Morgunblaðið - 12.03.1998, Qupperneq 4

4 FIMMTUDAGUR 12. MARZ 1998
FRETTIR
MORGUNBLAÐIÐ
Tryggingamiðstöðin, íslandsbanki og tveir
sjóðir kaupa 20% hlut í Frjálsri fjölmiðlun
Sala á 5% hlut til
viðbótar skoðuð
SVEINN R. Eyjólfsson, stjómar-
formaður Frjálsrar fjölmiðlunar hf.,
útgáfufélags DV, og Eyjólfur
Sveinsson, framkvæmdastjóri fé-
lagsins, hafa selt 20% hlut sinn í fé-
laginu. Salan skiptist í fjóra jafna
hluta til Tryggingamiðstöðvarinnar,
íslenska hlutabréfasjóðsins, ís-
landsbanka hf. og Hlutabréfasjóðs
Búnaðarbankans. Til skoðunar er
að selja 5% hlut til viðbótar í
smærri skömmtum.
Sveinn og Eyjólfur keyptu fyrir
rúmum mánuði 35% hlut íslenska
útvarpsfélagsins í Frjálsri fjölmiðl-
un. Samkvæmt heimildum Morgun-
blaðsins var kaupverðið þá 420-450
milljónir kr. íslenzka útvarpsfélagið
keypti hlutinn árið 1995 á 190-200
milljónir kr., samkvæmt heimildum
blaðsins.
Þegar hlutur íslenzka útvarpsfé-
lagsins var keyptur kom fram að í
tengslum við kaupin yrði 20-25%
hlutur seldur aftur. Einnig kom
fram að Sveinn og Eyjólfur hygðust
kaupa einhvern hluta bréfanna
sjálfir.
Eyjólfur segir að í framhaldinu
verði einnig skoðað hvort 5% hlutur
til viðbótar verði seldur í smærri
skömmtum til að ljúka fjármögnun
kaupanna af Islenzka útvarpsfélag-
inu.
„í ljósi þess að nettóskuldir
Frjálsrar fjölmiðlunar voru um síð-
ustu áramót ekki nema rúmar 200
milljónir kr. koma fleiri möguleikar
til skoðunar í því sambandi," sagði
Eyjólfur.
Hann sagði að frekari sala á hlut-
um í Frjálsri fjölmiðlun væri hugs-
anleg í því skyni að stækka hluthafa-
hópinn og væri hagstætt ef niður-
staðan yrði sú að félagið færi á hluta-
bréfamarkað eftir eitt eða tvö ár.
Tveir í varðhaldi vegna amfetamínmáls
Kíló af amfetamíni flutt
inn í bfl frá Þýskalandi
LÖGREGLAN í Reykjavík og toll-
gæslan lögðu hald á rúmlega eitt
kíló af amfetamíni á miðvikudag í
síðustu viku. Tveir menn um þrítugt
voru handteknir vegna málsins á
mánudag og úrskurðaðir í gæslu-
varðhald í fyrradag.
Amfetamínið fannst í bifreið sem
flutt hafði verið til landsins frá
Þýskalandi. Að sögn Ómars Smára
Armannssonar aðstoðaryfirlög-
regluþjóns hefur góð samvinna ver-
ið með fíkniefnadeild lögreglunnar
og rannsóknardeild tollgæslunnar
undanfarna mánuði og er fúndur
efnisins nú árangur þeirrar sam-
vinnu.
Erum í miðjum
amfetamínfaraldri
Þórarinn Tyrfingsson, yfirlæknir
á Vogi, segir þennan fund sýna hve
víðtækar innflutningsleiðir fíkni-
efna hingað til lands séu og hve
erfitt það sé að sjá við innflutningn-
um. „Við erum í miðjum amfetamín-
faraldri og virðist ekkert lát vera að
verða á honum,“ segir hann.
Þórarinn segir að það versta við
amfetamínið sé að það megi svo
auðveldlega leysa upp og sprauta í
æð. „Það er mikil hætta á að menn
geri það þegar þeir fara að nota
þetta efni og þá er miklu erfiðara að
eiga við málið, fíknin verður miklu
sterkari og erfiðara að spoma við
þessu. Neyslan fer í allt annan far-
veg sem erfiðara er að eiga við og
hefur mjög alvarlegar afleiðingar á
allan hátt, sýkingarhætta er mikil,
auk þess sem mikil hætta er á
dauðsföllum."
Sviptur
lækninga-
leyfí
RÁÐHERRA heilbrigðismála
hefur svipt heilsugæslulækni
lækningaleyfi samkvæmt til-
lögu landlæknis. Læknirinn er
sviptur lækningaleyfi vegna
alvarlegs brots á læknalögum
en hann hefur viðurkennt að
hafa átt kynmök við sjúkling.
Sviptingin er ótímabundin
en menn geta fengið lækn-
ingaleyfi aftur mæli landlækn-
ir með því, segir Sólveig Guð-
mundsdóttir, lögfræðingur í
heilbrigðisráðuneytinu. Sjúk-
lingurinn hefur kært lækninn
fyi’ir nauðgun.
