Morgunblaðið - 16.07.1999, Blaðsíða 12

12 FÖSTUDAGUR 16. JÚLÍ 1999
MORGUNBLAÐIÐ
FRÉTTIR
verða skyldubúnaður. í 35 þúsund
feta hæð er ekki einfalt að koma
auga á aðrar þotur á svipuðum
slóðum, helst að sjá megi slóðina
aftan úr þeim. Um leið og merki
um þær sést á árekstravaranum er
hægt að líta í þá átt sem viðkom-
andi vél er og þá má um síðir koma
auga á hana. Þá sést líka vel
hversu mikill hraði er á þessum
vélum því þær hverfa nánast á ör-
skotsstund séu þær nálægt.
Flugmennirnir segja starf sitt á
leiðinni einkum fólgið í margs
konar eftirliti með framgangi
flugsins. Sífellt er haft samband
við flugumferðarstjórnir, staðfest
fyi’irfram ákveðin flugleið eða
henni breytt að fyrirmælum
þeirra sem gerðist í þessari ferð
vegna umferðar og allt er vand-
lega skráð til að rekja megi hvern-
ig flugið gekk fyrir sig ef eitthvað
fer úrskeiðis. I þessu sambandi
kvaðst John Brock furða sig nokk-
uð á hversu samskipti flugmanna
við flugumferðarstjórnir væru
orðin gamaldags. „Við erum að
tala við flugumferðarstjórnir með
hátíðnitalstöðvum og stundum er
sambandið ekki nógu gott og
menn þurfa sífellt að endurtaka
sig til að ekkert fari milli mála. A
sama tíma geta farþegarnir
kannski verið að tala vandræða-
laust í gervihnattasíma sína,“ seg-
ir flugstjórinn og segir að á þessu
sviði þyrfti að verða bragarbót.
Slegist um
reynda flugmenn
Þeir segja í þessu sambandi að
með aukinni tækni og öryggi í stað-
setningu og allri flugleiðsögu megi
minnka aðskilnað véla til að anna
betur þeirri flugumferð sem orðin
er til dæmis viða í Evrópu. Meðan
vélin berst norður eftir Evrópu, út
yfir Ermarsundið og Bretland er
rætt um heima og geima og að end-
ingu eru þeir félagar spurðir um
framtíðarhorfur í fluginu. „Það var
atvinnuleysi hjá breskum flug-
mönnum fyrir fáum árum,“ segir
Jonathan Quest, „en nú hafa allir
vinnu og flugfélögin kvarta yfir því
að fá ekki reynt fólk. Starfsaldur
flugmannastéttarinnar fer óðum
lækkandi af því svo margt ungt
fólk er að koma inn og flugfélög
hafa allar klær úti til að ná í fólk.“
Þeir segja félögin gi-eiða fyrii'
þjálfun flugmanna gegn því að þeii'
ráði sig til fimm ára og hætti menn
áður en samningstíminn er úti
verða þeir að greiða hlutfallslega
sinn skammt.
„Það kemur líka fyi'ir að flugfé-
lögin „steli“ þessum mönnum og
greiði fyrir þá þennan kostnað. En
þetta er vandinn, flugfélögin vant-
ar flugmenn með reynslu og flug-
menn fá ekki störf nema þeir hafi
reynslu þannig að hér verður að
fínna einhvern milliveg sem hentað
getur báðum aðilum og í þessu
sambandi er rétt að vekja athygli á
að aldrei verður slakað á neinu
varðandi öryggi. Það vilja allir hafa
í íyrsta sæti.“
Þotur eru í stöðugri
þróun og nýjar gerðir
vaxa út frá þeim eldri.
Jóhannes Tómasson
skoðaði eina slíka,
Boeing 737-800, sem
er afkastameiri og
sparneytnari en aðrar
gerðir og með ýmsum
tækninýj ungum
í stjórnklefa.
EIN af nýjustu þotugerðunum frá
Boeing, 737-800, er nú í notkun
hjá breska leiguflugfélaginu Sabre
Airways, sem annast í sumar flug
fyrir ferðaskrifstofuna Heimsferð-
ir bæði til sólarstranda og
London. Þessi gerð fór í fyrsta
flugið fyrir tveimur árum og var
afhent fyrsta flugfélaginu á síðast-
liðnu vori. Sabre Airways fékk
sína þotu einnig síðasta ár, fyrst
flugfélaga í Bretlandi og með
fyrstu félögum í Evrópu.
