Morgunblaðið - 02.10.1999, Blaðsíða 28
28 LAUGARDAGUR 2. OKTÓBER 1999
MORGUNBLAÐIÐ
MORGUNBLAÐIÐ
ÚR VERINU
Morgunblaðið/Ásdís
Pétur Bjarnason, framkvæmdastjóri og stjómarformaður Fiskifélags
fslands, flutti skýrslu stjórnar á aðalfundinum í gær.
Samstaða um
umhverfísmál
Fiskifélag íslands
Pétur
áfram
formaður
PÉTUR Bjamason var endurkjör-
inn formaður stjórnar Fiskifélags
íslands með lófaklappi á aðalfundi
félagsins í gær og tillaga um sömu
stjóm með einni breytingu vegna
starfsreglna var samþykkt sam-
hljóða.
Pétur flutti skýrslu stjómar og
byrjaði á því að kynna starfsmenn
Fiskifélagsins og verksvið þeirra en
síðan greindi hann frá margvísleg-
um verkefnum félagsins. I því sam-
bandi nefndi hann að það hefði tekið
þátt í stofnun og starfsemi Fagráðs
um endurvinnslu og úrgang,
FENÚR, sem ætti systursamtök
víða um heim og hefði það að mark-
miði að stuðla að endurbótum á
sviði úrgangs af ýmsu tagi, lyfta
umræðunni um málið á hærra plan
og bæta ástandið. Hins vegar hefði
Fiskifélagið sagt sig úr Nordiske
fiskemes miljösekreteriat, sem var
stofnað til að vinna sameiginlega á
norrænum vettvangi á sviði um-
hverfismála en hefði sl. haust verið
breytt í að vera almenn hagsmuna-
samtök norrænna fiskimanna með
fleiri verkefni en málefni umhverfis-
ins. Hann nefndi að Fiskifélagið
hefði ásamt sjávarútvegsráðuneyt-
inu séð um íramkvæmd Norrænu
fiskimálaráðstefnunnar í sumar og
teldi að ráðstefnan hefði orðið báð-
um til vegsauka.
I máli Péturs kom fram að félagið
hefði annast úrvinnslu gagna fyrir
Verðlagsstofu skiptaverðs og tekið
að sér ýmis verkefni tæknilegs eðl-
is, meðal annars unnið umfangs-
mikla könnun á olíunotkun og út-
blæstri gróðurhúsalofttegunda fyrir
sjávarútvegsráðuneytið. Undanfar-
in ár hefur sjóvinnukennslu verið
skipt í hina raunverulegu sjóvinnu-
kennslu og svo kynningu fyrir
grunnskólanema á vistfræði hafsins
og nýtingu auðlinda þess en Fiskifé-
lagið hefur unnið að verkefninu
ásamt Hafrannsóknastofnun undir
yfirumsjón Verkefnisstjórnar skóla-
skipsins. Pétur sagði að framtíð
verkefnisins væri í nokkurri óvissu.
Fjármögnun væri tryggð út þetta
skólaár en framhaldið gæti ráðist af
hugsanlegri þátttöku sveitarfélag-
anna, sem hafa tekið yfir málefni
grunnskóla.
Pétur sagði að Fiskifélagið vildi
byggja ofan á hús sitt við Ingólfs-
stræti 1 en yfirvöld hefðu gefið í
skin að leyfi til þess væri torsótt,
fyrst og fremst vegna þess að aðrar
byggingar á reitnum væru orðnar
svo miklar að nýtingarstuðullinn
mætti ekki hækka. Hann sagði
erfitt að sætta sig við þetta viðhorf
því með því væri lóðareigendum á
svæðinu stórlega mismunað og
furðulegt væri ef það stæðist lög.
Eins hefði verið nefnt að varðveita
ætti húsið af verndunarástæðum en
því héfði þegar verið mikið breytt.
Fiskifélagið gefur út Ægi, Sjó-
mannaalmanak og Kvótabókina. Út-
gáfumar eru með hefðbundnu sniði
en Pétur sagði að verulegar breyt-
ingar yrðu gerðar á Sjómannaalm-
anakinu sem kemur út fyrir jól.
ALÞJÓÐASAMNINGAR og um-
hverfismál voru til umræðu á Fiski-
þingi sem lauk í gær. Formaður
Fiskifélags íslands segir ljóst að
mikil samstaða sé innan sjávarút-
vegsins um að fylgjast með og taka
þátt í umræðu um umhverfismál.
Þingfulltrúum á Fiskiþingi var
skipað í umræðuhópa sem fjölluðu
um ýmsar spurningar sem upp hafa
komið varðandi umhverfismál í al-
þjóðlegu samhengi, t.d. mengun í
hafinu, samstarf sjávarútvegs og
stjórnvalda í umhverfismálum, áhrif
umhverfismála á markaði og kynn-
ingu á alþjóðlegum vettvangi. I um-
ræðum spunnust talsverðar umræð-
ur um umhverfismerkingar á sjávar-
afurðum og hvernig að þeim skuli
staðið. Ljóst þykir að enn er margt
óljóst hvað umhverfismerkingar
varðar en margir bentu á að FAO
væri heppilegur vettvangur en lögðu
áherslu á að Islendingar verði virkir
þátttakendur í mótun reglna. Lagt
var til að Fiskifélagið óskaði eftir
viðræðum við stjórnvöld um sam-
starf stjórnvalda og sjávarútvegs um
stefnu í umhverfismálum. Þar komi
að, auk Fiskifélagsins, fulltrúar ut-
anríkisráðuneytis, sjávarútvegsráðu-
neytis, umhverfisráðuneytis og jafn-
vel landbúnaðarráðuneytis.