Símtalsflutriirtgur
LANDS SÍMINN
Með binfaidhi aðgerð get-
urðu flutt símtöl í venjulegan
síma, farsíma eða boðtæki.
Nánari upplýsingar um verð
og sírwónustu Landssímans
færðu í síma 800 7000 eða
SÍMASKRÁNNI.
Þarftu aðflytja
símtöl úrþínum
síma í annan?
Flugstjóri Flugleiðavélarinnar sem lenti skömmu fyrir
flugslysið í Færeyjum 1996
Engín áhætta var
tekin við lendinguna
Fokker-vél Flugleiða
lenti á flugvellinum í
Vogum í Færeyjum um
klukkustund áður en
flugvél danska hersins
fórst í aðflugi 3. ágúst
1996. Edward H.
Finnsson, sem var flug-
stjóri Flugleiðavélar-
innar, segir í samtali
við Karl Blöndal að
engin áhætta hafí verið
tekin við lendinguna.
FRÁ Færeyjum.
Morgunblaðið/RAX
EDWARD H. Finnsson flugmaður
var flugstjóri Fokker-vélar Flug-
leiða, sem lenti á flugvellinum í
Vogum í Færeyjum um klukku-
stund áður en Gulfstream-flugvél
danska hersins fórst í aðflugi 3.
ágúst 1996. Hann sagði í viðtali við
Morgunblaðið að engin áhætta hefði
verið tekin við lendinguna.
I frétt, sem birtist í danska blað-
inu Jyllandsposten um skýrslu um
rannsókn málsins um helgina, segir
að flugmaður dönsku vélarinnar
hafi sennilega að einhverju leyti lát-
ið stjómast af því þegar hann ákvað
að reyna að lenda vél sinni, að ís-
lenskri áætlunarflugvél hefði verið
lent þar skömmu áður. Níu manns
fórust með dönsku vélinni, þar á
meðal Hans .Jorgen Garde, yfirmað-
ur danska herráðsins og kona hans.
Edward sagði að flugvöllurinn í
Færeyjum væri einn af erfiðustu
flugvöllunum, sem Flugleiðir flygju
til.
„Við gættum því fyllsta öryggis í
aðflugi og lendingu eins og alltaf,"
sagði Edward. „Við setjum strang-
ari reglur um aðflugið en Danir, för-
um ekki jafn neðarlega og krefjumst
betra skyggnis en þeir. I þessu til-
felli voru aðstæður fyrir utan þau
mörk sem við setjum og fórum við
því í biðflug svolitla stund, en síðan
breyttist veðrið þannig að það var
innan marka og við hófum aðflug.“
Hann sagði að það væri ákveðinn
kafli í aðfluginu þar sem reikna
mætti með ókyrrð vegna samspils
vinda og landslags og hefði hann
bent áhöfninni á það eins og vera
bæri. Hún hefði hins vegar ekki
verið meiri en hann hefði búist við.
Hann kvað lendinguna hafa verið
með eðlilegum hætti. Flugvélin var
á leið frá Reykjavík til Glasgow og
var millilent í Færeyjum.
Sírenur á flugvellinum
„Við vorum að setja í gang fyrir
flugið til Glasgow þegar sírenur
fara af stað á flugvellinum," sagði
hann. „Báðir slökkvibílarnir hurfu á
braut með hraði og við þurftum að
bíða þar sem slökkvibúnaður verður
að vera til taks við flugtak. Þegar
þeir koma til baka voru aðstæður til
flugtaks þokkalega góðar og vel
innan marka. Þegar við fórum í loft-
ið haggaðist vélin ekki.“
Edward sagði að veðrið hefði ver-
ið að breytast á þeim tíma sem leið
frá Iendingu til flugtaks. „Á þessu
tímabili hljóta aðflugsskilyi-ðin að
hafa breyst talsvert,“ sagði hann.
Hann kvaðst ekki hafa frétt af
slysinu fyrr en síðar og þá hefði sig
sett hljóðan.
„Sérhver maður skoðar auðvitað
sinn gang þegar svona nokkuð ger-
ist,“ sagði hann. „Eg fór yfir þessa
hluti til að sjá hvort það væri eitt-
hvað, sem ég myndi breyta stæði ég
frammi fyrir svipuðum
skilyrðum seinna meir,
en ég get sagt það með
sanni að miðað við þær
aðstæður, sem voru,
hefði ég farið nákvæm-
lega eins að.“
Flugdeild Flugleiða
fjallaði síðan um málið
og komst að þeirri nið-
urstöðu að ekki þyrfti
að setja strangari regl-
ur í rekstrarhandbók fé-
lagsins vegna Færeyja-
flugs þess.
Skrifaði óformlega
skýrslu
Edward skrifaði
óformlega skýrslu um málið að
beiðni danska hersins, sem rann-
sakaði óhappið. Hún fylgir skýrsl-
unni, sem síðan var gerð um málið.
Edward kvaðst hafa skoðað skýrsl-
una rækilega eftir að hún lá fyrir.
