Morgunblaðið - 21.10.1997, Blaðsíða 45
MORGUNBLAÐIÐ
ÞRIÐJUDAGUR 21. OKTÓBER 1997 45
FRETTIR
Fjallað um
hlut kvenna
í sveitar-
stjói’nuni
STERKARI saman er yfirskrift
átaks sem Jafnréttisráð hefur tekið
frumkvæði að, en markmið þess
er að hvetja til þess að hlutur
kvenna verði tryggður á framboðs-
listum flokkanna sem í samvinnu
við jafnréttisnefndir víða um land
hefur haldið fundi um þetta mál-
efni. Er nú komið að Reykjavíkur-
borg. í kvöld, þriðjudagskvöld,
standa Jafnréttisnefnd Reykjavík-
urborgar og samstarfshópur Jafn-
réttisráðs um átak fyrir fundi á
Kornhlöðuloftinu undir yfirskrift-
inni Sterkari saman.
Ávarp flytja Ingibjörg Sólrún
Gísladóttir borgarstjóri og Elín R.
Líndal formaður Jafnréttisráðs.
Linda Blöndal gerir grein fyrir at-
hugun Skrifstofu jafnréttismála á
hlut kvenna við síðustu sveitar-
stjórnarkostningar og Hildur Jóns-
dóttir jafnréttisráðgjafi Reykjavík-
urborgar fjallar um stöðu jafnréttis-
mála í Reykjavík m.t.t. starfsáætl-
ana borgarstofnana í jafnréttismál-
um. Þá munu tveir karlar, Pétur
Jónsson frá Reykjavíkurlistanum og
Árni Sigfússon frá Sjálfstæðis-
flokknum, fjalla frá sjónarhóli karla
um áhrif kvenna og jafnréttissjón-
armiða innan borgarstjórnar og
nefnda borgarkerfisins.
Loks munu fréttamennirnir Sig-
ríður Arnardóttir, Pétur Pétursson
og Súsanna Svavarsdóttir beina
spurningum til Bryndísar Kristj-
ánsdóttur, formanns Landssam-
bands Alþýðuflokkskvenna, Hauks
Más Haraldssonar, formanns Kjör-
dæmisráðs Alþýðubandalagsfélag-
anna í Reykjavík, Vigdísar Hauks-
dóttur, varaformanns fulltrúaráðs
framsóknarfélaganna i Reykjavík,
og Ellenar Ingvadóttur, formanns
Landssambands sjálfstæðiskvenna,
um hvernig þeirra flokkar hyggjast
tryggja hlut kvenna og áhrif jafn-
réttissjónarmiða við komandi kosn-
ingar. Meðal annars verður leitað
svara við spurningunni hvort próf-
kjör og skuldbindingar gagnvart
jafnréttissjónarmiðum geti farið
saman.
Fundarstjóri er Steinunn V. Ósk-
arsdóttir, formaður jafnréttis-
nefndar Reykjavíkur. Fundurinn er
öllum opinn og hefst kl. 20.30.
Námskeið fyrir
neyðarsímverði
TIL að auka öryggi þeirra sem
hringja í neyðarnúmerið 1-1-2
stendur ný yfir námskeið fyrir neyð-
arsímverði Neyðarlínunnar hf. og
hefur fyrirtækið fengið tvo þekkta
sérfræðinga frá Bandaríkjunum til
að leiðbeina á námskeiðinu.
Námskeið Neyðarlínunnar, sem
allir starfsmenn fyrirtækisins taka
þátt í er haldið í samvinnu við
Rauða kross íslands, Sjúkraflutn-
ingaskólann og Center for Emerg-
ency Medicine, Pittsburgh. Kennar-
ar á námskeiðinu eru dr. Ronald
N. Roht, sérfræðingur og aðstoðar-
prófessor í bráðalækningum, og
Michael McGrady, þjálfunarstjóri
neyðarsímsvörunar í Pittsburgh
(911). Er þess vænst að reynsla
og þekking Bandaríkjamanna á
þessu sviði skili ser þannig að neyð-
arsímsvörun á Islandi verði með
því besta sem nú þekkist í heimin-
um.
Á námskeiðunum er farið yfir
atriði um það hvernig veita skuli
aðstoð í gegnum síma þar til hjálp
berst á slysstað. Lýkur hveiju nám-
skeiði með prófi. Jafnframt er þátt-
takendum kennt að taka að sér
frekara námskeiðahald fyrir neyð-
arsímverði og aðra þá sem vinna
við símsvörun hjá neyðarsveitunum
í landinu.
