Morgunblaðið - 29.06.1999, Blaðsíða 12
12 ÞRIÐ JUDAGUR 29. JÚNÍ 1999
MORGUNBLAÐIÐ
FRÉTTIR
NOKKRIR valdir bflar af mismunandi stærð
fyrir utan Borgartún 21 árið 1956.
STARFSMENN, bflstjórar og bflafloti Sendi-
bflastöðvarinnar árið 1974 í Borgartúni 21.
HILMAR Bjarnason við Chevrolet Suburban mód-
el ‘73, skemmtilegasta bfl sem hann hefur átt.
Sendibflastöðin hf. 50 ára í dag
Otrúlegar
breytingar
FIMMTÍU ár eru liðin frá fyrsta
stofnfundi Sendibflastöðvarinnar
hf. en hann var haldinn í Breið-
firðingabúð miðvikudaginn 29.
júní 1949.1 tilefni afmælisins
verður opið hús að Klettagörðum
1, laugardaginn 3. júlí frá kl. 13.
Hilmar Bjarnason, einn hlut-
hafa Sendibflastöðvarinnar hf.,
hefur lengstan starfsaldur innan
fyrirtækisins en hann hefur ver-
ið með frá upphafi. „Ég var með
á stofnfundinum, þá 19 ára gam-
all,“ segir Hilmar. „Kristján Fr.
Guðmundsson, sem er nýlátinn,
stofnaði stöðina og byijaði
reksturinn heima hjá sér í
Skólavörðuholti árið 1948. Þar
byijaði ég að keyra hjá honum á
eigin bfl. Bflarnir í þá daga voru
bara smá horn af tegundinni
Bradford, Fordson og Morris en
svo stækkaði þetta smátt og
smátt,“ segir hann brosandi.
Eftir lok heimsstyijaldarinnar
fóru eiginlegir sendibflar að
tíðkast en áður fóru svo tO allir
flutningar fram á opnum vörubif-
reiðum. Sendibifreiðirnar voru
því nýjung sem margir fögnuðu.
Að sögn Hilmars voru hluthaf-
ar í Sendibflastöðinni hf. nítján,
hver skráður fyrir 200 króna
hlutabréfi nema stofnandinn
sem átti tvo hluti. Hlutafélagið
keypti Sendibflastöð Kristjáns
og símanúmerið 5113 fylgdi
með. Fyrirtækið náði, sam-
kvæmt Hilmari, fljótt að sanna
sig og sumir af fyrstu viðskipta-
vinunum skipta enn við Sendi-
bflastöðina hf. Næstu árin fjölg-
aði hluthöfum og nú, 50 árum
síðar, eru þeir 78 talsins og eiga
samtals hundrað hluta.
Breyttir tímar
Hilmar segir ótrúlegar
breytingar hafí átt sér stað á
þessum 50 árum. „Bærinn var
þá svo lítill, það var verið að
byrja að byggja smáíbúða-
hverfin og þar af leiðandi ekk-
ert til sem hét Breiðholtið eða
Árbæjarhverfið." Hann segir
að áður hafi sendibflstjórastarf-
ið verið erfiðara. „Þá var ekk-
ert plast heldur stál og allt því
miklu þyngra. Þá voru heldur
engir lyftubflar eða önnur þæg-
indi.“
Sendibflastöðin hf. var í upp-
hafi staðsett í Ingólfsstræti 11,
þar sem nú er Iðnaðarmanna-
húsið. Árið 1956 fluttist fyrir-
tækið í Borgartún 21 og 1968
var þar byggt nýtt húsnæði
undir reksturinn. Á þessum ár-
um breyttist símanúmer stöðv-
arinnar í 25050 sem hefur verið
mjög einkennandi fyrir Sendi-
bflastöðina hf. síðan. „Það er
auðvitað mikið atriði að hafa
gott símanúmer,“ útskýrir
Hilmar.
Aðspurður um hvernig tilfinn-
ing það sé að standa á slíkum
timamótum segir Hilmar þessi
50 ár hafa verið ótrúlega fljót að
líða þrátt fyrir allt.