„Danir lögðu sig alla fram við
rannsóknina," sagði hann. „Þeir
bjuggu til módel af eyjunum og
skoðuðu mjög vandlega áhrif þeirra
vinda, sem taldir voru ríkjandi í að-
fluginu þegar slysið varð, en þeir
voru talsvert utan þeirra marka,
sem við setjum hjá Flugleiðum."
Breyttar reglur um
hveijir fái að lenda?
í greininni, sem birtist í Jyllands-
posten er rætt við Henning
Christensen, yfirmann flugmála í
Danmörku: „Undir venjulegum
kringumstæðum er það á ábyrgð
flugstjórans að meta stöðuna út frá
þeim upplýsingum um veður, sem
hann fær frá flugturninum og veð-
urfræðingum. En bendi þessar nýju
niðurstöður eindregið til þess að
vandamálin vegna vindsins séu sér-
staklega mikil, gæti reynst nauð-
synlegt að við öxlum hluta af
ábyrgðinni ef svo má segja og bönn-
um lendingu undir vissum kringum-
stæðum. Annar möguleiki væri að
leyfa aðeins flugmönnum, sem
þekkja sérstaklega vel til og hafa
hlotið sérstaka þjálfun, að lenda
þegar kringumstæður
eru erfiðar vegna vinds.“
Því er síðan bætt við
að slíkir flugmenn fljúgi
fyrir öll þau flugfélög,
sem reki áætlunarflug
til Færeyja, Maersk Air, Atlantic
Air og Flugleiðir.
Edward, sem er yfirþjálfunar-
flugstjóri á Fokker-vélum Flug-
leiða, sagði að hjá Maersk Air
fengju aðeins sérþjálfaðar áhafnir
að lenda á flugvellinum í Vogum.
„Hjá Flugleiðum fá allir þessa
þjálfun," sagði hann. „Þetta er tekið
fyrir í grunnþjálfun og síðan endur-
tekið á sex mánaða fresti í svokall-
aðri síþjálfun. Æfingamar fara
fram í flughermi þar
sem líkt er eftir að-
stæðum á erfiðum völl-
um á borð við Nars-
sarssuaq og Kulusuk á
Grænlandi og Voga í
Færeyjum."
Leiðsögubúnaðurinn
í Færeyjum er tak-
markaðri en gerist á
borgaralegum flugvöll-
um og segir í greininni í
Jyllandsposten að það
sé ein ástæðan fyrir því
að um árabil hafi ýmist
þurft að seinka eða af-
lýsa lendingu eða flug-
taki í fjórða hvert
skipti.
„Aðflugskerfi, sem notuð eru fyr-
ir blindflug, hafa yfirleitt stefnu-
geisla og svifgeisla," sagði Edward.
„Þessir tveir geislar mynda lóðrétt-
an og láréttan ás eða kross og er
flogið niður eftir honum eftir mæli-
tækjum. Þannig er þetta venjulega í
grundvallaratriðum, en í Færeyjum
er aðeins stefnugeislinn til staðar.
Hinum geislanum er ekki hægt að
koma við vegna fjalla og annarra
aðstæðna. Því þurfa flugmenn að
notast við fjarlægðarmælingar. Þá
er stuðst við aðflugskort, þar sem
merkt er í hvaða hæð vélin eigi að
vera miðað við ákveðna fjarlægð frá
flugbraut. Slíkar aðstæður er einnig
að finna á íslandi, til dæmis á Isa-
firði þar sem aðeins er notast við
stefnugeisla."
í frásögn Jyllandsposten segir að í
bráðabirgðaniðurstöðum skýrslunn-
ar leggi sérfræðingar hersins hluta
ábyrgðarinnai- á herðar flugmanns
Gulfstream-vélarinnar. „Honum var
falið að sjá um mikilvæga heimsókn
á vegum hersins, gerði mörg mistök
og lét að ætla má þrýsta á sig um að
reyna lendingu að áætlunarvél frá
Flugleiðum hafði skömmu áður verið
lent án skaða á flugvellinum í Vog-
um,“ sagði í blaðinu.
Edward sagði að í fyrsta lagi hefði
liðið heil klukkustund milli þess að
hann lenti Fokker-vél sinni þar til
slysið átti sér stað. Auk þess létu
flugmenn ekki stjórnast
af því hvort hægt hefði
verið að lenda vélinni á
undan. Flugmenn vissu
að skjótt skipuðust veð-
ur í lofti og aðstæður
gætu breyst hratt: „Ég sé ekki að
þetta komi málinu við.“
Edward lærði að fljúga á íslandi
og vann hér við kennslu og
leiguflug. Hann starfaði við flug er-
lendis í 14 ár, þar af sex á Fokker-
flugvélum. Hann sneri aftur til ís-
lands árið 1984 og hefur samtals
verið flugstjóri á Fokker á sjöunda
ár. Þegar slysið átti sér stað var
hann kominn með 14.000 fiugtíma
og var þriðjungur þeirra á Fokker.
Edward H. Finns-
son flugstjóri.
Flugvöllurinn í
Færeyjum einn
sá erfiðasti