Morgunblaðið - 11.02.1998, Blaðsíða 4
4 MÍÐVÍKÚDAGUR íi’ FEBRÚÁR 1998 MORGUNBLAÐIÐ
FRÉTTIR
Erlu Brynjarsdóttur gekk vel
á Olympiuleikunum
Var á sviðinu
allan tímann
ERLA Brynjarsdóttir, sem valin
var til að leika með hópi Suzuki-
nemenda á vetrarólympíuleik-
unum í Japan, kom fram ásamt
tæplega þdsund börnum víðs-
vegar úr heiminum síðastliðinn
sunnudag.
Erla, sem er 10 ára, býr í
Njarðvík en stundar fiðlunám
við Suzuki-skólann í Reykjavík.
Hdn er ntí stödd í borginni
Matsumoto, í nágrenni Nagano,
ásamt foreldrum sinum og Lilju
Hjaltadóttur tónlistarkennara
sínum. Erla sagði í samtali við
Morgunblaðið í gær að allt hefði
gengið mjög vel og það hefði
verið mjög gaman í ferðinni.
Skemmtilegast segir Erla
hafa verið að spila á tónleikum í
Nagano á sunnudag. Brynjar
Gunnarsson, faðir hennar, segir
að um hafi verið að ræða
tveggja tíma tónleika þar sem
fram hafi komið tæplega þds-
und börn. í upphafí tónleikanna
hafí einungis tíu börn verið á
sviðinu og síðan hafí þeim fjölg-
að jafnt og þétt. Erla hafí verið
á sviðinu frá upphafi en dag-
skráin hafí verið þannig upp
byggð að byijað hafi verið á
erfiðustu verkunum og síðan
smátt og smátt farið yfír í létt-
ari verk. Brynjar segir Erlu
hafa verið vel tekið. Htín hafí
komið fram í íslenskum bdningi
og m.a. vakið athyggli fyrir það.
Japönsk börn sungu
íslenska þjóðsönginn
Á mánudag fóru Erla og Qöl-
skylda hennar ásamt fslenska
ólympíuliðinu í heimsókn í
barnaskóla í Nagano. Brynjar
segir þar hafa verið mikið um
dýrðir og að m.a. hafi fjögur
japönsk börn sungið íslenska
þjóðsönginn.
Börn í þessum skóla eru í
bréfaskriftum við Lækjarskóla í
Hafnarfírði og hafa þau að sögn
Brynjars greinilega lært mikið
um Island.
f dag stendur svo til að Erla
leiki ásamt öðrum börnum í
Matsumoto og á morgun heldur
íjölskyldan til Tókýó þar sem
hdn mun dvelja í tvo daga áður
en hdn heldur heim á leið.
Islenskur „Nostradamus“ vekur óróa meðal Hafnfírðinga
Dreifir spádóm-
um um eldgos
JARÐEÐLISSVIÐ Veðurstofu ís-
lands hefur sent frá sér fréttatil-
kynningu þar sem kemur m.a. fram,
að ekkert hafi komið fram í mæling-
um í seinni tíð sem bendi til þess að
eldgos sé að brjótast út á Reykja-
nesskaga.
Ragnar Stefánsson jarðskjálfta-
fræðingur segir tilefni þessarar
fréttatilkynningar, að maður nokk-
ur í Hafnarfirði hafi dreift miðum í
hús í bænum þar sem hann spáir
eldgosi þar.
Nokkrir hafa leitað til jarðeðlis-
sviðs Veðurstofunnar vegna þessa
og bréfið hefur valdið óróa hjá sum-
um.
Ragnar segir að mál þetta hafi
einnig verið til umræðu í útvarpi og
sjónvarpi og af þeim sökum hafi
þótt ástæða til að vísindalegt mat
Veðurstöfunnar kæmi fram. Hann
segir að þama sé á ferðinni íslensk
útgáfa af spámanninum
Nostradamusi og sé ekki nokkur
ástæða til að taka mark á spádóm-
um hans.