ÓLI H. Þórðarson, framkvæmdastjóri Umferðarráðs. Gunnar
Tómasson, forseti SVFÍ, og Þórhallur Ólafsson, formaður Um-
ferðarráðs.
U mferðaröryggisfull-
trúar í alla landshluta
næsta sumar
RÁÐNIR verða umferðarörygg-
isfulltrúar i alla landshluta á
næsta sumri. Umferðarráð og
Slysavarnarfélagið stóðu sam-
eiginlega að umferðarátaki síð-
astliðið sumar og var tilgangur-
inn að stuðla að auknu öryggi í
umferðinni á Suðurlandi. Sér-
stakur umferðaröryggisfulltrúi
var ráðinn í tæpa tvo mánuði
og var litið á þetta sem tilrauna-
verkefni.
Á formannafund slysavarnar-
deilda Slysavarnarfélags ís-
lands fyrr í þessum mánuði
komu Oli H. Þórðarson, fram-
kvæmdastjóri Umferðarráðs, og
Þórhallur Ólafsson, formaður
Umferðarráðs og aðstoðarmað-
ur dómsmálaráðherra. Þar til-
kynnti Þórhallur að Umferðar-
ráð hefði tekið ákvörðun um
framhald á samstarfi við SVFÍ
og verða ráðnir umferðarörygg-
isfulltrúar í alla landshluta
næsta sumar. í því felst að fólk
verður ráðið til þessara starfa
í 2-3 mánuði næsta sumar og
er það von þeirra sem standa
að þessari ákvörðun að hún
verði til þess að auka öryggi í
umferðinni.
Ur dagbók lögreglunnar
Akstur undir áhrifum
og án réttinda
17.-20. október
UM HELGINA voru rúmlega 500
mál færð til bókunar hjá lögregl-
unni í Reykjavík.
Höfð voru afskipti af 155 öku-
tækjum vegna stöðu þeirra, þar
af voru fimm ökutæki fjarlægð
með kranabifreið. Þá voru 16 öku-
menn stöðvaðir vegna gruns um
akstur undir áhrifum áfengis.
Vítaverður akstur
án ökuskírteina
Síðdegis á föstudag veittu lög-
reglumenn athygli ökumanni á
gatnamótum Laugavegar, Suður-
landsbrautar og Kringlumýrar-
brautar þar sem hann virtist vís-
vitandi tefja umferð. Ökumaður
sinnti ekki fyrirmælum lögreglu
um að stöðva aksturinn heldur ók
bifreiðinni gegn umferðarreglum,
meðal annars gegn rauðu ljósi,
auk þess að aka bifreiðinni oft
yfir umferðareyjar. Loks reyndi
hann að yfírgefa bifreiðina og
hlaupa brott. Er lögreglumenn
náðu honum á hlaupum veitti hann
mótspyrnu við handtöku. Öku-
maðurinn var fluttur á lögreglu-
stöð en hann hafði tekið bifreiðina
ófrjálsri hendi og hafði ekki öku-
réttindi.
Annar ökumaður sem lögreglu-
menn hugðust hafa afskipti af ók
á lögreglumann og lögreglubif-
reið. Ökumaðurinn er grunaður
um að hafa ekið undir áhrifum
áfengis en auk þess fundust efni
í bílnum sem talin eru fíkniefni.
Lögreglumaðurinn slasaðist á
fæti.
Þjófnaður
Tveir piltar voru handteknir á
föstudag er þeir voru að stela hlut-
um af ökutækjum á bílasölu í
austurborginni. Piltarnir reyndu
að komast undan á hlaupum er
lögreglan kom á vettvang. Þeir
voru handteknir og fluttir á lög-
reglustöð.
Á föstudagskvöld fór unglinga-
hópur inn á veitingahús í miðborg-
inni og náði í á annan tug áfengis-
flaskna. Lögreglumenn við störf í
miðborginni handtóku nokkra
þeirra síðar um kvöldið. Ungling-
arnir voru fluttir á lögreglustöð
og síðan sóttir af foreldrum.
Menn í höfninni
Lögreglu barst tilkynning kl.
18 á laugardag um að maður
væri í sjónum í Reykjavíkurhöfn.
Lögreglumenn náðu honum upp
og var hann þá nokkuð kaldur og
þrekaður. Hann var fluttur á
slysadeild til aðhlynningar.
