Morgunblaðið - 10.02.1999, Síða 18
18 MIÐVIKUDAGUR 10. FEBRÚAR 1999
FRETTIR
MORGUNBLAÐIÐ
Morgunblaðið/Egill Egilsson
Nú er gam-
an í Græna-
garði
Flateyri - A meðan Vetur kon-
ungur hefur frá áramótum
íþyngt íbúum Flateyrar eins og
annarra staða víða um land með
ofankomu og snjóþyngslum hafa
aðrir íbúar Flateyrar ekki
kvartað undan snjókomunni,
heldur tekið lienni fegins hendi
og unað sér við alls kyns leiki í
snjónum. Þessir umræddu íbúar
eru börnin á Grænagarði, sem
vita ekkert betra en að leika sér
í fjallháum brekkum, grafa
göng, nú eða þá bara ærslast.
Eftir á er gott að hvfla sig í
faðmi fóstrunnar áður en tekið
er til óspilltra málanna að nýju.
Morgunblaðið/Ingimundur
HALLBERA Eiríksdóttir hlaut Auðunsbikarinn sem er veittur til
minningar um Auðun BQíðkvist Kristmarsson. Það var Kristmar J.
Ólafsson sem afhenti henni gripinn.
Morgunblaðið/Ólafur Jens Sigurðsson
Hallbera Eiríks-
dóttir hlaut
Auðunsbikarinn
Borgarnesi - Kristmai' J. Ólafsson
afhenti á íþróttadegi í Borgar-
byggð viðurkenningu úr minning-
arsjóði sonar síns, Auðuns
Hlíðkvist, er lést 1995 aðeins 14
ára að aldri en hann var mjög fjöl-
hæfur íþróttamaður.
Árlega er veitt úr sjóðnum við-
urkenning til fjórtán ára unglings
sem þykir skara fram úr jafnöldr-
um sínum. Viðurkenningin var nú
veitt í fjórða sinn. I ávarpi sínu
ræddi Kristmar um nauðsyn þess
að eiga afreksfólk í hverri grein til
að hvetja ungt fólk til dáða. Góður
árangur þeirra bestu virkar eins
og vítamínsprauta á þá yngri.
Nefndi hann sem dæmi árangur
besta íþróttafólks landsins. Sagði
hann öflugt unglingastarf undir-
stöðu til að ala upp afreksmenn í
fremstu röð. Unglingastarfið tæki
mið af þörfum allra, bæði þeirra
sem stunda íþróttir sér til ánægju
og heilsubótar og einnig hinna sem
leggja vilja stund á keppni. Krist-
mar sagði að við valið væri tekið
mið af árangri í keppni, félagsleg-
um þroska og að viðkomandi væri
fyrirmynd jafnaldra sinna.
Sagði hann að Hallbera Eiríks-
dóttir væri góður fulltrúi þess
hóps. Hún hefur lagt stund á
frjálsar íþróttir, sund, körfuknatt;
leik og knattspyrnu. Hún er í FRI
2000 hópnum og setti m.a. tvö ís-
landsmet í kringlukasti í sínum
aldursflokki á síðasta ári.
Undir
Svörtu-
loftum
Hellissandi - Vestast á Önd-
verðarnesi stendur Skálasnaga-
viti og dregur nafn sitt af
drang miklum sem eitt sinn
tengdist landi með mikilli stein-
brú. Nú hefur brimið unnið á
henni. Skálasnagi hefur ævin-
Iega verið kvikur af fugli og er
enn. En nú er hann orðinn
viðskila við klettótta ströndina,
þar sem heitir undir Svörtuloft-
um, því brúin sem tengdi hann
landi hrundi árið 1973 eins og
áður sagði og brimið brýtur úr
honum svo óvíst er hve lengi
hann stendur þarna stakur og
óvarinn í brimrótinu.