I fréttatilkynningunni segir að
mælingar á litlum jarðskjálftum sé
mikilvægasta aðferðin til að fylgjast
með því hvort eldgos sé að brjótast
út. Kvikuhreyfingar neðanjarðar
skapi spennu sem leysist út í litlum
skjálftum sem séu mælanlegir ef
mælakerfið er nógu gott. Þótt ekki
sé öruggt að unnt sé að segja fyrir
um eldgos sé þó mjög líklegt að þau
geri boð á undan sér sem nægi til
viðvörunar.
Reykjanesskaginn sé það svæði
landsins sem best er vaktað með
jarðskjálftamælingum. Ekkert hafi
komið fram í mælingum í seinni tíð
sem bendi til að gos sé að brjótast
út á Reykjanesskaga.
Morgunblaðið/Þór Gíslason
EFTIR flugið lenti bifreiðin á framendanum og henni hvolfdi.
Omeiddir eftir 11 metra flug
TVEIR menn sluppu með lítilshátt-
ar meiðsli eftir að jeppabifreið
þeirra skall á vegaskilti, flaug ellefu
metra og lenti á túni við Tjöm í Að-
aldal um klukkan 10.30 í gærmorg-
un.
Samkvæmt upplýsingum frá lög-
reglunni á Húsavík voru mennimir
að koma frá Akureyri en við bæinn
Tjörn era vegamót. Biíreiðin rann
áfram á vegamótunum, skall á vega-
skiltum og beygði niðurfrosna járn-
staura, sem þau eru fest á, flaug
upp og sveif ellefu metra áður en
hún lenti á framendanum hinum
megin girðingar umhverfis tún
Tjamar þar sem henni hvolfdi.
Bifreiðin er talin gjörónýt.
Ökumaður jeppans og farþegi
vom fluttir til athugunar á Heilsu-
gæslustöð Húsavíkur en meiðsli
þeirra voru ekki talin umtalsverð.
Talið er að bílbeltin hafi afstýrt því
að ekki fór verr, að sögn lögreglu á
Húsavík, og sé raunar ótrúlegt lán
að mennirnir hafi ekki slasast
meira.
Hálka var á þessum slóðum. Taka
átti skýrslu af ökumanni og farþega
síðdegis í gær.
Tillaga um forkönnun á jarðgöngum til Vestmannaeyja
Fjármagnað með
Herj ólfsstyrkj -
um og vegtolli
ÁRNI Johnsen og átján aðrir þing-
menn hafa lagt fram tillögu til
þingsályktunar um forkönnun á
gerð vegtengingar milli Vestmanna-
eyja og lands. Árni telur unnt að
fjármagna verkið án viðbótarfram-
laga á vegaáætlun, að hluta til á
sama granni og Hvalfjarðargöng,
og segir að unnið sé að stofnun fé-
lags um málefnið. Gerir hann sér
vonir um að komin verði jarðgöng
til Eyja innan 6-8 ára.
Tillagan er um að Alþingi feli rík-
isstjóminni að láta kanna tæknilega
möguleika, hagkvæmni og fjárhags-
lega arðsemi vegtengingar til Vest-
mannaeyja með tilliti til fólks- og
vöruflutninga. Um 10 km eru milli
stranda, þar sem styst er, og mesta
sjávardýpi er um 90 m í Álnum, að
því er fram kemur í greinargerð.
Jarðgöng, botngöng
eða flotgöng
í greinargerð er bent á reynslu
við byggingu neðansjávarganga í
Hvalfirði og víða um heim og tækni-
framfarir á því sviði. Ámi Johnsen
telur að um þrjá kosti sé að ræða
við vegarlagningu til Vestmanna-
eyja. Hann nefnir jarðgöng sem
hann telur að þyrftu að vera um 15
km og koma upp í bergi undir Eyja-
fjöllum, nálægt Seljalandsfossi.
Segir Á-ni á að dýpi beggja vegna
nái fljótt 30 metrum, sé aflíðandi
niður í 50 metra en síðan sé þröng-
ur áll, rétt um 80 metra djúpur.
Bendir á að Hvalfjörður sé mun
dýpri, göngin þar séu á 150 metra
dýpi.
