Morgunblaðið - 21.10.1997, Blaðsíða 12

12 ÞRIÐJUDAGUR 21. OKTÓBER 1997
FRETTIR
MORGUNBLAÐIÐ
Formaður Fram um viðræður við Kringluna
Engu breytt án sam-
starfs við borgina
SVEINN Andri Sveinsson, formaður
Knattspyrnufélagsins Fram, segir
að svæði, sem nefnt hefur verið að
nota megi undir byggingu bíla-
geymslu og fleiri mannvirkja fyrir
Kringluna, verði ekki ráðstafað án
samstarfs við Reykjavíkurborg.
„Það hefur alltaf komið skýrt
fram að við myndum aldrei selja
lóðina eða breyta ráðstöfun skipu-
lags hennar nema í nánu samstarfi
við borgina," sagði Sveinn Andri.
„Borgarstjóri veit þetta og það er
enginn misskilningur þar á ferðinni."
Ekki léð máls á að selja landið
Fram hefur átt viðræður við for-
ráðamenn Kringlunnar um afnot af
svæðinu, meðal annars þá hugmynd
að reisa þar bílageymslu. Ingibjörg
Sólrún Gísladóttir borgarstjóri sagði
í samtali við Morgunblaðið á fimmtu-
dag að landi Fram við Safamýri
hefði verið úthlutað sem íþrótta-
svæði og gæti hún ekki séð að hægt
væri að breyta því án þess að borgar-
yfirvöld hefðu neitt um það að segja.
„Það hefur ekki verið léð máls á
því af okkar hálfu að selja landið,"
sagði Sveinn Andri. „Hér kemur hins
vegar tvennt til, annars vegar höfum
við heyrt af áhuga Kringlumanna á
þessu svæði og hins vegar höfum
við heyrt hugmyndir um að leggja
Miklubrautina í stokk þannig að til
yrði nýtt byggingarland yfir gatna-
mannvirkjunum. Þetta tvennt varð
til þess að við vildum ganga tii könn-
unarviðræðna við Kringlumenn bæði
til að kynna þeim okkar framtíðará-
form og hins vegar til að komast
að því hvaða áætlanir þeir hefðu.“
Fram fékk svæðið að gjöf
Sveinn Andri sagði að væri lagt
mat á verðmæti umrædds svæðis sem
lóð undir verslunarstarfsemi væri
hann ekki í vafa um að verðmætið
væri yfir einum milljarði króna. „Það
er hins vegar ljóst að kæmi einhvern
tíma til þess að þetta land yrði selt
þá gaf Gunnar Thoroddsen Fram
þetta svæði á fimmtugsafmæli fé-
lagsins árið 1958 og fer væntanlega
enginn annar að taka pening fyrir
það,“ sagði Sveinn Andri.
Olíumengnnin í Seyðisfirði mun meiri en tilkynnt var í fyrstu
Of seint að setja
upp mengunargirðingu
HAFNARSTJORI á Seyðisfirði seg-
ir að svo virðist sem skipstjóri hafi
gefið hafnarverði rangar upplýs-
ingar um umfang ollumengunar
þegar olía fór þar í sjóinn sl. þriðju-
dag. Það var ekki fyrr en morgun-
inn eftir að ljóst varð að mengunin
var mun meiri en menn héldu og
þá var of seint að grípa til að-
gerða, að sögn Þorvaldar Jóhanns-
sonar, bæjarstjóra á Seyðisfirði,
sem jafnframt er hafnarstjóri.
Verið var að dæla gasolíu um
borð í togarann Hólmadrang en svo
virðist sem slysið hafi orðið þegar
verið var að dæla milli tanka. Þor-
valdur segir að hafnarvörður, sem
er eini starfsmaðurinn við höfnina,
hafi verið upptekinn á vigt þegar
skipstjórinn tilkynnti um mengun-
ina og ekki komist til að líta eftir
henni. Slysið hefði verið kynnt eins
og það væri minniháttar og því
hafi ekki verið talin hætta á ferð-
um. „Svo verða menn varir við það
morguninn eftir að þetta hafi senni-
lega verið eitthvað meira og þá er
orðið allt of seint að grípa til ein-
hverra aðgerða til að reyna að
hemja þetta. Það hefði verið hægt
að setja út mengunarvarnagirðingu,
en í þessu tilfelli dreifir olían svo
fljótt úr sér að við hefðum ekkert
ráðið við hana. Nú þarf bara að
reyna að fyrirbyggja eins og frek-
ast er kostur að svona eigi sér stað
aftur,“ segir Þorvaldur.
