Morgunblaðið - 21.02.1998, Blaðsíða 23

MORGUNBLAÐIÐ
LAUGARDAGUR 21. FEBRÚAR 1998 23
ERLENT
Reuters
FÁTÆKIR Indónesar hópast að flutningabíl til þess að kaupa ódýran mat í Kadipaten á vesturhluta Jövu.
Orlög efnahags Indó-
nesíu í höndum G7
Dúman
staðfestir
sáttmála
DÚMAN, neðri deild rúss-
neska þingsins, staðfesti í gær
með miklum meirihluta at-
kvæða mannréttindasáttmála
Evrópu. Rússar skrifuðu und-
ir hann fyrir tveim árum þeg-
ar þeir gerðust aðilar að Evr-
ópuráðinu. Kommúnistar og
þjóðernissinnar eru í meiri-
hluta í Dúmunni og höfðu far-
ið sér hægt með að staðfesta
sáttmálann. Stuðningsmenn
hans vöruðu hins vegar við því
að ef það yrði ekki gert væri
aðild Rússlands að Evrópu-
ráðinu í hættu. Þegar upp var
staðið var sáttmálinn staðfest-
ur með 294 atkvæðum gegn
11.
Hnífjafnt í
Þýskalandi
KRISTILEGIR demóki-atar
(CDU), flokkur Helmuts
Kohls, kanslara Þýskalands,
og Sósíaldemókrataflokkurinn
(SPD) eru hnífjafnir að fylgi
samkvæmt niðurstöðum skoð-
anakannana er birtar voru í
gær. Báðir flokkarnir hlutu
37% fylgi. Kosningar fara
fram í Þýskalandi 27. septem-
ber nk. Væntanlegur sam-
starfsflokkur SPD, flokkur
umhverfissinna, hefur sam-
kvæmt könnuninni 12% en
núverandi samstarfsflokkur
CDU, Frjálsi demókrata-
flokkurinn (FDP), fimm af
hundraði. Verði úrslit kosn-
inganna samkvæmt þessu
fengju SPD og umhverfissinn-
ar meirihluta á þingi.
190 deyja
daglega
190 manns að meðaltali bíða
bana á hverjum degi í um-
ferðaslysum í Kína, að þvi er
kínverska ríkisútvarpið
gi-eindi frá í gær. Um 30 þús-
und létust og 190 þúsund slös-
uðust í 300 þúsund umferðar-
slysum á síðast ári. Útvarpið
greindi ekki frá samanburði
við fyrri ár.
Singapore, Jakarta. Reuters.
ÖRLÖG efnahags Indónesíu og ná-
grannaríkjanna eru nú í höndum
fjármálaráðherra og seðiabanka-
stjóra sjö helstu iðnríkja heims (G7)
sem koma saman til fundar nú um
helgina. Gjaldmiðlar Suðaustur-As-
íuríkja voru að mestu stöðugir á
mörkuðum fyrir helgina þar eð
skorður voru settar á Bandaríkja-
dollar í von um að G7 muni tilkynna
um sameiginlegar aðgerðir til að-
stoðar asískum gjaldmiðlum.
Það jók á bjartsýni manna að
fregnir bárust af því frá Japan að
G7 myndu hlutast til um að
indónesísku rúpíunni yrði komið til
bjargar að undirlagi Japana. Þess
er ennfremur vænst að í lokasam-
þykkt G7 fundarins verði gerð grein
íýrir fleiri möguleikum á að stöðva
hrun gengis rúpíunnar án þess að
grípa þurfi til gengisbindingar með
því að koma á myntráði, svo sem
indónesísk stjórnvöld hafa nú í
hyggju.
Reuters hefur eftir miðlara við
evrópskan banka í Singapore að ef
G7 geri þetta ekki og efnahagur
Indónesíu hrynji leiði það til óstöð-
ugleika í Asíu sem geti skapað al-
varlega hættu á alheimskreppu.
Þegar efnahagskreppa skall á í
Indónesíu í júlí var gengi rúpíunnar
skráð á um 2.400 Bandaríkjadali en
hefur síðan hrunið og varð lægst í
síðasta mánuði, um 17.000 dalir.
Gengi rúpíunnar á mörkuðum í
Jakarta var um 9.000 dalir í gær.
Suharto Indónesíuforseti hefur
greint frá þeim fyrirætlunum sínum
að festa gengi rúpíunnar við
5.000-5.500 dali með því að koma á
svonefndu gengisráði.