John Brock, flugstjóri hjá Sabre
Airways, segir nýju þotuna á allan
hátt skemmtilegri en eldri gerðirn-
ar, þ.e. 737 þoturnar sem nefndar
eru 100, 200, 300, 400 og sú
minnsta 500. Gerðirnar 300, 400 og
500 eru eins að allri gerð nema
hvað varðar burðargetu. Næsta
kynslóð, eins og Boeing kallar
nýrri gerðirnar, eru einkenndar
með heitunum 600, 700, 800 og
900 og eru þær líka eins að allri
gerð þannig að flugmenn geta
flogið öllum gerðunum í hvorri
kynslóð fyrir sig án þess að þurfa
sérstaka þjálfun fyrir hverja und-
irgerð. „Þessar þotur eru stærri
og með meiri burðargetu en eldri
gerðirnar og við höfum ýmsar
nýjungar í stjórnklefanum eins og
skjái í stað hefðbundinna mæla,
stæn-i skjái en eru í fyrri gerðum
af 737 þotum og þeir eru líka
fleiri," segir John Brock er blaða-
maður ræddi við hann og Jonath-
an Quest flugmann í snöggri ferð
til Spánar á dögunum.
Annast hvers
konar leiguflug
Sabre Airways, sem stofnað var
árið 1994, notaði fyrst eingöngu
727-200 þotur en er nú að skipta
þeim út fyrir 737-800 og er það
Morgunblaðið/jt
UPPLYSINGAR um stefnu, hæð og hraða flugvélar, um hegðan hreyflanna og um veðurfar koma fram á
skjám hjá ílugmönnunum.
flugfélög. Má því segja að félagið
sé í nokkuð svipuðum rekstri og
Atlanta.
„Okkur finnst mun þægilegra að
vinna á vélum með skjámæla sem
þessa, umhverfið er allt þægilegra
og maður finnur síður fyrir þreytu
í augum. Það tekur dálítinn tíma að
venjast þessu en þegar það er
komið er það mjög þægilegt," segir
flugstjórinn en skjáimir eru einir
sex, flestir fyrir upplýsingar um
hegðan vélarinnar, stefnu, hraða
og hæð en einnig veðurupplýsingar
og hvernig flugleiðin er skipulögð
og fleira. Af einum skerminum eru
eingöngu lesnar upplýsingar um
hvaðeina er snertir hreyflana.
Árekstravarar
útbreiddir
Þá er þessi vél búin árekstra-
vöm sem er í því fólgin að á
skermunum má sjá hvar nálægar
flugvélar eru á ferð og sést þar
bæði stefna þeirra og hæð, hvort
þær eru í sömu hæð, hærra eða
lægi’a. Sé nálgunin of mikil vekur
tölvan athygli flugmanna á vélun-
um með kalli og sé hætta á ferðum
gefur hún fyrirmæli um breytingu
á stefnu eða hæð til að forðast
árekstur. Sé slíkur árekstravari í
hinni vélinni gefur tölvan þar flug-
mönnum sínum viðeigandi fyrir-
skipanir einnig. Slíkir árekstravar-
ar eru nú í flestum nýrri þotunum,
t.d. hjá Flugleiðum, enda þeir að
JOHN Brock flugstjóri (í miðið) og Jonathan Quest flugmaður (t.v.)
ræða hér við hleðslustjóra á flugvellinum í Malaga en þar var viðdvöl-
in aðeins klukkustund.