Sendibflastöðin hf. er nú til
húsa að Klettagörðum 1 þar sem
starfsmenn eru sex og starfandi
bflsljórar 105. Hilmar er ekkert
á Ieiðinni að hætta að keyra,
„hver vill ekki vinna meðan
hann hefur heilsu til?“ spyr
hann og bætir við að auðvitað
séu sér eins og öðrum settar
skorður í þeim efnum.
Afmælishátíðin verður í nú-
verandi húsnæði Sendibfla-
stöðvarinnar hf. þar sem boðið
verður upp á kaffíhlaðborð,
grillaðar pylsur, Ieiktæki fyrir
börnin og fleira. Að sögn
Hilmars eru allir hjartanlega
velkomnir.
Sláttumaður
skaddaðist
illa á hendi
MAÐUR skaddaðist illa á fingri
þegar hann fór með hönd sína í
sláttuvél í Holtahverfi á laugar-
dagsmorgun, auk þess sem aðrir
fingur brotnuðu. Maðurinn gekkst
undir aðgerð á Sjúkrahúsi
Reykjavíkur og er fingurinn illa
og varanlega skaddaður sam-
kvæmt upplýsingum vakthafandi
læknis.
Varkárni þörf
við slátt
Meiðsli af sama toga eiga sér
stað á hverju sumri að sögn lækn-
isins og var slysið á laugardag
annað þessarar tegundar í vikunni.
Hann segir sláttuvélaslysin eins
konar sumarboða og brýnir fyrir
fólki að fara varlega við meðferð
sláttuvéla. Áverkarnir eru í mörg-
um tilvikum alvarlegir.
Slysin verða yfirleitt með þeim
hætti að fólk fer með fingurna í
vélina til þess að hreinsa hana en
gerir sér ekki grein fyrir því að
vélin er í gangi. Missa margir
framan af fingrum. Oft gerist það
líka að sláttuvélar fara yfir fætur
fólks og eru dæmi um að slegið sé
ofan af tánum. Alvarlegir áverkar
á fæti af þessum sökum eru þó fá-
tíðari, þó svo að dæmi séu um ann-
að.
Fíkniefni fund-
ust á Akranesi
MAÐUR var tekinn með fíkniefni
á Akranesi undir morgun á laugar-
dag. Talið er að um amfetamín hafi
verið að ræða en magn þess var
lítið að sögn lögreglu. Lögreglan
hafði afskipti af manninum þar
sem hann var á göngu um bæinn.
Hann var færður til yfirheyrslu en
hefur verið látinn laus.
Bflvelta við
Gljúfurá
ENGINN meiddist þegar jeppi fór
út af afleggjaranum frá Veiðihús-
inu við Gljúfurá síðastliðið föstu-
dagskvöld. Að sögn lögreglunnar í
Borgarnesi valt bíllinn og hafnaði
á hvolfi fyrir utan veg. Þrír menn
voru í bílnum sem er stórskemmd-
ur og var fjarlægður af vettvangi
með kranabfl.
BRADFORD, Morris, Fordson, Austin og fleiri bflategundir í Ingólfsstræti 11 árið 1949.
j
Athugasemd
MORGUNBLAÐINU hefur borist
eftirfarandi athugasemd frá Jóni
Helgasyni fyrir hönd Landverndar:
„I umfjöllun í forystugrein Morg-
unblaðsins 27. þ.m. um opið bréf til
iðnaðar- og umhverfisráðherra um
virkjun Jökulsár í Fljótsdal sem
birtist í Morgunblaðinu 26. þ.m. hef-
ur því miður gætt þess misskilnings
að þar sé krafist þess sem nefnt hef-
ur verið „lögformlegt umhverfis-
mat“ og talið er að taki tvö ár.
Hingað til hefur verið unnið að
þessu máli samkvæmt gildandi lög-
um.
