Morgunblaðið - 04.10.1997, Blaðsíða 16

16 LAUGARDAGUR 4. OKTÓBER 1997
AKUREYRI
MORGUNBLAÐIÐ
Nýr framkvæmdastjóri hjá Fóðurverksmiðjuimi Laxá
Fyrirtækið gerir stóran
sölusamning innanlands
FÓÐURVERKSMIÐJAN Laxá
hefur gert samning við fiskeldisfyr-
irtækið Silung hf. í Vogum á Vatns-
leysuströnd um sölu á fiskafóðri.
Um er að ræða sölu á 1000-1300
tonnum af fóðri á ári að verðmæti
70-100 milljónir króna. Þá hefur
Valgerður Kristjánsdóttir, fiskeldis-
og rekstrarfræðingur verið ráðin
framkvæmdastjóri Laxár.
Arni V.Friðriksson, stjórnarfor-
maður Laxár, segir samninginn við
Silung hafa gífurlega þýðingu og
gefa félaginu möguleika á að snúa
tapi í hagnað. Einnig gefi hann
möguleika á frekari sóknarfærum
bæði hér og heima og erlendis.
Með aðstoð Landsbankans
„Miðað við 3.500 tonna framleiðslu
af fóðri á ári sést hversu stór samn-
ingurinn er fyrir okkur. Nú teljum
við okkur vera komna með um % af
innlenda markaðnum. Landsbankinn
gerir okkrn- kleift að gera þennan
samning og tekur veð í fiskinum og
Laxá er aftur með bakveð gagnvart
bankanum,“ segir Ámi.
Silungur er með regnbogasilung,
bleikju og lax í strandeldi, fram-
leiðslan er um 1000 tonn á ári og er
velta fyrirtækisins 200-300 milljónir
króna. Jónatan Þórðarson, fram-
kvæmdastjóri Silungs segir að fyr-
irtækið hafi keypt fóður frá norska
Morgunblaðið/Kristján
FULLTRÚAR Fóðurverksmiðjunnar Laxár og Silungs hf. framan við skrifstofuhúsnæði Laxár. F.v. Jón
Árnason, fóðurfræðingur, Valgerður Kristjánsdóttir, framkvæmdastjóri Laxár, Jónatan Þórðarson, fram-
kvæmdastjóri Silungs, Árni V. Friðriksson, stjórnarformaður Laxár og Þórður Þórðarson, stjórnarformað-
ur Silungs.
fyrirtækinu Stormöllen. Norska
fyrirtækið fjármagnaði jafnframt
rekstur Silungs á sínum tíma, þegar
ekki voru til afurðalán til fiskeldis í
landinu.
Styrkir fiskeldi í landinu
„Eftir að samningur okkar við
Stormöllen var laus ákváðum við að
flytja okkar viðskipti yfir til Laxár, í
stað þess að halda áfram að kaupa
fóðrið frá útlöndum. Við teljum mjög
jákvætt að hafa náð samningum við
Laxá, enda styrkir það fiskeldi í
landinu að hafa hér öflugt fóður-
framleiðslufyrirtæki,11 sagði Jónatan.
Valgerður Kristjánsdóttir nýráð-
inn framkvæmdastjóri Laxár, er 32
ára gömul, frá Kaupangi í Eyja-
fjarðarsveit. Hún er gift Ársæli
Kristófer Ársælssyni, sjávarútvegs-
fræðingi og eiga þau þrjú börn. Ár-
sæll starfar sem gæðastjóri hjá
Snæfelli á Dalvík. Valgerður sagði
nýja starfið leggjast vel í sig en hún
mun hefja störf um miðjan mánuð-
inn.
Bókmennta- og ritlistarmiðstöð
formlega opnuð
Sigurhæðir, Hús
skáldsins, býður
höfundum aðstöðu
Morgunblaðið/Kristján
ERLINGUR Sigurðarson, forstöðumaður Sigurhæða - Húss skálds-
ins sem tekið hefur til starfa á Akureyri. Erlingur situr við skrifborð
sr. Matthíasar Jochumssonar sem reisti húsið, Sigurhæðir, árið 1903.
BÓKMENNTA- og ritlistarmið-
stöðin í „Húsi skáldsins" á Sigur-
hæðum hefur formlega verið opnuð
en forstöðumaður hennar er Erling-
ur Sigurðarson.