ekki síst vegna þess að nýju þot-
umar eru mun sparneytnari. Fé-
lagið rekur nú þrjár af eldri gerð-
unum og hefur fengið tvær af
þeirri nýju og sú þriðja er væntan-
leg í febrúar á næsta ári. John
Brock segir ætlunina þá að selja
eina af eldri þotunum eða breyta
henni til fraktflugs. „Við höfum til
þessa eingöngu annast farþega-
flug en nú er verið að velta því
fyrir sér að færa út kvíarnar og
taka upp fraktflug þegar þriðja
737-800 þotan bætist við,“ segir
hann og bætir við að Sabre Airwa-
ys annist jöfnum höndum
leiguflug fyrir ferðaskrifstofur,
flestar breskar, en einnig sé nokk-
uð um að félagið sé fengið til að
sinna áætlunarflugi fyrir önnur
Ein nýj asta þota Boeing
í flugi fyrir Heimsferðir
A
Utiguðsþjónusta í ágúst í upphafí kristnitökuhátíðar Reykjavíkurprófastsdæma
Þúsund manna kór
syngur í Laugardal
í TILEFNI af þúsund ára afmæli
kristnitöku á Islandi gangast
Reykjavíkurprófastsdæmin fyrir
miklum hátíðarhöldum sem
standa munu nær samfellt í rúmt
ár. Um 60 viðburðir verða á dag-
skrá hátíðarinnar og verður hún
ein viðamesta kristnihátíð sem
haldin hefur verið hér á landi.
Hátíðahöldin verða sameiginleg á
vegum Reykjavíkurprófastsdæm-
is eystra og vestra og þriggja
sveitarfélaga, Reykjavíkurborg-
ar, Kópavogsbæjar og Seltjarnar-
neskaupstaðar sem tóku þátt í
undirbúningi og kostnaði við há-
tíðina.
Hátíðin hefst 15. ágúst nk. með
útiguðsþjónustu á Laugardalsvelli
þar sem biskup Islands predikar.
Við athöfnina syngur 1000 manna
kór undir stjórn Jóns Stefánssonar
og Kristinn Sigmundsson syngur
einsöng. Að útiguðsþjónustunni á
Laugardalsvelli standa allir kristn-
ir söfnuðir í Reykjavíkurprófasts-
dæmum.
Fjölbreytt
fjölskylduhátíð
í framhaldi af útiguðsþjónust-
unni verður fjölbreytt fjölskyldu-
hátíð í Laugardal. Jón Ólafsson
mun stjórna gospeltónleikum í
Laugardalshöll. Þar koma fram
listamenn eins og Bubbi Morthens,
Páll Rósinkrans, Sigríður Guðna-
dóttir, Stefán Hilmarsson og Mar-
grét Eir. Hátíðinni í Laugardal
lýkur um kvöldið með sameigin-
legri æskulýðssamkomu allra
kristinna söfnuða í Skautahöllinni.
Búist er við miklu fjölmenni á há-
tíðina sem verður mjög vegleg.
Síðar á árinu verður opið hús í
kirkjum í tengslum við kirkjugöng-
ur og tónleikar verða haldnir í
tengslum við norrænt þing org-
anista. Dómkirkjan verður opnuð á
ný og ráðstefna verður haldin um
boðun kristinnar trúar. Kristni-
tökuhátíð á vegum Reykjavíkur-
prófastsdæmanna stendur yfir í
rúmt ár og verður árið 2000 sér-
staklega viðburðarríkt. Um jól og
áramót mun kór og kammersveit
Langholtskirkju flytja jólaoratoríu
J.S. Bach.
Barnakóradagur á næsta ári
Árið 2000 verður haldinn barna-
kóradagur. Af öðrum viðburðum á
árinu má nefna mjög merkilegar
sögumessur sem haldnar verða í
nokkrum kirkjum. Þá verður um-
gjörð messunnar, tónlistin og
messugjörðin frá ákveðnu tímabili
sögunnar sem valið hefur verið
fyrirfram. Einnig verður Listavika
í Seltjarnarneskirkju á páskum og
óratoría verður frumflutt í Hall-
grímskirkju í tilefni kristnitöku.
Kynningarþættir verða um starf
kirkjunnar um víða veröld í sam-
ráði við Ríkisútvarpið. Settar
verða á svið leiksýningar, listsýn-
ingar og margt fleira, sögumessur
og Ijósamessur svo eitthvað sé
nefnt.
Mikið tónlistarlíf verður tengt
hátíðahöldunum. Má þar nefna
samsöng kirkjukóra og tónleika
barnakóra ásamt orgeltónleikum
og flutningi stórverka tónlistarsög-
unnar, auk fi-umflutnings á nýjum
íslenskum tónverkum. Þá verður
haldin samkeppni um lög við ein-
staka liði messunnar. Hátíðinni lýk-
ur með tónlistarmessu í Hallgríms-
kirkju 19. nóvember árið 2000.