Þá barst löreglu önnur tilkynn-
ing um mann í sjónum í Reykjavík-
urhöfn um kl. 4 að morgni sunnu-
dags. Lögregla bjargaði mannin-
um á land og hann var síðan flutt-
ur til aðhlynningar á slysadeild.
Fyrirlestur um
seg’ulómsmynd-
un á sveimi
HÁKON Guðbjartsson flytur fyrir-
lestur um Segulómsmyndun á
sveimi (Diffusion MRI) á vegum
Nemendadeildar IEEE á íslandi.
Hákon lauk námi í rafmagnsverk-
fræði við Háskóla íslands 1990 og
síðar doktorsgráðu í Electrical Eng-
ineering and Computer Science við
Massachusetts Institute of Techn-
ology (MIT) 1996. Fyrirlesturinn
byggist á rannsóknum á segulómun
sem Hákon stundaði við Brigham
and Women’s Hospital, Harvard
Medical School, frá 1993-1996.
Fyrirlesturinn verður haldinn á
morgun, miðvikudag, í stofu 158,
VR-II, kl. 16.30.
Fyrirlesturinn er í tengslum við
málstofu í rafmagns- og tölvuverk-
fræði.
Þrír jarðfræði-
fyrirlestrar
VETRARSTARF Jarðfræðafélags
íslands hefst með þremur gesta-
fyrirlestrum dr. R.S.J. Sparks, eld-
fjallafræðings við háskólann í Brist-
ol í Englandi. Dr. Sparks er staddur
hér á landi í boði Sigurðarsjóðs, sem
stofnaður var í minningu Sigurðar
Þórarinssonar, jarðfræðings. Fyrir-
lestrarnir, sem eru á ensku, verða
allir haldnir í Lögbergi, húsi lög-
fræðideildar Háskólans, í stofu 101.
Fyrsti fyrirlesturinn verður á
morgun, miðvikudag kl. 20.30, og
nefnist „The eruption of the Soufri-
ere Hills Volcano, Montserrat“.
Eins og kunnugt er hófst gos í
Soufriere eldfjallinu á eyjunni
Montserrat í Karíbahafinu í júlí
1995 eftir 400 ára hlé og stendur
enn. Tveir síðari fyrirlestrarnir,
„The physical volcanology and evol-
ution of the Lascar Volcano, Chile“
og „The cause and consequences
of pressurisation in lava dome er-
uptions", verða báðir haldnir síð-
degis fimmtudaginn 23. október og
hefst sá fyrri kl. 16.
Segir si g úr sljóm
Minjaverndar
PÁLL V. Bjarnason, arkitekt, FAÍ,
hefur sagt sig úr stjórn Minjavernd-
ar. Þetta kemur fram í yfirlýsingu,
sem Páll sendi frá sér á laugardag
og fer hér á eftir:
„Vegna frétta Morgunblaðsins
um málefni Iðnó og framkvæmda
við endurbyggingu hússins vil ég
undirritaður taka fram að ég hef
nú þegar sagt mig úr stjórn Minja-
verndar. Ég hef tekið þessa ákvörð-
un vegna þeirrar orrahríðar sem
gerð hefur verið að mér vegna
meintra tengsla minna við verk-
takafyrirtækið Gamlhús ehf. Ég
var ekki aðalmaður í stjórn Minja-
verndar þegar ákvörðun var tekin
um að ganga til samninga við nú-
verandi verktaka í Iðnó og var
kosinn í stjórn þann 23. september
sl. Ég hef því setið sem aðalmaður
í stjórn Minjaverndar í 25 daga
samfleytt. Ég hef hins vegar setið
sem varamaður í stjórninni undan-
farin tvö ár.
Ég tek þessa ákvörðun ekki
vegna þess að ég telji að seta mín
í stjórn Minjaverndar hafí valdið
hagsmunaárekstrum í þessu verki,
enda er það hvorki á verksviði arki-
tekta né á þeirra ábyrgð að ráða
eða gera samninga við verktaka
og iðnaðarmenn. Eg tel þetta hins
Símaráðgjöf
„UMSJÓNARFÉLAG einhverfra
vekur athygli á símaráðgjöf sem
stendur aðstandendum einhverfra
til boða þriðjudagskvöld í septem-
ber og október milli kl. 20 og 22.