Matthías Jochumsson lét reisa
húsið árið 1903 og bjó þar til dauða-
dags, 18. nóvember 1920. Hann var
eitt afkastamesta ljóðskáld Islend-
inga, auk þess samdi hann nokkur
leikrit, skrifaði ævisögu sína og
þýddi fjölda ljóða. Eftir lát Matthí-
asar gekk húsið kaupum og sölum,
en 1958 var Matthíasarfélagið
stofnað á Akureyri í þeim tilgangi
að eignast Sigurhæðir og koma þar
upp minjasafni um séra Matthías.
Því var komið fyrir á neðri hæð
hússins. Akureyrarbær hefur ann-
ast rekstur safnsins frá árinu 1981.
Nú er verið að koma fyrir hús-
gögnum og búnaði á efri hæð húss-
ins en þar hefur verið útbúin að-
Númer klippt
af bflum
LÖGREGLAN á Akureyri mun í
næstu viku byrja átak í að klippa
númer af þeim bifreiðum sem ekki
hafa verið færðar til skoðunar á rétt>
um tíma. Skorar lögregla á eigendur
þessara bifreiða að gera skil á bif-
reiðagjöldum og þungaskatti og færa
bifreiðarnar að því búnu til skoðun-
ar. Daníel Guðjónsson yfirlögreglu-
þjónn á Akureyri sagði að um hefð-
bundnar innheimtuaðgerðir væri að
ræða og myndu þær hefjast fljótlega
í næstu viku.
staða fyrir þá sem vilja sinna skrift-
um. I fyrstu verður þar aðstaða fyr-
ir tvo höfunda og verður hún aug-
lýst innan skamms, en forstöðumað-
ur mun einnig hafa þar aðstöðu
sína. „Tilgangurinn er að greiða
götu þeirra sem búa yfir hugmynd-
um en hafa ekki aðstöðu til að fylgja
þeim eftir, skortir aðstöðu til skrift-
anna,“ sagði Erlingur.
Lifandi starf
Lifandi starf verður lykilorðið í
starfsemi miðstöðvarinnar og er í
undirbúningi bókmenntadagskrár
og sýningar af ýmsu tagi, sem m.a.
munu tengjast Akureyrarskáldum á
ýmsum tímum sem og öðrum skáld-
um. Gert er ráð fyrir að slíkar dag-
skrár verði snar þáttur í starfsemi
Sigurhæða.
Miklar endurbætur hafa verið
gerðar á húsinu á liðnum árum.
hófust í upphafi þessa áratugar og
er ekki að fullu lokið. Húsið hefur
verið gert upp að utan og að mestu
er lokið endurbótum á miðhæð og
efri hæð þess, en stóru verkefni er
ólokið í kjallara.
Greiða skáldum leið
Erlingur sagði að næstu skref
væru að huga að kjallaranum en
hugmyndin væri að setja þar upp
bókasafn, geymslurými og snyrt-
ingar. Sem stendur eru einungis
bækur úr safni Matthíasar í hús-
inu.
„Það er gaman að fá tækifæri til
að finna hugmyndum sínum stað í
þágu orðsins listar, viðhalda minn-
ingu skálda á Akureyri og greiða
öðrum leið,“ sagði Erlingur en benti
jafnframt á að peningar skiptu
miklu við að koma þeim í fram-
kvæmd. Fyrstu framlög lofuðu góðu
og væri hann því bjartsýnn á fram-
haldið. Gerði hann ráð fyrir að
einnig yrði leitað eftir styrkjum til
fyrirtækja og einstaklinga og vænti
þess að fólk sæi sér fært að styðja
menningarlíf í bænum svo sómi
væri að.
Yfirlit mynda
Kristjáns
Steingríms
KRISTJÁN Steingrímur Jónsson
sýnir verk sín í Listasafninu á
Akureyri og verður sýningin,
sem ber yfirskriftina „Myndir
1990-1997“, opnuð í dag, laugar-
dag, kl. 16. Þetta er ellefta einka-
sýning listmálarans og bregður
hann upp yfirliti ferils síns það
sem af er síðasta áratug aldar-
innar.
Morgunblaðið/Krstján
Milljónatjón
í eldsvoða
ÞRIGGJA hæða hús við Aðal-
götu 11 í Ólafsfirði skemmdist
mikið í eldi í fyrrinótt og ljóst að
tjón varð mikið.
