Morgunblaðið - 08.10.1998, Qupperneq 14

14 FIMMTUDAGUR 8. OKTÓBER 1998
MORGUNBLAÐIÐ
FRÉTTIR
Morgunblaðið/Ásdís
GERHARD Schröder, væntanlegur kanzlari Þýzkalands, handleikur íslenzkt sjávar-
fang á fískmarkaðinum í Sandgerði í nóvember 1997. Með honum á myndinni eru full-
trúar sjávariít;vegsfyrirtækja í Cuxhaven í Neðra-Saxlandi, þar sem Schröder hefur
verið forsætisráðherra frá árinu 1990.
Morgunblaðið/Árni Sæberg
GERHARD Schröder þáði í Islandsheimsókn sinni í fyrravetur hádegisverð í boði Davíðs
Oddssonar forsætisráðherra í Ráðherrabústaðnum í Reykjavík. Hér eru þeir forsætis-
ráðherrarnir á spjalli ásamt Ingimundi Sigfússyni, sendiherra íslands í Þýzkalaudi, og
Geir H. Haarde, þáverandi formanni utanríkismálanefndar Alþingis.
Islandsferð Schröders hjálp-
aði til í kosningabaráttunni
Gerhard Sehröder vinnur kappsamlega
að myndun nýrrar ríkisstjórnar í Þýska-
landi. Kanslarinn tilvonandi kom í
--------------------------------------
heimsókn til Islands í nóvember 1997
sem þótti mjög vel heppnuð.
MEÐ FERÐUM á borð við þá, sem
Gerhard Schröder, væntanlegur
kanzlari Þýzkalands, fór til íslands í
nóvember síðastliðnum, byggði
hann upp þá atvinnulífsvinsamlegu
ímynd sína, sem talin er hafa
hjálpað honum og flokki hans, Jafn-
aðarmannaflokknum SPD, að vinna
sigur yfír Helmut Kohl og Kristi-
legum demókrötum í þýsku kosn-
ingunum.
I þessari þriggja daga opinberu
heimsókn hingað til lands í hlut-
verki sínu sem forsætisráðherra
Neðra-Saxlands - eins af sambands-
löndunum 16 sem Sambands-
lýðveldið Þýzkaland skiptist í - fór
Schröder fyrir fjölmennri sendi-
nefnd skipaðri fulltrúum fyrirtækja
í Neðra-Saxlandi og kynnti sér
meðal annars starfsemi íslenzkra
sjávarútvegsfyiártækja. í Norður-
sjávarhafnarborginni Cuxhaven,
sem tilheyrir Neðra-Saxlandi, eru
starfandi fyrirtæki á sviði sjávarút-
vegs með ýmis hagsmunatengsl við
íslenzka aðila.
Halldór Ásgi'ímsson utanríkis-
ráðherra tók á móti Schröder við
komu hans hingað, en heimsóknin
hófst á Akureyri. „Schröder kom
mjög vel fyrir. Hann var mjög opinn
og óformlegur og hafði greinilega
mikinn áhuga á öllu sem hann sá og
við töluðum um. Ég tel að þessi
heimsókn hans hafi verið mjög vel
heppnuð," sagði Halldór er hann
var beðinn að rifja upp kynni sín af
hinum verðandi kanzlara. „Ég hef
að sjálfsögðu sent honum mínar
kveðjur og árnaðaróskir, enda er ég
viss um að við eigum þar góðan
vin.“
Schröder hefur á stjómmálaferli
sínum, ólíkt mörgum öðrum foryst-
umönnum þýzkra jafnaðarmanna,
verið trúr þeirri stefnu að eiga vin-
samleg samskipti við atvinnurek-
VEL FÓR á með þeim Schröderog Ólafi Ragnari Grímssyni, forseta
Islands, er þeir hittust á Bessastöðum 20. nóvember í fyrra.
endur. í viðtali við Morgunblaðið
orðaði Schröder þetta svo, að það
skilaði meira félagslegu öryggi að
vinna með viðskiptalífinu en í and-
stöðu við það. „Það er ekki hægt að
útdeila öðru til félagslegra þarfa en
því sem þegar hefur verið aflað. Við
verðum öll að venjast þessum stað-
reyndum. Að vera álitinn „vinur
efnahagslífsins" tel ég hreint ekki
ókost, heldur öllu frekar mér til
framdráttar," sagði Schröder og
bætti við að hann teldi það skyldu
sína sem stjórnmálamanns að beita
sér - í þágu bæði atvinnurekenda og
launþega - fyrir því að efnahagslífið
blómstraði.