Fréttaskýrendur segja þetta
gengi líklegast vegna þess að á því
teldust flest indónesísk fyrirtæki
a.m.k. eiga fyrir skuldum og hægt
yrði að byrja að greiða niður þá 74
milljarða dollara (um 5.200 millj-
ai'ða ísl kr.) sem einkafyrirtæki í
landinu skulda.
Hefur þessi áætlun sætt harðri
gagnrýni víða um heim, m.a. frá Al-
þjóðagjaldeyrissjóðnum (IMF), sem
hefur hótað að hætta við umfangs-
mikla fjárhagsaðstoð við Indónesíu
geri Suharto alvöru úr fyrirætlun
sinni. Theo Waigel, fjármálaráð-
herra Þýskalands, sagði í fyrradag
að Suharto hefði heitið sér því að
hann myndi endurskoða áætlunina.
Þessi orð forsetans hafa ekki
fengist staðfest af indónesískum
embættismönnum, og enn er með
öllu óljóst hvað úr verður. Fregnir
bárust af óeirðum í Austur-
Indónesíu, þar sem þúsundir
manna, þ.á m. námsfólk og sjó-
menn, mótmæltu hækkandi vöru-
verði með því að grýta verslanir og
skrifstofur.
A vesturhluta Jövu reyndu kín-
verskir verslanaeigendur að afstýra
tjóni með því að selja vörm- á af-
slætti fátæku fólki sem efndi til
óeirða fyrr í vikunni og létu óá-
nægju sína fyrst og fremst bitna á
verslunum í eigu Kínverja. I borg-
unum Jakarta og Surabaya gáfu
fyrirtæki Kínverja matvörur til fá-
tækra.Indónesar af kínversku bergi
brotnir eru um þrjú prósent af þeim
200 milljónum manna sem búa í
landinu en ráða mestum hluta kaup-
sýslugeirans. Þeir hafa löngum orð-
ið skotspónn óeirða þegar hart er í
ári.
Kristileg
karlasamtök
í fjárþröng
Los Angeles. The Daily Telegraph.
KRISTILEGU karlasamtökin
„Promise Keepers“ í Bandaríkjun-
um, sem fengið hafa milljónir manna
á útifundi, eiga í fjárhagskröggum.
Hefur öllum 345 starfsmönnum
þein-a verið sagt upp.
Samtökin, sem hafa aðalstöðvar
sínar í Denver í Colorado, ætla á
næstunni að reiða sig á 20.000 sjálf-
boðaliða að því er fram kom hjá Bill
McCartney, stofnanda og aðalfram-
kvæmdastjóra þeirra, er hann sagði
starfsfólkinu frá því hvemig komið
væri. Kvaðst hann vera miður sín út
af þessu en þó um leið fullur vonar
og bjartsýni.
McCartney sagði, að frá þvi í októ-
ber þegar hætt var að krefjast að-
gangseyris að útifundum, allt að
3.000 ísl. kr., hefðu tekjur „Promise
Keepers“ minnkað um 72%. Síðan
hefur verið reynt að reka samtökin
með frjálsum framlögum en þau hafa
hvergi nærri hrokkið tO. Strax í
haust var starfsfólkinu fækkað en í
nóvembér sagði McCartney, að ekki
kæmi til frekari uppsagna.
A þessu ári hafa samtökin skipu-
lagt 19 útifundi og er vonast til, að
sveitarfélög og aðrir velunnarar
leggi eitthvað af mörkum til að þá
megi halda.
LAND ROVER ER MÆTTUR TIL STARFA
- stærrí og sterkarí
Land Rover Defender 130 "Double Cab" er enginn venjulegur
Hann er sterkbyggður og öflugur jeppi sem nýtist til allra verka. Hann er
byggður á grind og heilli framhásingu og hefur bæði mikla
burðargetu (1.430 kg.) og dráttargetu (3.500 kg.). Pallurinn er
171 sm. svo þetta er kjörinn vsk-bíll án lengingar. Hann er einnig
á hagstæðu verði: Aðeins 2.361.000 kr. án vsk.
B&L
Suöurlandsbraut 14
Sími 575 1200
Söludeild 575 1210
Fax 588 1205
bl@bl.is, www.bl.is
Komdu
°9prófaðu
HfÉ |