Þriðjudagskvöldið 21. október mun
Sólveig Guðlaugsdóttir, hjúkrunar-
fræðingur og fjölskylduráðgjafi,
veita ráðgjöf. Hún veitir m.a. ráð-
gjöf varðandi kennslu og umönnun
barna á forskólaaldri. Og hagnýt
ráð varðandi vandamál sem upp
geta komið í daglegu lífi einstakl-
inganna.
vegar vera rétta ákvörðun eins og
staðan er nú til þess að þetta um-
tal geri ekki endurbyggingu þessa
merkilega húss tortryggilegri en
orðið er.
Utboð á endurbyggingarverk-
efnum eru mjög erfið í framkvæmd
í heild sinni, sérstaklega þegar um
er að ræða hús eins og Iðnó, sem
er eitt af þeim merkilegustu sem
til eru í íslenskri byggingarsögu. í
slíkum verkum eru mjög margir
óvissuþættir, oftast svo að útboð
er nánast marklaust vegna auka-
verka og óvissuþátta. Þar að auki
er mjög varhugavert að láta lægsta
tilboð ráða hvernig staðið er að
endurbyggingu húss á borð við
Iðnó. Á hinn bóginn er hægt að
bjóða út einstaka verkþætti svo
sem glugga- og hurðasmíði, málun
o.fl. eins og gert hefur verið í þessu
tilviki.
Iðnó er ein af okkar dýrmætustu
perlum í menningarsögulegu og
byggingarsögulegu tilliti og ber
okkur skylda til að kasta stundar-
hagsmunum fyrir róða við endur-
byggingu hússins. Það á eftir að
standa um ókomna tíð í þeirri mynd
sem það verður nú endurbyggt í og
verður því að vanda til verksins.
Byggingin var sú fínasta sem til
var á landinu er hún reis árið 1897
og var stolt íslenskra iðnaðar-
manna, sem lögðu allan sinn metnað
í hana, hver á sínu sviði. Salurinn
var gerður eftir þingsal Alþing-
ishússins hvað skreytingar snertir
og var meira að segja íburðarmeiri
en hann. Af því má sjá að íslenskir
iðnaðarmenn ætluðu ekki að vera
eftirbátar Balds og þeirra Dana sem
byggðu Alþingishúsið.
Eg tel því rétt að láta ekki smá-
mál sem þetta vera að vefjast fyrir
og óska síðan eindregið eftir því
að við sem að endurbyggingunni
störfum fáum að vinna okkar verk
í friði.“
Yfirlýsing
MORGUNBLAÐINU hefur borist
eftirfarandi yfirlýsing frá Mike
Purves, útgáfustjóra Fishing News
International:
„Þrátt fyrir þær fullyrðingar
sem fram hafa komið að undan-
förnu hefur stuðningur okkar við
„Fish Tech Iceland ’99“ ekkert
breyst.
Sýning þessi er skipulögð á ís-
landi og við höfum stutt hana af
tveimur ástæðum: í fyrsta lagi var
það skoðun okkar (og atburðarásin
að undanförnu hefur réttlætt hana
fullkomlega), að Nexus Media
hefði sýnt dómgreindarskort með
því að reyna að neyða þátttakend-
ur í sýningunni til að samþykkja
árið 1998 sem sýningarár, gegn
skýrum óskum þeirra sjálfra. í
öðru lagi berum við traust til ís-
lenskra skipuleggjenda „Fish Tech
’99“-sýningarinnar og að þeir hafi
til að bera þá kosti, hæfni og sköp-
unargáfu sem þarf til að setja upp
fyrsta flokks alþjóðlega sýningu
með aðstoð frá okkur.
Við ítrekum það sem við höfum
áður sagt: Ákvörðun um hvort
sýningin verður haldin er í höndum
íslensku þátttakendanna. Þeir hafa
rétt til að úrskurða í þessu máli
og við munum virða þá ákvörðun
þeirra þegar hún hefur verið tek-
in. Ekkert bendir til þess enn að
þeir séu búnir að ákveða sig, dóm-
ur hefur ekki verið kveðinn upp
þrátt fyrir óskhyggju Nexus.
Jafnframt vekjum við athygli á
því, að í opnu bréfi sem Nexus
ritaði þátttakendum í sýningunni
er því haldið fram, að það sé
„ómögulegt“ að halda sýninguna
í september 1999 vegna skuldbind-
inga þeirra við „Danfish“-sýning-
una í Álaborg. (Það getur vel páss-
að sé haft í huga hvað þeir eru
fáliðaðir.) En hvað með þær skuld-
bindingar núna? íslenskir þátttak-
endur ættu að leita svara við þeirri
spurningu áður en þeir ákveða
sig.“