Goethe aftur til íslands
í viðræðum við íslenzka ráða-
menn í heimsókninni og í erindi sem
hann hélt á fundi Þýzk-íslenzka
verzlunarfélagsins lét Schröder svo
um mælt, að samskipti Islands og
Þýzkalands væru með allra bezta
móti. Þeim skugga, sem bar á þessi
samskipti með ákvörðun þýzkra
stjórnvalda um lokun Goethe-stofn-
unarinnar í Reykjavík, hét Schröder
að bæta úr ef hann kæmist í aðstöðu
til þess. „Það er nú venjan með okk-
ur stjórnmálamenn að við erum
minntir á það spm við höfum sagt,“
sagði Halldór Ásgrímsson aðspurð-
ur um hvort ekki mætti telja víst að
Schröder yrði minntur á ummæli sín
um Goethe-stofnunina. „Ég á ekki
von á því að hann komizt undan því
frekar en aðrir," sagði Halldór, en
vildi þó ekki segja hverjar lyktir
þetta mál fengi.
Halldór sagði að líklega myndi
hann hitta Schröder næst á afmæl-
isfundi Atlantshafsbandalagsins í
apríl.
INGIBJÖRG R. Magnúsdóttir,
fyrrverandi skrifstofustjóri í
heilbrigðisráðuneytinu og fyrr-
verandi námsbrautarstjóri við
námsbraut í hjúkrunarfræði, og
María Pétursdóttir, fyrrverandi
skólastjóri Nýja hjúkrunarskól-
ans, tóku við viðurkenningum.
Einnig hlaut Þorbjörg Jónsdótt-
ir, fyrrverandi skólastjóri
Hjúkrunarskóla Islands, viður-
kenningu við þetta tækifæri.
Hj úkrunarfr æ ðingar
litu yfír farinn veg
TÆPLEGA 500 manns sóttu af-
mælishátíð námsbrautar í hjúkr-
unarfræði sem haldin var í
Háskólabiói síðastliðinn laugar-
dag. Að sögn Guðrúnar Krist-
jánsdóttur, formanns stjórnar
námsbrautar í hjúkrunarfræði,
minntust hjúkrunarfræðingar
þess að 25 ár eru frá því hjúkr-
unarnámið var gert að
háskólanámi hér á landi með því
að líta yfír farinn veg, skoða
stöðuna eins og hún er í dag og
horfa til framtíðar.
Morgunblaðið/Halldór
I TILEFNI afmælisins setti Landspítalinn upp sýningu í anddyri
Háskólabiós þar sem fólki gafst kostur á að bera saman
starfsaðstæður hjúkrunarfræðinga eins og þær eru í dag og eins og
þær voru fyrir 25 árum.
Stjórn Norræna læknaráðsins um
miðlægan gagnagrunn
Leiðir til
siðfræðilegra
vandamála
STJÓRN Norræna læknaráðs-
ins (NL) fjallaði um fyrirliggj-
andi fmmvarp til laga um
gagnagrunn á heilbrigðissviði á
fundi sínum nýlega.
Læknafélagi Islands hefur
borist eftirfarandi bréf frá
stjórn Norræna læknaráðsins
(NL), sem það hefur sent Morg-
unblaðinu bréfið til birtingar:
Stokkhólmi hinn 10. septem-
ber sl. Stjóm NL telur skrán-
ingu heilsufarsupplýsinga heill-
ar þjóðar leiði til óyfirstígan-
legra siðfræðilegi’a vandamála.
Svo umfangsmikil skráning
persónuupplýsinga felur í sér
umtalsverða hættu fyi’ir per-
sónuvernd. í fyrirliggjandi
frumvarpi vantar einnig skil-
greiningar á því hvers konar
rannsóknir gagnagrunnurinn á
að leiða til og hvernig að þeim
verði staðið en það eru siðfræði-
legar grundvallarforsendur
rannsókna.
Stjórn NL telur því að fyrir-
liggjandi framvarp eigi ekki að
ná fram að ganga.
Fyrir hönd stjórnar Norræna
læknaráðsins, Bemhard
Grewin, formaður.