Botngöng era annar valkostur að
mati Ama, en það er steinsteyptur
vegskáli á sjávarbotni. Þegar séu
framleiddar einingar í slík göng úti í
heimi. Þriðji kosturinn er að setja
upp svokölluð flotgöng. Þau væru
fest við botn en lægju yfir misfellur.
Þannig göng væru byggð þar sem
botn væri mishæðóttur. Ámi bendir
á að botngöng og flotgöng yrðu
styttri en jarðgöng því þau væra
ekki eins háð jarðlögum og gætu því
legið stystu leið.
Ekki liggur fyrir hver yrði kostn-
aður við vegtengingu til Eyja. Árni
Johnsen bendir á að ef kostnaður
yrði sambærilegur við göng undir
Hvalfjörð myndu Vestmannaeyja-
göng kosta 9 milljarða kr.
Hugmyndin er að fjármagna gerð
ganganna án viðbótarframlaga á
vegaáætlun. Ámi bendir á að þegar
allt er talið kosti fjárfesting og
rekstur Vestmannaeyjaferjunnar
Herjólfs 6-7 milljarða kr. á hverju
tuttugu ára tímabili. Sá kostnaður
legðist af ef vegur kæmi til Eyja.
Hægt væri að nota fjármunina í
framkvæmdir við göng. Með því að
taka gjald af áætlaðri umferð, til
dæmis 1.000-2.000 kr. á bíl,
fengjust 5-10 milljarða tekjur til
viðbótar.
Þetta myndi duga vel til þess að
greiða stofnkostnað við göngin upp
á 20-25 árum. Fyrirhugað er að
stofna félag um málefnið, líkt um
Spölur hf. um Hvalfjarðargöng og
er undirbúningur þegar hafinn, að
sögn Árna.
Tekur 6-8 ár
Árni sér marga kosti við göng til
Eyja. Hann bendir á að Vestmanna-
eyingar hafi alla þessa öld skilað lið-
lega 10% af gjaldeyrisverðmætum
þjóðarinnar frá sjó. Miklir vöra-
flutningar væru milli lands og Eyja.
Með vegtengingu gætu Vestmanna-
eyjar orðið út- og uppskipunarhöfn,
móðurhöfn Suðurlands ásamt Þor-
lákshöfn. Með vegtengingu fengju
Rangárvalla- og Vestur-Skaftafells-
sýsla þar sína höfn. Hann bendir á
að umferð ferðafólks fari vaxandi og
Vestmannaeyjar séu einn af helstu
ferðamannastöðum landsins. Loks
bendir hann á að vatnsleiðsla og
rafstrengur færu í göngin og myndi
það spara peninga við endumýjun
þessara tenginga.
Áætlað er að forkönnunin, sem
um er beðið í þingsályktunartillög-
unni, kosti 6-7 milljónir. Ef hún
verður jákvæð þarf að ráðast í mun
umfangsmeiri og dýrari rannsóknir.
„Ef allt gengur að óskum við rann-
sóknir og uppbyggingu, tel ég ekki
óraunhæft að innan 6-8 ára verði
komin göng milli lands og Eyja,“
segir Ami Johnsen.
New York ferðir á 18
þúsund krónur
Tilboð
aðeins á
alnetinu
FLUGLEIÐIR hafa undanfarna
daga boðið upp á 18 þúsund króna
fargjald án flugvallarskatts til New
York-borgar. Tilboð þetta hefur að-
eins verið auglýst á alnetinu og
sagði Guðni Hreinsson, sem starfar
í sölustjórn Flugleiða, að þetta væri
gert til kynningar. Markmiðið væri
að auka sölu á ferðum í gegnum al-
netið.
Hann sagði að auglýsingin hefði
verið sett inn á vefsíðu Flugleiða á
föstudag og stæði tilboðið út daginn
í dag. Til boða stendur að ferðast á
ákveðnum dögum og allar ferðirnar
era í febrúar.
Hægt er að bóka far á þessu
gjaldi í gegnum alnetið, en einnig
með því að hafa samband við ferða-
skrifstofu flugfélagsins.
Guðni sagði að sú staða kæmi
sennilega aldrei upp að Flugleiðir
auglýstu eingöngu á alnetinu, en
ljóst væri að þar lægi framtíðin að
einhverju leyti.