I bréfinu er hins vegar bent á að
Landsvirkjun sé að ljúka gerð
skýrslu, sem sagt hefur verið að
unnin sé með sama hætti og um
væri að ræða skýrslu samkvæmt
lögum um mat á umhverfisáhrifum.
Umfjöllun um hana á sambærilegan
hátt og segir í þeim lögum, mætti þá
ljúka á fyrri hluta næsta árs, þ.e. að
fela Skipulagsstofnun að fjalla um
hana og gefa kost á að gera athuga-
semdir við hana.
Með þessari ábendingu er verið
að leggja áherslu á að ekki sé verið
að eyða tímanum í að deila um
vinnubrögð við að taka ákvörðun,
heldur fyrst og fremst lögð áhersla á
að gera sér grein fyrir því hvað
vinnst og hvað tapast með fyrirhug-
uðum framkvæmdum, bæði hvað
snertir náttúru og mannlíf. Án þess
að fá það fram verður umræðan
ómarkviss, því að ekki nægir að
segja að gera eigi hlutina einhvern
veginn öðru vísi.
I þessu viðkvæma og erfiða máli
hlýtur að verða að ræðast við eins
og kostur er á grundvelli staðreynda
og þekkingar til að reyna að finna þá
niðurstöðu sem flestir geta sætt sig
við.“
Aths.ritstj.:
í grein Jóns Helgasonar, sem
birtist hér í blaðinu sl. laugardag
segir m.a.:“Mat á umhverfisáhrifum
Eyjabakkalóns með sambærilegum
hætti og kveðið er á um í lögum nr.
63/1993 kann að leiða í ljós að þessir
valkostir séu betri leiðir en sú sem
stjómvöld og Landsvirkjun fylgja
nú. Landvernd skorar á umhverfis-
og iðnaðarráðherra að beita sér fyr-
ir því að slíkt mat fari fram og virkj-
unarleiðir valdar í ljósi þess.“
Þessi orð Jóns Helgasonar er ekki
hægt að misskilja. Athugasemd
hans nú má hins vegar skilja á þann
veg, að hann vilji að umhverfismat
fari fram með eðlilegum hætti en
kærufrestir verði styttir. Það má vel
vera, að í þeirri leið sé fólgin ákveð-
in málamiðlun á milli andstæðra
sjónarmiða.
Landsmót harmonikuunnenda haldið á Siglufírði
HARMONIKULEIKARAR halda landsmót á Siglufirði um lielgina, en á annað hundrað harmonikuleikarar
sýna þar afrakstur vinnu sinnar og spila fyrir mótsgesti, sem verða líklega hátt í 1.000 talsins.
LANDSMÓT Sambands ís-
lenskra harmonikuunnenda
verður haldið á Siglufirði um
helgina og er búist við hátt í
1.000 gestum á staðinn í tengsl-
um við mótið, en tónleikar
verða haldnir víða um bæinn á
meðan á mótinu stendur. Að
sögn Sigrúnar Bjarnadóttur,
formanns SIH, hefst mótið
formlega á morgun með aðal-
fundi aðildarfélaganna, sem eru
19 talsins, en lýkur á Iaugardag
með dansleik.
Búist við
1.000 gestum
„Á landsmótinu eru félögin að
sýna afrakstur vinnu sinnar og
spila hvert fyrir annað,“ sagði
Sigrún. „Það ríkir mikil eftir-
vænting núna því þetta er há-
punkturinn hjá flestum harmon-
ikuleikurum."
Auk allra íslensku harmoniku-
leikaranna, sem verða á annað
hundrað talsins á staðnum, munu
rússneskir tvíburar sýna snilli
sína á Iaugardaginn klukkan
fjögur.
Landsmótið nú er hið sjöunda í
röðinni, en þau hafa verið haldin
á þriggja ára fresti frá því SÍH
var stofnað árið 1981. Sigrún
sagði að landsmótin hefðu, í
gegnum tíðina, verið stórar upp-
ákomur og að á síðasta lands-
móti, sem haldið hefði verið á
Laugalandi, hefðu gestir verið
1.000 talsins.