Aðgerðaleysi yfirvalda
gagnrýnt
Vilmundur Þorgrímsson æðar-
bóndi, sem reynt hefur eftir megni
að bjarga fuglum, segir að um 30
fuglar hafi drepist á fyrstu dögun-
um og kveðst þess fullviss að slysið
muni kosta um hundrað fugla lífið
þegar upp verði staðið. Lítið sé
hægt að gera þeim til bjargar, ná-
ist ekki til þeirra mjög fljótlega
eftir að þeir lenda í olíunni. Hann
gagnrýnir hafnar-, bæjar-, heil-
brigðis- og lögregluyfirvöld á staðn-
um fyrir aðgerðaleysi í mengunar-
málum og segir mál sem þetta iðu-
lega þögguð niður. Nú er hann
ásamt fleirum að safna gögnum um
þetta mál og önnur viðlíka og í
undirbúningi er kæra til umboðs-
manns Alþingis.
Þorvaldur segir málið í réttum
farvegi og gerir ráð fyrir að það
verði kært. Siguijón Andri Guð-
mundsson, varðstjóri hjá lögregl-
unni á Seyðisfirði, segir að gerð
hafi verið venjuleg vettvangskönn-
unarskýrsla um málið og hún sé
komin til fulltrúa sýslumanns.
Þangað fari hún svo væntanlega til
sýslumannsins á Hólmavík, þar sem
togarinn Hólmadrangur á heima-
höfn.
1
í
I
fi
í
[
I
-
L
I
Morgunblaðið/Arnór Ragnarsson
Nýir vegir opnaðir á Suðurnesjum
HRINGTORG er á veginum skammt frá hesthús-
um Hestamannafélagsins Mána en þar liggja leið-
ir til allra átta, þ.e. út í Garð, til Keflavíkur og
Sandgerðis. Að sögn Jónasar Snæbjörnssonar
umdæmisverkfræðinqfs Vpcrawprðar ríkisins á
Reykjanesi, er verið að leggja síðustu hönd á
framkvæmdir við þessa vegi og er gert ráð fyrir
að þeir verði opnaðir fyrir umferð í vikunni en
verið er að merkja þá og setja upp ljósastaura
við hrinortorffið.
Frábær fyrirtæki
11. Einstaklega falleg og snyrtileg gjaTa- og blómaverslun í hjarta
Reykjavíkur. Góð umboð fylgja með fyrir innflutning. Föst viðskipta-
sambönd. Laus strax vegna veikinda. Besti sölutíminn framundan.
2. Þekkt lítil snyrtivöruverslun til sölu. Er með eigin innflutning og sér-
lega ódýrar vörur. Mörg góð umboð fylgja með. Er staðsett í verslunar-
miðstöð. Nú er rétti tíminn til að taka við slíkri verslun.
3. Lítil frábær heildverslun með þekktar vörur sem búið er að markaðs-
setja. Hægt að hafa í heimahúsi. Góð viðskiptasambönd.
Sanngjarnt verð.
4. Frábært markaðssölufyrirtæki með yfirburða aðstöðu í margmiðlun.
Innflutningur og umboðslaun. Lítil yfirbygging en endalausir sölu-
möguleikar. Möguleikar til markaðssetningar sem fáir hafa.
5. Lítil og vel staðsett ritfanga- og bókaverslun, ein sú þekktasta í
borginni. Selur einnig vörur sem enginn annar er með.
Mikill annatími framundan.
6. Söluturn í frábæru hverfi enda mánaðarvelta 5,5 millj.
Verðhugmynd 13,5 millj.
7. Kaffihús í miðborginni með léttvínsleyfi. Verð aðeins 3,5 millj.
Höfum trausta kaupendur að eftirtöldum fyrirtækjum:
1. Fyrirtæki tengt sjávarútvegi.
2. Stórum heildverslunum í ýmsum vöruflokkum.
3. Stóra og góða vélsmiðju á höfuðborgarsvæðinu.
4. Framleiðslufyrirtæki fyrir landsbyggðina.
5. Tæknilegt hugbúnaðarfyrirtæki.
Upplýsingar aðeins á skrifstofunni.
F.YRIRTÆKIASALAN
SUÐURVE R I
SÍMAR581 2040 OG 581 4755, REYNIR ÞORGRÍMSSON.
Creutzf eldt-Jakob
sjúkdómurinn
Ekki greinst
hér síðan
1995
GUÐMUNDUR Georgsson,
prófessor og forstöðumaður á
Keldum, segist annað veifið fá
tilfelli til rannsóknar þar sem
grunur er um Creutzfeldt-Jak-
ob sjúkdóminn, en hann hefur
ekki greinst hér á landi síðan
1995. Þrjú tilfelli af sjúkdómn-
um hafa greinst hér á landi,
það fyrsta árið 1967, annað
1968 og það síðasta 1995.
Aðspurður um ný tilfelli seg-
ir Guðmundur að svo virðist
sem það hafi á einhvern máta
spurst að hugsanlega væri ein-
hver nýiega látinn sem hefði
verið með þennan sjúkdóm en
sjálfur kveðst hann ekki kann-
ast við það. Á hinn bóginn seg-
ir hann menn nú betur vakandi
fyrir einkennum sjúkdómsins
og telur það ekki stór tíðindi
að annað veifið komi fram til-
felli sem geta líkst honum.