í húsinu sem er kjallari, hæð
og ris störfuðu þrjú fyrirtæki,
Stuðlaprent, Múli sem er bæjar-
blað í Ölafsfirði og þar fór einnig
fram framleiðsla á myndböndum.
Eigendur voru við störf í húsinu
fram að miðnætti á fimmtudags-
kvöld, en tilkynnt var um eldinn
um kl. 20 mínútur í eitt.
Samkvæmt upplýsingum lög-
reglu í Ólafsfirði varð mikið tjón í
eldsvoðanum en fjölmörg og dýr
tæki voru innandyra. Allhvöss
sunnan átt var í bænum þegar
eldurinn kom upp og munaði
minnstu að illa færi þar sem eld-
urinn stóð á nærliggjandi hús.
Messur
AKUREYRARKIRKJA: Sunnu-
dagaskóli í kirkjunni kl. 11 á
morgun. Ýmsar nýjungar í
barnastarfinu. Munið kirkjubíl-
ana. Guðsþjónusta kl. 14. Sr.
Svavar A. Jónsson. Kirkjukórinn
syngur við messuna. Kirkjukaffi
kvenfélagsins eftir messu í
Safnaðarheimilinu. Bræðralags-
fundur eftir messu í Safnaðar-
heimili. Fundur æskulýðsfélag-
ins kl. 17 f kapellu. Biblíulestur
á mánudagskvöld, 6. október
kl. 20.30. Sr. Guðmundur Guð-
mundsson héraðsprestur leiðir
fyrstu samveruna um efnið „I
fótspor meistarans'1.
GLERÁRKIRKJA: Barnasam-
koma verður í kirkjunni kl. 13 f
dag, laugardag, en kirkjuskólinn
verður á laugardögum f vetur.
Fjölbreytt og litríkt efni og mikið
sungið. Foreldrar hvattir til að
mæta með börnum sínum.
Messa verður í kirkjunni kl. 14 á
morgun. Kirkjukaffi kvenfélags-
ins verður í safnaðarsal að
messu lokinni. Fundur æsku-
lýðsfélagins kl. 18 sama dag.
Kyrrðar- og bænastund kl.
18.10 á þriðjudag, 7. október.
Biblíulestur sama dag kl. 21.
Postulasagan verður lesin. Þátt-
takendur fá afhent efni sér að
kostnaðarlausu. Sr. Gunnlaugur
Garðarsson.
HJÁLPRÆÐISHERINN: Söng-
stund á Hlfð kl. 15.30 í dag,
laugardag. Kvöldvaka með
kaffiveitingum kl. 20.30 í kvöld.
Sunnudagaskóli kl. 11 á morg-
un. Fjölskyldusamkoma kl. 16 á
morgun og unglingasamkoma
kl. 20. Kommandörarnir Marg-
aret og Edward Hannevik um-
dæmisstjórar Hjálpræðishersins
í Noregi, (slandi og Færeyjum
og majór Knut Gamst verða
sérstakir gestir á samkomum
helgarinnar. Heimilasamband
kl. 15 á mánudag, krakkaklúbb-
ur kl. 17 á miðvikudag.
HVÍTASUNNUKIRKJAN: Safn-
aðarsamkoma, brauðsbrotning,
kl. 11 á morgun, G. Rúnar
Guðnason prédikar. Almenn
samkoma kl. 14, ræðumaður G.
Theodór Birgisson. Krakkakirkja
meðan á samkomu stendur fyrir
6-12 ára og barnapössun fyrir
eins til 5 ára. Biblíulestur á mið-
vikudag kl. 20.30. Krakkaklúbb-
ur, 3ja til 12 ára á föstudag kl.
17. 15, samkoma í umsjá ungs
fólks kl. 20.30 sama dag. Mikill
og fjölbreyttur söngur.
KFUM og K, Sunnuhlíð:
Bænastund kl. 20 á sunnu-
dagskvöld. Almenn samkoma
kl. 20.30. Ingileif Jóhannesdóttir
segir kristniboðsfréttir. Séra
Guðmundur Guðmundsson hef-
ur hugleiðingu. Tekið á móti
gjöfum til kristniboðsins.
ÓLAFSFJARÐARKRIKJA: Fjöl-
skyldumessa í safnaðarheimil-
inu kl. 11 á morgun. Upphaf
sunnudagaskólans. Messa kl.
14 á dvalarheimilinu Horn-
brekku. Mömmumorgunn í
safnaðarheimili kl. 10 til 12 á
miðvikudag.