Morgunblaðið - 03.07.1999, Blaðsíða 12

12 LAUGARDAGUR 3. JÚLÍ 1999
MORGUNBLAÐIÐ
Morgunblaðið/Anna Ingólfsdóttir
GUÐRUN le Sage de Fontenay tekur við verðlaunum fyrir hugmynd
sína að merki fyrir Landsmót UMFÍ 2001 úr hendi Sveins Jónssonar,
formanns landsmótsnefndar.
Merki valið
fyrir Landsmót
UMFÍ 2001
Egilsstöðum - Haldin var sam-
keppni um merki fyrir Landsmót
UMFÍ árið 2001 sem haldið verður
á Egilsstöðum. Alls bárust 27 tillög-
ur frá 25 höfundum um merkið.
Dómnefnd skipuð Birni Armanni
Olafssyni, Önnu Ingólfsdóttur og
Stefaníu Steinþórsdóttur gerði til-
lögu um þrjú merki. Landsmóts-
nefnd var sammála tillögu dóm-
nefndar og valdi merkið Kraft, en
höfundur þess er Guðrún le Sage de
Fontenay hjá Auglýsingastofunni
Teikn í Hafnarfirði. I öðru sæti var
merki eftir Ellert Grétarsson og í
þriðja sæti var tillaga frá Gunnhildi
Ingvarsdóttur. Höfundur verð-
launahugmyndarinnar fékk 200.000
krónur fyrir tillögu sína.
Landsmót UMFÍ verður haldið á
Egilsstöðum 12.-15. júlí 2001 og er
þegar byrjað að skipuleggja mótið.
Að sögn Sveins Jónssonar, for-
manns landsmótsnefndar, er verið
að ljúka smíði seinni hluta íþrótta-
húss á Egilsstöðum og verður hann
tekinn í notkun á þessu ári. Endur-
nýja þarf hlaupabrautir á íþrótta-
velli en fengist hefur loforð um kr.
35 milljónir frá ríkissjóði til þeirra
framkvæmda. Þátttakendur á
landsmóti árið 2001 verða á milli
eitt og tvö þúsund en gert er ráð
fyrir að gestir verði um 10.000.
Aðstæður ákjósanlegar
Sveinn segir aðstæður á Egils-
stöðum ákjósanlegar til þess að
halda þetta mót. Hér þurfi að gera
ÆS. /SIA//7S-Af0r //AffY
Æ-/Æ Sj/í/&7S/&S/00Í//I*
ráðstafanir varðandi tjaldsvæði og
bflastæði, hreinlætisaðstöðu og að-
stöðu fyrir sölubása en flest annað
sé til staðar. Margt starfsfólk þarf
við mótshaldið og kostnaður vegna
þess hlaupi á milljónum enda er
þetta stærsti einstaki íþróttavið-
burður sem haldinn er hér á landi.
Sveinn segir það mikinn ávinning að
fá fjármagn til þess að skapa hér
íúllkomna íþróttaaðstöðu.
„Það hefur líka áhrif á þá sem eft-
ir koma. Góð aðstaða er grundvöllur
þess að hægt sé að leggja rækt við
íþróttir. Það eflir áhuga og eykur
möguleika þeirra sem hér búa og
einnig þeirra sem koma að og
stunda nám í Menntaskólanum á
Egilsstöðum,“ sagði Sveinn.
I landsmótsnefnd sitja, auk
Sveins, Sigurður Aðalsteinsson,
fulltrúi UMFI, Jóhanna Guðmunds-
dóttir, Gunnar Geirsson, Jónas Þór
Jóhannsson, Ólafur Sigurðsson og
Þórhallur Eyjólfsson.
Að sögn Þóris Jónssonar, for-
manns UMFI, krefst mót sem þetta
mikils undirbúnings enda sé farið
að huga að því hvar eigi að halda
Landsmót 2004 en auglýst verði eft-
ir mótshaldara að því innan tíðar.
Signetshringur-
inn geymdi ver-
búðarlykil
Ísaíírði - Minjasafninu í Ósvör í
Bolungarvík hefur bæst góður
gripur, sem er meira en hund-
rað ára gamall lyklahringur
sem jafnframt var signetshring-
ur. Hann er gjöf til safnsins frá
Maríu Hildi Guðmundsdóttur
og var í eigu afa hennar, Majas-
ar Elíassonar, sem drukknaði í
sjóróðri frá Bolungarvík árið
1899 eða fyrir réttri öld. Á
hringnum hafði Majas verbúð-
arlykil, sem reyndar er Iöngu
týndur en á signetinu eru
stafírnir ME.
Majas Elíasson var fæddur
árið 1859 á Snæfjallaströnd og
var því rétt fertugur þegar
hann fórst. Hann var háseti á
sexæringi en formaður var Jens
Þórðarson.
Þeir félagar reru í sæmilegu
veðri og lögðu línuna. Þegar
það var búið treystu þeir sér
ekki til að draga hana og sneru
strax til lands. Skammt frá
þeim var annar sexæringur.
Formaður á honum var Gísli,
faðir Árna Gíslasonar úr Ogur-
nesinu. Þeir voru langt komnir
að draga sína línu þegar þeir
sjá að Jens og skipveijar hans
leggja af stað í land. Þegar
þeir eru búnir að draga og
halda af stað undrast þeir að
sjá ekki seglin á hinum bátn-
um. Þeir komu siðan auga á
bátinn á hvolfí og voru fjórir
menn á kili en tveir voru
horfnir, formaðurinn og Majas.
