rafrænt til Pósts og síma. Þar er
tekið við þeim, þær prentaðar út
og settar í umslög og loks frímerkt-
ar og sendar til viðtakenda.
Að því er fram kemur í upplýs-
ingum frá Pósti og síma getur
þetta fyrirkomulag haft í för með
sér umtalsverðan spamað fyrir
fyrirtæki í póstflokkun og -send-
ingum.
Þá er jafnframt tilgreint að
fyllsta öryggis sé gætt í þessari
þjónustu. Allur gagnaflutningur sé
rafrænn og gildi strangar reglur
um meðferð gagnanna. Aðgangur
að tölvu- og tækjasal sé tak-
markaður og hugbúnaðurinn sé
þróaður með það að leiðarljósi að
tryggja mjög nákvæmt eftirlit með
öllu ferlinu.
BYKO og 10-11 hafa hætt viðskipt-
um við Islandsbanka vegna þátt-
töku bankans í Fríkortssamstarf-
inu. Bankinn verður af viðskiptum
sem nema nokkrum milljörðum
króna vegna þessa að sögn forráða-
manna fyrirtækjanna. Þeir segja
að óánægja ríki meðal margra við-
skiptavina íslandsbanka vegna
málsins.
Jón Helgi Guðmundsson, forstjóri
BYKO, segir að fyrirtækið hafi
ekki lengur séð sér fært að skipta
við íslandsbanka þar sem bankinn
hafi myndað viðskiptabandalag
gegn því. Vísar hann til þess að
Húsasmiðjan, einn helsti keppinaut-
ur BYKO, tekur þátt í Fríkortssam-
starfinu.
„BYKO hefur alltaf átt gott sam-
starf við íslandsbanka en vegna
þessa viðskiptabandalags eigum við
skiljanlega erfitt með að halda þess-
um viðskiptum áfram. Mér þykir
leitt að þetta góða samstarf skuli
hafa endað með þessum hætti og
myndi gjarnan beina viðskiptum
aftur til bankans ef hann hætti
þátttöku í þessu bandalagi. Ég vona
að bankinn sjái að sér í þessu máli
og að eðlilegir viðskiptahættir kom-
ist á að nýju.“
Jón Helgi segir að hann hafi
heyrt megna óánægju víða i við-
skiptalífinu vegna Fríkortssam-
starfs íslandsbanka en segir að-
spurður að hann hafí ekki tekið
umrædda ákvörðun í samráði við
önnur fyrirtæki sem standa utan
samstarfsins.
BYKO er í 37. sæti á lista Frjálsr-
ar verslunar yfir stærstu fyrirtæki
ársins 1996. Samkvæmt tímaritinu
nam velta fyrirtækisins rúmum 3,6
milljörðum króna á síðastliðnu ári.
Jón Helgi segir að viðskipti BYKO
við íslandsbanka hafi numið hundr-
uðum milljóna króna og hann eigi
von á því að þau verði nú færð til
annarra banka.
Ákvörðun bankans að halda
Fríkortssamstarfinu áfram
10-11-verslanimar hættu við-
skiptum við íslandsbanka í síðasta
mánuði, einnig vegna þátttöku
bankans í Fríkortssamstarfinu, að
sögn Eiríks Sigurðssonar, fram-
kvæmdastjóra. Segir hann að bank-
inn verði af þriggja milljarða króna
ársveltu vegna þessa. Hagkaup,
einn helsti keppinautur 10-11, er
þátttakandi í samstarfinu.
„Þegar tilkynnt var um Fríkorts-
samstarfið í vor óskuðum við eftir
því við bankann að hann hætti þátt-
töku í því. Okkur finnst ekki rétt
að viðskiptabanki okkar taki þátt í
því að beina viðskiptavinum okkar
til samstarfsaðila. Bankinn tók hins
vegar þá ákvörðun að halda sam-
starfinu áfram þannig að við fundum
okkur knúna til að flytja viðskipti
okkar annað. Við fengum mörg til-
boð í viðskipti og fluttum okkur til
Búnaðarbankans og emm mjög
ánægðir þar. Sem betur fer em
margir bankar sem eru reiðubúnir
að vinna með viðskiptavinum sínum
en ekki á móti þeim,“ segir Eiríkur.
Eiríkur segist ekki hafa tekið
umrædda ákvörðun í samráði við
önnur fyrirtæki en hann hafi heyrt
óánægju með Fríkortssamstarf ís-
landsbanka meðal margra við-
skiptavina bankans.
Ekki náðist í forsvarsmenn ís-
landsbanka í gær vegna málsins.