Fréttaritari gerði sér ferð út
í Öndverðarnes, þennan vest-
asta tanga Snæfellsness, fyrir
stuttu til að virða þessi undur
fyrir sér, sæbarða kletta og
öldusog. Jafnframt skoðaði
hann vel gömlu varirnar í Önd-
verðarnesi, þar sem áður bjó
talsverður fjöldi fólks og þá
ótrúlegu aðstöðu sem menn
bjuggu við til að hafa ofaní sig
og á. Hagar rýrir og skortur á
vatni. En þann gula skorti
sjaidnast og það varð fólkinu
til bjargar. En að ná landi lif-
andi var ekki á hvers manns
færi og fórust þar margir. Oft
urðu menn að raða sér á bát-
ana í sjóvolkinu, verja þá áföll-
um og draga þá síðan á þurrt
land. Það kölluðu þeir að
standa í postulasporunum. Lík-
lega fyrir það hve erfitt það
var, rétt eins og spor postul-
anna.
Nýir straumar í heilbrigðis-
þjónustu á landsbyggðinni
Morgunblaðið/Anna Ingólfs.
LANDLÆKNIR, samstarfsfólk og stjórn hinnar nýju Heilbrigðisstofnunar Austurlands
Egilsstaðir - í heimsókn sinni á
Austurland hefur Sigurður Guð-
mundsson landlæknir og nánustu
samstarfsmenn hans verið að gera
úttekt á stöðu heilbrigðismála á
landsbyggðinni. Læknaskortur hef-
ur einkennt starfsemina og ljóst er
að mati landlæknis að lækn-
isþjónustan á landsbyggðinni þarf
að endurskilgreina sig. Töluvert
hefur þegar verið unnið í þeirri end-
urskilgreiningu á Austurlandi en
nýbúið er að stofna Heilbrigðis-
stofnun Austurlands sem inniheldur
öll sjúkrahús og heilsugæslustöðvar
á Austurlandi.
Þannig er um að ræða nýja
strauma í heilbrigðisþjónustu á
landsbyggðinni og með þeim breyt-
ingum sem þeir hafa í för með sér
er látið af þeim einyrkjabúskap sem
læknar víða úti á landi hafa þurft að
búa við hingað til með tilheyrandi
álagi og einangrun. í nýiri Heil-
brigðisstofnun Austurlands er gert
ráð fyrir að læknar starfí saman,
hafi vaktaskipti og deili með sér
landsvæðum.
Landlæknir sagði hugmyndir
þessar spennandi og geta verið leið-
arljós um skipan heilbrigðismála á
landinu öllu. Hann sagði einnig
skipta máli uppsprettu grasrótar en
hugmyndin að Heilbrigðisstofnun
Austuriands er til komin heima í
héraði. Landlæknir sagðist finna
mikinn hug og metnað í fólki starf-
andi í heilbrigðisstéttinni á Austur-
landi. Nefndi hann Fjórðungssjúkra-
húsið í Neskaupstað þar sem mikill
metnaður ríkti og þar væru menn að
taka inn nýjungar. Sjúkrahúsið á
Seyðisfirði með nýja Alzheimer-deild
og fjarlækningar, m.a. ómskoðanir á
ófæddum bömum.
Stefnir í almennan læknaskort
Landlæknir sagði stærsta
vandamálið vera skort á læknum í
heilsugæslu. Og allt stefndi í al-
mennan læknaskort á landinu. Um
900 læknar eru starfandi á íslandi
og að auki eru 500 íslenskir læknar
starfandi erlendis. Áhugi ungra
lækna á að fara í heilsugæslulækn-
ingar og starfa úti á landsbyggðinni
hefur minnkað. Má það að einhverju
leyti rekja til þess að ekki er lengur
skylda kandídatsári að vinna á
heilsugæslu. Hann taldi mikilvægt
að bregðast við þessu vandamáli
m.a. með því að kynna betur
heilsugæslulækningar í læknanámi
og koma þeim aftur inn í námið auk
þess að stækka útskriftarárgang
lækna.
I tengslum við þessi straumhvörf í
heilbrigðisþjónustu í dreifbýli þá
verði skoðað að taka upp sérstakt
eins til tveggja ára nám í lands-
byggðarlækningum og sagði hann
Norður- og Austurland geta verið
traustan grandvöll fyrir slíkt mennt-
unarprógram. Landlæknh- sagði
spennandi að fylgjast með þessum
málum og sjá hvemig þau þróast.
Hann sagði að þetta fýrirkomulag
myndi styðja við allar stofnanir í
heilsugæslu sem era á svæðinu, auka
upplýsingaflæði milli fagfólks og
veita betri þjónustu fýrir þá sem
þurfa á þjónustunni að halda.