Gísli og áhöfn hans björguðu
mönnunum fjórum en einn
þeirra lést síðan af vosbúð.
Nánar má Iesa um slys þetta í
LANDIÐ
Víkinga-
hátíð á
Seyðisfirði
Seyðisfirði - Víkingahátíðin á
Seyðisfírði var haldin um nýliðna
helgi. Þótt veður hafí ekki verið
eins og best verður á kosið er
talið að á annað þúsund manns
hafi sótt hátíðina.
Stórt samkomutjald var reist
framan við Hótel Seyðisfjörð og
víkingaljöld meðfram Lóninu við
liótelið. Dansleikir voru í tjaldinu
bæði kvöldin þar sem Víkinga-
sveitin lék fyrir dansi. Mikið af
handverksfólki var á hátíðinni og
gátu gestir séð það að störfum
og keypt afraksturinn ef þeim
sýndist svo. Þjálfaðir bardaga-
menn sýndu víkingabardaga og
var aðdragandi þeirra ieikinn að
Morgunblaðið/Pétur Kristjánsson
ÞJÁLFAÐIR bardagamenn sýndu víkingabardaga
að hætti Islendingasagna.
hætti fslendingasagna.
Þetta er annað árið í röð sem
Víkingahátíð er haldin á Seyðis-
fírði. Hátíðin þótti vel heppnuð
og að sögn mótshaldarans Ey-
þórs Þórissonar hjá Hótel Seyðis-
fírði verður sams konar hátíð
trúlega haldin að ári.
SKÁLAFELL í Suðursveit.
Morgunblaðið/Einar Jónsson
Fjölmenn ættarmót
Kálfafellsstað - Tíðarfar í júní hefur
verið allgott en þó fór úthögum lengi
vel lítt fram vegna kulda. En nú er
allt að braggast með besta móti í hita
og vætu, og grasið þýtur upp, ekki
hvað síst á sandtúnunum. Eins hefur
mannlíf verið hér í blóma með hátíð-
um og tildragelsi.
Hinn 18. júní var haldið ættarmót
í félagsheimilinu Holti á Mýrum þar
sem um 160 manns mættu. Voru þar
á ferð niðjar og skyldulið Ara Sig-
urðssonar, bónda á Borg
(1891-1957), og konu hans, Sigríðar
Gísladóttur (1891-1992). Þeim varð
tíu barna auðið, auk sonarins Vigfús-
ar sem Sigríður átti áður og eru af-
komendur þeirra nú talsvert á annað
hundrað.
Borgarheimilið var hið mesta
menningarheimili og þar voru einna
síðast lesnir húslestrar hér í sýslu.
Söngur var þar í slíkum hávegum
hafður að sagt var að þau Borgar-
systkinin hefðu fæðst með sálmabók
í höndum.
Daginn eftir, 19. júní, var annað
ættarmót haldið að Hrollaugsstöð-
um í Suðursveit. Voru þar saman-
komin niðjar og sifjalið þeirra Guð-
mundur Sigurðssonar, föðurbróður
Ara á Borg (1858-1916), og konu
hans, Sigríðuar Aradóttur frá
Reynivöllum (1860-1938). Guð-
mundur var framan af kenndur við
Borg þar sem hann ólst upp en síðar
við Skálafell þar sem þau hjón
bjuggu lengst af.
Þeim varð tólf barna auðið er upp
komust og lætur nærri að afkomend-
ur þeirra fylli nú hálft sjöunda
hundraðið. Meðal barna þeirra voru
Steinunn á Hala, Þorsteinn, hrepp-
stjóri á Reynisvöllum, og Vilhjálmur
á Gerði svo einhverjir séu nefndir
hér í sveit. Ekki var auður í garði hjá
þeim Guðmundi og Sigríði og mörg
börn þeirra ólust uppi fjarri föður-
húsum.
Ættarmótið var því ekki hvað síst
haldið til að bæta það sem upp á
vantaði á fjölskylduböndin á árum
áður að sögn forráðamanna þess.
Tónlistargáfa hefur einkennt
margt af þessu ágæta fólki enda seg-
ir Þórbergur Þórðarson að Guð-
mundur Sigurðsson hafí löngum
haldið uppi söng í baðstofunni með
börnum sínum. Geri aðrir betur.
Rúmlega
HRINGUR Majasar Ehasson-
ar með signetinu en ver-
búðarlykilinn vantar.
Morgunblaðið/Sigurjón J. Sigurðsaon
MARÍA Hildur Guðmundsdóttir afhendir Geir Guðmundssyni
signetshring afa síns f Ósvörinni.
estfírskum slysadögum eftir
ýjólf Jónsson.
Lík þeirra Jens og Majasar
mdust og eru þeir báðir jarð-
zttir í kirkjugarðinum á Hóli í
olune'arvík. María Hildur vildi
að hringurinn yrði varðveittur í
minjasafninu í Ósvör, þar sem
afí hennar reri frá Bolungarvík-
Þessi gamli og merki gripur
verður þar til sýnis í öðrum
sýningarkassanum.