Enn er langt í land
Pétur Bjarnason, formaður Fiski-
félags Islands, sagðist ánægur með
umræðurnar að þinginu loknu. Sagði
hann umræðu um umhverfismál hafa
farið vaxandi innan sjávarútvegsins
að undanfórnu. Á Fiskiþingi á síð-
asta ári hafi umræða um umhverfis-
mál verið á almennum nótum en nú
sé greinilegt að menn hafi öðlast
meiri þekkingu og skilning á þessum
málum. En enn væri langt í land.
Nefndi hann sérstaklega að enn væri
margt óljós hvað varðar umhverfis-
merkingar á sjávarafurðum. „Ástæð-
an fyrir því að sjávarútvegurinn hef-
ur áhuga á þessum málum er auðvit-
að sú að hann vill hafa áhrif á hver
lendingin verður í þessum málum.
Ég held að allir séu þeirrar skoðunar
að sjávarútvegurinn getur ekki þag-
að umhverfismálin í hel, eins og til-
hneigingin virtist vera fyrir fáum ár-
um. Menn eru hinsvegar ennþá að
reyna að átta sig á því hvaða leiðir
eru bestar. Einnig eru menn að gera
sér betur grein fyrir því að óskir eða
krafan um betri umgengni við auð-
lindina er ekki sett fram af illgirni,
heldur er þar um sameiginlega hags-
muni að ræða.“
Mikil gagnleg vinna verið unnin
Pétur sagði menn hafa rætt í
hvaða farveg Fiskifélagið ætti að
fara í umhverfismálaumræðunni og
hvemig samstarfi við yfirvöld eigi að
vera háttað. „Við höfum greint sama
vilja hjá yfirvöldum og þar hefur
greinilega verið unnin mikil vinna
hvað varðar umhverfismál og mun
betri en þegar umhverfismál voru til
umræðu á Fiskiþingi fyrir fimm ár-
um. Ég tel þannig að í þessum mál-
um hafi mikil gagnleg vinna verið
unnin á undanfömum árum og það
verður örugglega þannig áfram.“
Pétur segir Fiskifélagið fyrst og
fremst vera samstarfs- og samvinnu-
vettvangui- aðildarfélaganna. „Fé-
lagið á að vera tæki sem greinin á að
nota sameiginlega til að menn séu
ekki að vinna hver í sínu horni eða
láta verk óunnin," sagði Pétur.
i
1
ÚR VERINU
Morgunblaðið/Golli
Gunnar Örn Kristjánsson, framkvæmdastjóri SÍF, Friðrik Pálsson,
stjdrnarformaður SÍF, Hany Hadaya, hönnuður nýja merkisins, Ólaf-
ur Ólafsson, stjórnarformaður ÍS, og Finnbogi Jónsson, forstjóri ÍS.
Efst má sjá hið nýja merki SÍF.
SÍF tekur upp nýtt merki
Endurspeglar
hreinleika
SÍF kynnti í gær nýtt merki fyrir-
tækisins. Nýja merkið er hannað af
Hany Hadaya og auglýsingastofunni
Yddu, og á að sögn Gunnars Arnar
Kristjánssonar, framkvæmdastjóra
SIF, rætur í gamla merkinu, enda
hlýtur fyrirtæki sem byggir verslun
sína á sjávarfangi að þurfa merki
sem minnir á hafið. Hann sagði liti
nýja merkisins og lýsandi náttúru-
form endurspegla hreinleika og
draga upp mynd af litbrigðum og
hreyfingum hafsins.
SÍF er í dag stærsta fyrirtækja-
samstæða í heiminium í sölu og
markaðssetningu á söltuðum fiskaf-
urðum og rekur samstæðan í dag
starfsemi í níu löndum. SIF stóð áð-
ur fyrir Sölusamband íslenskra fisk-
framleiðenda en sú nafngift verður
nú lögð niður og verður SIF aðal-
nafn samsteypunnar. Fyrir
skemmstu samþykktu stjórnir SIF
hf. og Islenskra sjávarafurða hf. að
sameina félögin undir heitinu SIF hf.
með fyrirvara um samþykki hlut-
hafafunda beggja félaganna. Að sögn
Friðriks Pálssonar, stjórnarfor-
manns SIF, þótti stjórn fyrirtækis-
ins við hæfi að taka upp nýtt merki í
tilefni ört vaxandi alþjóðavæðingar
og í takt við breyttar áherslur og
nýja framtíðarsýn. „Sem fyrr mun
SÍF hafa gæði afurða sinna að leið-
arljósi og með nýju merki er áhersl-
an lögð á gæði án landamæra, öflugt
alþjóðlegt starf með íslenskan upp-
runa í farteskinu," sagði Friðrik.
LAUGARDAGUR 2. OKTÓBER 1999 2S
Hvaða kjör ert þú ad fd?
Vid gerum enn betur
Netbankinn hefur hækkað innlánsvexti
á almennum launareikningum.
Athugaðu hvaða vexti þú ert að fá hjá
þínum banka og kíktu svo á nb.is. Þá
kemur í Ijós hvar þú færð bestu kjörin.
www.nb.is
fremstur
œsi
I agkaup í Kringlunni
verbur opnab á ný í dag
eftir umfalsveráar breytingar
• Meira vöruúrval.
• Ný vörumerki.
• Ný deild með myndbandsspólur, tölvuleiki og geisladiska
• Ný, sérstök deild fyrir herra á aldrinum 16-25 ára.
• Stærri leikfangadeild.
• Stærri snyrtivörudeild
• Meira rými undir rúmfatnað,
handklæði og búsáhöld. i^FjÖMí^V
fopnunar-J
Nýjar
voroL
gamon er
HAGKAUP
Meira úrval - betri kaup