Dómurinn í máli Hanes-hjónanna
Málinu lokið af
hálfu dómsmála- j
ráðuneytisins
„HÆSTIRETTUR komst að þeirri
niðurstöðu að lagaskilyrði fyrir
framsali Hanes-hjónanna væru ekki
fyrir hendi. Dómsmálaráðuneytið
mun kynna bandarískum yfirvöld-
um þessa niðurstöðu formlega í
þessari viku og þar með er málinu
lokið af hálfu ráðuneytisins," sagði
Stefán Eiríksson, deildarstjóri í
dómsmálaráðuneytinu, í samtali við
Morgunblaðið.
í niðurstöðu Hæstaréttar sagði
að íslensk stjórnvöld hefðu ekki
gætt meðalhófsreglunnar við með-
ferð sína á máli Hanes-hjónanna.
Þau hefðu haldið að sér höndum,
en ekki gengið til móts við réttmæt
sjónarmið Hanes-hjónanna, sem
vildu ná samkomulagi við bandarísk
stjórnvöld um framgöngu málsins.
Neikvætt fordæmi
Samkvæmt upplýsingum Morg-
unblaðsins sendi bandaríska sendi-
ráðið íslenska utanríkisráðuneytinu
bréf eftir að dómur Héraðsdóms í
málinu féll í júlí sl. Héraðsdómur
komst að þeirri niðurstöðu, að skil-
yrði framsals væru ekki fyrir hendi
og vísaði þar til upplýsinga um að
ómannúðleg meðferð gæti beðið
hjónanna í fangelsi í Maricopa-sýslu
í Arizona. í bréfinu lýsti sendiráðið
því yfir að neitun á framsali með
þessum rökum væri neikvætt for-
dæmi í samskiptum ríkjanna á sviði
löggæslu og dómsmála.
Meðferð framsalsmála
endurskoðuð?
Stefán Eiríksson sagði í gær að |
engin viðbrögð bandarískra stjórn- |
valda hefðu borist dómsmálaráðu-
neytinu eftir dóm Hæstaréttar. Að-
spurður hvort til greina kæmi að
ráðuneytið myndi aðstoða Hanes-
hjónin við samningaumleitanir við
bandarísk stjórnvöld í kjölfar dóms-
ins ítrekaði hann að af hálfu ráðu-
neytisins væri litið svo á að málinu
væri lokið. „Þessi dómur gefur okk- g
ur þó fullt tilefni til að kanna hvort
við þurfum að endurskoða meðferð «
framsalsmála í ráðuneytinu. Samn- |
ingar um framsal, gagnkvæma að-
stoð í sakamálum og flutning
dæmdra manna byggjast fyrst og
fremst á gagnkvæmum skilningi
beggja ríkja. Það kann að vera að
þessi niðurstaða hafí áhrif á sam-
bærileg mál, ef við óskum framsals
frá Bandaríkjunum. Hins vegar
byggjast samningamir líka á virð- 1
ingu fyrir réttarkerfum ríkjanna og ,
ég á ekki von á að dómur Hæstarétt-
ar hafí alvarlegar afleiðingar varð- I
andi framtíðarsamskipti þjóðanna á
þessu sviði,“ sagði Stefán Eiríksson.
Hjálparstarf Rauða kross íslands erlendis
Læknir til starfa í Kenýa
EINAR Hjaltason skurðlæknir fór
til Kenýa sl. sunnudag en þar mund
hann mun starfa sem sendifulltrúi
Rauða kross íslands næstu mán-
uði. Einar mun starfa á sjúkrahúsi
Alþjóðaráðs Rauða krossins í Lokic-
hokio í norðurhluta Kenýa þar sem
hlúð er að fólki sem á um sárt að
binda vegna borgarastyrjaldarinnar
í Suður-Súdan.
Hluti sjúklinganna hefur áverka
vegna jarðsprengna og á sjúkrahús-
inu eru framleiddir gervilimir og
veitt endurhæfing. Tveir aðrir
sendifulltrúar Rauða kross íslands
starfa á sjúkrahúsinu í Lokichokio;
Pálína Asgeirsdóttir yfirhjúkrunar- -
fræðingur og Eygló Ingadóttir
hjúkrunarfræðingur. *
Einar Hjaltason er 52 ára gam-
all. Hann hefur starfað á slysadeild
Sjúkrahúss Reykjavíkur undanfarin
ár og hefur gegnt margvíslegum
sjálfboðnum störfum fyrir Rauða
kross íslands. Hann er fyrsti lækn-
irinn sem starfar fyrir Rauða kross
íslands erlendis um langt árabil.
Auk Einars em átta sendifulltrúar I
að störfum fyrir Rauða kross íslands j
í Júgóslavíu, á Kákasus-svæðinu, í i
Aserbaídsjan, Tadsjikistan, Ka-
sakstan, Kenýa og Sierra Leone.